|
رد : بعد هجره لي مدة 6 أشهر ،، زوجي يرغب في تطليقي
مرحبا عزيزتي ملكه ،، مشكوره ع سؤالك عني
وضعي مثل ماهو ماصار أي تطورات ،، بس واحد من أصحاب الوالد المقربين له قال طنشوه ولا تطالبوه بأي شيء لحد هو بنفسه مايطفش وتشوفوا اخرتها معاه ،، وانا صراحه مليت بمعنى الكلمه من هالوضع وكتبت كلام لزوجي محتفظه فيه ف المذكره أفكر ارسله له قبل رمضان كاتبه كلام كثير كاتمته بقلبي من زمان ،، بس انتظر الوقت المناسب ،، صبـــــر جـميـــــل والله المستعان . . |
رد : بعد هجره لي مدة 6 أشهر ،، زوجي يرغب في تطليقي
مرحبا اخواني وخواتي ،،
البارح أخت زوجي كانت تراسلني ع الواتس وسألتني عن بناتي وعن احوالهم وقالت لي انها من يومين تكلم زوجي عني وحست انه فيه شوية تجاوب من ناحيته بس طلبت مني أكثر من الدعاء والاستغفار وقالت راح تحاول معاه وتنصحه لعل وعسى يلين قلبه ،، أنا فرررررحت كثير وحمدت ربي وبكيت من قلبي ،، دعواتكم لي ربي يحنن قلبه علي وعلى بناتي دعواتكم ارجع بيتي وأصوم رمضان مع زوجي ،، |
رد : بعد هجره لي مدة 6 أشهر ،، زوجي يرغب في تطليقي
ربي يجبر بخاطرك ويرزقك ما ترجين منه
ويجمع شملك مع زوجك ويرض عنك ويرضيك اللهم امين يارب العالمين |
رد : بعد هجره لي مدة 6 أشهر ،، زوجي يرغب في تطليقي
اقتباس:
بيطلق.. بس هو اعتاد على هذا الوضع يزعل من ظله ويرجع بعدين ياخذك... اللي بيطلق يعرف يروح المحكمة ويخلص نفسه وما ينتظر زوجته تتحرك وكأن العصمة في يدها.. |
رد : بعد هجره لي مدة 6 أشهر ،، زوجي يرغب في تطليقي
اقتباس:
الله يختارلك الي فيه الخير بس نصيحة بده يرجع حطي شرط يعقل ويبطل حركات الهجران وروحي عند بيت اهلك الله يجبر بخاطرك ويفرج همك ويختارلك الي فيه الخير |
رد : بعد هجره لي مدة 6 أشهر ،، زوجي يرغب في تطليقي
الله يفرج همك ويرفع عنك يارب
|
رد : بعد هجره لي مدة 6 أشهر ،، زوجي يرغب في تطليقي
ربي يجزاكم كل خير ع دعواتكم اللي تشرح الصدر
قالت لي كمان ان زوجي قال لها انه كان خلاص ناوي يتزوج ويشوف حياته بس مع محاولاتها هي وخواتها شالف فكرة الزواج من راسه ،، بس مادري هالشي صدق ولا قال لاخته كذا عشان تخوفني ؟!! قالت لي هو ان شاءالله راح يتغير. وطلبت مني أنا كمان اتغير واغير اسلوبي معاه عشان نفتح صفحه جديده ،، الله يكتب اللي فيه الخير يارب ،، |
رد : بعد هجره لي مدة 6 أشهر ،، زوجي يرغب في تطليقي
الله يكتبلك الخير يارب .. و ان شا الله قريبا بتبشرينا برجعتك ع بيتك
|
رد : بعد هجره لي مدة 6 أشهر ،، زوجي يرغب في تطليقي
صباح الخير ،،
البارح زوجي جاء ع الساعه 1 الليل وجلس مع الوالد وصار شوية مشاداه ب الكلام وزوجي طبعا كالعاده قال فيني وفيني واني مقصره ومن هالموال ،، وقبل لا تصير بينا هالمشكله كنت اطالب زوجي ننقل شقه جديده لانه شقتنا قديمه مره والاثاث قديم وكان يوعدني بين فتره وفتره انه مجرد مايفضى راح يشوف لنا شقه باقرب وقت ،، والبارح لما جاء قال لابوي بعدما صارت بينهم مشاداه انه خلاص استاجر شقه بنفس العماره اللي ساكنه فيها اختي المتزوجه وانه خلاص وقع العقد وكل شيء واتفاهم مع ابوي واثناء ماكانوا يتكلموا اخوي جاء {عمره 19 } وجلس مع زوجي وابوي وانا كنت خايفه من دخول اخوي لانه يرمي كلام لزوجي وزوجي اصلا علاقته باخوي جافه ويتحسس من اي كلمه يقولها ،، ف سمعت اخوي يقول لزوجي انت دايم تسوي مشاكل وتطردها من بيتها من الحين لا تتعب نفسك لانك بترجعها شهر شهرين وترجع تسوي معاها نفس الموال خلاص وش الفايده ،، وابوي قاطع اخوي بالكلام وبعدها زوجي قام راح وانتهت الجلسه بدون اي اتفاق غير موضوع الشقه بس ،، واليوم الصباح لقيت مكالمه من زوجي لاني كنت نايمه {طبعا هذا اول اتصال له من 6 شهور ع جوالي } شفت المكالمه وطنشت وبالليل ارسلت له أني كنت نايمه ،، وبعد ساعتين لقيت مرسل لي ع الواتس يقول { كلام اخوكي صحيح وش الفايده وانا اصلا حمار خلاص شوفي ايش طلباتك وكلميني خلينا ننفصل بدون مشاكل ماله داعي كل مره نرجع نفس الموال } رديت عليه وقلت براحتك سوي اللي يريحك ،، انت وضميرك ،، قال وش اسوي عشان اريح ضميري ،، قولي وش المطلوب ،، قلت سوي اللي يريحك ،، قال اوكيه ،، وجلست مصدومه من هالتصرف وماني عارفه ايش هالحركات ،، كلمت اختي قالت انه مو صادقه بكلامه بس حاب يلعب بأعصابي ويأدبني ويعاقبني قبل لا يرجعني لأنه مو متنازل يفرحني بالشقه والاثاث ،، قلت لها طيب مو بهالطريقه لو صحيح جالس يمزح ليش ركز ع كلام أخوي ،، قالت لي انه اليوم جاب اثاث ومكيفات للشقه وشاف زوجها وجلسوا مع بعض وكان يتكلم ع البنات ويمزح وانه مالمح بأي شيء من هالكلام وانه يمكن يبغا يفاجأني لانه مو معقول يغير رايه بيوم .. وانه بس جالس يلعب باعصابي ،، والحين أنا ماني عارفه احس أني معميه وتفكيري مشتت ومصدومه مادري هو صادق بكلامه ولا ايش سالفته واذا اساسا يبي ينهي كل شيء ليه البارح جاء للبيت وجلس مع ابوي ،، ليه هالموال كله ،، والله العظيم عجزت افهم حركات هالادمي تعبت واعصابي تعبت ،، ارجوكم فيدوني ايش تفهموا من حركاته هذي كلها ،، أنا بدءت اوسوس وتجيني افكار انه كل هذا فيلم هندي وانه اساسا الشقه ماهي لي يمكن استأجرها عشان يتزوج وحده ثانيه وانه وانه وانه ،، بالله عليكم ايش رايكم بهذا كككله أنا تعبت خلاص ،، |
رد : بعد هجره لي مدة 6 أشهر ،، زوجي يرغب في تطليقي[ مستجدات بالرد 79]
كان رديتي عليه وماطنشتي
الرجالمستبيع ست شهور يعني هالحركات تسويها الي ضامنه مكانتها بقلب زوجها لكن الي زيك وزوجها يطلق ويتزوج عادي عنده اهم شي الشقه وسواه وهذا اهم شي وجا لابوك ماكان له دخل اخوكي يدخل ويعطي هالمداخله وش سوى غير زاد النار حطب وقلل احترام زوجك وابوك وكان يوم كلمك زوجك رديتي اول ماقعدتي من النوم وجيتيع بالكلام الزين ولا جاب طاري اخوك تقولين مالك شغل بكلام غيرك وان شاءالله نثبت كلامه مو صحيح كان حليتي الموضوع بدبلوماسيه بدل العناد وفعلاليش لا يمكن الشقه يخليها لغيرك الرجال مالهم امان واذا شالوا شالوا ارجعي سايسي زوجك واضمني الرجعه |
| الساعة الآن 10:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©