رد : خزعبلات ام حقائق؟ مارايك ؟
 

@____@

نفس كلام خالتي,,
بس تضيف عليها إذا كانت جانبية اتجاه الشعر او الدائرة
يعني فيه بنت راح تجي بعده

هههههه

رد : خزعبلات ام حقائق؟ مارايك ؟
 

يابعدي حيي ماعليك زود والله ونعم بكم. صراحه أنا من كنت أدرس بتبوك
أحاول ما اختلط إلا بنات الجنوب من جد طيبات وحبوبات و أحبهم من الله.
صح ساعات يقطون على حكي ماافهم إلا بعد ترجي فيهم ههههه الله يذكرهن بالخير.
أجل ماشاءالله زوجك عمر بتبوك شكله على قولتهم تبوك تنسيك أمك و أبوك.
يأكثر هذرتي لا اطلع عن صلب الموضوع بس.
آخر خرافه تذكرتها يقولون الضب إذا عضك مايتركك
إلا يوم تجي عجوز الشام وتسوي ريحها وتتركك. قرف والله. والمشكلة انصدقهم. واستغل الكذبه ولد عمي جاب ضب
وحطه بالحوش إلي فيه رمل ونحب نجلس فيه وحرمنا من اللعب كش حاقدة عليه للحين.

رد : خزعبلات ام حقائق؟ مارايك ؟
 

اي ع طاري الدويرات اللي في الشعر
اذكر مرة كنت بالمستشفي ماسكة سرى و عيالي معي يلعبون قدامي
جتني حرمة سألتني قالت بس دول عيالك قلت اي قالت بعد الولد جبتي البنت
قلت ايوه ليش قالت ولدك في راسه دائرة وحدة بس و كيف جات بنت مفروض يجي ولد
شككتني في نفسي ههههههههههه قلت لها لا لا أنا حملت قبل البنت و سقطت شكله
اللي طاح ذاك ولد و هاذي البنت بعده قالت ايوه قولي كذا لان مستحيل دائرة وحدة و تجيبين بنت
كلام علمي مصدق موثوق من بدويات نجد ههههههههه
الله يذكر ايام الرياض بخير

رد : خزعبلات ام حقائق؟ مارايك ؟
 

انا بنتي الأولى , الدائئرة في الوسط
و جبت بعدها بنت ,,
خالتي استغربت مرررررة و قالت كيف مستحيل
وبنتي الثانية الدائرة جانبية
قالت لي بعدها ولد لأن شكلك عكس الناس

ههههههههههههههه











المهم جبت بعدها بنت ههه @__@

رد : خزعبلات ام حقائق؟ مارايك ؟
 

هههههههه. ياحليها الحرمه مرة دقيقه ورايقه تناظر بالبزارين. بس حلوه منك أحلى تصريفه.
على طارئ الوالدة تراها متابعه معنا مو بس بالموضوع بكل مواضيع المنتدى
ودايم تهاوشني يوم احكيها عن مشكله وأقولها وش رأيك
تقول لي وش لك تعقدين و أنتي تؤك مابعد شفتي شيء.
بعدي أمي تراها صغيرة مالها بسوالف العجائز أنا بنتها الكبيرة ‘ٌاصغر نفسي هههههههه.

رد : خزعبلات ام حقائق؟ مارايك ؟
 

هل ترانا الله يحييك يالغلا صدقتي فيه جنوبيات كلماتهم ماتفهمها ويحتاج لها ترجمه لاكن اللي يخالطهم يفهم عليهم حتى عندنا بالجنوب فيه قبائل ماتفهم كلمات القبائل الأخرى نحن من سكان تهامة مانفهم على سكان فيفا والداير والريث كلامهم يختلف ولهجتهم سريعة في نطقها سبحان الله وجعلناكم شعوبا وقبائل لتعارفوا

بالنسبة لضب سالفته مضحكه يعني لازم العجوز ترش عليه من غازها علشان يفكك ههههههههه

المهم ترى الضب عضته خطيرة اذكر واحد من زملاء زوجي

عضه ضب ومافكوه من ايده الا في المستشفى بعد محاولات شاقه عضته قوية
لاكن كبسته يقولون طعمها يىجنن



المهم انا تذكرت سالفة بعد عندنا المولود لما امه تجيبه يكحلون عيونه وحواجبه ويواصلون حواجبه ببعضها ويحطون مابين الحواجب خط طولي الين عند بداية الإنف من الأعلى مثل شكل علامة الزايد

وكمان اللي تحط حنا في يد وماتحط في الثانية بسبب انشغالها

اللي يشوفها يتشائم منها يقولون لها فال مو زين

وكمان عندنا واحد اشترى سيارة ومر على جيرانه في اليل وقف قدام زريبة غنم جيرانه وترك السيارة في حالة تشغيل والأنوار مضائه ونزل يسلم على جاره ويسولف معاه وما ثبت السيارة زين
تركها ونزل والسيارة تدحرجت على زريبة الغنم ودعست الخرفان ونصها ماتت وهو وجارنا جاء يجري لما شافها تدحرجت كان جارنا يصيح

عليه هيه يفلان نادها توقف كلمها توقف غنماتي ماتت الله اكبر عليك وعلى سيارتك

وصاحب السيارة يقول له والله ما ادري انها بتفضحني منك ولا كان ماجيت فيها
ولما سألوه الجيران بعد الحادثة ليش ماعشقت السيارة وثبتها وهي في حالة تشغيل كان يقول لهم والله ما ادري حسبتها تشوف وليش حاطين لها عيون اكبر من عيوني هههههههههه

طبعا هاذا اول ما الناس اقتنوا السيارات عندنا ابويه يقول فيه اللي قدم لها الماء والعلف وفيه اللي ربطها بحبل خايف لاتهرب وفيه اللي يتركها تمشي يحسبها تشوف .

رد : خزعبلات ام حقائق؟ مارايك ؟
 

وكمان عندنا عادة وهي ان بعض العوائل ما تطهر لولدها وهو صغير يخلونه الين يكبر ويصير عمره 10 سنوات او 12 سنة ويعملون له حفله كبيرة يجتمعون فيها الرجال واقاربه ويسون له مثل الخيمه ويحطون الولد في داخلها ويجيبون رجل من القرية مشهور بمهنته انه يسوي طهارة للأولاد ويدخلونه في الخيمة مع ابو الولد والولد وتتم طهارة الولد بدون بنج وبموس او سكين مخصوص لطهارة قبل مايبتدي يطهر الولد يصيح الولد بعالي صوته بين الحضور انا فلان ولد فلان وجدي فلان وخالي فلان
ويحط عليها كلمتيين عن الشجاعة ومن ثم يتم الطهارة وبعدها
يحطون له مئزر لونه ابيض ويلبسونه عقود الفل والكاذي ويطلعونه من الخيمه لا بس ومتكشخ ويحطونه في مكان ظاهر ويرقصون رقص اهل الجنوب ويطلقون الرصاص الحي والألعاب النارية ويحتفلون المعازيم ويحطون عزيمة كبيرة عبارة عن وجبة غداء تتكون من اللحم والرز وبعض الأكلات الشعبية ويتغدون المعازيم ويواصلون احتفالهم طبعا ام الولد تستقبل النساء اللي يحضرون يباركون لها وتقيم لهم وجبة غداء بهاذي المناسبة
طبعا الإحتفال والرقص يقتصر على الرجال في هاذي المناسبة
اما الحريم مايرقصون ولاينشدون يباركون لأم الولد ويتغدون عندها وكل وحدة تروح لبيتها لاكن الرجال يولعون بالدنيا بالرقص والأهازيج وبعدها يزفون الولد للبيت وكل واحد يروح لبيته

وكمان الولد اللي مايبكي وقت الطهارة ولا يصيح تقدم له الهدايا والمبالغ المالية من الحضور لأنه ماصاح و لا تحرك وقت عملية التطهير يوصفونه بالولد الشجاع والقوي اللي مايخاف ولا يهتز

اذكر كان لنا جار ولده جلس يومين شارد من البيت خايف من عملية الطهاره بس صراحة معاه حق يقطعون لحمه ومايبغونه يتحرك ولا يصيح في النهاية مسكوه وربطوه ابوه واعمامه وخواله وطهروا له بالقوة وكان الناس المعازيم ترقص وتغني محتفله والولد يبكي ويصيح من الألم

حتى الأطفال يتعقدون مساكين مايحضرون الحفل ومايشاركون فيه الا القليل منهم خوفا على انفسهم وكمان يخافون من الرجل صاحب المهنة إللي يقوم بعملية الطهارة لما يشوفونه لابس معداته وحاط الخنجر على خصره الاطفال مايقربون منه ابد .

رد : خزعبلات ام حقائق؟ مارايك ؟
 

يبنات على طاري الشعر قبل فترة كنت جالسين سوالف انا وولدي سلطان عن الذكاء والغباء وايش علامات الغبي من الذكي المهم
قال لي يا امي انا الاحظ شئ في الناس الأذكياء قلت وش هو قال اي واحد ذكي ومتفوق في دراسته انا اراقبه واجد فيه علامه في شعر راسه في مؤخرة راسه من الخلف عند الرقبه يكون عنده شعر نازل بطريقة حلزونيه او دائرية حتى مع الحلاقة ما تتساوى تلاقينها شكلها يختلف وجلس يعدد لي مجموعة من العائلة عندهم الشعر اللي ذكره صراحة وجدت انهم من الأذكياء في دراستهم والمتفوقين في مراكزهم طبعا انا قلت له شكلك تبغى تخرف وتلحق عجايز زمان وشكل الطلاب في فصلك يتابعون دراستهم وانت عينك في روسهم من عنده شعر زايد مسوي لي فيها بحث على الطلاب ومسك لي اخوه الصغير بثالث ابتدائي ويجره ويقول شوفي اخوي متفوق وذكي في دراسته وطالعي الشعر اللي كلمتك عنه في خلفية راسه عند الرقبه

هو صح الشعر موجود في راس اخوه واخوه شاطر في دراسته ماشاء الله تبارك الله بس انا مادخلت راسي احس انها خرافة وان هاذا اعتقاد خاطئ
فماحبيت ان الولد يصدق احساسه بس لما دققت غي كلامه وجدت انه اغلبه صحيح بس ما اقتنعت بالسالفة

صح سمعت ان البنت اللي في مؤخرة راسها شعر زايد وشكله مختلف او في مقدمة شعرها
اذا كان في مؤخرة الشعر معناته بتجي عليها ذرة واذا كان في مقدمة شعرها بتاخذ واحد متزوج

يا الله عاد مو كل وحده تقرأ الكلام هذا تطب الا وهي على

المراية ترى السالفة خزعبلات لاتصدقون هههههههه

رد : خزعبلات ام حقائق؟ مارايك ؟
 

الغالبية العظمى ان لم تكن كل هذه المعلومات خزعبلات لان الشيء المبني على الحقائق والبراهين الثابتة هو الصحيح عكس مابنى على الشك والظن فهو ذو اساس هش لا ينتفع ولايؤخذبه ولكن فعلا هناك اجيال ماضية ترسخت لديها بعض المفاهيم الخاطئة بشكل عجيب حيث اصبح البعض منهم يؤمن بحقيقتها وانها من ثوابت اعتقاداته وهذا خطأفادح يجعل البعض يعيش كابوسا يحيط حياته بوهم اعتقاداته الخاطئة::::موضوع جميل يحتاج للنقاش باكثر من وجهة نظر ليتم تصحيح المفاهيم الخاطئة قبل ان تترسخ بشكل يستعصي على البعض منا التخلص منه:::::ودمتم سالمين

رد : خزعبلات ام حقائق؟ مارايك ؟