|
رد: معلقة من 18 سنة
ارجو منكم السموحه على تأخري في الرد عليكم لاني مررت بظروف نفسيه منعتني من دخول المنتدى
رجيتكم الدعاء لي ولاتنسوني الله يخليكم من الدعاء لاني والله في ضيق ونفسيتي تعبانه ولولا الخوف من الله انتحرت وارتحت من الهم اللي ماله نهايه ولكن الله كريم وفي انتظار الفرج والله لايحرمني منكم يا اروع اخوان واخوات وان شاء الله في ميزان حسناتكم فقد كنتم لي نعم الاخوان ووقفتو معي في الوقت اللي مالقيت حد يوقف معي من اقرب الناس لي فالكل مشغول في حياته وفي مصالحه ولكن لما يحتاجون لي يحصلوني قريبه منهم واساعدهم باللي اقدر عليه اللهم اجرني في مصيبتي واخلفني خيرا منها |
رد: معلقة من 18 سنة
الله يفرجها عليك قولي امين
مسكينات النسوان الله يكتب اجرهن امين |
رد: معلقة من 18 سنة
اقتباس:
الله يجزيك خير اختي |
رد: معلقة من 18 سنة
السلام عليكم ورحمة الله وبركاته
حبيت ابلغكم اني اخذت براي الاغلبيه منكم وانا مازلت على وضعي في بيت اهلي على امل انها تفرج من ربي الكريم ووكلت امري وامر عيالي الى الله سبحانه وسلمت امري اليه والله يحكم بيني وبين هذا الظالم وهو احكم الحاكميين وان شاء الله يراويني فيه عجائب قدرته في الدنيا والاخره وياخذ حقي وحق عيالي منه اخذ عزيز مقتدر طلبتكم لاتنسوني انا وعيالي من الدعاء في هذي الايام الفضيله والله يجزيكم خير ويرحم والدينكم ويبلغكم رمضان لافاقدين ولامفقودين ان شاء الله jyh |
رد: معلقة من 18 سنة
انتي وش اللي حادك تجلسين معلقه كذا طول هالسنوااات ؟
|
رد: معلقة من 18 سنة
ليش ماتتطلقين وتعيشين حياتك ؟؟ خايفه من ايش ؟
|
رد: معلقة من 18 سنة
اقتباس:
وهل اظمن ان حياتي بتكون سعيده والا بطلع من جحيم لجحيم ثاني؟ شنو اللي بستفيده لو صرت مطلقه غير مسمى مطلقه وهذا بياثر على نفسية عيالي اكيد وخصوصا انهم كبار ومو بزاريين مشكوره اختي على تكرمك بالرد |
رد: معلقة من 18 سنة
اختي الغاليه مو شرط تتطلقي لكن خذي لك بيت جنب اهلك دام معك راتب حتى لو بيت شعبي قديم عادي اهم شئ اسمه بيت مستقل خاص لك او اذا بيت اهلك ملك اطلبي يرضون لك تبني في جزء منه غرفتين وحمام ومطبخ خاص لك وهو غير مكلف
اعرف وحدة معرفة شخصيه عندها سته ابناء اكبرهم بالجامعه واصغرهم بالابتدائي بنت لها شقه فوق اهلها غرفتين وصاله وحمام ومطبخ وترى هي غير موظفه فقط لديها الضمان الاجتماعي فقط لكن ما حبت تشتيت عيالها وسماع احد يتكلم او يهين احد فيهم والله يسهل لك ويوفقك |
رد: بموت من همي وحزني رجيتكم شورو علي
اقتباس:
بس .. بدل ما تدعين عليه ادعي له ان الله يهديه ويرجع للطريق المستقيم .. انتي ما بتستفيدين شي اذا الله استجاب لدعواتك وصار لزوجك ما تتمنين .. اما حاليا موضوع الرجعه شبه مستحيل على هذه الحاله .. عليك بالصبر واحتساب الاجر والثواب من الله وعسى الله يطرح البركه في عيالك وان شاء الله يكونون لك عون وسند وذخر في المستقبل القريب البعيد .. اذا كنتي موظفه وعندك راتب .. نصيحه بدل لا تستاجرين ابني لك في بيتكم اذا فيه وسع غرفتين .. على قد مقدرتك .. او تسلفي المبلغ اذا ما عندك من احد اخوانك او اي حد من اهلك او اصدقائك وابني لك ملحق صغير وان شاء الله من يتوظف اكبر اولادك تردين المبلغ بالتقسيط اما اذا انك موظفه فامورك طيبه باذن الله .. ما راح انصحك بالطلاق من عدمه .. اترك لك الخيار فانتي المستفيد او المتضرر الاول والاخير .. قلبيها في عقلك واستخيري ربك وما راح يصير الا اللي الله كاتبه .. |
رد: معلقة من 18 سنة
كلمي المحامي ان زوجك يوفر بيت لكِ ولأبناؤك
اذا كان محامي شاطر يثبت ان السكن مع الزوج غير آمن وبالتالي تحكم لكِ المحكمه بتوفير سكن مستقل هو يتكفل بدفع ايجاره ماشاء الله عيالك كبار ويسدون عن ابوها اخطي هالخطوه المهمه وكلمي المحامي |
| الساعة الآن 03:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©