|
اخي
انت تقؤل انها تكرر وتقول عندما طلقتها ...مااحد يفهمني !!!! حاول تعرف منها ..قول لها فهميني واسكت فهميني او اسئلها بئي وقت هي راايقه فيه وذكرها وش اللي انا ماني فاهمك فيه ؟؟ وشوف وش تقؤل ناقشها ..بهدوء....... اخي ابحث يمكن ان اهلها عندهم مشاكل او هي بمشكله ما بدوامها او مع صاحباتها او بمجتمعها به مشاكل اخي حاول فيها ان تتعالج بلقران او عند دكتوره نفسيه وانت قول حتئ انا معك ... واذهب معها اطرحوا مشاكلكم للدكتور اما انك تقؤل يافلانه وش رايك تتعالجين عند الدكتوره النفسيه !!هو عادي ولكن المجتمع وهي فكرها هكذا ولكن قول لها انا وانت وشوف لها وروحوا سؤا لهناك .... والدكتوره انت قؤل لها سابقا عن زوجتك وحالتها ..وتكلم معها قبل واتفق انت وزوجتك انكم مابتقؤلوا لااحد ......... والاهم حاول تتناقش معها بهدوء في امور الاختلاف . |
لا تدخل في معمعة أخرى قبل أن تصل لحل في مشكلتك الآن
زواجك مرة أخرى سيضاعف التعب عليك دائماً أقول مادام الحب والتقبل موجود كل اعوجاج سيعتدل بعدها مزيداً من الحكمة والهدوء والحزم في اتخاذ القرارات السليمة الصمت والزعل يزيد المشكلة ولايخمدها تكلـــــــم وقل لزوجتك كل شي تريده وماأنت ناوي عليه واترك لها الوقت والاختيار الأهم أن يكون ضميرك مرتاح بعد أن تتخذ أي قرار الله يوفقكم ويسخركم لبعض . |
اتقو الله ..كلمها فهمها اذا ماقتنعت قولها راح اتزوج مو على طول اتزوج هذا اخر حل اتفكر فيه
|
زوجتك شكلها تعابنة نفسيا فعلا او مسحورة اوانها ماتحبك
|
أخي المحتار أنا زوجه بي كل صفات زوجتك وكأنك تتكلم عني عدى أنني لا أحرم زوجي حقه الشرعي بعباره صريحه إلا نادراً جداً لكني قد أعاقبه بأن أكون جماد في الأساس أنا متبلدة المشاعر معه لعدة أسباب سأطرحها لك لعلك تفعل أحد هذه الأسباب معها 1- أكتشفت خيانه زوجيه وهذه المشكله أمتدت معي لمدة أربع سنوات بين شك غيره كره وتعب نفسي بمعنى الكلمه وعديت هذه المرحله لدرجة إنو موفارقه معي السالفه 2- أنا الرجل في المنزل أنا من أوجه أبنائي لكل شئ وأنا البعبع وهو الحبوب أنا من يجب علي أن أعلم أبني الصلاه رغم إني أطالبه بأن يقف فقط بجانبه وهو لا يقبل لا يذهب للمسجد أبداً رغم محافظته على صلواته 3- أنا من أطلب دائماً الخروج للنزهه وأحدد حتى أي مطعم سنأكل فيه وماجدولنا في العطل ولو طلبته أن يشاركني يذهب بي لأماكن مللنا الذهاب لها أي روتيني لا يصنع المفاجأت ولا يستطيع حتى التسوق بدوني لإحتياجات المنزل مع أن أغراضنا متكرره ومع ذلك لو راح لوحده يقلقني إتصالات وكأنه أول مره يشتري هالغرض مره يسأل الكتشب الكبير وإلا الصغير الصابون 6 كيلو وإلا 8 كيلو يعني مدري شقول عنه 4-دوامه من 7صباحا -5مساء وأنا بعيده عن أهلي مسافة ربع ساعه بالسياره ومافي أمل أروح لهم بدونه ونهاري بايخ وروتين في روتين فأضطر لقلب النظام أنام بعد الفجر وأصحى العصر وأولادي معاي وأيام المدارس اطبخ قبل أنام وأصحى للصلاه وقت رجوعهم واغديهم وأرجع أنام لبعد العصر بعدها أذاكر لهم وأعشيهم وينامون وهكذا طبعاً أعمد للنوم عشان ما أحط عصبيتي فيهم وهم شاقين الأرض من شقاوتهم وهو يرجع أعشيه ويجلس معانا ولا كأنه جالس نعساااااااان وتعبان وسااااااااااااااااااكت أنتظر بفارغ الصبر متى يقرر يروح ينام في غرفته عشان أرتاح نفسياً زوجي ماعنده أصدقاء يروح يسهر معهم أو حتى يطلع معهم أو يتابع معهم مباريات عشان ينشغل عني أبداً كل ربعه بمدينه ثانيه مايشوفهم إلا كل شهرين مره وأهله مو جنبنا برضوا بمدينه ثانيه يعني ماله أحد غيري ومع ذلك مو شايفني ماتفرق معي لو تزوج لكن أول شئ يطلقني ويروح بحال سبيله عايشه معه بس كذا عشان أولادي لكن والله لو تزوج حتى أولادي ماراح أفكر فيهم لأنهم نقطة ضعفه ولايمكن أخليه يحس أنهم نقطة ضعفي أبداً مع إني مستحيل أفرط فيهم طبعاً آخر موقف صار لما هنيته بشهر رمضان برساله وكتبت له فيها إني أحبه وللعلم الرساله هاذي أختي راسلتها لزوجها وقلدتها وليتيني ماسويتها أكتشف إنه راسل لكل أصدقائه وحتى إللي ناسينه وقليل من عبره منهم وأنا أستكثر حتى يرد على رسالتي وسكتت ولما أشتاق لي جاني بس ماهان عليه ينطق أشتقت لك ويموت ولا يقولها بالعربي أنسان بعيد كل البعد عن الرومنسيه بنقول مانبي رومنسيه نبي حنيه أبي رجال يحسسني إني أنثى عشان أحسسه إنه رجال إذا أهتميت بنفسي ولا كنه يشوفني ولو بيقول كلمه حلوه يبيي حقه الشرعي أنا أبي أسمع المدح منه زوجي لا يعاني ولله الحمد من أي مشكله صحيه وعلاقتنا الخاصه تخطت المشاكل لكن لو أهملت نفسي مستحيل يقول ليه وش فيك عادي عنده حلوه وإلا شينه بزينه بدون زينه ريحتي عطر وإلا مطبخ كله واااااااااااااحد لو أنا أبادر في كل شئ عادي عنده ولا يمكن يبدل طبعه تعبت معاه والله تعبت عذراً دخلتك في متاهتي لكن والله إني أتشارك مع زوجتك في أغلب صفاتها وهاذي أسبابي تبلدت بكل ماتحمله هاذي الكلمه من معنى للأمانه مايرفض لي طلب أبداً آسفه للإطاله |
خذها شييييييييييييييييخ,,
بدون تأخير وبدون استشاره منها,, واستغل هالشهر.. لاتتأخر ابد (لو تبي ترتاح) |
بسم الله الرحمن الرحيم .طبعاً ربما هذا اول رد في هذا المنتدى الاكثر من رائع واتمنى انا اشارككم في طرح المواضيع كذلك الردود اخي العزيز.. انت لست مجبور عليها وبأمكانك ان تتزوج من اخرى ولكن ضعف الإيمان اللذي حصل نظير ماتفعله زوجتك فهذا ربما يكون اختبار من رب العالمين ف اصبر يا اخي العزيز واذكر الله كثيراً فحاول قدر المستطاع في غض البصر ولا تترك مجال للشيطان يجعلك تنحرف من اي امر كان أعانك الله وأغناك لحلاله عن حرامه وبفضله عمن سوا . أتمنى أن اكون قد اصبت في الرد وإن أخطأت فهذا من نفسي ومن الشيطان . اللهم اغننا بحلالك عن حرامك وبفضلك عمن سواك ولا تجعل الدنياء اكبر همنا ولا مبلغ علمنا واجعل الجنة هي دارنا وقرارنا |
أخي الحبيب
أولاً صلي صلاة الأستخارة قبل أي شئ ثانياً لا يكلف الله نفساً إلا وسعها خوفها بالزوجة الثانية وأن لم تخاف فهي والله أعلم في حالها هذا تعتبر ناشز أهجرها أنت وتزوج عليها وحاول بحكم بينكم من أهلك وأهلها والله أيفرج عنك ولكن أياك والأنحراف فالله يمهل ولا يهمل والجزاء من جنس العمل أياك ثم أياك وعليك بالصوم إلى أن تتزوج أو يقضي الله لك أمراً |
سلام
ارح المرأه نفسيا ترحك جسديا
اكيد هي عندها مشاكل وترسبات نفسيه قديمه وترى البنت ماتحب الرجل الضعيف تكرهه الى الحد الاخير[/QUOTE] لا تحكمين على كل البنات الناس معادن و بالعكس شخصيته مو من الضعيف بالعكس من الكاظمين الغيض و هذه شخصيه رائعه بس من يقدر الناس الي مثل شخصيته تنحط على العين و الراس بس للاسف زوجته رفست النعمه برجليها و في النهايه اذا اكرمت الكريم ملكته و ان انت اكرمت اللئيم تمردا و زوجتك يا اخي المحتار مع احترامي الشديد لك لئيمه صدق الي قال (يعطي الحلق للي ماله اوذان) الله يوفقك يا اخي و يسعدك و يعوضك خيرا و لا تنسى ربنا هب لنا من ازواجنا و ذرياتنا قرة اعين و جعلنا للمتقين امام |
وش صار لموضوعك اخي الكريم
|
| الساعة الآن 07:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©