|
رد: أريدها النهاية!
امرأة من زمن ما:- عمري ما أملت إنه رح يطلقني بكيفه وبدون محاكم! فأنا ماني جالسة أنتظر إنه يسويها من نفسه ..
واستغنائي عنه ، أصلاً عمري ما حسسني إن وجوده ضروري بحياتي عشان أحس فقده خسارة! قرأت ردك الحين وهو من شوي كسر جرس الباب وراح! والأيام الجايه شايله أكثر وأكثر زواج اخته الاسبوع الجاي وما فكر يقول أبي عيالي يحضرون ، لأنه يدري ما رح أدفع ريال لتجهيزهم وهو ما يبي يدفع ، فعادي وأفضل بالنسبة له ما يحضرون الزواج!! حتى تصرفاته تجيب لي الغثيان وإن كان بعيد ، وتبيني أرجع له!! ما أقدر ، وإن رجعت عارفه نفسي ما رح أطول عنده لأني ما عاد اتحمله ولا أستسيغ تصرفاته وعيالي ما عليهم خوف، الهداية والتوفيق في التربية من الله وأنا متأكدة إن بعدهم مكسب لهم ، أكثر منه خساره! |
رد: أريدها النهاية!
ههههه عجبني اسمي الي كتبتيه امراة من زمن ما ربما في الايام المقبلة ان شاء الله اطلب من الادارة تغييره لي عجبني جدا من زمن ما
صراحة يا شوك لو كنت مكانك لاتممت إجراءات الانفصال لما انت تصرفين على نفسك واولادك وانتي على ذمته فلن تحتاجيه ماديا ان شاء الله وزيادة بعد الطلاق سيبعث مصروف الاولاد الي تحكم به المحكمة مجبرا ونفسيا تقولين ان بعده ارحم لك ولاولادك فلتتخذي القرار ولتنفذيه مادام رجعتك له من سابع المستحيلات بالنسبة اليك او ابقي في بيت اهلك وتحملي ازعاجاته من حين لاخر حتى يفرجها الله هم ثلاثة حلول امامك الرجوع والعيش معه ببرودة تامة البقاء في بيت اهلك لمدة شهور اخرى وتحمل ازعاجاته لك او اللجوء الى القضاء طلب الطلاق اتخذتي القرار المناسب لك و خلاص سترتاحين لانك ستطوين فترة الحيرة والتعب و عيشي مستانسة باولادك وافرحي واضحكي ملىء قلبك |
رد: أريدها النهاية!
اضحك واقرح ملء قلبي؟!!
أتمنى |
رد: أريدها النهاية!
متأكدة جاي يتكلم بسالفة بيتي
ما توقع أسويها وأهمشه وهالشي بالنسبة لشخصيته المتسلطة جارح وما يتحمله وبنفس الوقت شي يحركه ويهزه من الداخل لأنه يمثل له خسارة! وهو ما تعود يخسر |
رد: أريدها النهاية!
أنا بالحديقة وأكثر شي يوترني إنه لما يجي يسأل ألحين تقول له أمي مكاني!!
الناس صارت تسهر بالحديقة إلى طلوع الشمس بعدها يفطرون ويرجعون البيت ومن جد محتاجه مكان مفتوح اجلس فيه. مشكلة الواحد حاط يده على قلبه في أي مكان يروح له. |
رد: أريدها النهاية!
شوك
راح تزعلين اذا وقف محاولاته لاسترجاعك |
رد: أريدها النهاية!
اقتباس:
أزعل؟!! الظاهر إني فشلت أوصل لكم أنا وش أبي بالضبط؟!! أزعل لو إنه الفرج والحل الوحيد بحياتي أزعل لو إن حياتي بتتوقف بعده وأظل مطلقة ببيت أهلي إلى أن يتقدم لي عريس ثاني لكن أنا أم وأملك خيار العيش مع عيالي في بيت مستقل ورسم حياتي وحياتهم زي ما أبي. هالانسان ماله أي ذرة حب بداخلي، وجروحه أكبر وأكثر من ذكرياته الحلوه معي أزعل على الانسان الطيب الانسان اللي جمعتني به ذكريات حلوة الانسان اللي أسعدني في يوم من الايام مو انسان يطلعني من المستشفى والده قيصري وبدل مبروك يقول " الله لا يوفقك" وبدون سبب إلا إنه مضغوط بشغله!! مستعده يا مبتعثة أعدد لك كل مواقفه السيئة معي مهما كانت ، مهما كانت وما رح يهمني شي وعقبها بتقولين " فراقه عيد" ومتى الله ببخلصها منه وتفتك !! مو كل الناس تسعدنا محاولاتهم بالحفاظ علينا، لأن بعضهم يبونا مو عشانا عشان أنفسهم. |
رد: أريدها النهاية!
هو ليش مايطلق ؟
|
رد: أريدها النهاية!
ادري حبيبتي شوك
الوحده توصل لمرحله فعلا تبحث عن كرامتها سالت من قبل اذا عشتي لوحدك هل اهلك بيتدخلون بحياتك بيكون لك خصوصيه وسكن مستقل |
رد: أريدها النهاية!
اقتباس:
وأحس بكررررره مو طبيعي لهالسؤال!! مشاعر غريبة ومو فاهمتها عندي الإجابة يا مريم ، بس تتعبني الإجابة فما أبي أجاوب! تدرين وش أتمنى يا مريم إنه يدخل المنتدى ويكتب مشكلتنا من وجهة نظره وتعرفونه وهو ما يعرفكم أقصد تعرفون إنه أبو بناتي أتمنىىىىىىىى هالشي بس لا ميوله ولا اهتماماته هالشي |
| الساعة الآن 08:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©