أخي رجل الرجال

احترم رأيك

وشكرا لك

جان انتهزت فرصة بكاءها وقلت لها الحقيقة

بهالحالة ما سوينا شي


بنرجع من نقطة الصفر



الله يعينك

الأخ الكريم مهزوم للأسف زوجتك ما أستقوت وقالت وعيرتك بإعاقتك إلا إنها شايفتك ماعندك ثقه بنفسك وشافتك ضعيف قدامها وحست بتنازلاتك لها وسكوتك عنها خلاهاتتجرأ عليك زياده معليش يا خوي أنت بنفسك تحتاج ثقه كبيره حتى ماتحس بالنقص إللي عندك يا أخي الإعاقه في العقول وليست في الجسد أنت تشوف نفسك ماتصلح تكون زو ج لهابسبب إنك أعر ج يا أخي وش ذا التفكير عليك يا أخي أنت في نعمه من الله وإذا شفت مصائب الناس تهون عليك مصيبتك يا أخي فيه أناس حالتهم وإعاقتهم أصعب منك بكثيروعايشين حياتهم راضين بما كتب الله لهم عندهم ثقه في أنفسهم ويقدمون خدماتهم لناس وهم مقعدين ناجحين في حياتهم ومنهم الداعية الشاب عبدالله بانعمه هاذا مصاب بشلل كامل سبحان الله لوتشوفه مافيه إلا عيونه يحركها يمنه ويسره ولسانه يتكلم فيه وآذانه يسمع بها وباقي أعضائه كلها مشلوله يداه قدماه كلها مشلوله مايتحرك منه شئ وتزوج قبل سنة ونصف أو سنتين تقريبا وكان عرسه منقول كاملا على قناة بدايه
وإعاقته ماكانت سبب في إحباط معنوياته يسافر من دوله لدوله لدعوة ولإلقاء المواعظ على الناس وهو على كرسي متحرك وعندك في قناة الإخباريه برامج إسمه منارات يأتي إسبوعيا مقدم البرنامج معاق على كرسي متحرك عنده شلل نصفي ولوتشوفه كيف ياخذ ويعطي مع ضيوف البرنامج والإبتسامه شاقه وجه وباين عليه الراحه النفسيه حتى
من طريقة كلامه مع المتصلين والمشاركين وغيرهم كثير ولو كان ماعندهم ثقه في أنفسهم كان مابرزوا وطلعوا وسطع نورهم لناس يا أخي الإنسان لازمه ثقه كبيره بنفسه وقوه في شخصيته علشان الناس تحبه وتحترمه إذا أنت مافيك الصفات إللي تجعل من حولك
يقدرك ويحترمك مافيه أي أحد بعدها راح يحسب لك حساب لأنك أنت تصنع الإحترام لنفسك وذاتك بين الناس بأسلوبك وطريقة تعاملك تخلي من حولك يعرف كيف يحترمك ويحسب لك ألف حساب قبل مايتفوه عليك بأي كلمه أنت أعرج فضيلة الشيخ إبن باز رحمه الله أعمى وكان عالما فقيها زاهد وكان مفتي عام المملكه وكل العالم الإسلامي يحبه ويحترمه وهو أعمى أي إعاقه أشد العمى أم العر ج
يا أخي لاتخلي مجرد كلمات من زوجتك تحبطك وتحسسك بأن أنت لاقيمة لك في الحياة أنت من كلام زوجتك تسلل اليأس إلى نفسك وصار عندك شعور داخلي بأنك ماتستحقهانفسيتك تأثرت بكلامها جدا وهاذا واضح من كلماتك الأخيره أخي الكريم
أعد حساباتك جيدا وإرفع همتك وزد ثقتك بنفسك وإصنع إحترامك بنفسك أنت زوجتك لو أنت من أول لحظه تلفظت عليك بكلام جار ح وأسأت إليك وحينها نهضت وقلت لها إخرجي من بيتي من لايحترمني ولايقدرني ليس له مكان في قلبي ولا بيتي إذهبي لبيت أهلك غير مأسوف عليك وسأتي بمن تحترمني وتقدرني وتعرف قيمتي ومن هي خيرا منك وتركتها فترة من الوقت في بيت أهلها حتى تأتي إليك وتعتذر منك بنفسها كان ماتمادت لهاذا الحد في إذلالك وإهانتك لاكنك كل ما تلفظت عليك بكلام سيئ أنت تبتسم لها وتضحك وهيه تعودت إنها تطول لسانها عليك زياده ثم هناك نقطه أخيره زوجتك تحبك بس هاذا طبع فيها وأنت عودتها عليه بعدم أخذك موقف حازم من تصرفاتها وطريقة كلامها ودليل حبهالك إهتمامها فيك أول شئ تمنعك من ممارسة الرياضه خوفا عليك علشان ماتجيك إصابه وتتعور ثاني شئ إهتمامها برجلك المصابه وتفصليها لك حذاء طبي خاص
وثالث شئ تجهيزها بعض الوجبات بنفسها ودعوتك للأكل معاها بالرغم من وظيفتها الشاقه ورابعا مافيه شئ يجبرها تتمسك فيك إذا كانت ماتحبك ولاتريدك كان طلبت الطلاق منك بالذات إنها معتمده على نفسها ماديا خامسا تهتم وتحس بزعلك وتحاول تراضيك بأي طريقه بالرغم من عدم فهمها لمشكلتك الأساسيه فهي تحاول تراضيك بس أنت ماشرحت لها ولافهمتها باللي يدور في نفسك وإللي مضايقك منها هي إنسانه لاتعلم الغيب ولاتدري ماالذي في خاطرك ولاتوقعت إن كلامها مؤثر في نفسيتك لأنك أنت عودتها تسكت لها فمافيه قدامك الحين إلا الجلوس معها والتفاهم على نقاط أنت توضحها لها فهي لم تعد زوجة فقط بل صارت أم لإبنك فحافظ على بيتك وكن إنسان صريح معاها وفهمها بالشئ إللي مضايقك وبإذن الله يتعدل الحال نسأل الله لك التوفيق والسعاده في الدنيا والآخره .








‏ ‏

الأخ "منتصر"
بنت الحكمي حطت يدها على الجرح .. وحقيقة استغرب عدم انتهازك لفرصة فتحها لموضوع الزعل .. وانهزامك في تلك اللحظة وتفويت الفرصة .. فهي فاهمة زعلك لأمر وانت زعلان عشان شي تاني .. يعني هي بتفكر ليش زعلان .. طيب قلها ليش زعلان .. مو ترجع تلوم نفسك ..
قم بارك الله فيك .. وسوي اللي عليك ووضح لها الأمر بحزم .. واضغط على مشاعرك شوية ..
وربي يوفقك .. ونسمع اخبار حلوه ..

الصفعة للرجل من المرأة قاسية جداً
وما فيه اشهر من صفعة بو عزيزي الي بسببها تعرف وش صار من سقوط رؤساء دول وحروب ومشاكل بالعالم وهدايا للشعوب ووو مازالت تأثير الصفعة جاري حتى الآن .. لدرجة أنه زاد راتبي بفضل الله ثم بفضل صفعة بز عزيزي


عموماً بعيد عن موضوع الصفعة ..

هل زوجتك تعمل في مجال في اختلاط ( هل تختلط مع رجال ) ؟


واخيراً اعتقد اهم صفة ترغب كل زوجة أن تكون في زوجها هي قوة الشخصية والحزم
وأنت لا تملك هذي الصفات

ونصيحتي لك .. هي أن تيقن تماماً بأن حل مثل هذي المشاكل الي عندك ما تكون بجلسة وحدة او بيوم واحد
انت تحتاج وقت طويل شوي وصبر

يعني مثلاً لو رحت اليوم وغيرت اسلوبك وسويت شخصية قوية وحازم .. تراها بتجلس تضحك عليك لأنها بتعرف أنك تحاول تغير شخصيتك
لكن حاول أنك فعلاً شخصيتك تتغير ، وفيه كتب وشغلات تعلمك كيف تغير شخصيتك

لا الوم زوجتك ابداً .. ونسمع عن كثير من الزوجات فضلن الطلاق على العيش مع زوج شخصيته مرتبكة