|
رد: اخر التطورات
اتصل علي قبل شوي
وقال انه هدي ويمكن يمشي اليوم ان قدر او بكرا بالكثير ويسأل عن بنته لاني عطيته خبر انها تعبانه.. وكلمني بصوت جدا عاادي مااكنه اللي امس مو طايقني يبغى يهدي الوضع انا قلتله الله يسهل لاني مستحيل بعد كلامه الاخير اسأله متى جاي خلاص بقفل هالامور متى ماجا حياه الله وان ماجا بسلامته |
رد: اخر التطورات
ياليت نبتعد عن الجمل الي مثل مش مرتاح والا مايحبك لانه احنا المفروض مانتكلم ونحكم واحنا مش عايشين مع الاخت صاحبة الموضوع
زوجك مش بعيده يتكلم مع زوجته الاولى بنفس الكلام علشان يخليها تعطيه ذهبها والا بالعقل كيف تعطيه ذهبها بعد ماتزوج عليها !!!!!!!!! مين ترضى تسويها جرحها وكمان تكافأه واساسا حتى لو مش مرتاح واجب عليه يعدل الزوج الي مش معدد اذا ماكان مرتاح ببيته وياكثرهم هل يحق له يهجر بيته ويعيش عند اهله والا اصحابه ؟؟؟؟ والا يصبر ويتعايش ليش المعدد غير علشان في بيت بديل انا اشوف انك ترسلي له عن حكم الظلم بين الزوجتين وبس ولاتعاتبيه ولاشي ايش ذنبهم الاطفال ابوهم يهجرهم |
رد: اخر التطورات
فعلاً ترى كلمة ما يحبج أو مو مرتاح معاج
تملي قلب الزوج / ة على الطرف الآخر وحقيقةً احنا مو قاعدين لا بقلب الزوج ولا الزوجة يجوز هو اسلوب زوجها جذي عشان يضغط عليها ويلهيها عن موضوع العدل و مىضوع نقلها حق مدينته او حيلة عشان ياخذ ذهبها حبيبتي هذا واضح انه في مشكلة بينكم فلا تبنين تصورات على موضوع المس مع ذلك حصني نفسج واسعي لحل المشكلة فعلاً طنشيه |
رد: اخر التطورات
الي في القلوب الله اعلم فيه
لكن الي اعرفه ان اسهل شي يتخلص الزوج من زوجته اذا مايبيها اسهل شي يطلق وبس الرجل اذا بايع مايهمه وجود اطفال ولا شي يربطه الي عليك اختي انك تروقين وابتعدين عن العصبيه ان جا قومي به وعيشي اللحظه وان راح لا تركضين وراه الله يسخره لك يارب |
رد: اخر التطورات
مبتعثه
هو يزعل ان ماسألت عليه ولااتصلت حتى هي تتصل يوميا عليه لما يجي اقل شي ثلاث اتصالات باليوم انا انا اتصل مره يوميا واحيان كل يومين او 3ايام مرا مااثقل ولاازعجه اساسا هي اتصالاتها اكثر ترى |
رد: اخر التطورات
اقتباس:
اللي تكررت گثير ماحسو فيها قد ايش تجرح بس يمكن يبون ينبهوني الله يهدي بس هم عشان انا زوجه 2 لو انا الاولى كان الكلام اختلف مو مشكله بس اشكركم وحده وحده على نصايحكم |
رد: اخر التطورات
مو عشاني زوجه2
يعني تفتكرون ماعندي مشاعر الزوجه الثانيه انسانه نفسها نفس الاولى وانثى عادي زيها زيكم لكن طبيعتي اتقبل كل الآراء واتفهم الكل ولا أزعل من احد ولو ماني واثقه بنصايحكم كان ماجيت افضفض واستشير كل مرا هنا |
رد: اخر التطورات
اقتباس:
لف ودوران عشان يضيع اساس الموضوع وهذا اللي بسويه مطنشته..مطنشته ماعاد بسأل متى جاي خلاص |
رد: اخر التطورات
ابتسامة..
بغض النظر عن أسبابه ودوافعه .. زوجج مب حريص على مسألة العدل .. عشان جذي اتصالاتج أو سؤالج يعتبر ـ غالباً من وجهة نظره ـ ملاحقة وحصار ومحاولة لإجباره على سلوك أو تصرف معين. وواضح إن محاولاتج الكلامية معاه مب يايبة نتيجة. ما راح أقول لج لا تتصلين .. لأنه مب معقول تقاطعين زوجج وهو بعيد عنج .. لكن لا تسألينه: متى بتجي؟ وإن كنتِ مستعدة نفسياً .. فعبّري له بين فترة وفترة عن حبج وشوقج وولهج بشكل غير مباشر .. وكل كم يوم صوري عيالج في أوضاع مختلفة سمتها الأساسية المرح واللعب والحركات الطفولية المحببة .. وطرشيها له عشان يشارككم لحظاتكم الحلوة. تمّي جذي فترة وشوفي كيف راح يتصرف. |
رد: اخر التطورات
اقتباس:
بس سبحان الله قلبه قاسي انقطاع اتصالي صعب لكن زي ماقلتي ماعاد بسأله متى جاي مرا لما عصب قال انا حر امشي متى ماابي واجي متى ماابي وعلى هواي ومزاجي انا هو ضد العدل تمااما يقول اللي اسويه هو الصح وكثير نصحوه يقول ماهمني بكلامهم متأكد اني صح واللي اسويه يرضي ربي!!!!!!! من بعد كلامه واقتناعه مااظن فيه اي كلام |
| الساعة الآن 08:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©