|
رد : معقولة طلقني ؟؟؟[مستجدات بالرد 63]
انتي حابه زوجك وتبغينه
انصحك لاتفضحينه عند اهلك وتعلميهم عن بلاويه السوداء زوجك حابك وشاريك ادبيه بس انتبهي تفضحيه واستخري ي قلبي بكل شي تسويه الله يعينك |
رد : معقولة طلقني ؟؟؟[مستجدات بالرد 63]
الحرمه لما تخون يكون العقاب عسير بعكس الرجل لما يخون نسامح ونغفر وهذا الي خلاهم يتمادون
القصاص يجب ان يكون لجميع الاجناس لا تفرقه بينهم خليه يشرب كاس الذل ويتحسف حتى يفكر مليون مره ما يعيدها |
رد : معقولة طلقني ؟؟؟[مستجدات بالرد 63]
الله يصلح اموركم وزوجك غلططط والخيانه وجعها مررررر وكلنا شربنا منها رغم حب زوجي لي لكن الم الخيانه يعصر قلبي ادا ت\كرتها انا اقول دام طلقك فرصه تعطينه درس ف الاخلاق والخوف من الله واجلسي عند اهلك ريحي اعصابك لكن لاتخبريهم بشي وقبل ترجعين فكري في شرططط قوي وحازم تشرطينه ع زوجك يضمن سلامة حياتك القادمه معاه من الخيانه وقرفها وخليه يوقعلك ع ورقه مكتوب فيها شروطك اللي تبيها خوفك عشان مايرجع للنساء والصور الخليعه ويحافظ عليك وع ولده
وحاولي تكوني مبسوطه عند اهلك لاتتتعبي نفسك بالتفكير راح ياخد جزى اعماله من رب العالمين |
رد : معقولة طلقني ؟؟؟[مستجدات بالرد 63]
مساكم الله بالخير
البارح طول الليل وهو يراسل لكن قلبي للاسف صار يكرهه اي والله صار يكرهه وانا ثقلت عليه مره رحت مطبخ اهلي لانه تقريبا المكان البعيد عن العائله كلهم وجلست ابكي لانه في غصه في حلقي خصوصا لما شفت الاماكن الي كنت اكلمه فيها فترة الخطوبة والملكه اخوي دخل وشافني وحلفني بالله اعلمه وبيكون سر بيننا وعون لي بالافكار خصوصا انه محامي وعارف بهالقضايا وعلمته باالي صار وارتحت صراحه لما علمته كنت شايله هم على ظهري وراح مني هالحمل الثقيل اخوي انصدددددددددددددددددددم وسكتتتت ماتخييل سبب الطلاق خصوصا انا ماسويت شي يخليه يطلق اخوي ياعمري قال لاتعلمين ابوي اسكتي وانا بنصحك ارجعي له واحنا لانتدخل دامه ترجاك هالكثر نبيه يحافظ على كرامته وهيبته قدامنا مانبيه يحس انه ماله قيمه اخوي صادق والله انه تالم المسكين حسبي الله على كل بنت زوجي يكلمها وكانت سبب في هالكسر الي حصل بعائلتي انا ماابري زوجي بس برضوه الوم الوسخات الي تسلم نفسه بالحرام وتخون شرفها وشرف عائلتها وتخون زوجها وربها اسال الله في هالساعه ان يضيقها من العذاب والآلآم مدى الدهر اليوم الفجر كان يراسل بعد والظهر الين فقد الامل ارسل رساله الساعه 2 وقال انا جااايكم بالطريق وولد عمي ابو فلان ولد عمه كبير بالسن عمره 70 سنه ياربي وش بيقولون لااابوي وانا لسى ماعلمته وجو عندنا بعد العصر وطلب من ابوي يسون مناسبه كبيره لااهلي تقدير من زوجي للي ولااهلي فقط هذا سبب جيتهم ارسل لي ياليت تفهمين قصدي انا اقصد مناسبه لك انتي وابغى اراضيك وقدام الناس عشان تعرفين قدرك وقال لابوي زوجي ياعمي بعد اذنك ابي اخذ عيالي الليله الساعه 9 باجي اخذهم قال ابوي الله يحييك البيت بيتك والعيال عيالك مررره احرجني حسبي الله ونعم الوكييل علمني ابوي وقال يابنتي روحي مع زوجك وخلي ولدك عندنا ابوي وربي انه حاااااسس ابوي ذكي اضطريت عالسريع اروح المشغل واغير شكلي كااااامل بسرررعه خلال 3 ساعات وانا جاهزه ابي اقهررره واوصل له رساله انه مافكرت فيك وخليت اختي تروح السوق وتجهز لي عباية جديده ولوك خارجي جديده برضوه ابي اقهررره وجاء الساعه 9 وانا جاهزه ورحت معاه اقسم بالله اول ماركبت السياره حسيته انصدم من الشكل الخارجي وبالمطعم لما شاف شكلي انصددددم وانا سويت نفسي مشغوله مانتبهت له ابي اقهررره وجلس يكلمني وانا ماعطيته وجه كرهته مرررررررره اول مره احط رجل على رجل واطنش كلامه واخليه يسولف ولا بعد يقول بالسياره وين الي دايم تسولف وتنكت وتضحك تخيلوا مسوي عزيمه بمطعم صح المطعم حلو وغالي وجديد بس بدون هديه رجوع من جد حسيته يستخف فيني تعشينا وطلعنا وخليته يسحب لي مبلغ ورحت اهلي وسلمت عليهم واعطيت امي المبلغ هديه لها لانها تستاهله اكثر مني حبيبة قلبي وغلا الروح الله لا يحرمني منها ورحنا بيتنا واول ماوصلنا رااااااااااااح يركض على السرير وقال لي اخيرا رجعتي بروح انام لي اربع ايام مانمت خايف افقدك والحين ريحتك وحسك بالبيت انا معااااااااه بالبيت ورجعت له بس وش اسوي معاه ؟؟؟ اكون ثقيله ولا خلاص اتدرج بالرجوع للحياة الطبيعيه المعتادين عليها ولا ارجع بس اغيير شوي من اسلوبي واكون على طول حازمه مشكلتي ماعرف اكون حازمه على طول احب حياتي تكون سهله بدون تعقيد ماحب اكون ثقيله زي اليوم صح وربي انه ماعاد احبه ومتاكده من داخل قلبي انه القادم اجمل ابغى نصائحكم والي ماعنده نصيحه لو يدعي لي وماننسى وقفتكم معاي باكبر هم لي كنتم اسرتي وعائلتي الي لجات لها اشكر الله الي عرفني على هالصرح الرائع واشكره جزيل الشكر الي عرفني فيكم اخوتي واخواتي لاحرمكم الاجر |
رد : معقولة طلقني ؟؟؟[مستجدات بالرد 63]
الحمدلله ،، ربي يهديكم لبعض ويبعد عنكم بنات الحرررام ياارب .. حسبي الله ونعم الوكيل على كل خاينة لزوجها وتهدم بيت اسرة مستقرة بس لان حياتها منهدمة ..
حبيبتي ،، تدرجي معااه لازم يشوف منك حزم قليل وايضا دائما استشري اخوك دام عنده خبر وبما انه رجل فاكيد راح يعرف الاشياء اللي تاثر على الرجل نفسه وممكن تغيره .. الله يصبرك ويعيينك فعلا احساس صعب ،، رغم انه وضح ندمه الشديد وياريت يثبت على هالموضوع ويترك هالخرابيط |
رد : معقولة طلقني ؟؟؟[مستجدات بالرد 63]
يا اختي لا تعقدي الامور .. الحياة قصيرة و هو عمر واحد بدنا نعيشو
صح غلط،غلط كبير بس علا الاقل حس بغلطو و عمل كل شي منشان يرجعك زوجك بحبك بصدق .. لا تخسريه و تخليه يمل منك و يرجع للمعصية. ارجعي للحياة الطبيعية بالتدريج و عيشي حياتك |
رد : معقولة طلقني ؟؟؟[مستجدات بالرد 63]
اقتباس:
بالرغم انه تعودت انه داايم ماشيل بقلبي واحس هالشي غريب علي اول مادخلت البيت نسيت انه انا زعلانه وتعودت ارقص فرفشه بالبيت وللاسف سويتها قدام زوجي حسيت اني خسرت جزء من الثقل عليه |
رد : معقولة طلقني ؟؟؟[مستجدات بالرد 63]
اقتباس:
انا الله اعطاني قلب يسامح واخاف بكره اسامح وبصراحه ماابغى اسامح الحين حتى يتعب شوي بعد |
رد : معقولة طلقني ؟؟؟[مستجدات بالرد 63]
الحمدالله ربي يهدي سركم المهم دحين انه عرف قيمتك
صح الطلاق صعب بس شويه شويه ان شاء الله بترجع الامور مثل ماكاانت بس انتي هدي اللعب ولاتنكدي على عمرك وخذيها قااعده (عيشي لنفسك ) |
رد : معقولة طلقني ؟؟؟[مستجدات بالرد 63]
اقتباس:
وهذا الي بيصير وقررته من اول يوم طلقني انه راح اعيش لنفسي وماراح احرم نفسي شي طلعات وزيارات وجمعات مع صحباتي وتسوق واي شي نفسي فيه اسويه وهو باعطيه حقوقه بس مااهمل نفسي ابد ولا اكدر على نفسي بس لو حسيت فقط مجرد احساس انه يستغفلني طبعا بيكون لي كلام ثاني اكره الخيانه احسها موت سريع بالنسبه لعلاقتنا |
| الساعة الآن 03:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©