|
الغريب تقول : ماديته ممتازة و يقدر يفتح أربع بيوت لكن صار به ظرف > ما يخالف
لكن شلون قدر على إيجار البيت و فرشه ؟ شلون تمدحين بسعادتك معه من ثلاث أسابيع بس ثم تجتاحكم موجة القحط هذه ؟ تبيعين ذهبك و يروح بسداد الدين > ما يخالف لكن متى تدين ذا كله ؟!! سيدة الموقف لاحظت و ربي إلي تقولين !! يختي في الحديث الصحيح " ما آمن بي من بات شبعان و جاره جائع إلى جنبه و هو يعلم به . " خرجه الألباني في صحيح الجامع - 5505 فكيف أخواته و أخوانه يعلمون بحاله و ساكتين ؟ كيف أمه و جيرانه ؟ كيف هو نفسه يفلها يبي رقص و سعة صدر و أنتم بالأيام ما تاكلون ما فكر بحالك ؟!! يختي ما جاك هبوط ؟ انخفاض بالضغط ؟ نزول بالسكر ؟ سيارة ما فيها بانزين ، ما تقوون حق التمر ، تاكلون مكسرات لاقينها بالسيارة ، تمسحين المطبخ بملابسك !! حسستيني أنكم تحت خط الفقر و الغريب تشاورين : أكلم واحد من أخواني و أشتري إلي أبي و لو حنا كاتبين هالحل كان قلت دقيت عليهم كلهم مشغولين ! هو ما يرضى آخذ من أهلي ! أهلي بيكتشفون وضعي و بتصير مشكلة ! >> صدعت من التفكير صراحة بس أنا إنسانة أعز المنطق كلمينا بالمنطق عشان نفهم |
!!!!!!!!!!!!!!!!!!!!!!!!
ياختي خوذي من اهلك اللي تحتاجينه وانتهت المشكله .. واهلك تجار ما عليهم خلاف .. لا تقولين عيب وما عيب .. العيب بقاءك هكذا بدون أكل ولا شرب ولا حاجات اساسيه .. خلك صريحه مع اهلك وقولي لهم الصدق : زوجي والنعم بس حصل له ظرف ما قدر يحصل فلوس مو معقوله يبي يخلونك كذا ,, ولا اعتققد ينقص منهم لو اخذتي منهم شويه فلوس وزوجك يبي له قرصه مع اذنه علشان يتعلم يقدم الاساسيات على الثانويات .. مو من المروءة ان الرجل يترك اهل بيته ويعزم غيره ... بلا كرم بلا بطيخ .. بالعكس اسمه بخل على اهل بيته... بالله ايهم أهم يسدد الدين ؟؟ او يترك اهل بيته جياعا لا اكل ولا شرب ؟؟؟ ايا كان الظرف ما يقدمه على حاجة اساسيه زي الاكل والشرب ... الاسلام اباح للمضطر اكل المحرمات من لحم خنزير وغيره على الرغم من اضراره... كله علشان ما يهلك جوع وزوجك الله يسلمه مقدم الحاجة الثانويه من تسديد ديون وعزايم واعطاء امه على حاجة اساسيه وضروريه مثل الاكل والشرب ...ماقول الا الحمد لله والشكر .. |
زوجك ماعنده حسن تدبير ولا مسؤولية
وانتي ضعيفة الشخصية واذا استمريتي على هالشيء بتلقين نفسك بالشارع والناس ماراح تلوم الا انتي على فكرة لو الرجال بضسقة ومديون وحالته حالته ويوفر القرش لك كان ايدتك لكن زوجك مخليك بذيل القائمة مدري اهمال , طناش , انعدام مسؤولية؟ والمشكلة مسوي رجال وعنده كرامه ويبيع ذهبك؟ ويعطي امه اختي انتي صادقة بهالقصة ولا وش السالفة ؟؟؟ صراحه شيء غريب |
مو غريب اللي يمر فيه زوجك
كلنا نمر بظروف صعبه وأحيانا مانلقى حق العيش الغريب أنه صارحك وأنتي عروس وقبل يأخذ من ذهبك اللي زيه يتسلف الين تنحل أزمته وكل الأزواج تمر عليهم ظروف بس ماتوصل لأن يجوع زوجته ويصارحها ممكن يصارحك بظرف أكبر من كذا بس مسألة المصروف فيها سر وهدف والله أعلم حتى البقالات تسلف بالكراتين وأغلب الناس اللي حالهم ميسور ماشيين على كذا انصحك لا تجيبي سيرة الطلاق بس قوليله بروح بيت أهلي وإذا تحسن وضعك أرجع |
صراااحة مع سبدة الموقف و مهرة و وافاق و كل المتساءلين
اقلها يحيب خبز من مؤنة بيته الاول بس بااجي معاك و بقول لك اتصلي على اخوك و قولي له سلفني فلوس بحجة انه زوجك اعطاك مبلغ كبيرة و صرفتيه وتستحي تطلبيه مرة ثانية اعتقد انه سبب مقنع وقولي له و انت جاي جيب لي معاك عشاء مشتهيه كدا و ززوجي مو موجود يجيب لي ما اعتقد انه بيشك بشي وياستي لو خايفة من زوجك لا تكلميه و لا تقولي له انك تعشيتي |
تصدقين عاد واعذريني في هالشي
بديت احس انك تتخيلين امور وتريدين تتطبيقها على الواقع اولا ضائقه مثل هذه الضائقه لا تجعل عديم الاحساس بالسعيد وايضا يريد الرقص و (( الفله )) يعني اقل شي بيكون متنكد يعني احنا رجال ونمر بضوائق اقل من هذه الضائقه بس في نفس الوقت تجي المره تواسينا وتشجعنا انه ازمه وتعدي ولا تشيل في بالك واحيان ما ننام لاحظي ترى بيت واحد وزوجه واحده مو مسؤلايات وبيتين وبعض الاحيان ما نحسب لك خطوة الف حساب يعني احيان نخليها على البركه بس لمن حزه الضائقه اللي مو لهالدرجه نتنكد وتصير الاخلاق ( طين ) اعتذر من هذا الرد بس التناقض كبير لدرجة دخل الى عالم الخيال يعني شخص مرح مبسوط ينكت يبي فله الى ابعد الحدود-- ماقابل -- ضائقه تصل الى المجاعه والعياذ بالله شخص يحسب حساب كل خطوة --- مقابل --- عزايم وضيوف مابياكلون شي موجود و ديون اردت به الى المجاعه شخص متعلم دكتور ---- مقابل ----- عدم حسن تصرف وعدم مسؤليه واخذ الامور باستهزاء مستوى دون سن المراهقه اختي رهف ممكن نعرف وشهي حالتك يوم كان هو متابعك قبل الزواج تقبلي اعتذاري مرة اخرى تحياتي |
رهف ماهو هذا الظرف بالضبط ومتى بدأ ؟
أختي قبل الزواج قلتي ماديته ممتازة ومستعد للزواج ومستعجل عليه لانك كنتي تريدين تأخير الملكة لكنه اصر على الموعد نفسه واتهمك انك لا تحبينه وتم كل شئ في موعده حسب طلب الزوج ورغبته وبعد الزواج بأسبوعين بشرتينا انك تعيشين السعادة والدلع الان اختي رهف تقولين بعد الزواج بأسبوع وتقولين بيتك يفتقر للآواني والاشياء الضرورية جدا فكيف ذلك؟؟؟؟؟؟؟؟؟؟؟؟؟؟؟؟؟ كيف اختفت اشياء البيت بعد دخولك له بما انك تقولين الازمة بعد الزواج فأين ذهبت تلك الاشياء ؟ المفروض دخلتي البيت وهو كامل لا ينقصه شئ بما ان الازمة بعد الزواج وبما ان راتبه ممتاز ويفتح اكثر من بيت وكان مصر على الزواج الثاني فهل هذا جهاز البيت قبل ان تدخليه ؟؟؟ ام باع ايضا الاواني ومماسح الارضيات مع ذهبك ؟ سؤال محدد لن اقبل ان تمري عليه بدون اجابة : هل كنتي تعلمين ان هذا وضعه قبل الزواج ؟ وقلتي سأتحمل لاني احبه سنتان يارهف تتحدثين معه واخوكِِ صديقه المقرب وكان يزوره في البيت الم تعرفي ظروفه ؟ الم تعرفي من اين اتته الديون ... رفض الاصدقاء اعطائه المال هل له تفسير لديكي اهلك واقاربك وصديقاتك وجيرانك الا يزورنك ؟ فقط خلال ثلاثة اسابيع تقولين تفاجأنا بزيارة والدك فقط هو من دخل بيتك والباقي اهل زوجك لماذا ؟؟؟؟؟ اين اخواتك وامك الا يزورونك الم يروا بيتك وثلاجتك وحالك الا تذهبين لهم ؟؟ الم يلاحظوا حالتك الصحية ؟؟ لماذ كل هذا التعتيم الغير مبرر على ازمته المفاجئة بعد الزواج ؟؟؟ التي لم يسمع بها حتى والدك واخوانك ؟؟؟؟ اختي لا عذر لإخفائك الامر كتبتي مشكلتك بملئ ارادتك ولم يرغمك احد على كتابتها فإما ان تصارحينا وتكتبي ما حصل والا فهذا الامر غير مقبول ولن نستطيع ان نساعدك بهذا الشكل . |
اقتباس:
اقتباس:
ألحين أحنا الحريم لو نمر بهالظروف كان تضيق الدنيا كيف الرجال ؟!!!!! تصرفات زوجك مايسويها إلا رجل فيه عقد أو مريض نفسي لكن رجال سليم وبوصفك مستحيل يسويها وماتتوقعين أنها صعبه جدا علي أنفسهم ماعنده مايأكل به عياله ؟! أختي ياليت مايكون موضوعك إستخفاف بالعقول وحدث العاقل بما يعقل |
صدق أخي الكريم دراما بانوراما بكل ماذكره
نفسية الرجال تصبح سيئة جداً اذا كان يمر بضائقة مالية ولا يطيق المزاح او الخروج مع احد نهائياً لكن نقول ربما يفكر زوج الأخت الكريمة انه يعوض عليها يعني ما ينفع يجوعها وبنفس الوقت يحرمها من حقوقها تدرين عاد انا عندي الحل للمشكله من جذورها : 1- كل يوم مري على اهلك زوريهم وسعي صدرك عندهم وكلي حتى تشبعين 2- زوجك يروح لأهله وياكل مع اهله لان التموين عائلي وكبير 3- ارجعوا بالليل للبيت واستانسوا وارقصوا ووسعوا صدوركم واذا ما يقدر يوديك اتصلي على اخوانك يجي احد ياخذك روحي تعشي مع اهلك واشبعي حتى تنتهي هذه المجاعة الكبرى |
دخلت موضوعك الي كتبتيه من قبل زواجك وشفت كل ما ذكر بالموضوع
مناقض تماما لما ذكر بهذا الموضوع الحالي ؟؟؟ ماتفسيرك لهذا الوضع المفاجئ .... بصراحه تخيلت انك بتعيشي بخيمه بالصحرا وبصراحه مسكرة كل الحلول بوجهك يعني اتصلتي على اخوانك وطلعوا مشغولين طيب دقي عليهم مرة ثانيه وشو العارض انك ماتكلمي اهلك ... يعني صابرة لحد ماتموتي من الجوع وبعدين يعرفو شو سبب موتك .. لهدرجه خايفه على زعل زوجك .... بصراحه انتي عندك الحل وبس رافضتيه ...واذا يهمك كثير انه مايزعل زوجك فخلص معناها انتي راضيه عن وضعك ومافي داعي نعطي حلول ... لانه الحل موجود وما اعتقد انه عواقبه حتكون كبيرة زي مابتهيأ لك انتي وزوجك ،،،،،،بزعل اول يوم يومين بعدها برجع عادي ........... امـــــا هناك امور لاتودي اوضاحها ..... او انك بتعيشي بالخيـــال ينطبق على هالموضوع المثل الشعبي : (( جوعان والخبز تلول)) |
| الساعة الآن 11:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©