|
رد : زوجة أبي تعبث بما املكه
اقتباس:
لكن المشكلة أنج تسمين الأمور بغير مسمياتها ومتوقعة من اللي حواليج يتفهمون ويقتنعون ويسايرونج! زعلانة لأن محد حاس فيج مثل ما تقولين .. وفي نفس الوقت انتي مب حاسة في أبوج!!! عطيتي نفسج الحق في يوم من الأيام انج تدورين على سعادتج .. وبدون الدخول في أي تفاصيل محد يقدر يقول إنج كنتي غلطانة من حيث المبدا على الأقل .. وفي نفس الوقت مستكثرة على ابوج إنه يدور على سعادته وراحته واحتياجاته .. وتطالبينه يظل دافن نفسه في حياة ـ رغم كل روعتها وحلاوتها والسعادة اللي كان عايش فيها ـ إلا إنها راحت وانتهت. |
رد : زوجة أبي تعبث بما املكه
اخت مهرة
اللي صار عبارة عن واقع من صنعنا .. و موب من القدر... مصيرنا واحد واذا قررنا مصيرنا واجب علينا نشارك اهلنا يوم تزوجت طليقي الكل على علم برغبتي وماحد أبدى اعتراضه طالما نشأناا على مبدأ معين فرض علينا نحترمه يتبع |
رد : زوجة أبي تعبث بما املكه
ابتعدي أحسن
واتركيه يعيش حياته كما يحب الحب الحقيقي انك تقدم هوى محبوبك علئ هواك هذا مش زوجج علشان نقولج تملكيه.. هذا أبوج اللي له فضل عليج طول حياتكم تزوجتي واخترت نصيبج وتطلقت ماعتقد انج تطلقتي علشان أبوج علشان تبينه يطلق علشانج! ولا كان من الاساس ما تزوجتي وتركتيه.. غريبة أنت أنا أترك بيتي وريلي علشان احتياج أمي لي ولو أعرف شي يمنحها السعادة مثل مابوج لقا،سعادة مع زوجته كان عطيتها اياه بلا تردد بس مع،الاسف مالقيت شي يسعدها وانت تبينه يترك سعادته علشان راحتج وسعادتج.!! قمة الانانية فعلا |
رد : زوجة أبي تعبث بما املكه
انا موب ضد فكرة الزواج .. انا ضد انها تكون معانا ... واللي زادني نفور تصرفها بأمور مآ تخصصها كيف تستهين بأمور ماتنعنيها وتصرف فيها من غير علمنا من غير لاتقول
بالأخص تشاورني لاني انا حافظت عليها وفي اليوم اللي كنت بتصرف فيهن والدي حذرني ونهاني مهرة لو قابلتي ييهودي شو شعورج؟؟؟!هذا هو شعوري اتجاهها انا خبرتها والإحسن تتجنب تفتح أي حوار معايا اخوي الصغير سافر بدت أجازتهم ربي يحفظه وانا وجهتي صوب اختي الحجوزات زحمة بسبب الكريسماس وجودي معاها صار ثقل حمل. لي ولها |
رد : زوجة أبي تعبث بما املكه
اخت فاكهة
زوج بداله زوج، الوالد دم مصير مقام فرض علينا تقديره والحرص عليه ذكرتي نقطه وألحقتيه باستنتاج من عندج دون السؤال شكرا لج |
رد : زوجة أبي تعبث بما املكه
بصراحه رحمت ابوك الله يعينه يارب ريحيه ياغاليه وخليه يعيش حياته بمايرضي الله
اشغلي حياتك بشي يفيدك واهتمي باخوانك او خواتك انشغلي فيهم واهتمي فيهم خليك بمثابة الأم معاهم |
رد : زوجة أبي تعبث بما املكه
ضمَا ناسي
من اول شاكة انك الي في بالي .. تفتكري لما زعلت هذيك الاولى ! انت ايش كانت ردة فعلك ! للأسف .. انت تعودتي انه كل شي تبغيه .. لازم يصير و لازم يمشي مثل ما تريدي انت .. انت تمشي بطريقك و تدوسي اي احد أمامك .. المهم ماحد يعترض طريقك . . |
رد : زوجة أبي تعبث بما املكه
اقتباس:
شفتي؟ لازلتي تسمين الأمور بغير مسمياتها .. وتعطين لنفسج حق مب حقج .. وتحطين نفسج وابوج في مقام واحد! يوم انتي تزوجتي طبيعي يكون زواجج بعلم الكل .. وطبيعي ولازم وضروري أبوج يكون موافق .. لكن العكس مب صحيح .. وأبوج مب ملزوم ياخذ موافقتج ورضاج على زواجه. ومع ذلك الريال كثّر خيره .. عامل لج خاطر ومقدر نفسيتج رغم انج مالج حق .. ومع ذلك انتي مستمرة في .... والله يا ضنا مب عارفة شو اسميه هذا اللي انتي تسوينه بالضبط!!! اقتباس:
والله لو اليهدوي ما أذاني في شي .. فعادي .. بجد والله ;) لكن في كل الأحوال هي مب يهودي يا ضنا! ومسألة إنها تتعبث في أغراض الوالدة .. ورغم انج ما فصّلتي هالنقطة عشان نفهم بالضبط شكثر الحدود اللي تجاوزتها .. لكن حلها كان بسيط جداً لو كانت الإشكالية فعلاً تخص أغراض الوالدة الله يرحمها. كان ممكن ببساطة تحطين أغراض الوالدة في غرفة خاصة وتسكرينها .. وغالباً كانت بتفهم معنى هالتصرف من نفسها ولا كانت بتتقتحم خصوصية هالغرفة بأي شكل من الأشكال .. وفي أسوأ الحالات ولو ما فهمت من نفسها كان ممكن انتي تفهمينها بهدوء وبدون استعلاء أهمية هالغرفة والأغراض اللي فيها بالنسبة لج ولاخوانج. لكني بمناسبة هالنقطة حابة أوضح أن في فرق بين إنها تتعبث في أغراض تخص الوالدة فعلاً .. مثل ملابسها أو ذهبها أو أغراضها الشخصية .. وبين إنها تغير من شيء كانت الوالدة عاملته كأن تغير مكان قطعة أثاث مثلاً أو تشيلها وتحط قطعة غيرها .. وانتي ما شرحتي هالنقطة بشكل كافي عشان نفهمها بالضبط. لكني إجمالاً مب شايفة إن المشكلة الحقيقية في أغراض الوالدة .. ومهم جداً نكون صريحين مع نفسنا .. إنتي اعترضتي من أول ما ابوج تزوج .. ومعتبرة زواجه خيانة للوالدة الله يرحمها .. بغض النظر عن تصرفات زوجته .. وعندي سبب آخر بناءً على شخصيتج اللي عرفناها من خلال مواضيعج السابقة كلها .. وعلى هذا فأي تصرف منها مب مقبول .. وأي حركة بتفسرينها تفسير سيء .. وانتي بنفسج قلتي: أحسها مخادعة .. مع ان الحكم على الناس ما ينفع يكون قائم على الإحساس! على كل حال .. أنا أدري إن الكلام ما منه فايدة .. وأدري انج عمرج ما بتحسين في الوالد الله يبارك لكم في عمره .. وأدري انج تفكرين في نفسج قبل ما تفكرين في غيرج .. لكن ما عندي غير أقول لج: الناس مب لعبة عندنا يا ضنا .. وإذا كان ابوج طلقها أول مرة بسبب تهورج وضغطج عليه من خلال محاولة الانتحار .. فهذا شيء المفروض يخليج تخجلين من نفسج .. وتحسين بالذنب تجاه أبوج لأنج حطيتيه في موقف سيء جداً وخليتيه يظلم إنسانة ما سوت لج شي. |
رد : زوجة أبي تعبث بما املكه
ياااه ضما نفسي
تغيرتي كثير أصبحت اكثر نعومة ورقه انت بمحاولات التغير في المكان الصح واصلي كفاحك |
رد : زوجة أبي تعبث بما املكه
اقتباس:
نعم تغيرت جداً وسعيدة لأجلها .. وستصل بإذن الله لأنها صادقة مع نفسها ، اسأل الله أن يرزقها من حيث لا تحتسب .. لكِ الدعوات تترا ياضما .. |
| الساعة الآن 06:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©