|
رد : اخوي ضربني !
اقتباس:
لما قلتي - انحني للعاصفه حتى تمر وهذا اللي حاولت اسويه لما نظفت البيت قبل امس كله كله حتى برا و من داخل ع اساس ابغى ابين له اني انا متسامحه و رضيت ب شروطه و ابغى امد جسور الوصال ونبغى نبطل لعب بزران لكن شفتي ايش سوا امس لما رفض يطلعنا وقبل يومين نفس الشي شرط علي نفس الشرط و سويته و اخلف معاي وعده و محمد عليه الصلاة والسلام قال ( المسلمون على شروطهم ) لكن حسيت السالفه بس عناد و مزاج و فرض سلطه ! حسبنا الله ونعم الوكيل - و صح كلامك هو يدور مبررات للضرب لانه امس واليوم قال لعماني ضربتهم لانهم طلعوا مع السواق ولان البيت مو نظيف لما دخل عمي امس البيت تفاجأ قال اخوك يكذب اساسا مافي الا انتوا وانتوا كبار كيف بتوصخون البيت ؟ والشي الثاني سالفة السواق : قلت لعماني ابوي يدري + لما طلعت مع السواق وهو زعل ، اول ما رجعت ارسلت له مسج اعتذر فيه قلت له اسفه اني طلعت وما عطيتك خبر ياعمري سامحني ! بعدها ب يومين يمد يده علي ويقول حاقد عليك من سالفة السواق !! - لا ما راح ألجأ للشرطه باذن الله لاني كلمت عماني بهالنقطه قالوا بلاش فضايح و خلاص ما بيتجرأ يسوي لك شي شكرا لك |
رد : اخوي ضربني !
اقتباس:
ايوه فقط هذا اللي ابي اوصل له |
رد : اخوي ضربني !
اقتباس:
هو صح ماراح يذبحني او يقتلني بس بعد خلاص ما ابغى اعيش ب خوف مره ثانيه هذا اللي اسويه مره ما احتك فيه ابدا اساسا بقول لك شغله : بالاساس احنا مانشوفه الا مره باليوم ولدقايق بسيطه يمر يتلقف ويشوف ايش الشي الغلط بالبيت ويسب ويصارخ ويلعن ! حياته زي ماقلت لأصحابه وسفراته فققققط ما يسأل علينا وهذا كان اكثر شي مستفزني لانه يحاول يفرض سيطرته رجولته علينا فقط ( من باب الطلعات والخروج ) و يبررها بأنه يخاف علينا طيب الرجال فعلا واللي يخاف فعلا ( يعرف عن خواته يعطيهم فلوس يسال عليهم يسكر الباب وراه لما يطلع ) معليش انا مقدر اقتنع او اصدق هالمبرر انه خايف علينا لانه اللي يخاف ما يخاف من ناحية وحده بس ، يخاف من كل النواحي شوفي انا لو ب استرجع تصرفاته كلها معانا طول هالايام بموت قهر ف بحاول اتناسى لان الموضوع قرب ينتهي و ان شاء الله طلباته راح تكون اوامر وانا فعلا احسه يحس بالنقص بشكل كبير وهالشي بالعكس مزعلني عليه : ( ومتأكده بعد زي ماقلتي انه ماراح يسامحني لو رفضت اروح معاه لانه مره ارسل لي قبل فتره وانا ب دوامي انه لو وافقتي على اللي متقدم لك و تزوجتي وسحبتي علي والله ما اسامحك طول عمري ألزم ما علي نفسيتي صراحه .. |
رد : اخوي ضربني !
اقتباس:
لانه اللي فهمته من كلام عماني امس عن اخوي انه واضح ان شخصيته مو مضبوطه بس يقدر يكسب تعاطفهم لو حكى لهم موضوع السواق والتنظيف من وجهة نظره لانه عنده اسلوب بالكلام : ( - ان شاء الله صارت غرفتي حبس انفرادي اساسا كلما اسمع صوت باب غرفته اركض لغرفتي خايفه منه ومن كلامه اخاف يجرحني بالكلام حتى لو ما مد يده مررررررره ما اتحمل : ( - مررررررررررررررره مبالغه صادقه - بإذن الله بلتزم بالاستغفار ، هذي سبحتي جمبي fdgrg شكرا لك لأنك تذكريني بالله سبحانه و تعالى |
رد : اخوي ضربني !
اقتباس:
وانا لو أبغى أكسره و اهدم شخصيته كامله و اشوه سمعته رحت دخلت اي واحد من خوالي .. و ع طول خوالي بياخذونا عندهم وبيذبحونه من الضرب عندهم الضرب خط أحمر ! بس انا دخلت عمي عشان العكس عمي شخص محترم و خلوق واسلوبه لين و ابغاه بس يناقشه ب أفكاره و يبين له انه هو غلطان لكن بقول شي ترا انا لجأت لعمي الكبير اللي ما وصاني عليه ابوي هههه لانه عمي الكبير حازم جدا ( وهذا موضوع ضرب يحتاج حزم ، و الحزم زي ما هو معروف مو شرط بالصراخ او الضرب لكن ب الادب و الثبات و و ) و قريب من الله كثير و عنده علم واسع انا هدفي انه بس يناقشه ب أفكاره ينصحه يصححها له يبين له انه غلط اللي سواه وسبحان الله كلمت ابوي و استشرته واستخرت و رحت كلمت عمي الكبير و جات ردة فعله زي ما اتمنى جدا رائعه - امم بالنسبه لأخوي احسه ساذج فعلا وغير مسؤول بالاضافه لكذا اناني ( لانه يسمح لنفسه يطلع و ياكل ويشرب ويشوف اصحابه واحنا لا ) + فيه فرض سيطره و عدم غيره على عرضه + و غيور ( لما يحس ان في شخص ممكن يكون افضل منه ) و يمكن فيه نقص ( ب شخصيته ) لكن اللي متأكده منه انه فيه نقص بالدين ك معلومات لانه آيات قرآنيه واحاديث واضحه يفهمها فهم عجيب .. حتى لما حكيت لعمي مو مصدق يقول انه يمكن يكذب عليكم و يبرر لنفسه قلت له لا والله العظيم هو مقتنع انه هالآيه معناها كذا و هالحديث معناه كذا !! وانا ابغاك توعيه ! + نقص بالدين ك صلاه وعبادات وقراءة قرآن - والله اني احبه و اعرف انه طيب و اعرف انه فيه خير و اعرف انه بعد يحبني و له مواقف كثيره معاي زي اول راتب له - قبل يمكن 4 شهور عطاني اياه كامل واشترى لي فيه اثاث لغرفتي كامل من و إلى ! كذا من نفسه انا ما طلبته يعني في له معاي مواقف حلوه قويه و بغض النظر عن المواقف ، حتى لو ما سوا لي شي العائله الام الاب الاخوة الخوات الاقارب ( كل هذولا احس نفسي لازم احفظ لهم شعور بالمودة تجاههم مهما صار لأن الله سبحانه وتعالى وصى بالرحم ) |
رد : اخوي ضربني !
اقتباس:
انا كنت واثقه من عمي الكبير بس تفاجئت من عمي الصغير على فكره عمي الصغير هو اللي وصاني ابوي ادخله بالموضوع اثنينهم نصحوه انه حرام عليك خواتك خليتهم يخافون منك و و ! الحمدلله حمدا كثيرا جزاك الله خير ياعمري ما قصرتي |
رد : اخوي ضربني !
اقتباس:
مو شرط تكونين معاي من بداية الأحداث وانا مانزلت المشكله الا عشاني اطمع تفيدوني لو ب حرف ( أن تأتي متأخرا خير من أن لا تأتي ) هذي قاعدتي : d - صح كلامك كثير تصير مشاكل بين الاخوان ومو بس بين الاخوان بكل العلاقات كذا طبيعه الحياه بس في اشياء تحسين لازم تحطين لها حد - الحمدلله على هالنعمة الله يحفظهم اعمامي ويطول ب اعمارهم - شوفي انا ما اعتبر نفسي فشلت مع اخوي ابدا لأن طبيعة الحياه بين جزر و مد ( ولقد خلقنا الإنسان في كبد ) يعني هي مشكله وصارت ما اعتبرها فشل لأنها جزء من طبيعة الحياة ككل انا ماني في الجنه عشان تكون حياتي كامله واحس هالمشكله خيره خيره خيره و رحمه من ربي لأني سبق و قلت اني قدمت ع الابتعاث وانتظر اسمي يطلع خلال هالأسبوع طيب افرضي ما صار هالموقف و رحت سافرت معاه واندبغت هناك ههههه ؟؟ الشي الاخير - سبق وكتبته ب رد سابق الاهل الام والاب والاخوه والاخوات والاقارب هذولا اشخاص محوريين مهما توترت علاقتك فيهم خلي بينك وبينهم جسر من الموده لا ينقطع وخلي في خط رجعه لسبب واحد ( ان الله سبحانه و تعالى وصى بالرحم ) و ترا مريت ب مرحله الذبذبه مع الام و الاب هههههه يعني عادي ما انولدت وحياتي كامله وممتازه والاشخاص اللي حولي رائعين وعلاقتي فيهم رائعه كله يبي له مجهود و تمر الايام و نكبر ونتطور في ديننا ونقرب من الله اكثر ونصير نتجاوز و نعقل والحمدلله على كل شي - جزاك الله خير على كلامك الطيب الله يجبر بخاطرك زي ما جبرتي ب خاطري بس ممكن توضحين لي اكثر يعني من كلامك عن نفسك فهمت ان حياتك صار محورها الابناء و الزوج فقط قصدك ودك يكون لك انشطه خارجيه ؟؟ - شوفي انا دخلت عمي الكبير فقط وعمي الصغير درا من اخوي و اثنينهم كانت ردة فعلهم حلوه يعني نصحوه بطريقه مهذبه و عاتبوه وانا كنت متأكده من هالشي من ناحيه اعمامي بالذات ان ردة فعلهم بتكون حلوه لاني اعرفهم زين بالنسبه لخوالي شوفي معاملته لي مو اساسها تحقيرهم وهم ما يحقرونه بالعكس جدا يحبونه بس كانوا يقارنونه فيني من باب انه ودهم يتعدل ويخجل وكانت كل مقارناتهم ب نبرة عتب او مزح ! بس انا شخصيا اعتبرها شي يجرح و شي وارد انه يكون كلامهم اثر فيه بطريقه سلبيه لانه كان يضربني وهو يقول انا حاقد عليك من زمان وشايل ! - اللهم امين شكرا لك على دعواتك الحلوه بس لازم ترجعين تجاوبيني ع سؤالي بخصوص حياتك قلبناها سوالف ههههه |
رد : اخوي ضربني !
اقتباس:
انه مره مبسط المشكله .. وحكى لهم زي ما قلتي انه انا ضربتهم عشان السواق والتنظيف بس ترا مهما يكون ومهما حكى اعمامي مقتنعين انه لما ضربنا بهالطريقه الوحشيه ما كان له حق وان الموضوع ( حتى لو اقتنعوا انه يقهر ) ما يعالجه بهالطريقه وسبحان الله شوفي اي انسان بتحطينه ب موضع انه متهم ماراح يعترف ولا راح يتنازل وراح تكون عنده مبرراته حتى لو كانت تافهه ! يعني زي المجرمين والقتله اللي مره سووا معاهم لقاء اذكر ف برنامج وسألوهم عن دوافعهم كانت مره تضحك ، شي لا يصدق ، الله لا يبلانا - اممم الحمدلله محد لامني ع نقطه انه عمي تدخل لاني استأذنت من ابوي - اهلي بيرجعون بعد اسبوع يمكن - ابوي ردة فعله متعاطفه معانا ( و راح ارجع اكتب كل شي صار ) وامي هو كان طول المشكله يبيها توقف ب صفه ف كان يخبرها عن الاحداث من وجهة نظره اولا بأول ف طبيعي كانت متعاطفه معاه امس ارسلت لي : ليش تضاربتوا ماله داعي توصل الامور بينكم لكذا ( يعني حسيتها تهاجمني وتحملني جزء من المسؤوليه ) بكاني ردها بعدين ارسلت لها : محد تضارب مع الثاني واساسا مانشوفه عشان يصير بيننا احتكاك بس صار موقف تافه و مد يده علينا وارسلت لها صور لوجهي انا واختي ! ومرررره تأثرت امي .. بكيت مره ثانيه لما حسيتها رحمتنا : ( |
رد : اخوي ضربني !
بكتب لكم آخر المستجدات ..
كلمت عمي الكبير اليوم و سألته اذا كان كلم اخوي او لا ؟ قال ايوه كلمته اليوم جاني المكتب ونصحته و ناقشته ب أفكاره وقال لي انه هو غلطان و وعدني يعتذر لكم وماراح يمد يده مره ثانيه بعدين سألني : جاكم يعتذر قلت له : صراحه هو اول ما يدخل ونسمع صوت الباب ننحاش لغرفنا ونقفل علينا يعني ماعطيناه مجال خايفين منه قال : لا لا لاتخافون خلاص مو صاير شي باذن الله بس هو يبي يبي يفرض شخصيته و انتوا عطوه جوه لين يجي ابوك و حاولوا تنظفون البيت قلت له : عمي تراه كذاب بيتنا طول الوقت نظيف وامس عمي لما جانا قال نفس الكلام ، ترا ماخذها حجه قال : المهم انتوا اخوان والحمدلله الموضوع انتهى على كذا و و قلت له : طيب في فستان تسلفته من بنت خالي ابي ارجعه لها تبيه لبكره شسوي اخاف احتك معاه و يسوي شي يخوفني ؟ قال عادي كلميه و اطلبي منه و عطيه جوه انه المسؤول اذا ما رضى خلي السواق يودي الاغراض وكلميني و بتفاهم معاه مره ثانيه ! ... رحت ارسلت له مسج انو : السلام عليكم كيفك ان شاء الله بخير عندي اغراض ودي توديها لي واكون لك شاكره ! و نشششوف ايش يصير : ) و ابوي قبل شوي دق يسأل علينا و ربي قطع قلبي بكيت بكى ! لانه سألني عن كل شي وقلت له لو تشوف وجهي الحين كله كدمات وعيني بعد قال لا حول والا قوة الا بالله حسبي الله عليه لاحول ولا قوة الا بالله قعد كذا يكررها حسيته تضااااااايق مرررررره : ( مره حزنت عليه و على امي بكيت عليهم قطعوا قلبي .. بالله ايش يستفيد من حركاته معانا ضيق صدورهم وهم مسافرين ينبسطون !! حتى قبل امس لما ضربني قال انا كنت اعلم امي كل شي اول بأول قلت له غلط تصرفك ليش تشكي لها تضيق صدرها ومشاكلنا تافهه وبعدين حركات مبزره اني اروح انشر غسيلي خلاص مشاكلنا بيننا قال لا امي لازم تدري بكل شي ولازم تعرف حقيقتكم !! و ... الحمدلله الحين نحاول نستانس قد ما نقدر عزمنا صديقاتنا وبعد شوي بيجون نبي نغير جو : ) |
رد : اخوي ضربني !
الحمدلله تطورات تبشر بالخير ..
عاد تدرين على كثر ما أنا حزنت عليك واللي عانيتة مع اخوك من خوف ومواقف وتصادمات .. حزنت على اخوك ورحمتة الله يصلحة ويهدية احسة في صراع داخلي .. يسوي امور مو مقتنع فيها عشان يثبت رجولتة ، ويندم بعدين .! حتى لو ماأظهر هالشي ، لأنة مايفكر بعقلانية ويحتاج يغير تفكيرة عشان تتضح لة الأمور .. ذكرتيني بموقف لي مع واحد من اخواني عصبي جدااا .. يعني اذا عصب مايشوف اللي قدامة .. وكنا دايم نعطية جوة ولا نناقشة في شي مع انة ينرفزنا بتعاملة وطريقة تفكيرة .. ومرة مسوية فيها الا بقنعة بشيء خطأ وقام يصارخ ويهزيء وللأسف أمي عندة وماقالت لة شي : ( بس جا اخوي الكبير وانقذ الموقف ووقفة عند حدة والا اخوي هذا شوي ويسفني بغطا القدر .. ولاعمري اذكر سوا لي شي او فرحني بشي ومع ذلك ارحمة واحيانا اعصب منة .. واحاول ماعاد اناقشة في شي فقط سوالف عادية .. لاني اخاف ينطل كم كلمة وانا على قولتك حابة احافظ على رباط المودة بينا .. نرجع لسوليفنا الجانبية : )) اقصد اني فجأة لقيت نفسي متزوجة مالحقت اخطط لحياتي واشوف وش احب وامسك بداية الطريق اللي حابة امشي علية .. تقدرين تقولين كنت في حالة فوضى وضايعة ومدري وش ابي ولاكنت افكر بنفسي وراحت السنوات و لقيت نفسي ؛برت وانا ماحققت شي ..! وبديت افكر بوعي واشوف اللي حولي يتطورون وانا مكانك سر : ( والآن لا وقت ولافرص ولازم ابدأ من جديد بس بعد ايش ،!!! لو الواحد يبدا يمسك الطريق وهو بدون مسؤوليات او مسؤليات اقل ممكن بعدين يقدر يأقلم نفسة لو زادت مسؤولياتة ، بالإضافة ان كل يشي يحتاج وقت مافي شي تحققينة بسرعة البرق .. وآخر سبب لأني مشتتة كثيييير مو عارفة وش ابي بالضبط وايش شغفي الحقيقي .. عشان احط جهدي ووقتي فية واحققة قبل ماأموت : ( ( عشان اوضحلك انا احب اشياء كثير وهواياتي كثير بس مااحس في شي ابدعت فية وموهوبة فية عشان احقق فية طموحي واوصل للي ابية ) مدري كلامي خاش عرض في موضوعك بس اظاهر ماصدقت احد يسألني ههههه .. الله يسخرلك يارب اخوك ويهدية ... وشكرا انك فتحتي مجال لفضفضتي fdgrg |
| الساعة الآن 11:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©