|
رد : ساعدوني كيف ارجع لزوجي...
إذا ممكن اطلبي من ابوك تروحي عمرة انتي واهلك وبعد العمرة خﻻص تحااولي فيه
ان واحد من اخوانك يرجعك ومااتوقع بيردك وتحفظي وجهه قدام زوجك |
رد : ساعدوني كيف ارجع لزوجي...
مشكلتك نفس مشكلتي بالضبط حتى انها كانت بالحج الماضي الفرق ان زوجتي هي اللي مو مهتمه للموضوع روحات وجيات ولاكن عندنا زوج
نصيحتي لك خذ شنطتك وبناتك وخلي واحد من اخوانك يوديك بيتك مثل ماطلعتي بدون علمه ارجعي بدون علمه اهلك راح يتمسكون لاتكسرين كلمتنا ومن هالكلام واذا وقع الفاس بالراس انتي اللي بياخذ ذنب البنات والله اني اكلمك بحرقه دام مافيه شي معقد الموضوع روحي بيتك لاتخسرين كل شي |
رد : ساعدوني كيف ارجع لزوجي...
أنت ضحية عناد وكبرياء أهلك..أعانك الله..
لازم يكون في حل وسط..محد يحس أنه انكسر..لأن واضح ان الطرفين ماخذينها قضية كرامة سؤال.. لو فرضا زوجك قبل يجي ياخذك لكن بدون اعتذار أهلك بيرضوا.. إذا نعم عندي رأي لكن لا أظمن نجاحه.. |
رد : ساعدوني كيف ارجع لزوجي...
ياأختي يا حبيبتي اذا بتجلسي تقولي ماقدر ومدري أيش وتنتظري أهلك يرضو صدقيني بيتك بيخترب ومصيره يجيب له زوجة ثانيه الله لا يقدر سبعه شهور مره كثير والي بعيد عن العين بعيد عن القلب غلط أنك سكتي كل هالوقت أكيد انت ماتبغي زوجك يتعود يعيش من غيرك أرجعني بأقرب فرصه لبيتك ولزوجك قبل تعضي أصابع الندم
يوم يجي لبسي عباتك وركض على السياره أبوك دامه تهمه مصلحتك مصيره بيرضي عليك لاتخافي أهم شي الحين بيتك مايخترب لازم تثبيت لزوجك أنك شاريته ربي يوفقك ويهدي بالك يارب |
رد : ساعدوني كيف ارجع لزوجي...
زوجي مو راضي يرجعني معه انا اخدت بنصايحكم وكلمت بابا اليوم وقلت له زي كلامكم قلت له ما ابي بيتي يخرب وبناتي يضيعو وانت ما ترضى اني اكون مطلقة بابا رضي وقال خلاص لمن يجي ارجعي معاه زوجي جا بعد صلاة المغرب بالضبط اخذ البنات لعبهم واشترالهم ولمن رجعهم لبست عبايتي وبابا قال له خلاص ما بيننا شي خذها والله يستر عليكم زوجي قال انا جيت عشان بناتي مو عشان بنتك والي اخذها من بيتي يرجعها بابا حاول يتفاهم معاه يقول له خلاص يا ولد حصل خير رجعها بيتها لا تكبر الامور زوجي مو راضي بعدين بابا قال خلاص انا برجعها بس بعد عرس بنتي زوجي قال الي يريحك وراح احرج بابا كثير بس بابا يقول عشان خاطركي وخاطر بناتك الضعيفات والله جرحني كثير
|
رد : ساعدوني كيف ارجع لزوجي...
زوجك رجاال وكلمته مايغيرهاا عشان يصير لك درس ماتطلعي من بيتك بدون سبب.. وعاادي هانت ومبرووك موافقة ابووك ... لما ترجعي من زواج اختك ارجعيلو بلوك جديد وابدي حياه هادئه جديده عشان بناتك وعشانك ...الله يوفقكم
|
رد : ساعدوني كيف ارجع لزوجي...
قصتك نفس قصتي مع طليقتي , كانت تخرج من بيتي لأتفه مشكلة وأبوها يوقف معها
وعلى هذا االحال اليين بعتها , انا أعرف رجل بمشاعر زوجك لقد عشت تجربته ليس 7 أشهر بل سنتين .. ولم يكن لدي وقتها أدنى تنازل أن أحضر زوجتي من بيت أبوها .. اللي ما تقدر زوجها ليس لها أدنى قدر .. |
رد : ساعدوني كيف ارجع لزوجي...
الحمدالله ربنا يجمع بينكم عن قريب
|
رد : ساعدوني كيف ارجع لزوجي...
جرحتيه وجرحك
عليك الان اصلاح ما أفسدتيه مع احترامي لأهلك ولكن جمعتي له شلة عيال - باستثناء والدك- وتبينه يتحمل واحد يقوله بوس رجلها والثاني يضربه والثالث مادري وش تخيلي زوجك ان هو اللي سوى بك هذا وجمع لك عمته وأخته وحدة تقولك بوسي رجليه ووحدة تضربك شرايك حزتها ! hgh هو يحبك وجاك من لحظة خروجك من بيتك ولحظة خروجه من عمله بعد مناوبة وماهنتي عليه لا أنت ولا البنات وجاكم مباشرة وشفتي نتيجة عمايل أهلك الله يهديج أكبر دمار لبيت الزوجين هو ادخال الاهل في المشاكل وبالذات بسوالف تافهة كثير مشو طريقك من أزواج وزوجات بادخال أهلهم والنتيجة كانت مع الأسف طلاق يا شيخة احمدي الله ما طلقج صفحة واطويها روحي بيت زوجك واكسري الشر وكوني له مثل ما يبي وبلاها هالحركات |
رد : ساعدوني كيف ارجع لزوجي...
عليك أختي بالدعاء في الثلث اﻷخير من الليل
والبكاء والتضرع الى الله مافي مثل الشكوى لله الله يصلح حالك ويحنن قلب زوجك ويرفع عنك البﻻء |
| الساعة الآن 12:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©