|
صابرة مشكلتك الاساسية عدم الاستقرار مع زوجك
هذا الشي أعطى مجال له بعدم تحمل مسؤوليتك كاملة بالاضافة لتـأخر موضوع الحمل يعني حياتك كلها زيارات متفرقة ما فيها استقرار دايم و بيت زوجية يعني زوجته ما تعودت على وجودك بحياته لفترات طويلة ولا حتى انتي تعودتي على حياة زوجية هادية مستقرة حركاتها هذه بتخف بتعودها على وجودك كحقيقة دائمة في حياته وحسب كلامك انتي التي فضلتي هالنوعية من الحياة لأنك مرتبطة بأشغال مع أهلك باستقرارك بتكوني أسرة وبيت وحياة اجتماعية وبتنشغلي بنفسك وبحياتك وما بتحصري فكرك في شكوك لزوجك |
تم دمج الموضوعين لترابط المحتوى
|
انت زوجة بغض النظر من تكون اولى او ثانية انت زوجة لك حقوق كاملة
ومن حيث رسائلها انت نفسك انتقدتي فعلها لذالك لاترسلي في يومها ابدا كوني افضل ارسلي له في عمله وغير ذالك من الاوقات وحاولي قد المستطاع ان لاتسافري يكثرة من اجل حتى لاتسفرد به في ايامك ومن اجل حصول حمل بأذن الله ومن اجل جعل لك بيت مستقر وليس شقة مفروشة ايجارها شهري والله قلبي معك واريد لك الراحة والاستقرار ولاتنسي مكانتك في قلبه ومكانته في قلبك لذالك اطمئني رزقك لن تأخذه مادام الله مقدره لك |
اقتباس:
تالينا انا عقلي كبير لكن عاطفتي صغيرة وهذا ماسبب لي زعزة بحياتي معه انا قررت ماقلتي عليه نسيت شموخ نفسي ونسيت كل شئ فيني زين اليوم بحكيلك وش صار طبعا انا ارسلت له رسايل اباحية على بيبي وهو كان نايم وهي اخذت الجوال وقرتها المهم جا وصلني السوق وقالي ترى قرت كل الي كتبته ,,قال ملامح وجهها تغيرت بس لو فتحت معي الموضوع ابعطيها على راسها واوريها اشلون تفتح جوالي وانا نايم ..ملحوظة يا تالينا ترينه اول كان يقولي عمرها مالمست جوالي ولا تعرف الكووود!!!! قلت اشلون عرفت الكووود واخذت الجوال وقرت كل شئ وانت جوالك برقم سري قال يمكن لقطته وهي جنبي!!! هنا انا اكتشفت شي ماكنت اعرفه وعرفت انها هي تجسس على جواله وكان او يعايرني ويقول ترى هي ماتقدر تقرب لجوالي ابد...المهم طلع عكس ذالك وانا عمري ماتجسست على جواله ولكن لو جاته رسالة وهو جنبي اقوله من ارسلك بس والا ترين عمري مافتشت بجواله وهو نايم ولا تجسست لاني اخاف من التجسس واخاف انصدم بشئ المهم قلت له ترى الي ارسلت لك نقطة في بحر ولو احطها براسي ترى بعدمها ..بس قلت له تراني ندمت انه مو من اخلاقي ادخل مع الناس بحروووب وشوموخي مايسمح لي انزل لمستواها وارسلك زيها لاني ماني متعودة ارسل شي مو من قلبي...قال لا ارسلي عشان تعرف ان الله حق وتبطل تجسس على الجوال وتستاهل مايجيها...قلت يعني تبيني اصير لك كبش فدا؟؟؟ قلت انا عمري ماكنت جسر ولا ابي هالاسلوب وخلاص تبي ترسلك براحتها انا حبي لك يختلف واكبر من اني ارسلك رسايل من النت وخراط فاضي..المهم قالي اذا صرت يوم الخميس بايت هناك رسلي صباح الجمعة على بيبي وبحط جوالي على الطاولة واسوي نفسي نايم واشووف بتجسس ولا لا قال ابي امسكها متلبسة ...قلت له اوكي ولكن انا راح اغير له توقعاته وماراح انزل لهالمستوى ..تخيلي اليوم يقولي قالت له لا تتاخر برى قال اول مرة من 15 سنة تقولي كذا ويقولها وهو فرحان ومبسوط !! قلت مبسوووط ؟؟ قال لا ابد عادي قلت له انت تبغى تادبها على ماسوت فيني يوم الجمعة وحرقت اعصابي ولا عشان التجسس بس قال عشان الاثنين!! وقتها وصلني كل شئ من زوجي وصلني فعلا انه يبغى بس يرضي غرروه على حساب امراتان لو هو فعلا يخاف على شعورنا احنا الاثنين كان سعى انه يرقق قلوبنا اتجاه بعض وانا ذكرت لكم هالشى في البداية وقلت لكم انه هو يبغاني اغار منها بالقوووة قلت له انا ماغار منها لو مدري وش تسوي انا واثقة بنفسي لكنه طول هالمدة يحاول ويحاول انا لو اقعد اسوي مثل ماتسوي هي من رسايل ممكن اصحيه واخليها تفوووق بس انا قررت اني اغير توقعاتهم هما الاثنين وصدقيني يا تالينا ان كلامك فعلا هزني وانا من الان مو صابرة الي تعرفيها انا انسانة ثانية احبك |
اقتباس:
ويوم طلبت تشوفني لاول مرة جلسنا نتكلم وقلت لها ترين انتي الكل بالكل وانتي ام عياله وزوجته الاولى وجبت لها هدية عربون محبة اقسم بالله اني جبت لها نفس عطري الي احط منه.. يوم سافرنا باريس اخذته لارقى المحلات يشتريها والله اني اخترت لها كريمات الجسم والوجه والعطورات بنفسي ...حتى شنط انا الي اخترت لها واقوله اشتري لها ...وقلت مو مشكلة حتى لو ماتشتري لي ماهي مشكلة عادي اقول انا معي راتب واهلي يعطوني هي الي ماعندها الا زوجها تريني مو شينة يامهرة اقسم بالله لو انها ذكية كان كسبتني اخت لها والله لو زوجي زعلها لا اوقف معها...بس مخها مااااش وعقلها صغير جدااااا...هي السبب وهي الي دفعته يتزوج عليها في وحدة تكلم خطيبة زوجها بالتلفون؟؟؟ هل هذا يعقل لانه كان خاطب قبلي وكان يروح لهم البيت ويعلمها وهي راضية كل الرضا عنه وتمهد له الطريق..ومن قابلتي قالت لي بيني وبينها قولي لزوجنا يخليني اطلع معك البيت اشوف بيتك..وانا عندي خصوصيات البيت ماكنت ابغاها تشوفها ورسلت لزوجي مسج وحنا بالسيارة قلت له اذا قلت لك خلي فلانة تطلع معي البيت قول لا يامهرة حتى لو تبغى تصلح من نفسها تصلح بطريقة ماهي واضحة وصريحة لدرجة انها تصير سامجة يوم ترسل رسالة ورى الثانية والمصيبة انه يطنش الرسالة وربي البيت لو مكانها مارسله انا بيوم تهاوشت معه ورحت جلست بالهدا يومين بين الجبال وقسم بالله كنت ارسله رسايل تهد جبل من شوق وحب واحتياج له وكلها من قلبي لدرجة اني لمن كنت اكتبها دمعتي تسبق عيني قبل لا توصله الرساله شفته ماتجاوب معي وقفت ايتز اي نووووف كنت اقوله احبك ولا يعرف قيمة هالكلمة وقفتها يوم سافرت لانه ماعرف قيمتها يعني لا تتوقعين اني طايحة على وجهي واني رامية نفسي عليه والله ثم والله لو اعرف انه مايحبني والله ماجلس معه دقيقة وتبقى كرامتي فوووق الحب كله...لكن ترى هالرجل تعذب لين وصل قلبي نزلت دمعته عشاني لا هي مرة وهي مرتين..وكنت اطلب من الله انه يحببني فيه عموما يامهرة انا يمكن عاطفتي صغيرة بس ترين عقلي كبير يمكن خانتني الحكمة وخان الوقت والظروووف وخاني الحظ ومع هذا فانا محظوظة بامور كثيرة صدقيني امور بحياتي تتسخر زي الريح اللهم لك الحمد ..والله لو هي ذكية كان صادقتني وصرت انا واياها زي الخوات والله لا احبها واداريها بعيوني بس ماتستاهل صدقيني |
الله يعطيك العافيه عجبني كلامك الله يوفقك ويشرح صدرك ويريح بالك
صابره نصيييييييييحه من كل قلبي حطي الله قدام عيونك أهم شي يالغاليه رضاه هو سبحانه وتعالى أولا وتشوفين كيف يرضيك يعني لو سوت شي هدفها منه يقهرك وينكد عليك لاتردين عليها بنفس الأسلوب لها رب يحاسبها ونفس الرب يؤجرك على صبرك ويعوضك اسالي مجربه كم ناس اسائوا لي ووالله ماكنت أكلمهم حتى تجنباً للمشاكل ووالله ينصرني ربي عليهم ولو بعد حين |
اقتباس:
قلت يالله لهالدرجة انا بصير خبيثة نفس صدقيني ماقدرت اذا هي تبغى تخرب علي الله حسيبها وترينه قالي رسلي لي بالليل والليلة هو عندها والله مارسلت ولا راح ارسل مهما كنت ضعيفة بالحب الا ويبقى مابداخلي نظيف وقوي الله اكبر عليها دنيا يا احب زوجي صدقيني المعدد مايفكر الا بنفسه انا اقتنعت الان بعد الي شفته لو زوجي كان يحب راحة باله وكانت عنده حكمة ورجاحة كان حرم علي وعليها ارسال اي رسالة بيوم الثانية عشان مايربي الحقد بينا ولكن هو يتلذذ بهالشي وانا ماراح اعطيه جوه لاني مو كبش فدا لا له ولا لها خلها تشبع فيه انا بسافر واتركه لها طابت النفس ياحبيبتي |
صبآحك رضآ من الخالق ..
اختي العزيزه صابره،،اللي سويتيه عين العقل لاتحاولين توضحين لزوجك انك مقهوره او زعلآنه منها.. لان بعض الرجال مايحس بإحساس المرأه بالعكس يصفه غيره طفوليه ونقاصه عقل منها تقربي من نفسك اكثر أقراي كتب تلهيك عن التفكير" اثبتي لنا ياعزيزتي إنك جد تغيرتي نفسياً :D اسال الله العظيم ان يرزقك الذريه الصالحه عاجلا غير آجل .. البرنسيسه .. |
اقتباس:
بما أنك طلبتي رأيي بالإسم , سأقول ما أراه بكل حياديه بدون أي مجامله . أختي الفاضله ركزي جيداً بما سأقوله لكِ رعاك الله مشكلتك لها سببين رئيسين : الأول : زوجك هداه الله الثاني : أنتِ أصلحك الله زوجته الثانيه لا علاقة لها أبداً بمشكلتك لنبدأ أولاً بزوجك : زوجك لا يحسن العدل بينكما , وهو من يذكي نار الغيره ويؤجهها بينكما من خلال كل كلامك عن زوجك هو يستلذ بتهافت النساء عليه ويتعمد ذلك , ويشعل غيرتهن ويأنس لذلك . تأكدي أنه كما يشعل غيرتك فهو يشعل غيرتها أيضاً , وهذا يتنافى مع أقل القليل من الحكمه التي يجب أن يتحلى بها المعدد . لن أطيل الكلام عنه كثيراً , ولكن باختصار : لا تكوني ضحية لتصرفاته الرعناء ووقوداً لها ثانياً : أنتِ أنتِ لا يناسبك الإسلوب الهجومي , أو أن تتعاملي مع الناس بالمثل لأنك متسرعه نوعاً ما وعصبيه , وقد تأتين بتصرفات تعود عليكِ بالندم , وتضيعي وقتك لإصلاح ما أفسده تسرعك وعصبيتك . لا تهتمي ابداً لأي رسائل ترسلها زوجته بيومك ولا تفتحي جواله لو أرسلت , وحتى لو طلب منكِ ذلك بنفسه , لا تستجيبي لا ترسلي شيئا بيومها , وتأكدي مع مرور الوقت بإذن الله ستتوقف رسائلها . هناك من نصحك بإرسال رسائل بيومها وتعامليها بالمثل هذا الإسلوب قد يناسب شخصياتهن وقدراتهن على مواجهة الموقف ولكن بالنسبة لكِ لا أؤيد هذا الإسلوب ولا أرى أنه يناسبك ولا تنسي أختي أنك مطلقه مرتين , وقد يغضب منك يوما ما وتشحنه الأخرى عليكِ وتأتيك الطلقه الثالثه . هناك في بيته الآخر زوجه غيوره وأطفال وإزعاج عوديه أن يجد الهدوء والسكن لديكِ حيث لا أطفال ولا إزعاج , وزوجه هادئه وديعه تحفظ لسانها ولا تذكر الأخرى بسوء عندما يكون عندك تفاني من أجله كزوجه , وكأنه المخلوق الوحيد في هذا العالم , وعندما يغادرك لها استودعيه الله , وكفى . الرجل ضيف في بيته , وزوجته هي المضيف فكوني نعم المضيف ليكثر الضيف زيارته ويطيلها عندك . __________________ آمل منك ومن أخواتي الفاضلات مشاركتي في موضوعي http://www.66n.com/forums/showthread.php?t=220938 |
حبيبتي انتي يبالك تتغلبين على عصبيتك وانهيارك امام زوجك لانه سبب لبروده وردت فعله في التطنيش وطبيعي في الرجل هالصفه ...حياتوا انتي ماتزوجتي زوجك الا وانتي عارفه انه عنده زوجه تتحملين كل ماياتي من الاولى لابد ان تتحلين بنوع من الفطنه والذكاء وزوجته الاولى ليست احسن منك يحتاج منك ثقه في نفسك اذا كان معاك تعملين له جو ينسيه الاولى والمراه ذكيه لا تحتاج لتعليم ماتفعله لا تقضي وقتك معاه في نزاع على حساب زوجته الاولى دورك تنسيه كل التعب اذا كان عندك لك من كل الحب
|
| الساعة الآن 04:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©