|
قلبي طفل
الله يكتب لك بكل حرف كتبتيه حسنات كالجبال ياربيه وانا اقرأ اخر كلامك دمعت عيني بس مو من الضيقه من الراااحه الله يسعدك دنيا واخره |
أختي الغالية
هونيها وتهون زواج الأصغر شيء طبيعي جدا وصار يتبع في كثير من البيوت كل شيء أرزاق وربما الله كاتب رزقك بعد أختك أفرحي لاختك وبالعكس أضهري لها فرحك وترى فرق السن بينك وبينها صغير يعني سنتين لما خطبت بنت أختي وهي كانت تعيش معنا في نفس البيت رفضت لاني خالتها وأكبر منها ولكني كلمتها وقلت لها لا تلبسيني ذنبك إذا الرجل صالح وأنت مرتاحه له فلا تؤخري رزقك بسببي الامر صعب أكيد ومحرج ولكن كل شيء أرزاق أختي الاصغر مني أنخطبت وبنات أخواتي تزوجن وأحداهن أبنة 19سنة وما شاء الله عليها متزوجه والكل يستغرب لاني كما يقولون أجملهن ولكن كل شيء نصيب نقول دائما وأبدا الحمد لله على كل حال والله يعوض علينا بأزواج صالحين اتقياء أستعيذي من الشيطان الرجيم وإستغفري ربك وأذهب لاختك وباركي لها هذي نصيحه من أختك لك |
من قالك ان الناس بتتكلم وتتشمت...لا ياعزيزتي انتي يتهيألك...
كثير صارت الاخت الاصغر تتزوج قبل الاكبر ولاعمرنا تكلمنا ولااحد قال تزوجت قبل اختها الي اكبر...بس انتي متوهمه احضري زواجها وتشوفين كيف بكره يجوك الخطاب..بعد زواجها..ولاتشيلين هم...حرام المفروض تفرحين لها.. |
الحمدلله على كل حاااال
حبيبتي ليه الغرووور الناس ماتتكلم لما يكون هالشي عادي ودارج بالمجتمع اللي انا فيه والبيئه اللي حوولي بس اذا كنتي اول انسانه يصير فيها هالشي بتكونين محط انظار وتحت السنه العالم كلها اللي ينظر من باب الشفقه واللي ينظر من باب الشماته وغيره وغيره استوعبتوا هالحين ياعاالم والله انا اول وحده يصير فيني كذا محد من اهلي ولا جماعتنا زوجوا بناتهم الصغيره قبل الكبيره ولا حتى صديقاتي ولا صديقات خواتي ولا حتى المعلمات عندي بالمدرسه تدرووون اني نقصت 3 كيلو هاليومين بديت احس بخيرة الموضوع :) يالله ياربي ياكريم هون علي مصيبتي وعوضني بالزوج الصالح عاجلا غير اجل واربط على قلبي بالصبر واحتساب الاجر انا وكل من قرت كلماتي ياكرييييم |
الله لايلوم الي يلومك
شعورك تجاه خطبة اختك طبيعي جدا وماتنلامي عليه وبالاخص انو اختك من النوع الغيور وانا اكره هالنوع من الخوات لان اختي غيوره وتعايرني بعد انه انا للحين مانخطبت وهي يجيها خطاب كثير وتعددهم قدامي شفتي كيف ! احمدي ربك اسم ان اختك محترمه ماعايرتك زي الي عندي حسبي الله ونعم الوكيل فيها يارب حلك شي واحد الجأي لربي وبس لانو حلك بيده سبحانه لابيد ام العريس ولاامك ولا الخطابه ولاغيره يارب يامجيب الدعاء ترزقني وترزق الاخت اليمامه وجميع البنات إلي ماتزوجو الازواج الصالحين الي يخافو الله فينا ويحبونا ويحترمونا وترزقنا الذريه الصالحه الي تسعدنا اكثر واكثر |
اقتباس:
|
انا كل استغرابي من موضوعك وعنوانه
عذراً على كلماتي اللي سأقولها لكنها تجول بخاطري كثيراً هل تريدين لأـختك قدراً سيئا كي تفرحين ! لو كنتِ بمكان اختك هل سترفضين ؟ اني لأتعجب لأمرك جداً انا حقا لااعلم ماهي علاقتك بأختك لكني لو كنت مكانك لأتمنى لها حياة اسعد من حياتي ثم ان قطار الزواج لن يفوتك .. فأنتي لن تبقي في بيت ابيك بسبب ان زوجتك الصغرى تزوجت قبلك أنتي لاتعلمين من قد يتزوج قبل .. لـ ربما انك قد تخطبين في حفلة عقد قرانها ويكون تحديد زواجك قبلها ,, ووتضحكين على نفسك وبكائك سابقاً همسة بإذنك عزيزتي : الزواج ليس كل شيئ في هذه الحياة |
خلها تجرب وتعايرني والله لا العن خامسها
بس اختي ما تسويها مهما صارومهما كانت غيوره بالنسبه لك اختي مغروره فيك<<صحالاسم كيذا أنا ما أتمني لاختي اي شي سيئ بس ليه هي مارفضت والله والله انه تقدم لأختنا اللي أصغرنا اثنين ورفضتهم عشان مشاعرنا بس هذي وافقت وبدون حتى ما احس انها زعلانه علي او حتى متألما ومتندمه وانا معك ان الزواج مو كل شي بالدنيا بس هذا ينطبق على الناس اللي لها هدف وطموح تسعى له مواللي بنت كل حياتها واحلامها في تاسيس بيت وزوج وعيال وخلت هالشي رسالتها في الحيااه فهمتيني يالغلا :( |
عزيزتي اليمامه
انا ارى ان المفروض اختك ماتزعل ولا تندم ولا تتألم لآن الموضوع يفرح .. ممكن اهي تكون سبب خطبتك ~ مع اني واثقه انها متألمه عشانك والدليل انها تتحاشى ان تواجهك ولكن المسأله مسألة نصيب فكري زين وخلي اختك وامك يفرحون وافرحي معهم ترى الناس مارح تطالعك بذيك النظره الا لأنك تطالعين نفسك بهالنظرة النصيب جايك جايك سواء كنتي بعد اختك او قبلها استهدي بالله وصلي لك ركعتين وتمني لأختك حياة سعيده صدقيني اذا دعيتي لها بالسعادة رح تنسعدين بحياتك |
حبيبتي اليمامه عـــــــــــــــــــــــــــــــــادي ايش فيها ان اختك الصغيره تزوج قبلك انا ع 26 وعلى قدر من الجمال واختي اصغر مني بثلاث سنوات وقبل ست شهور اتزوجت والله مازعلت وانا الي جهزت عفشها ورتبته في بيتها وفرحتلها وكانه انا وكنت اروح معاها السوق كل يوم تعبت معاها والحين هيه حامل وفرحتلها كثير ..حبيبتي الزواج قسمه ونصيب وخليكي واثقه من نفسك لانك كل ماكنت واثقه من نفسك كانت نظرت الناس لكي احلى ... والله لما اروح مناسبات الناس تذكر الله من كثر اهتمامي بنفسي وجمالي وثقتي بنفسي .. خلي روحك عاليه كل ماكانت روحك عاليه كل ماقدرتي تواجهي العالم الي حويلك بكل ثقه .. ماخليت مناسبه مارحتها واكون اخر شياكه وجمال وثقه بس لسى النصيب ماجاء كل انسان والله كاتب متى بيجي نصيبه لاتستعجلين على رزقك .. ولكي كل ودي واحترامي ...
|
| الساعة الآن 01:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©