منتدى عالم الأسرة والمجتمع - سوْال عن زوجة الابن

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - سوْال عن زوجة الابن (http://www.66n.com/forums/showthread.php?t=261245)

رد: سوْال عن زوجة الابن

روح..

حتى لو رجعتي لنقطة الصفر.. ولنفرض حصل

والله ماينخاف عليك 👌

ولو برضو حصل.. تكونين تعلمتي درس جديد..

انتي من الناس اللي الصدمات تقويك ماتكسرك..

الله يسخر زوجك لك ويسخركم اثنينكم لعيالكم قولي امين 💜

رد: سوْال عن زوجة الابن

الي يقولوا امدح في اهلي و أذم اهله

ما جيت و اشتكيت عن صدمتي بيوم من الأيام باخواتي !؟
ما عمري قلت اني احب آبو زوجي و ما شفت منه اي أذية !؟
ما عمري قلت انه اخوات زوجي كويسين و حالهم حال نفسهم !؟

ما عمري مدحت في سلفتي !؟ و معروف السلايف ما يتفقوا أبدا !؟
ما يدل الشي هذا على - نفس طيبة و نظيفة !؟

اخر مشكلة حصلت بيني و بين زوجي !؟ و وصلت للمحاكم !؟
ايش سببها !؟

تربيتي و تربية زوجي !؟
و الفرق بيني و بينه !؟
على ايش تدل !؟
و مو لازم اشرح انا مين و هو مين !؟

من غير أصلا ما اتكلم ..
واضح وضوح الشمس

و ام زوجي كانت تعمل الحركات السابقة و تاذيني ..
عشان تحاول تغطي عيوب ولدها ( الي خبوها عني ) و ترميها علي .. و تمسك علي ذلة ..

و عشان كذا لما انكشفت كل الأوراق و رحت المحكمة ..
ما قدروا يحطوا عينهم في عيني ..

و رجاء لا احد يجي يتفلسف ..
مو ناقصني نفس الطينة في الواقع و في المنتدى كمان ..

رد: سوْال عن زوجة الابن

روح..

مو مهم احد يعرف انتي مين..

اهم شي انتي تعرفين

رد: سوْال عن زوجة الابن

اقتباس:

المشاركة الأصلية كتبت بواسطة فاكهة الشتاء (المشاركة 3276392)

روح الموضوع بسيط
أنت ماقدروا عليك وانت طيبة مابيقدروا عليك الحين وانت اوعى
خذي الامور بسلاسة
والهدية مش شي مستغرب من زوجة الابن
كلنا نهدي أمهات إزواجنا
ولكن الفلوس صعبة شوي

أذكر لما زوجي كان يعطي أمه مبلغ كل شهر
كان يطلب مني أنا أعطيها وكنت أرفض وفهمته سبب رفضي
وإحط نفسي مكانها ماراح أقبلها من زوجة ولدي
بس بقبلها من ولدي عادي

خلاص باْذن الله ..

بس ما حبيت اهديها شي و في نفسي حاجة ..

ابغى نفسي تكون صافية .. و باحاول قدر الإمكان اني اتحكم بمشاعري ..
و باخرج المشاعر السلبية حتى أنسى .. و احاول استبدلها بافكار إيجابية حتى أتعايش معهم ..

رد: سوْال عن زوجة الابن

اقتباس:

المشاركة الأصلية كتبت بواسطة شوك11 (المشاركة 3276468)

دائماً أقول لكم الحمولة أرض صبخه ما يثمر فيها أي زرع تزرعونه!!

يعني انتي غدا اذا تزوج ولدك أرض صبخة لايثمر فيك معروف ؟!
ولا انتي غير؟

رد: سوْال عن زوجة الابن

اقتباس:

المشاركة الأصلية كتبت بواسطة مبتعثة متفائلة (المشاركة 3276421)

انتي مجروحه منهم
الله يهديهم
عشان كذا نقول لك اعملي باصلك

بادرب حالي على اُسلوب التطنيش و التجاهل و التغافل ..
و انا في تحسن الحمدلله ..

بالبداية لما زرتهم .. جبت هدية صح ..
لانه فعلا كانت نفسي صافية .. و مافي شي بداخلي ..

لكن شفت بعدين تصرفات و مؤشرات .. خلتني اخد حذري و اقول لنفسي
( استوب ) لحد هنا .. و بالتحديد من أمه .. و خلينا كذا حبايب افضل ..

.
.

اما الجرح .. فالواحد ممكن ينجرح من شخص عزيز ..

لكن هما ..
ابغى بس ربي يكفيني شرهم .. كفاية كذا علي ..
و يستمر الاحترام بيني و بينهم ..

رد: سوْال عن زوجة الابن

اقتباس:

المشاركة الأصلية كتبت بواسطة روح الطير (المشاركة 3276466)

مس ايميلي ..

مو لازم إثبات .. او اني اتكلم .. :)
و الحمدلله .. ارض الواقع يثبت الشي هذا ..

و لو اهلي مو ارقى و افضل من اهله ..
ما كانت ام زوجي و اهله ضحكوا علينا عشان نوافق على الزواج من ولدهم و مثلوا علينا انهم شيوخ
و لا كلموا جيرانهم الي يعرفوا امي .. و قالوا لهم ( لو سألوا عننا .. امدحوا فينا )

و ما راح اخد من عندكم في المنتدى - شهادة حسن سيرة و سلوك - ..
و لا احتاج مديح و تصفيق .. عندي الي يكفيني الحمدلله

و ماني محتاجة الحمدلله لعقول ناس ( ضيقة ) تفهم الأمور بمزاجها ..

محتاجة لعقول ناس ناضجة ..
تدلني و تنصحني بتجنب التصادم مع العينة هذه من البشر ..

تحيات :
ابنة انسانة عظيمة .. :)

ردي كان عادي
لكن ردك أخذ ردي بشكل آخر وحمله أكثر مما يحتمل

رد: سوْال عن زوجة الابن

ليه مازاروكم لما ولدتوا
هل كان فيه قطيعه
السؤال لك ولشوك

رد: سوْال عن زوجة الابن

اقتباس:

المشاركة الأصلية كتبت بواسطة شوك11 (المشاركة 3276468)

شكراً يا روح لأنك ما اغلقتي الموضوع بانتظار ردي

تدرين ليه تأخرت كثير إني أكتب
لأني بين نارين مثلك ، لكن في النهاية حسمت أمري وألحين حتى رسايلهم ومعايداتهم ما أرد عليها !!
ومن أسبوع أرسلت أم زوجي اعتذار على شكل قصيدة تبرر سبب عدم حضورهم لزيارة حفيدهم لما ولدت !!
لكن ما قدرت اسامح
دائماً أقول لكم الحمولة أرض صبخه ما يثمر فيها أي زرع تزرعونه!!
والحمولة تعلمنا حتى كيف نكون " قليلين أصل" أحياناً لنثأر لأنفسنا!!!
لا تشترين حب أحد بالفلوس ، حتى لو اخوانك وخواتك فكيف بالحمولة
صديقك وحبيبك في الحياة هي بطاقة صرافتك وبس
لولاها بعد الله ما كنت بهالقوة والقدرة على مواجهة كل هالظروف ولوحدك ، لأنك مو بحاجة أحد
الهدية والمبلغ المادي هذا كان ممكن بأول زواجك قبل لا تشين الأنفس
لكن ألحين وبعد ما الكل صار عارف الثاني فما له داعي تخسرين أي ريال فيهم وعشانهم
باختصار ما يستاهلون ف لا تجاملين !!

ماشاء الله شوك .. كويس فيه احساس و اعتذروا ..
بس غريبة بجد و غريبين !؟
كيف وحدة ما تشوف حفيدها و ما تكون متحمسة لشوفته !؟

.
.

انت جربي و اعطي فرصة ..
طالما ارسلت اعتذار لك ..

.
.

حماتي اول مرة تشتري شي لأولادي و جابت ملابس لهم
بصراحة استغربت بداخلي ؛ و أخدت الموضوع بطيبة نفس و حسن نية ..
و شكرتها و صورتهم و ارسلت لها صورتهم و هما لابسينه

و اشوف المرة هذه ..
يمكن تكون تغيرت خلال سنة كاملة !؟

رد: سوْال عن زوجة الابن

روح الله يسعدك تعجبيني يوم تعصبين 😂😂
من زمان متابعتك وحبيت أسلوبك

المهم انا أقولك الصدق لاتعطينها شيء
اعطيها احد صديقات امك العزيزات او قريبه كبيرا لك متاكده بتقابليها في العيد
او احد المحتاجات في عملك بدايه الدوام وقولي هذه عيديتك مني تكسبين الدعاء ع الأقل ..

ام زوجك اشوف مو حلوه تنتظر كل عيد تشوف انت آيش جايبها لها كأنه شيء إلزامي
خاصه انك مو مقصرا من قبل عنهم ..
عيد اعطيها وعيدين لا ، لان النوعيات هذه مهما سويتي مابتحترممك اذا ماحبتك من اساسه ..

الله يوفقك ياعسل ويكتب لك الأجر ، كفايه موضوعك حاسه انك حابه ترضيهم وخايفه يصدمومك..