منتدى عالم الأسرة والمجتمع - احب طليقتي ام عيالي كيف أردها ؟ رجاء مساعده

الى اخت ( فتاه فاشله ) الحين برد على كلامج ..... قبل كل شي يليت لو قريتي كلامي عدل قبل لا تعلقين بكلامج نعم كلامج فعلا فعلا جرحني .... هل سمعتي قول الله سبحانه تعالى ( ان الله ستير ويحب الستر ) اذا انا ما كتبت تفاصيل حياتي مع زوجتي لانى احب زوجتي مهما كان هي ام عيالي وما حبيت حد يتكلم عليها ، لاكن اليوم بكتب بعض الاشياء بسيطه لاكن بنسبلي كانت كبيره ، وبعد بستر عليها باشياء الكبيره له سوتها على العموم .... انتي يا اخت تقولين انا ما استحقها وانا ظلمتها .... وين راحت 9-10 سنين من حياتي اهتميت فيها حبيتها سفرتها ، اشتريت لها الا بغته ، كل عيد ميلاد افاجأها بشي له هى تتمناه مانه اكره شي اسمه عيد ميلاد لاكن اشانها خلليته ورا ظهري قلت مابيها تكون اقل من غيرها ، وفرت لها بيت بكل مواصفات ، كنت زوج واب صالح ....ليش تغيرت اسمعي الحين من ايام زواجي حتى طلاقي منها الكل من اهلها يعرفون شو صائر في حياتنا( تنقل كل ما يحدث ) .... اول ايام قلت يمكن بتتغير نصحتها عدة مرات بالطيب وبعده ضاربت معها ما فاد بعد سكت ، حاولت اتجاهل الموضوع وادت سنين لاكن الامور قامت تتغير ، كنت مااعصب بديت اعصب من تصرفاتها ... يوم من الايام في موضوع كان مضايقني يت وخبرتها قلت منو اقرب من زوجتي بشاركها واعرف طبعها فا اكدت عليها ما تخبر حد قالت اوك خبرني حبيبي شاركتها بالموضوع ...... بعد اسبوع كنت معزوم في بيتهم يانى نسيبها الا هو زوج اختها عديلي يعني الا فاتحنى بالموضوع انصدمت تخبلت كيف يعرف كلام له حصل بيني وبين زوجتي ومحد يعرف غيري انا وانا هى ... سبحان الله الكل من اخوانها لين حريم اخوانها كلهم يعرفون الموضوع .... هذا كلام من سنه ونص ... يت اواجها كيف سرتي خبرتي اهلج ولا بعد نسيبج وضاربتها وطلعت من بيت وهذا اول يوم اكون برع البيت في خلال زواجي كله كرهتها ....ما كلمتها يمكن 5 ايام لين هديت . كل انسان له حد المهم رحت لاخوها كلمته انه اختك كذا كذا تسوي ثم كلمت امها واختها لاكن مافاد شي لانهم هم عارفين بالضبط انا شو اقصد بس ما يعترفون انها تخبرهم عن كل شي ، قلت لنفسي بس خلاص من هنى بدت الفواصل بيننا قل اهتمامي الطلعات ما قمت اطلع معها .... مهما يصير بين الازواج الحرمه ما تطلع من البيت من غير شور زوجها، لاكن هي تطلع لبيت امها في يوم مرتين او ثلاث سالتها ليش قالت حتى بيت امى لازم اخبرك واطلع قللت مب طالعه اغازل اهلى مربيني ... عصبت ومسكتها من يدها بقوة وقلت غصباً عليج تخبريني ونحنا نتضارب انتبهت لبناتى واقفين وخايفين قلت لهم وانا ابتسم روحو الصاله شوفو الرسوم ...الا هى تصيح وتقول جدامهم خلهم يشوفون ابوهم شو يسوي ... والله بديت اكرها زياده بس عسب خاطر بناتى طلعت ، مره من مرات سالتني بروح السينما مع خواتي وحريم اخواني قلت لا ومن متى انتو الحريم تروحون السينما روحكم ، قالت شو ما تثق فيه قلت ابدا الموضوع عسب الثقة ولاكن انا شاب واعرف الشباب كيف ما يصدقون يشوفون حريم ....فا قلت انا مب راضي ما تروحين تمت تصيح..... قالت انا افكر في نفسي وانا وانا وانا ....بعدها بدت تجذب عليه اتقول بروح السوق مع خواتي وتروح معهم سينما ....كيف اكتشفت؟ اتصل فيها ما ترد عقب خمس دقائق دقت قلت ليش ما تردين قالت تلفوني على صامت وانا في السوق قلت اها اوك متى بترجعين البنات يسالون عنج وسكرت ... بس كنت شاك تصلت في نسيبي سولفت مع قلت تعال هذيل متى بيخلصون من السينما قاللى والله يمكن بيطلعون الحين تاكدت انها في السينما وطبعا ما اقدر اوصف كيف عصبت بس انتظرتها ترد البيت.... طبعا دخلت وكيسه بيدها قلت 4 ساعات وكسيه وحده .... قلتلها سرتي سينما ليش ما خبرتيني وانا اصلا منعتج تروحين وكيف انتو الحريم روحكم ، ردها كان ما رحت منو قالك انا رحت سينما؟ قلت لا تجذبين قالت ما رحت ....خلاص فقط اعصابي واول مره امد ايدي عليها .... قالت هى سرت لانك ما تخلليني اروح معهم من جي جذبت قلت يعني اى شي بمنعج عنه بتسوينه وبتجذبين ... قالت لى ليش تبالغ وتكبر الموضوع بس تحب تتضارب وهي تصرخ قلت لا ترفعين صوتج .... قالت محد يعامل زوجته ... قلت الناس كيفهم لو يخللون حريمهم يروحون اى مكان انا شو يخصني ، انتى زوجتى و ما يمشي عندي هالكلام ....وبعدين فكرتي مره بس مره ليش امنعج ؟ قلت اغار عليج تفهمين اغار عليج وطلعت من البيت ..... نعم بديت اعاملها بالقساوة ويوم ورا يوم ضرائب بلا اسباب اهملتها بشكل خيالي انكون جالسين في مكان واحد ونتكلم عن طريق بناتنا مثلا قولى حق بابا كذا او خللى اييب هذا شي وصارت حياتنا يوم نتضارب يومين بخير ...كل الكلام له كتبته فقط جزء بسيط جدا في اشياء اكبر من جذي من طرفين بس ما يحتاى اتكلم زياده. اسمعي يا اخت ( فتاه فاشله ) بسببج انتي انا كتبت كل هذا ، لو ظلمتها ومهما سويت بس انا اعترف بغلطتي بس هى ولا مره اعترفت فقط تسمع كلام له حواليها وتشوفني مجرم بس يا اختى يا ناس عمري ما فكرت ابتعد منها لانى احبها مهما صار ... حبي لها له يخلليني ما اتكلم عن ام عيالي ... والغلط مب بس منى فقط ، وحتى لو انقول انا خطيت بس ندمت عن له حصل ليش هذا مب كفايه ... لين اخر لحظة حاولت حتى في المحكمه جذبت انا هجرتها سنه ، قلت حق القاضي والله ثم والله لين يوم الدين ما هجرتها سنه صحيح يوميا نتضارب بس سويت واجباتي من حين الى اخر من ناحيتها .. انا الحين ندمان انى ما صبرت اكثر ندمان على بناتي انحرمو من حياه اسريه انحرمو من ابوهم وانا منهم ... الحياة ما تعتمد على فلوس فقط نعم اقدر افرلهم كل شي يتمنونه بس من بعيد ويمكن في الاسبوع مره. ... وين سارت شكاويهم وبن بابا ساره ضربتني بابا وبابا وبابا اما الحين فقط اسم بابا والله اشتقت لصياحهم اشتقت لصوتهم اشتقت لكل شي ... يا ناس لو كنت ظالم جان عشت الحين احسن حياة ... عندي فرصه في ابدا من اول ويديد واقولها روحي جهنم ..... خواتى واخوانى انا ما يت هنى عسب حد يشفق عليه او يتهمنى على مزاجه ، فقط احتجت حد يوجهني بالطريق الصح مب يزيدني ..... مب عيب اذا احب زوجتي بجنون مب عيب اذا افكر اجمع اسرتي ومب عيب اذا اعترف لو غلطتي ولا بينقص شي منى ولا الموضوع فيها رجوله ، مافي انسان معصوم عن اخطاء ... والناس له يشاركون في هذا الموقع كل حد مهموم وعندهم مشاكل واذا حد فينا ما يقدر يخف عليهم ماله حق يزيدهم ..... الله يسامحج يا اخت ( فتاه فاشله ) خلليتيني اتكلم عن ام عيالى ورجاء يا جماعه لاحد يتكلم عن ام عيالى لان كلنا نخطي ويمكن كان الله كاتب هذا شي وكل له حصل فقط اسباب ادت الى طلاق. بس الاخت صدق يابتلى ضيج كنت عايش على امل انها بترجع لاكن كلامها خلانى افكر .... سامحوني اذا قلت شي زياده او جرحت حد بكلامي. ..... الله يصبر كل مهموم ويفرج همه امين اللهم امين .....

اقتباس:

المشاركة الأصلية كتبت بواسطة bosara1 (المشاركة 2848563)

السلام عليكم
اخوي ماكان ودي انك تتكلم عن تفاصيل حياتك انا نصحتك نصيحه واعود وانصحك ام عيالك انشأ الله بترجع وام عيالك تحبك بس للاسف ماعندها من ينصحها وابوها انسان مريح مخه ما يبي المشاكل وهو بنضره ان وجود بنته عنده بريحه اخوي عندك حلين اول حل حاول تبعد عنها نهائي ولا تحاول تتواصل مع اي شخص من اهلها واصبر وصدقني انشأ الله خلال شهر بترجع او اقل ثاني حل اتزوج وابني عيله جديدة واستقر وهذا انا ما انصحك فيه لان ام عيالك تحبك اصبر اصبر اصبر ووكل ربك من اجل بناتك وهي بجيلها يوم وتصحا وتندم ولا تحاول انك تتكلم عنها لانها ام عيالك مهما استفزوك