منتدى عالم الأسرة والمجتمع - رغبتي في سكن والدي وزوجته معنا .. ولكن !

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - رغبتي في سكن والدي وزوجته معنا .. ولكن ! (http://www.66n.com/forums/showthread.php?t=260403)

رد: رغبتي في سكن والدي وزوجته معنا .. ولكن !

قال رسول الله (انت ومالك لابيك) بل حتى قانونيا يستطيع في المحكمة ان يطالب باستقطاع جزء من راتب ابناءه وبناته بل وحتى السكن في املاكهم هو وزوجته والمحكمة تجبركم لان انفق عليكم في صغركم فواجب عليكم تنفقوا عليه في كبركم لكن من يفهم هذي رسالة للي يشوف انها من حقها تقرر وتتشرط لا يا اختي ليس من حقك ان تشترطي بل واجب عليك

رد: رغبتي في سكن والدي وزوجته معنا .. ولكن !

اقتباس:

المشاركة الأصلية كتبت بواسطة فرح تايه ~ (المشاركة 3259403)

غالبا إيه .. لأنه عارف إنه راح يوصل معانا لطريق نهايته ( يا إحنا يا هي ) ؟

لوي ذراع يعني؟!

رد: رغبتي في سكن والدي وزوجته معنا .. ولكن !

اقتباس:

المشاركة الأصلية كتبت بواسطة فرح تايه ~ (المشاركة 3259378)

لو نسمي الأمور بمسمياتها الصحيحة يا مهره فالحق يقول إن أبوي خان العشرة وهانت عليه أمي وماصبر علينا مدة طويلة لين تشفى جروحنا وما راعى مشاعرنا وراح وتزوج وقرار زواجه كان صدمة كبيييييرة بالنسبة لي، بس حطييت له سبعيين عذر قلت أمي صارلها مدة طويلة مريضة وهوو تعب معاها وشاف الويل وكثر الله خييره أكرمها لأخر يوم في عمرها !!

اللي صار مش طرد وهذا أبوي ومايهون علي والله وإن ماشالته الدنيا أحطه بعيوني .. بس ردة فعلي طبيعية جدا لوحدة كانت في فترة حرجة ونفسها لسه ما هديت .. وضربتين بالراس توجع!

من ناحية مجروح أو لا، لا ما أعتقد بالعكس أحس أبوي موجوع قلبه علينا .. أعرفه وأعرف تصرفاته لما يكون يداري خواطرنا بشكل مبالغ فيه ، ما أدري هو مأنبه ضمييره إنه تاركنا لحالنا ولا مو مرتاح مع المدام ولا وش سالفته بالضبط .. قلبي يقول إنه مو خالي وفيه شيء .. حتى وزنه نقص زيادة وهذا مؤشر على إن فيه هم بحياته بس مو عارفة إش هوو ..؟

ال

تتكلمين وكأنج طفلة!

خان العشرة وهانت عليه أمج لو رماها في فترة مرضها وراح شاف مصلحته وحياته.

لكنج معترفة إنه وقف معاها للنهاية .. وما قصّر.

والله أعلم شو كانت معاناته هو واحتياجاته هو في هالفترة.

تبينه بعد ينتظر لحد ما نفسياتكم تتعدل؟!!! .. والله أعلم متى تتكرمون وتعطونه الضوء الأخضر!

نعم اسمه طرد .. حتى لو حاولتي تطبطبين على نفسج وتقنعينها إنج كنتي مصدومة ونفسيتج مب مستقرة!

وأبوج طبيعي يتم يداريكم ويراعي خواطركم .. ويمكن يكون مسامحكم على اللي سويتوه .. لكن هذا ما ينفي بالضرورة إنه انجرح منكم .. وإن صدمته فيكم توازي صدمتكم بزواجه .. إن ما كانت أكبر!

رد: رغبتي في سكن والدي وزوجته معنا .. ولكن !

اقتباس:

وليش أصلا تطرحين وجهة نظرك إذا ناوية تدافعين عنها .. أحس موضوعك ماله مغزى غير تجبرين أشخاص مالهم علاقة بحياتك بالاقتناع بأمور تخصك لوحدك ..

مافيها شيء لو فكرت بصوت عالي، الموضوع مو سهل ولازم أدرسه من جمييع الجوانب، اللي هنا مايعرفوني وتوقعت بيكون فيه حياد أكثر بس لا حظت إنهم مالوا لمرة أبوي الظاهر كل وحدة قاست الموضوع على نفسها كزوجة .. وأخواني وأخواتي بعد ماعندهم حيادية ميالين لنا ولو شافونا على غلط قالوا إنتوا صح بس أهم شيء لا نزعل .

وللأمانة مهرة كان نفسها طووويل معاي ~ ونبهتني على شغلة إنه إن اللي سويته عييب في حق أبوي ~ ما عمري فكرت بهالشيء .. وأحس تصرفي عادي ! معقولة فيه أحد حولي ينظر لي بهالنظرة !! طاردة أبوي .. واخزياااه !!

بعد تفكيير عمييق وتقليب الردود في راسي و استشرت أختي .. قررت قبل ما أسافر لخوالي ( عشان ما تتوقع زوجته إنه هالتغيرات من تحت راسهم وعشان أعطيه فرصة يقلبها براسه وبالمرة يرتب أموره إذا بيجي يسكن عندنا) أقول لأبوي عن رغبتنا في رجعته للبيت وماراح أملي عليه أي شرط .. وبشوف إش يطلع منه !

رد: رغبتي في سكن والدي وزوجته معنا .. ولكن !

اقتباس:

المشاركة الأصلية كتبت بواسطة فرح تايه ~ (المشاركة 3259403)

غالبا إيه .. لأنه عارف إنه راح يوصل معانا لطريق نهايته ( يا إحنا يا هي ) ؟

واذا رفضها؟

بتمنعينه يدخل بيتكم؟

مافي شخص واحد رد على موضوعك متفق مع الاسلوب والمنطق..

مايجبرك هذا تراجعين نفسك؟

رد: رغبتي في سكن والدي وزوجته معنا .. ولكن !

اقتباس:

فاهم غلط الله يهديك !! ترى ماهو بحاجة مال من عندنا هو اللي يصرفنا ماهو إحنا اللي نصرفه ..

وبعدين من وين جايبها ذي من حقه وحق ( زوجته ) يسكنون في بيتنا هههه هو على العين والراس وله صدر البيت ولنا العتبة ! زوجته كيف صار من حقها 😅😅😅 انتبه ترشحلك حالك قاضي .

رد: رغبتي في سكن والدي وزوجته معنا .. ولكن !

لأن ما ملنا معاج يعني احنا مو حيادين ؟

آنه بتكلم عن نفسي
ترى انه هم عندي مرت ابو وكان الأولى لو باميل حق احد
وبخرج عن الحيادية والمنطق چان ملت معاج ...
لأني باقيس الامر على وضعي كبنت عندها مرت ابو وامها الحمدلله على قيد الحياة !

فرح حبيبي
احنا لا نعرفج ولا نعرفها عشان نميل حق احد منكم على فرض ان احنا اصلا بنخرج عن الحيادية
ولكن كلام الحق يقال يا فرح ...

رد: رغبتي في سكن والدي وزوجته معنا .. ولكن !

اقتباس:

تتكلمين وكأنج طفلة!

خان العشرة وهانت عليه أمج لو رماها في فترة مرضها وراح شاف مصلحته وحياته.

لكنج معترفة إنه وقف معاها للنهاية .. وما قصّر.

والله أعلم شو كانت معاناته هو واحتياجاته هو في هالفترة.

تبينه بعد ينتظر لحد ما نفسياتكم تتعدل؟!!! .. والله أعلم متى تتكرمون وتعطونه الضوء الأخضر!

نعم اسمه طرد .. حتى لو حاولتي تطبطبين على نفسج وتقنعينها إنج كنتي مصدومة ونفسيتج مب مستقرة!

وأبوج طبيعي يتم يداريكم ويراعي خواطركم .. ويمكن يكون مسامحكم على اللي سويتوه .. لكن هذا ما ينفي بالضرورة إنه انجرح منكم .. وإن صدمته فيكم توازي صدمتكم بزواجه .. إن ما كانت أكبر!

للأسف هاذي الحقيقة المُرة شئنا أم أبينا !!

لما نشوف مطلقين في المنتدى بيتزوجون بعد طلاقهم بفترة بسييطة نستغرب ونستهجن الموضوع ونقولهم خذوا بريك فترة !!

فما بالك واحد توفت عنه زوجته، بينهم عشرة طوووويلة ترى هالشيء مرفوض عرفا يعني الموضوع مو مسألة حلال ولا حرام حقه ولا مو حقه بس على الأقل بعد مدة معقولة !! عماتي بنفسهم قالوها ما كنا نتوقع يتزوج بعد أمك ! أبد وجهي علق ساعتها مدري أضحك ولا أبكي !!

وترى الهم اللي طاله .. طالنا .. والكاس اللي شرب منه .. شربنا منه .. الفرق الوحيد بينا إنه كمل حياته .. وإحنا وقفنا عند نفس النقطة .

رد: رغبتي في سكن والدي وزوجته معنا .. ولكن !

اقتباس:

حبيبتي بيت امك مو مكان مقدس عشان ماتطلعون منه.. خلوه مثل ماهو واسكنوا عند ابوكم!

بالنسبة لي شيء مقدس .

رد: رغبتي في سكن والدي وزوجته معنا .. ولكن !

اقتباس:

بعد قلبي زين .. لو تزوج على أمي وهي عايشة نفس وضع أمك وأبوك وبصحتها .. مافكرت فيه .. لأن حياتي مرتبطة بأمي أكثر وكنا ندور في فلكها .. ما كان راح يفرق معاي الموضوع كثيير لأني مو بحاجته ذاك الوقت .. أمي راح تكون كافيتني عنه معنويا وماديا .