|
رد : طلقني
الله يعوضك خير
ممكن رابط قصتك لاني مو فاهمة طلاق كذا لاحول ولاقوة الا بالله |
رد : طلقني
لا لا صدمتيني بتواصلك معه !
وش قاعده تسوين في نفسك ! ارحميها ياقلبي اذا يبيك وشاريك ونادمان ومهموم ع قولتك يدل طريق بيتكم ، غير كذا لاتخلينه حتى بحلمه يتواصل معك بعدين سالفه الطلاق لو كان يمزح اسئلوا فيها شيخ اللي اعرفه يقع الطلاق لو بالمزح ، ليه مضايقه نفسك ع القسم مطلقات او متزوجين مافرقت اهم شي تفضفضين فيه وتستشرين ، ما انصحك تكونين حساسه لهذي الدرجة المشوار قدامك طويل شيلي الحساسيه ع جنب واحمدي ربك انت بنعمه عندك أم وتحب عيالك وعندك اهل عسل ويحبون عيالك وبخير وعافيه وعيالك معك وعندك اموال لو حاجتك الدنيا راح تلقينها وباذن الله ربي ما يحوجك ، استشعري النعم ورددي دائما الحمدالله الحمدالله وراح تحسين براحه وتقولين في نفسك فرقاه عيد الحمدالله اللي ربي خلصني |
رد : طلقني
شفت صوره جروح وتاثرت
|
رد : طلقني
اقتباس:
أعزي نفسك وكافي مذلة .. واللي يبيعك برخيص بيعيه بتراااب .. لو .. وأقول لو ما صار الطلاق .. أي أمان بتحسينه معاه ؟؟ يا أختي .. ياحبيبتي .. كل مرة يطلق وتستفتون ويجيك شيخ يقول كان غاضب وماوقع الطلاق وماتحسبونها طلقه .. كم مرة هالشي ممكن أعرف ؟؟ هو شايف الطلاق لعبة .. وعشان فيه ما أدري أي شيخ يسلك له بكل مرة صار طليقك مايخاف من هالكلمة .. ولا يحسب لها حساب ألحين طلقك بهدوء .. وش تبون الشيخ يقول لكم ؟؟ أصلا أنا شاكة في استفتاءات زوجك للشيخ بخصوص الطلاق ... زوجك عقله براسه .. ومافيه واحد وقت الغضب يطلع مخه برا راسه وبعدين يرجع في راسه .. إلا المريض النفسي .. هذا مايدري عن نفسه بعض الاحيان ويفقد عقله .. ترا الطلاق جده جده ومزحه جد .. |
رد : طلقني
ربي يصبرك حبيبتي ويربط على قلبك ويطرح البركة في بناتك ويقويك على تربيتهم
حبيبتي عزي نفسك الي باعك برخيص لا تسالي عنه لا تتواصلي عمه ,,, علىالاقل تغلي خليه يحس بفراقك ويندم وهو الي يجي لعندك يطلب رضاك لا تتاوصلي معه حتى لو بقى بالعدة اخر يوم او انتهت انسي رقمه خلاص وارحمي نفسك حبيتبي ارحمي حالك ما عشتي يوم براحة ارتاحي حطي بناتك بحضنك وانسي كل الدنيااااااااا الله يصبرك |
رد : طلقني
فرحت لرجوعي لهالقسم
لاني متعوده ع بعض الاعضاء لي اعرفهم ويعرفوني ابي مستشار ولا احد يفيدني انا طلبت منه حق الحضانه قال لا هل لي حق الحضانه الي سن سبع سنوات وبعد كذا يخيرون ولا من حقه يسحبهم بالله اعطوني خطط امشي عليها عشان مايكسرني من جديد والله اعلم اذا ماني متاكده انه يدري ويراقب وش اكتب بالمنتدى وهل احذفه من الواتس واخلي تواصله مع امي او اخليه عادي اذا سال ع البنات انا ضايعه جدا ابي احد من الرجال يرد علي او مستشار قانوني |
رد : طلقني
ياحبيبتي
واضح انه مو مهتم للبنات وماراح يتحمل ياخذهم ومين بيربيهم يابنت الحلال طنشيه وعلمي اهلك عشان يساندونك ويوقفون معك وامسحي ارقامه وارقام اهله عشان ماتتابعينه و تنقهرين امسحي البرامج واذا يمديك تطلعين رقم ثاني بس تعطينه اهلك وصديقاتك وألجأي لله وركزي على نفسك وانبسطي خليه لاتكلمينه اذا ربك رايد رجعه بيفكر لوحده وليرجع بعد كم شهر واذا مالك نصيب فيه احفضي الي باقي لك وعزي نفسك عنه وربي بيعوضك والله حاسه فيك والطلاق صعب و نفسيتك مره فوق مره تحت لكن لازم احد يساندك مثلا امك او وحده من اخراتك او صديقاتك او هنا بالمنتدى فضفضي لها وتكلمي ابكي صارخي طلعي كل الي بنفسك عشان ترتاحين انا ارتحت كثير بعد ماطلعت كل الي بنفسي ومتقبله الطلاق الحمدلله بعد شهور هديت وثقلت انشغلي قد ماتقدرين ولاتجلسين لوحدك وقت النوم روحي وانتي طافيه ولاتاخذين الجوال معك عشان ماتكلمينه انسي الجوال خليك ع اللاب او الايباد وتابعي برامج بالنت او اشياء مفيده والله بتنسين وتنشغلين واستخيري بكل صلاه و ادعي اللهم اجرني في مصيبتي واخلف لي خيرً منها وحسبي الله عليه توكلت وهو رب العرش العظيم |
رد : طلقني
قانغه جزاك الله خير والله يعوضك يارب
ماتدرين يمكن ان شاء الله يكبرون ويبغى يلعب لي على اخر ورقة ضغط انا ممكن افضي براسه رشاش كله الا بناتي بس ابغى اضمن نفسي بعد الله وكذالك لو مات هل اهله من حقهم يطالبون بحضانه البنات انا فعلا راح اغير كل ارقامي اذا يبغى شي يتواصل مع امي حتى امي كرهته |
رد : طلقني
لمسه غروب والله تفاجات بموضوعك انتي ومعالي الله يفرج همكم ويكتب لكم الخير
لمسه حبيبتي قولي اللهم أجرني في مصيبتي وخلف لي خيرا منها اذا حصل الطلاق من والد بناتك صدقيني فهو خير لك وسبحان الله أحسك متماسكة افضل من العام ومتقبله الوضع زوجك ماينزعل عليه واصلا أنتم كان بينكم طلاق عاطفي مافي اي شي يجمع بينكم وإنتي كنتي متالمه من إهماله لك الحمد لله رب عوضك في بناتك وان شاء الله ما يفرق كم عن بعض زوجك مستحيل يأخذ البنات منك هو يبغاكي انتي تتكفلي فيهم الحضانه لك ان شاء الله ما يقدر يأخذوهم منك لمسه حبيبتي انا لمى طلقني زوجي احضر ورقه لاخوي وطلبو حضوري لمحكه الاسره او محكمه الإصلاح مو عارفه بالضبط بس لازم يكون عندك علم بالطلاق وزميلتي المحكمه دقو على اخوها وقالوا تعال استلم صك طلاق أختك |
رد : طلقني
لمسه استخيري وعطيه يومين وردي كلميه
قولي نحل مشاكلنا ونلم بناتنا ان مارضى خلاص استلمي ورقتك واخذي نفقتك وهو واضح مش مهتم بحضانه البنات يقول لك مره بالسنه ربي بناتك واهتمي فيهم والله يرزقك برهم الحمدلله طلعتي بعالوردات انا تطلقت بدون اطفال واعاني احس طلعت بلا شي الحمدلله يارب انتي بنعمه كبيره اهل يساندونك وبنات توام بالنسبه لمشاعر بناتك دام انتي غامرتهم حب وحنان وتوجيه ماراح يحتاجو احد ان شاءالله ولا بيحسوا بالتقص ابد |
| الساعة الآن 07:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©