المشاركة الأصلية كتبت بواسطة RAOUF&RANA (المشاركة 3156437)

المشاركة الأصلية كتبت بواسطة المتفائل بالله (المشاركة 3156289)

مشروع ناجح بالتأكيد خصوصاً ف السعودية ف المشاريع ماشاءالله كثيرة وتستطيع ان توقع عقودك مع الشركات من خلال مواقع اعمالهم ، ولكن تحتاج إلى راس مال كبير لانها تعتبر من المشاريع المكلفة.
نريد افكار تجارية للمشاريع الصغيرة .. اعطونا افكاركم
وين العم رؤووف .. اتحفنا

المشاركة الأصلية كتبت بواسطة donss2004 (المشاركة 3156807)

عموما يا اخ رؤوف اذا كان على عمل الخير الحمدلله احنا ما بنقصر سواء على بلدنا او الدول العربية الصديقة لكن في قاعدة عامة عني اشغل نفسي قبل الشيطان لا يشغلها اهم شئ اشغلها في الحلال
من ناحية التصدق والصدقة يا غالي خليني اذكر لك قصة صارت لزوجتي من قبل تقريبا سنة كانت زوجتي عاملة صدوق تبرعات بسيط مع اخواتها وصديقاتها في الجامعة لاعانة اسرة فقيرة سعودية عندنا في الرياض اتوقع في حي الجرادية يعتبر هذا الحي من الاحياء الفقيرة عندنا المهم الاسرة مكونة من اربع بنات وامهم واتوقع في اطفال غير البنات الكبار اعمارهم فوق ال25 سنة كانت اخت زوجتي تدفع لهم الايجار واخواتها الي يجيب مقاضي والي يسد فواتير وكل واحدة ماسكة شئ من المصاريف وحياتهم ولله الحمد ماشية على ما يرام الى ان جاء موقف صراحة انا تضجرت منه نوعا ما
اخت زوجتي جابتلهم عرض وظيفي معتبر عمل 5 ساعات في منشأة نسائية بالكامل براتب 5 الاف ريال للبنات الاربع كلهم واتوقنا انهم راح يطيروا من الفرح لانها وظيفة مميزة وراتب ممتاز نوعا ما وعمل شريف نسائي بحت مافي اختلاط او اي شئ من هذا القبيل
الي سار اتفاجأنا ان الاربع بنات رفضوا فكرة الوظيفة وبقوة !!!!
بحجة انهم لا يقدرون على العمل , حاولت معهم اخت زوجتي لكن مافي فايدة الشاهد في الموضوع مدري حسيت انهم اتعودو على العيش على حسنة المسلمين وهذا شئ لا يجوز وهوا ليش من خلق المسلم ولكن هذة النوعية بذات كثرت عندنا في بلاد الحرمين اقربها عند الاشارات بتشوف رجال شباب يشحتوا من الناس قادرين على العمل وتجد نساء مع اطفال رضع نفس النظام هذا غير العصابات الي سارت تخطف الاطفال وتسبب لهم عاهات مستديمة فقط عشان يشحتوا بهم الموضوع متطور جدا من هذة الناحية انا عن نفسي وهذا رأيي في الموضوع ان التبرعات اكثر من يستحقها دول المجاعات مثل الصومال ونيجيرا وتشاد خلينا واقعيين بصراحة اذا انتا تتكلم يا اخ رؤف انو 2600 ممكن تزوج شاب مصري في جمعيات عندنا في السعودية موثوقة ولهم اثباتات بالصوت والصورة وهم يوصولون التبرعات الي دول المجاعات 2600 ريال عندهم تكفل يتيم لمدة سنة !!!
المسالة مو مسالة تبرع وبس لكن فين الواحد يحط فلوسه

المشاركة الأصلية كتبت بواسطة donss2004 (المشاركة 3157877)

وعلى سيرة المشاريع انا عندي مشروع صغير مع واحد من اصحابي وهوا اننا بنجيب فحمات الفرامل تبع سيارات اللكزس والتايوتا واغلب الشركات الاخرى لانو الفحمات الي بيبيعها الوكيل عبدالطيف جميل سيئة للغاية وما تعيش وتعمل سواد على الجنوط وتسبب رجة على السرعات العالية واحيانا صفير عند الاستخدام والاهم من داه كله انو عمرها الافتراضي قليل جدا

يعني انا احد الزبائن جاني مرة عنده لكزس ls 460l موديل 2012 يحلف انه ماسار له شهرين مغير الفحمات وطلعت صوت وكربون على الجنوط الرجال كان جدا مستاء من سيارته لكن ما الومه اهم شئ في السيارة الفرامل يعني بالله تخيلو لاي درجة من النصب وصلنا في السعودية الوكيل بيبيع سيارة قيمة فوق 350 الف ريال وفحماتها غصب عنك تغيرها كل شهرين عشان يكسب الوكيل !!!!!!!!!!

عموما احنا الفحمات الي نوردها شركة امريكة ولها اربع مصانع في العالم مصنع في الصين ومصنع في كوريا ومصنع في امريكا ومصنع في تايلند لكن خامات التصنيع امركية بحته وهي سيراميك مخلوط مع ربل بنسبة 80% سيراميك 20% ربل عشان تكون ناعمة على هوبات الوكالة وما تسبب خدوش او صفير واختلاف المصانع ما هوا الا توسع فقط لا غير للشركة نفسها

مميزات فحماتنا هي عمر اطول من فحمات الوكالة بثلاث اضعاف وعدم وجود كربون على الجنوط نهائي نتيجة احتكاك الربل مع الحديد وعدم وجود صفير او رجة وغيره من الاصوات والاهم من ذلك انو فرملتها اقوى من فرملة الوكالة واسعارنا رمزية غالبا ما تكون ارخص من سعر طقم الفحمات في الوكالة الا بعض الموديلات لان خامة السيرميك تكون مكلفة اكثر من قيمة الفحمات باكسسواراتها .

والحمد لله ماشين في الموضوع بنبيع حبة حبة الى ان يرزقنا الله ونفتح محل مع ورشة بحيث تكون بضاعتنا عليها ضمان غير باقي الوكالات الي ما يعطوا ضمان على القطع الاستهلاكية

والحمد لله الدخل الي بيجيني منها خير وبركة بيفك زنقة على قولهم

ونستفيد من خبراتكم في المشاريع ,,,

المشاركة الأصلية كتبت بواسطة المتفائل بالله (المشاركة 3157889)

الله يوفقك يارب والله فكرة طيبة لكن لابد ان تكون عندك حملة اعلانية على مستوى منطقتك
فيه الآن في كل منطقة جوال "المنطقة" خاص بالاعلانات انصحك تعلنون فيه ..

وكذلك لاتنسى مواقع التواصل الاجتماعي خصوصاً اللي تهتم بأمور السيارات
وكذلك حمل موقع دوبيزل في الايفون والسامسونج بيخدمك في الدعاية وهو مجاني

وعندي لك اقتراح كذلك بما انك تحب تشتغل في امور السيارات

شركات زيوت المحركات كثيرة وذات جودة عالية ولكنها ماعندها شهرة خصوصاً الشركات الألمانية
ليه ما تشتغلون كذلك بزيوت المحركات بحيث تكونون انتم الوكيل لها ف السعودية ..

ولما تفتحون ورشة يصير جزء منها لتبديل الزيوت!!

ولاتنسى بعد البطاريات!! ترا الامور الاستهلاكية شغالة 100%

الله يوفقك يارب ...

المشاركة الأصلية كتبت بواسطة donss2004 (المشاركة 3157899)

والله يا غالي بخصوص اننا نمسك وكالة كاملة في المملكة صعب يبغالها راس مال عالي واحنا حاولنا اننا نمسك وكالة الشركة الي نطلب منها فحماتنا لكن قالو لنا اقل شئ تطلبو مننا 500 طقم بمبلغ ما يقارب 300 الف ريالاو اقل مش فاكر بالزبط فكنسلنا الفكرة وسرنا نشتري منهم بالجملة ونبيع فرادي اما بخصوص الزيوت هي فكرة حلوة لكن اتوقع انو استهلاكيتها مش مثل الكفرات ومافي عامل حافز للشعب انهم يبحثو عن بديل لانو الزيوت ما منها مشكلة مثل الفحمات ولو جيت في الحقيقة ترا مصائب قوم عن قوم فوائد يعني لو مو انها فحمات عبداللطيف جميل تعبانة ما كان احنا بعنا فحمات سيراميك hhر مثلا سيارات الهوندا ما جاني زبائن قط لانو فحمات الوكالة ممتازة فالمستهلك ما يحتاج بديل احنا بس الله يخلي لنا عبداللطيف جميل :d

وعلى سيرة الاعلانات بالجوال هل هذة مجانا ولا بفلوس

انا حاليا معلن في مواقع التواصل الاجتماعي ومعلن في موقع حراج ومواقع البيع والشراء بس احس انه مو كفاية وحاولت اني اعلن في جريدة الوسيلة لكن اعلاناتها جدا غالية وما تخارجنا صراحة

والله يرزقنا وياك ,,,