المشاركة الأصلية كتبت بواسطة لمسة غروب (المشاركة 3028230)

السلام عليكم
اشلونكم يا اغلى الناس
دخلت ابشركم انا الحمدلله ولدت وبناتي يقبلون يدينكم
باقيه بالمستشفى وولادتي كانت ميسرة الحمدلله
قرت عيني في بناتي يارب لك الحمد ع عدد مخلوقاتك
انا بفضل الله ثم دعائكم وصلت لهالحال
فوالله وقت ولادتي اني دعيت لكم ولم انساكم اقسم بالله دعيت لكل من طب هالمنتدى وان كان متصفح
لان فضلكم علي لايعد ولا يحصى ولن اوفيكم حقكم مهما سويت ومهما فعلت
احجام كتاكيتي صغار وهما بالحضانه بس كل وقت انزل لهم قلبي متعلق فيهم وعاطفه الامومه اشتعلت من اول صيحه لهم اسال الله ان يرزقك كل محرومة ويحفظ لكم ذريتكم
ابوهم جا فرح فيهم وهو بعد عاطفته اشتعلت رغم وجود اولاد له لكن سبحان الله قلبه رق وحن لاولاده الجدد
ويكفيني حبه لهم ماعاد افكر بنفسي
والله ياخواني شعور لايوصف كل شوي اطل ع وحدة واخاف اكون قصرت مع الثانيه وعرفت كلمه قالتها الوالده انه لافرق بين العيال عند الام سبحان الله نفس الدرجه ونفس المحبه
اصحى من بدري رغم تعبي والنفاس وانزل لهم وقت تنظيفهم عشان اقدر احطهم بصدري ولو للحظات
هذا الي كنت ارجاه من ربي العالمين وهذه امنيتي وبناتي الان هنا العيون الي تدلني ع كل شيء
يارب نعمك علي لاتعد ولاتحصى فيارب ديمها علينا نعمة

باقي لي عندكم طلب يا اغلى الناس وادري ثقلت عليكم بس والله بفضل الله ثم دعائكم الجماعي ربي مسهله بوجهي
ابيكم تدعون لي بعد اني اطلع ببناتي بافضل حال لانه باقي راح يحجزونهم بالحضانه بحكم وزنهم وباقي مو قادرين يعتمدون ع انفسهم بالرضاعة يرضعون عن طريق انبوب بالسرة
بس بكل الاحوال للحمد لله صحتهم جيدة
واسم بناتي جوري وهيفا
يمكن مقدر اشبك بالايام الجايه لاني بطلع من المستشفى بعد يومين او ثلاث بس بصير مشغوله بروحاتي بزيارتهم
لكن تاكدوا اي دعوة تدعونها لي تلحقني
احبكم اكثر مما تتصورون