|
رد : كيف تتصرف الزوجة مع الزوج دائم الغياب؟
معالي عزيزتي راح اوضح بعض النقاط
علشان لا تفهم خطأ وتوصلك المعلومة بالشكل الصحيح اقتباس:
اقتباس:
اتصلي فيه واطلعوا مع بعض واحجزوا برى وونسيه واقنعيه يستأجر ليش الأهل ما راح تلقين من تدخلاتهم الا الفجوات العاطفية بينك وبينه أتمنى تفكرين بكلامي ويكون عون لك يا معالي في انك تسلكين الطريق الصح |
رد : كيف تتصرف الزوجة مع الزوج دائم الغياب؟
فاكهة ..
فهمت عليك يا قمر. وفعلا زواجي منه رد لي اعتباري امام الناس وعزز ثقتي بنفسي .. أنا اثق في رأيك لأنك أكثر وحدة تفهميني نظرا لأننا مرينا بظروف متشابهة،، وكنت متابعة معاك من بداية زواجك وعلى علم واطلاع بالتطورات الإيجابية في علاقتك مع زوجك الله يخليكم لبعض ، وهالشي خلاني متفائلة أني بكون سعيدة ومبسوطة وأحب زوجي وقريب ان شاء الله.. لكن فقط اللي أعاق وصولنا لمرحلة الانسجام عدم استقرارنا وقربنا من بعض.. وجودنا المتقطع مع بعض غير كفيل بصنع وإيجاد رصيد مواقف وذكريات تربط بيننا وتقرب المسافات. صحيح السكن شي جديد ماله شهرين ، بس قبل السكن كان غيابه شبه الدائم بسبب العمل وبالتالي تخليه عن بعض مسؤولياته تجاهي.، أوعدك بكون له الزوجة المحبة المطيعة وبصلح أسلوبي كلامك ساعدني في رسم خارطة وبمشي عليها .. بالنسبة للمساعدة انا شايلة عنه أشياء كثير من غير ما يحس، وساعدته في تسديد مخالفات . وصعبة أبدي استعدادي لمساعدته في كل وقت لأن يمكن هالشي يخلق منه إنسان اتكالي.. الله يسعدك فكوهة،، بوسي لي عيالك.. |
رد : كيف تتصرف الزوجة مع الزوج دائم الغياب؟
اقتباس:
كأنه لمح بما يشبه فكرتك.. بحاول اعزز فكرة حبي له وأشوف |
رد : كيف تتصرف الزوجة مع الزوج دائم الغياب؟
اقتباس:
تسلمين حبيبتي يالله عاد لا تغيبين وبشرينا بشارة حلوة اقنعيه تحجزون ليلة على حسابه بمكان سعره بسيط واستانسو وافتحي الموضوع معاه ما وصيج خلج كاشخة على الاخر واهتمي بكل تفاصيلج لا تخلين الشيطان يدخل بينكم ويلعب بعقل زوجج سدي هالباب وكوني عون له الى ان تجتازوا هالمرحلة الحرجة من حياتكم اذكر انه يوم خطبج ما قصر وعطاج مثل البكر وهذا من أسباب الديون عليه فلا تتخلين عنه حرام لان تخليج عنه طعنة له ما يستحقها اختاري قريب بيت اهلج وخليج خفيفة على اهله زيارات اسبوعية وانتهينا والقرب من اهلج فايدة خذي الخدامة كل اخر اسبوع وعطيها شوية فلوس وخليها تنظف لج ايدج بيدها ومشي البيت على ما تحبين بعيد عن اهله ونكدهم ، وضبطي جدولج مع نظام زوجج ياحبيبتي فيه زوجات أطباء يقضون نص يومهم برى والنص الاخر نوم وأكل وش يسون زوجاتهم بهالحالة ! اصبري وبتنالين الخير صدقيني الحلول كثيرة بس انت اجلي التفكير بالحب راح يجي لا تخافين ولكن اصبري واتركي الامور تتخذ مجراها بهدوء |
رد : كيف تتصرف الزوجة مع الزوج دائم الغياب؟
اقتباس:
الشي الي يطلع من القلب يوصل بصدق وبسرعه وبسهوله |
رد : كيف تتصرف الزوجة مع الزوج دائم الغياب؟
اذا زوجك يبعد عنك بسبب دوامة وهو معك بنفس المدينة احمدي ربك يبي يكد علشان لقمة عيش بالذات مالومك في حاجة اذا كانت طبيعة دوامة اختلاط
غير كذا لا تفكري صح تبين الاستقرار يمكن ابتلاء من الله علشان بعد كذا تكونو اسعد اثنين مالم تلاحظي تغيرة عليك |
رد : كيف تتصرف الزوجة مع الزوج دائم الغياب؟
معالي
كل امرأة تحلم بالرجل القيادي الذي يقودها و يحميها .... لكن زوجك و كثير منهم يريدون ان يتخلوا عن هذه المكانة للزوجة ارى ان تشتري شقة او منزل باسمك .. حتى لا يضيع تعبك في الايجار و تكون مسجلة باسمك تستفيدي منها لاخر العمر ... مهما اتخذتي اي قرار و مهما كانت دوافعه للزواج منك على حسب ظنونك و بذلك ضربتي عصفورين بحجر ... قربت من زوجك و حافظتي على بيتك ... وظمنتي اموالك |
رد : كيف تتصرف الزوجة مع الزوج دائم الغياب؟
شكرًا لكم على الردود الجميلة والمشاركات وثقوا تمام الثقة أني استفدت منها جميعا،،،
ولا يزال زوجي يغيب ،، ولكن الحمد لله وبعد عناء تم استئجار شقة جديدة قريبة من أهلي ،، وسيتم النقل اليها خلال هذين اليومين ان شاء الله،، تم طرد زوجي شفهيا من صاحب الشقة :Dعشان يعرف ان الله حق وبعدها تحمس للنقل بأسرع وقت ( بعد ايش يا بو الشباب) والحمد لله حاليا سعيدة ومرتاحة ومطمئنة،، احاول أحب زوجي لكن ما امثل احاول أرسخ هالفكرة في عقلي الباطن عشان يصدقها وأطبقها تلقائيا.. ولمن درست مشكلتنا اكتشفت ان أساسها سكنا في البيت القديم .. وعدم الاستقرار اللي اعيشه .. لكن الان اقدر اقعد في شقتي على الدوام سواء أكان موجود ام لا ، مو زي قبل اذا راح يضطر يوديني عند أهلي عشان ما أخاف لان المنطقة شبه مقطوعة والعمارة ما فيها غير شقتين فإذا غابوا او سافروا اصحاب الشقة المقابلة ما اقدر اجلس لوحدي .. دعواتكم لي بالسعادة .. |
رد : كيف تتصرف الزوجة مع الزوج دائم الغياب؟
الله يسعدك ويكتب لك اللي فيه الخير
|
رد : كيف تتصرف الزوجة مع الزوج دائم الغياب؟
الحمد لله رب العالمين
معالي اوصيك بدعاء ( اللهم ارني محاسنه واستر عني عيوبه ، واره محاسني واستر عنه عيوبي ) ودعاء اخر ( ربنا هب لنا من ازواجنا وذرياتنا قرة اعين ) واسالي الله ان يمن عليكم بالموده والرحمة والعشرة الطيبه والذريه الصالحه رمضان قادم بإذن الله اسال الله ان يبلغنا اياه ، مع كل فطور ادعي ، ودعوة الصائم عند فطره مستجابه وشي ثاني لا تسمحي للملل والروتين ان يتسرب لحياتكم بين فتره واخرى جددي واعملي حفله والا مفاجأه او فندق حلو ،، حسب امكانياتكم طبعا وقت فراغكم روحوا مشاوير متنزهات بس لا تضغطين عليه وقت تعبه خليها ليوم الاجازه واستمتعي معه وبه ، خلي جلستك حلوه ونيسه واقنعي عقلك الباطن بحبه يساعدك على ذلك الدعاء الاول اللي كتبته وايضاً التحبب والتودد بدون مبالغه اذا قلتي له احبك وكررتيها على فترات عقلك سيقتنع بها >> اسأل مجرب وكذلك الرسائل واشعار الحب والاشتياق بدون مبالغه تقنع العقل بالحب يعني بالعربي مارسي الحب بكل اشكاله مع زوجك لفظيا وعملياً - بدون مبالغه- مع التحبب قلبك سيحبه وعقلك سيتبرمج ان الحب موجه لهذا الشخص فقط تدرجي شوي شوي بالحب مع الدعاء والسعي للانجاب يربط قلبك به اكثر واكثر يقال انما الحلم بالتحلم والصبر بالتصبر وانا اقول ايضا ( انما الحب بالتحبب) اذا تحبب لك احد تلقائياً تحبينه صح ؟! واذا شخص يتهرب منك او يضرك تلقائي تكرهينه اشعري زوجك بالحب وكوني الزوجه الودود التي مدحها رسول الله حينما يشعر زوجك بحبك سيريك حبه وعندها ستحبينه اكثر جربي ،، انا كنت مثلك والآن احب زوجي كثيرا ولله الحمد ،، يارب وفقها واسعدها وامنن عليها بالذريه الصالحه واعمر حياتها مع اسرتها الصغيره بالحب والموده والرحمه والعشره الطيبه والرزق الواسع واقر عينها حتى ترضى ،، |
| الساعة الآن 01:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©