|
فلونا:ربي يفرج همك و ييسر لك شوفي حبيبتي إستخيري وأعملي الحقن لاتضيعي الوقت الله يختار لك الطيب ولاتيأسي ولا تتضايقي خلي أملك ف الله كبير وتذكري الحديث القدسي{أنا عندحسن ظن عبدي بي }
ربي مايعجزه شي إدعي وإستغفري وصلي وإقرأي قرآن وتصدقي صدقيني رح تنفرج قريب بس إصبري زهور : الحمد لله إنك طيبه بس أخاف روقانك هذا يطول ههههه إستعجلي شوي أم كريم :وينك ؟ أم مرهوني :أخبارك مع الحمل والوحم؟ حلومه : شو آخر أخبارك مع التحاليل ورحلة العلاج ؟ أنا أحاول أنسى فكرة الحمل وأعيش حياتي وعندي أمل في الله كبير إني رح أحمل طبيعي تحياتي لكن جميعا |
اقتباس:
اولا ...حمدلله على سلامتك والف سلامة عليكي .... ثانيا...نجي لموضوع نتيجة المنظار... كونك لقيتي سبب نعمة من الله انو في سبب تخيلي كثير بيكونو سليمين 100 ال100 ومافي حمل وهنا الطب يعجز ياحبيبتي ... انا صحيح ما انكر انو النتيجة السليمة افضل بس خلاص ربنا اراد كدا واكيد له حكمة وافضل من انك تلفي وتدوري ومافي تقدم ... وبرضوا والنتيجة كدا مافي يئس من رحمة ربنا وحمل حبيبتنا كوكار اكبر دليل انو كله بامر ربنا وبميعاد ... وانتي اكيد مفتكرة الاخت رحمة الي نقلوا قصتها انها عانت من اسداد الانابيب وما حملت طوال 26سنة لكن لمن ربنا اراد تحمل حملت وحتى من غير ماتجيها دورة اصلا وهي بسن اليأس..تخيلي !! هو النتيجة دي مو نهاية العالم صدقيني ... هي بداية وصولك للحظة حتضمي فيها ضناكي باذن الله لصدرك ...ربنا كريم واكثر مماتتصوري يافلونا حبيبتي... اتذكري بشرة ربنا ليكي والحلم الي شفتيه والله هو رؤيا حق وبشرى لكي بالذريه الصالحة الطيبة المباركة ... لاتيأسي ارجوكي ولا تحزني خلاص ... وكون الانابيب انسدت فهو جايز عشان كذا هما بيعيدوا اشعة الصبغه لانو تغير صحة الشخص وارد سواء ف الخصوبة او غيروا انا كل مرة اعمل حقن بيطلبوا تحليل لزوجي لانو ممكن يجي وقت بيكون في تغير يتطلب اجراء اخر لا قدر الله انا عارفه كلامي ملخبط ومش ممكن يطفي النار الي بقلبك والحزن الي حاساه لكن يظل الايمان بالقضاء والقدر هو مخرج لنا واستسلام لله بعجزنا وضعفنا امام ارادته النافذة ولا تنسي بشرة ربنا ليكي وحتجي وحتبشرينا يافلونا والايام سريعا تنطوي لا تطوليها بالحزن انا العام الماضي رغم كل حزني ظليت اتذكر كل يوم الرؤيا الي بشرتيني واهو انا حامل وانتظر تحققها واحمل ضنايا يارب هي بأمر الله لانه رحيم بنا يؤنس ايام محنتنا ويريد لنا الصبر والاجر سبحانه ما ارحمه واكرمه ... اسأل الله ان يفرج همك ويجعل لك بعد عسر يسرين أأمييييييييييييييييييييين |
صباح الخير لاحلى عاشقات
دخلت اليوم اطمنكم اني انا والجنين بخير وهي بنوتة ربنا يحفظها وتكون أنيسة لأختها آية بالنسبة للتحاليل فقد طمننا الطبيب وحدد موعد الولادة بيوم 25 سبتمبر إن شاء الله وعلى فكرة هي العملية الرابعة وحسب كلام الطبيب انها لن تكون الأخيرة لان حالة الرحم تسمح بذلك. ربي احفظ كل الحوامل ويسر حمل العاشقات |
سلام عليكم
اخباركم جميعا اعذروني سألتكم ومشيت ول رجعت اطمنكم بس امتحاناتي النهائيه في هذي الفتره والالام على طول وخصوصا في الليل اول شي كان بس في ظهري بعدها صادني في ظهري واسفل بطني الدكتوره لما رحت قالت في طلق خفيف اتمنى من كل قلبي اكمل امتحاناتي وبعدها اولد لكن اذا الله اراد قبل فالحمدلله دعواتكم لي بتسهيل الولاده وتوفيقي في امتحاناتي |
سلامى للجميع
اهلا حبيبتى زرافه يورنا يارب تشوفى بنتك بين ايدك ارجو منكم الدعاء لى ولكل عاشقه حلم الامومه تبلغكم روح سلامها الحار وتقول لكم انها كل يوم بتدخل بتشوف اخباركم وتطمن عنكم وهي الان طالبة منكن ومحتاجة الدعاااااااااااااااااااااااااااء اخيرا جيتى طمنتينا زهور الدعاء انا زعلانه منك كنتى تقولين مغص وترجعين تقولى زاد المغص ادعولى وبعدها غبتى وقلتى عدولى غبتى ونحن عاوزين خبر منك نتطمن عليكى لكن حمد لله البيبى بخير الله يثبته يارب روح يارب تلحقى تمتحنى وحتى ان لم تلحقى بتمتحنى لاحقا الله يسهل ولادتك اذكروحده ايام دراستى بلجامعة جتها بوادر طلق وهى تمتحن وكملت الامتحان |
كيفكم حبيباتي
روح شيفاكي موجوده يارب تكوني بخير كوكا اننتي بتدخلي وبتخرجي في صمت طمنينا عليكي فلونا ثقي تمام الثقه ان لكل شيئ في قضاء الله حكمة ورحمه ومثل ما قالت زهور ان الحمد لله انه فيه سبب وعرفناه نفس الكلام ده قالته لي دكتورة الاشعه اللي انا بتابع معاها التبويض وان شاء الله ربنا هيفرجها عنك في القريب العاجل اخباري لاجديد لسه ست الحسن مشرفاني وربنا ييسر مفيش دكتوره الشهر ده وهنشوف ايه اللي هيحصل دعواتكم وسلامي لكن جميعا |
يابنات استحلفكم بالله تدعولى من قلوبكم ......عارفه انى بصقل عليكم لكن محتاجه دعؤكم قوى ....حاسه ان الدنيا خلاص ما بقى ليها اى لزوم ....والله بكتب لكم وانا دموعى تنهمر ...وجرح المنظار ألمنى جدا لكن ألمى النفسى لا أستطيع وصفه لانه أكبر بكتير من أى ألم حسيت بيه فى حياتى ...حاسه انى بموت كل لحطه من ساعه ما عرفت هذا الخبر
انا متكله على الله ...وعارفه ان ربنا مش هيخذلنى ابدا لانى املى كله فيه ...ولانى بجد ما عملت شئ وحش فى حياتى أستحق عليه كده ...انا من دراستى الجامعيه على الزواج ....وحتى فى زواجى محبوسه بين 4 حيطان بعيد عن امى واهلى مش عارفه انا بكتب الكلام ده كله ليه بس محتاجه حد افضفض له ...محتاجه اضرخ من الالم اللى فيا مش عارفه هعيش بقيه حياتى ازاى وانا كده وانا ناقصنى اغلى شء فى الدنيا ...ازاى حملى هيكون متوقف بس على الحقن المجهرى ....دماغى مشغول بكل حاجه وحاسه انى ففى دوامه كبيره ... من ساعه ما عرفت الموضوع ده امبارح بعد ما رجعت من المنظار ...وانا شويه لبكى ولما امى تكلمنى وتتهدينى اسكت بس ودلوقتى لقيت نفسى ابكى وابكى بحرقه شديده ما لقيت قدامى غير انى اكتبلكوا وافضفض بالى جوايا لسه امبارح وانا عالنت ببحث عن الحقن المجهرى لقيت قصه حمل كوكار بالحقن حملها فى كريم ...صدقتى والله يا كوكار فى فرحتك يارب اكون مكانك والحقن بتاعى ينجح من اول مره ارجوكم يا بنات تدعولى انا فى اشد الحاجه لحد يدعيلى .......ربى لاتذرنى فردا وأنت خير الوارثين |
فلونااا يارب يفرج همك وينفس كربك وييسر امرك ويجعل لك نصيب من الذريه في الدنيا جلست ابكي بعد ماقريت كلامك وش نسوي هذا حالنا وهذا اللي كتبه ربي لنا بس لاتنسي لايرد القضاء الا الدعاء يارب صبرنا واربط على قلوبنا ان رزقتنا فلك الحمد وان منعت عنا فلا حول ولاقوة الابالله رب لاتذرني فردا وانت خير الوارثين |
زهور الدعاء الحمد لله انك بخير ربي يتمم حملك على خير
جناح الرحمة ربي يرزقك ساعة ولادة سهلة يا رب و تقومين بالف سلامة انت و البيبي يا رب فلونا شوفي الجسم بتغير كل سنة حتى انه في دكتور قال لي انه الجسم ممكن يتغير في ست شهور يعني مثلا لو كانت هرموناتك في اخر تحليل سليمة ممكن تتغير في مدة اشهر و ردا على سؤالك عن سبب انسداد الانابيب فمن بين الاسباب هو الالتهابات الشديدة التي تصيب الرحم لذلك نصيحة لكل البنات لا يجب اهمال اي التهاب و لو بسيط يجب الاسراع بعلاجه اسمعي مني كلمة و انا اكبر منك لا تيأسي و لا تستسلمي لوساوس الشيطان الحمد لله انك عرفتي السبب و الحقن المجهري ليست تهاية العالم او نهاية الحلم بالعكس هذه خطوة كتبها لنا الله حتى نحقق اعز و احب حلم لا تقنطي من رحمة الله و الخير فيما اختاره الله رددي الحمد لله في كل لحظة خليكي قوية الف الحمد لله على سلامتك ان شاء الله راح نبارك لك عما قريب اعطي لنفسك راحة انت لسى خارجة من العملية ادعوه تعالى ان يفرج همك و يرزقك الذرية الصالحة السليمة المعافاة يارب يا رب يا رب |
مساء الخير يا بنات
يا رب يكون الكل بخير معلش الفترة اللى فاتت مكنتش حتبة اشارك بالكتابة خالص بس كنت طبعا بدخل كل يوم اتطمن عليكم انا بخير الحمد لله و كله تمام بس انا كنت متضايقة من اسلوب الادارة فى انى حسيت انهم بيمنو علينا انا مقدرش انكر فعلا انهم مدلعينا عن غيرنا انا عارفة و مقدرش انكر برضو ان اللى حصل من اخواتنا كان غلط فى غلط بس برضو انا محبش احش ان حد بيتعطف علينا او ان حد بيمن علينا او اننا يتقال علينا حالة انسانية حالة انسانية ليه؟ احنا ناس ربنا بيحبنا اكتر من غيرنا ابتلانا و فضلنا على غيرنا فى البلاء دا احنا مش ناقصين لا ايد ولا رجل و حتى لو ناقصين ايد او رجل ربنا عوضنا بحاجات تانية كتير مش موجودة عند غيرنا ايه يعنى ربنا مانعمش علينا بالخلفة الف حمد و شكر ليك يا رب كارمنا بحجات كتير عندنا عنين و ايدين و مخ و رجلين و و و و و و و عارفين قادرين ناخد نفس غيرنا بياخده باعجوبة لكن اسلوب احنا بنعطف عليكم "حتى لو صحيح" لأ و الف لأ غلطنا اللى غلطت اتعاقبت الباقى ماله و ذنبه ايه؟ ولا حاجة يعنى لو اخويا غلط بابا يجى يضربنى انا؟ّ!!!!!!!!!!! طب ما اخويا قدامه و دا اللى حصل فقدو عضويتهم و فقدو متنفسهم معانا بجد افتكرت مشهد من مسرحية مدرسة المشاغبين لما حسن مصطفى كان بيقول لاحمد ذكى انه فضله عليه و ان هدومه بيديهاله و انه و انه و انه ما كان من احمد ذكى الا انه قاله انا عارف كل دا بس مش لازم تقولهولى اخر كلامى فى الموضوع دا يا بنات احنا مش اقل من غيرنا بل بالعكس ممكن نكون احسن من غيرنا و كتير قوى كمان و الف حمد و شكر ليك يا رب على نعمك علينا كلامى دلوقتى ليكى يا فلونا ايه يا حبيبتى كل الكأبة اللى عملاها دى؟ انابيب مسدودة طب ما انتى عندك رحم و مبايض غيرك معندهوش عندك امل فى انك تكونى ام غيرك معندهوش ليه سيبتى باقى نعم ربنا عليكى فى جسمك و مسكتى فى انبوبة مقفولة طب عارفة انا عندى واحدة صاحبتى انابيبها بتنزل مادى على الرحم بتمنع انها تخلى جنين يعيش عارفة الدكتور عملها ايه قفلها الانابيب و البنت دى عايشة و مماتتش عملت حقن مجهرى و بتحاول و بتجرب الحمد لله ان ربنا اداكى باب امل مقفلهاش فى وشك خالص يبقى نحمده و تنفضى الهم و الحزن اللى فيكى دا و تفكرى فى قدام معايا فلوس الحقن طب ححوشها ازاى طب حعملها عند مين فكرى فى بكرة سيبك من امبارح و اللى حصل فيه البكاء على اللبن المسكوب مش حيجيب نتيجة الا انه حيأثر على باقى الجسم اللى شغال و احنا مش ناقصين احنا قدامنا هدف و مش عاوزين حاجة تعطلنا فى تحقيقه انتى استهدى بالله و قومى صلى لربنا و اشكريه ان عندك انابيب مقفولة بالظبط كدة على انابيبك المقفولة مش على باقى جسمك الشغال لآ على اللى ربنا حرمك منه تخيلى رد ربنا عليكى ممكن يكون ايه؟ فكرى فيها كدة انا مش عاوزة روح اليأس تتسرب فينا بصراحة معندناش وقت نيأس كل واحدة فينا جواها حلم و حلم كبير و جميل و انا بقول الكلام دا بعد ما ربنا كرمنى بكريم لانى قبل كدة مكنتش عارفة و مقدرة النعمة دى قوى ذى دلوقتى و عشان كدة بحس ان اى واحدة فيكم لما بتقعد مع حزنها ببقى عاوزة اجى و ازقها يالا قومى الحلم دا حلو قوى طعمه حلو متضيعيش وقت فى قعدتك كدة و قومى دورى حتحققيه ازاى بجد انا بحبكم جدا و انتم قريبين جدا من قلبى و نفسى افرح بيكم واحدة واحدة بس ساعدونى و ساعدو نفسكم اننا نفرح و نفرح اهالينا بينا و بعيالنا معلش انا اتكلمت كتير بس قلبى عليكم و عاوزاكم تفرحو و تفرحو قوى بحبكم فى الله و اعزرونى لو فى كلامى اى حاجة تضايق رب لا تذرنا فردا و انت خير الوارثين |
بسم الله الرحمن الرحيم
فلونا حبيبتي ... ارجوووووكي لاتقطعي قلبي انا حاسة بيكي يافلوناااا انا ابغاكي تعرفي انك في وقت صدمة وانتي مصدومة انك طلع معاكي السبب انتي الي مانع الحمل صدقيني هي جرح في النفس انو انا قدام زوجي اني عندي موانع بس صدقيني هي مرحلة تقبل وحتبدأي تشوفي الامل قدامك وحتظلي ترددي في مخيلتك الرؤيا البشارة صدقيني هي مؤنسة لك ربنا ارسلها لكي عشان اللحظة دي هي مو عبثا لأ.. ربنا ارسلها عشان تؤنسك الان وتبشرك انو ما بعد الضيق الا الفرج ... هي تصبير ليكي ف مشوارك للضمة ضناكي يارب قريب ورغم كل الاسباب انتي عندك حبل الله اتعلقي بيه وما حيردك خايبة ... انا ححكيلك تجربتي في مشواري يا فلونا صدقيني يافلونا انا حالتي اصعب من حالتك بكثيييييييير ... انا ححكيلك هي وشوفي انا الان فين ... انا بعد 9 شهور من زواجي كشفت وكنت سليمة تبويض ورحمي تمام .. بعدها بشهر زوجي عمل التحليل وبلعت اول صدمة وما انسى لحظتها لما جا وقال الدكتور قال ضعف واعطاه منشطات بعدها بشهور حولنا مركز كبير واكتشفوا الدوالي وعملناها ومافي تحسن في حالته ... وكنت كل تحليل للسائل عبراتي تخنقنقني والنتايج من سئ لأسوأ...ووالله اما جارتي ترسلي ولدها مع الشغالة او اسمع بكاء طفل او ولادة وحدة ...واصير في حالة يرثى لها .... سلفتي الي اتزوجت معايا ولدت وان أت مشوار العلاج ...وكان احباط كبير ... وبعدها بسنه عملت اشعة الصبغه ويومها تعبت تعب رهيييب واكتشفت الدكتورة انو احد الانابيب مسدود واعادت الاشعه في نفس اللحظة ونا في وضعية محرجة ومؤلمة وطلعت نفس النتيجة .. طلعت عند الدكتورة وانهرت تماما وساعتها قالت كلمة هي فوق مكتوبه قالتها كوكار.. قالتلي انتي عندك رحم ومبايض ودا اهم حاجة لحصول الحمل ..وعندك انبوب سليم .. ولاحظي كلمة انبوب سليم كانت مخففه عني الصدمة شويييه لكن الجاي يافلونا كان اكبر من انبوب سليم ... بعدها قررنا عمل تلقيح صناعي واخذت المنشطات لان عينة زوجي اتحسنت ومشينا الخطوات وقبل التبويض اعاد زوجي التحليل والنتيجة صارت سييييييييئه جدا والدكتورة قالت وقفي الابر ولغينا العمليه وكان فاضل ابرة في التلاجة كنت بنظر فيها وبقول لو اخدتها حستفيد ايه...كنت بدخل المطبخ لوحدي وافتح التلاجة وابكي بحرقه ...وكنت وحيدة في بيتي لاني كنت بغربه بداية زواجي .... في المرحلة دي انا احبطت جدا لان اقصر الطرق مسدودة ومافي قدامي الا الحقن وانا مستبعداه وتفكيري لو جبت بيبي بالحقن طيب الي بعدو كييييف...؟؟؟ لكن بعد معاناة 4 سنين من المراجعات زوجي اتهرى منشطات وابر بدون تحسن وانا اتهلكت كلوميد ومتابعه ومافيش نتيجة ... استسلمت للحقن المجهري وكان الموضوع سر كبير اخفيته عن امي وكل قريب وكنت بحس اني بعمل حاجة غلط المجتمع عندنا مايرحم بينظروا اللواحد بشفقه غريبه ...وكنت خايفه جداا من خطوات العمليه وتخيلي تاني يوم من السحب بروح لاهلي واهل زوجي وانا مجهدة بس عشان ماحدش يحس بحاجة وبأكابر واتحمل التعب بس الحمدلله كلو بأجره عند الله .. ومشيت الخطوات لحظتها حسينا اناوزوجي بفرحة الامل لمعة في قلوبنا وكنا كاننا طيرين وانفتح باب القفص وكله بأمر الله لكن مسلسل الصدمات عندي ما انتهى يافلونا... مع اول مراجعه اخبرني الطبيب انو رحمي صغير لكن ممكن يتحمل الحمل انشاء الله ...حسيت بخوف من كلمته بس وكلت امري لله ...لاني خلاص تعبت من صدمة لصدمة ...وخلاص استسلمت لله ... ولما جينا وقت المراجعه مراجعة متابعة التبويض ...اكتشفت انو المبيض التاني مش شغال ..وظهرت المشكله الي اخرت حملي هو سبب زوجي قوي ...لكن السبب الي عندي انو انبوب مسدود والتاني مفتوح بس المبيض الي عند الانبوب المفتوح متلييف..!!! يعني حيحصل حمل كيييف ..؟؟؟ تخيلي الصدمة ... كانت صدمة وعبرة خانقه والم نفسي قوي وحسيت لحظتها انو انا محتاجة اكمل الحقن ومتمسكة بكل ذرة امل وخايفة زوجي يبقى عندوا تفكير قوة تجاهي انو الان انا عندي سبب كمان وسبب مانع قوي ... فلونا شوفي رحمة ربنا ... نجحت المحاولة .وجبت ولدي الاول ..ومافقدت الامل انو احمل طبيعي بالعكس انا نسيت موضوع الحمل تماما بالعكس كانت الدورة لما تجي اتفاجأ بنزول الدم لاني ناسيتها ... فترة طويله حسيت اني وانا كل ما احضن ولدي انو انا بمسك كنز كبير كنت بمشي ف بيتي فجأة اسجد لله شكرا على نعمته العظيمة ....نفسيتي اتحسنت كثيييييييييييييير وبعد 9 شهور عدت المحاولة وفشلت ومافقد الامل وبعد 5شهور عدت المحاولة ونجحت وجبت ولدي الثاني ولليوم كل مانظرت لهم بيلعبو مع بعض قلت الحمدلله اتمنيت وعطاني ياربي ما اكرمك ... كثير عندهم كل حاجة سليمة لكن مافيش حمل او في حمل بس مايتم ... واكتشفت قبل فترة التكيس وانهرت وتعبت ولكن بعدها اعدت المحاولة واسقطت وكنت بنظر للاسقاط نعمة اهو حصل حمل دا بحد ذاته نعمة كبيرة مابتحصل عند كثيير غيري... واعدتها اهو وانا حاااامل واسأل ربنا يمن علي بتمام حملة وحسن خلقته وخلقه يارب ... طيب انبوبي المسدود وومبيضي المتليف ووضعف زوجي الشديييييييد فين....؟؟؟ ربنا له حكمة وله ارادة وكل شيء بميعاااد ... والله غيري تتمنى طفل وانا عندي طفلين ماشاء الله لاقوة الا بالله ... ربنا محتاج مننا نلجأ له ونطلب منه ونحس بلذة التذلل له سبحانه وتعالى لانه الرب الرحيم المالك كل شيء اهل العزة وهو الحق ...احق من سٌئل واحق من عٌبد ...سبحانه وتعالى ... ارجوكي لاتقطعي قلبي ... انا فرطت السبحه وقلت كل شيء عن نفسي .. وقريب راح احكيلك قصة حملي الاخير وحتشوفي حكمة ربنا ....وارادته ..رغم كل الصعوبات ... انتي طيبه وربنا كريم عن عقابنا عشان يجازيكي عن عمل سوء هو عفو ربنا وتجاوزه راح فين ...؟؟ يعني ربنا ماعندوا الا العقاب والعياذ بالله ...؟؟؟ ربنا رحيم بعباده يريد لكي التمحيص من اي ذنوب ويريد لكي منازل عاليه في جنات النعيم لا ينالهااا الا اهل البلاء ... اصبري واحتسبي الدنيا محطة سواء حملتي او ماحملتي كلنا حنموت وورانا حساب وجزاء يوم تذهل كل مرضعه عما ارضعت ...!!ويوم يكون الولدان شيبا ....!! يوم عظيم حنلاقي فيه حسابنا وجزاء اعمالنا لا تفكري بالدنيا بس ولا تنسي نصيبك منها ...والتمسي رحمة ربنا وقومي اتوضي وصلي واتسلي بالقران ... ربنا انزله تشريع وفيه من القصص ماكان يسلي النبي صلى الله عليه وسلم ايام جحود الكفار ... سلّي قلبك بكتاب الله ... وكل ماحسيتي بضيق وكري رددي دعاء الكرب ورددي الله الله ربي لا اشرك به شيئا... وربنا معاكي ولا تظلي مستسلمة للحزن انا عارفه اني طولت بس محتاجة اوقف جنبك ونفسي اضمك لصدري لكن قلبي معاكي ... |
بنات الي زعلو مني صدقوني انا بعد نزول الدم والمغص قفلت الكمبيوتر وماكنت بجلس عليه وجات اوقات ماكنت اصلا بدخل لا بالجوال ولا بغيرة ...
منمون حبيبتي بوسه كبيرة ولا تزعلي يا اختي الكبيرة ...>>مسويه فيها صغيرونه خخخخ |
اقتباس:
بهذا الوقت يقاس سن المرأه بسن عيالها يعنى لما يكونو عيالك اكبر من عيالى تبقى انتى امنا كلنا هههههههه |
سلامى للجميع
اتفق معاكى كوكار بكل كلمه قلتيها لكن يا كوكا طالما رزقنا الله ازواجا رائعين سوف نرزق بلطفل والطب فى تطور وزى ما قلتى فيه رحم فيه مبايض فيه انجاب باذن الله بلتالى كلمه حاله انسانيه ما تعنينا ممكن تعنى اللى يقولها فلونا حبيبتى مجهرى صارت شغله عاديه ناس كثير يعملونها حتى بدون سبب واضح يردون تعجيل الحمل الله يرزقك ويرزقنى |
مرحبا بنات
كيف الحال .. دخلت عشان اتطمن عليكم والحمدلله تطمنت على اخباركم زهور الدعاء الحمدلله انك طليتي علينا .. وفرحت انك بخير كوكار ياسلام على الدرر اللي تقوليها منى 777 واحشتني وايش اخر اخبارك؟ جناح الرحمه الله يتمم عليكي اختباراتك وان شاء الله تولدين بالسلامه وانتي مخلصه الدراسه والاختبارت وماتشيلين شي معاك معلق زرافه لاجديد معاي ابدا وتاركتها لله متى ما الله اراد يكون خير فلونا ارجووووووووووك لاتزعلين والحمدلله ان الطب تقدم وووفر لنا بدائل كثيره وان شاء الله يكون فالك زي فال كوكار .. ارجوك مابي اشوف الزعل عشوقه يارب يتحقق الحلم .. وتكونين احلى ام منوووووووور يارب اسمع عنك خبر سعيد هالشهر مشرفتنا وحشتيني بنااااااااااات كلكم ب\ون ذكر اسماء .... احبكم في الله |
اخواتى الغاليات يارب تكونوا بخير جميعا
دودى حبيبتى انتى كمان وحشانى موووت ووحشانى خفه دمك يارب دايما ميحرمنيش منك اما بالنسبه انى بسال وبجاوب فى نفس الوقت شفتى بقى فيه حد عنده الابشن ده الناس كلها بتتسال وتجاوب او بتسال وحد بيجاوبها لكن عندى الموضوع بيختلف ما هو من اللى انا فيه بضطر اكلم نفسى احسن ما اطق بس الحمد لله نفسى جميله بتصبرنى على اللى انا فيه هههههههه اوعى تفتكرينى مجنونه انا بس احيانا بحس ان لازم اخرج الكبت اللى جوايا فبلقينى غصب عنى بعمل حوار داخلى بينى وبين نفسى بس على فكره مش عارفه ليه حاسه ان انتى وانا فينا حاجه مشتركه غير اننا عاشقات فى حلم واحد يمكن علشان قلابيظ ذى بعض ولا فيه حاجه تانيه عموما انا بحبك فى الله ويارب يارب احمل انا وانتى فى يوم واحد ونولد فى يو واحد فى القريب باءذن الله فلونا حبيبتى هونيها على نفسك تهون ياحبيبتى والله والله انا حاسه بيكى لانى تقريبا الدكاتره قالولى ان احسن حاجه علشان احمل هو الحقن المجهرى ويومها حسيت احساسك يعنى لاقدر الله لو معنديش فلوس اعمل حقن يبقى مش هخلف اكيد ده اللى انتى حاسه بيه لكن يا حبيبتى متنسيش ان رحمه ربنا فوق كل شىء ان شاء الله قادر ان يرزقك من حيث لا تعلمين كوكار وزهور حواملنا الاعزاء الحكماء ايه الكلام اللى بينقط عسل ده انتوا بتقولوا درر ايه هو الحمل اللى عامل معاكم كده ولا ايه ههههههه بهزر احنا متعودين منكم على المسانده الحكيمه دايما فى وقت الشده يارب تقوموا بالسلامه جناح الرحمه ان شاء الله تقومى بالسلامه منى777 وعاشقه الطفوله بجد بفرح جدا لما بلقى ردودكم يارب نفرح بيكم فى القريب ان شاء الله كل الاخوات الغاليات مش هذكر اسامى علشان منساش حد ويزعل منى بس بجد كلكم فى اعماق قلبى وتقبلوا حبى ودعائى |
صباح الخير يابنات
اخباري لاجديد يذكر لامراجعه دكتوره ولا تفكير بالحمل غير اني مكمله حبوبي وانا في اليوم20 اذا ماخاب ظني انا ومتفائله وكلها اسبوع وتجي موعدها من جديد والحمدلله على كل حال |
سلامى للجميع
اهلا حبيباتى حلمى وديدو 77 انا بخير حمد لله محتاجه دعواتكم |
السلام عليكم ورحمة الله وبركاته:d
احم احم احم انااااا جيت اسلم عليكم وحده وحده وحده يللا كل وحده تجهز راسها اسلم عليه:23::18: اولا الله يباااااااااااااااااااااااااااااااارك فيكن والله قلبي طار من الفرح من دعاكن وتبريكاتكن المستمره ثانيا حبيبتي فلونه ماعتقد فيه كلام بعد كلام الاخوات الحبيبات والله العظيم حسيت قلبي تقطع من كلامك وكلام البقية بس هذا امتحان من عند الله شوفي انا قبل مااحمل شهرين ورا بعض استخدمت كلوميد وابر تفجيريه وخرابيط ولا حملت سبحان الله قررت الشهر اللي فات والكل يعرف اني مااتابع تبويض ولاخرابيط وسبحان الله حملت يعني فيه درس من هذا انه كل شي بيد الله عزوجل لو عملنا وعملنا وبكينا وربك ماراد مابيصير شي واذا اراد رب العالمين يصير ح ولو فينا اللي فينا :24::25: عليكي بالصدقه والاستغفار وسورة البقرة ولازم تفتحين المسجل وتحطين سورة البقرة تقرا في البيت سواء كنتي موجوده او خارج البيت ثانيا حبيباتي اخر اخباري انا لسه ماكملت الشهر وكنت ميته من الخوف لانه الكيس مابين ف البدايه بس بعدين الحمدلله بان والوحام لحد الحين مابدا والله كريم انا في حملي بالولد الميت تعبت من الوحام ويارب هالمره مايجيني الا خفيف:21::21: ثالثاااا يااااااااااااااااااااااااااااااااااااااااااااااااا اااااااااااااااارب يرزقكن من حيث لاتحتسبن وابارك لكم وحده وحده:15::15: رابعا سلامي ودعائي للكل بدون استثناء:17::17: واخيراااا الحين كل وحده تجهز راسها عشان اسلم عليه لاني بروح ولي رجعة ثانيه بإذن الله:18: :23: |
سلام عليكم
اخباركم .. انا اخباري قدمت امتحان وبكره بقدم واحد ويبقى لي اربعه ان شاء الله سبحانه يكرمني واقدر اكمل الجميع.. عندي الم شووي خصوصا في ظهري واسفل بطني احس بشد والليل يزيد اكثر عن الصبح بس الحمدلله يعني اقدر اتحمله الافرازات تزيد امس انتبهت الى وانتو بالكرامه افرازات مخاطيه بس بيضا وقبلها كان في بس سائله... مادري شنو يعني بس انا متوكله على رب العالمين والله يسهل اشكر دعائكم والله كريم يرزقنا ويرزق من حيث لا نحتسب بس خلنا نتوكل على الله |
زهور حبيبتى والله مش قادره اقولك أد ايه كلامك اثر فيا ..والله انك انسانه بجد طيبه ربنا يجعلك فى اولادك كل الخير وماتشوفى فيهم شر أبدا ويحميهم يارب
صدقينى وانتى بتقولى نفسى اضمك لصدرى والله حسيت بدفء وطيبه ,, ومتقوليش طولت بالعكس انا كنت بقرأ كلامك وكلى امل وزاد الامل عندى لما كملت للأخر .. حقيقى مكنتش اعرف قصتك لكن فرحت قوى قوى ليكى وحسيت ان ربنا مابيضيع ولا يرد حد لجأ له ابدا عارفه يا زهور قصه الرؤيا بتاعتى اللى فكرتينى بيها بجد هى الشئ اللى يواسينى ليل نهار وهفضل حطاها امام عينى عشان تقوينى افتكرت لما جالك تكيس منذ سنه تقريبا على ماا عتقد او اقل ...افتكرت اد ايه كنتى منهاره ..لكن كرم ربنا كبير ...حسيت ان عطف ربنا على عباده اكبر كتير من ما نتوقعه بس غصب عن الواحد بيجيله فتره وينهار ...وخصوصا مع الصدمه . كوكار حبيبتى نفسى بجد اكون قويه زيك كده بس الصدمه مش مخليانى حتى افكر غير انى ابكى وكل ماافتكر ابكى اكثر ربنا يهونها عليا ...بس.عارفه لما تكونى نائمه وتحلمى بكابوس مزعج جدا وتصحى من النوم تحمدى ربنا ان ده كان كابوس ....أحساسى اكبر من الوصف ده الموضوع بالنسبه لى فعلا كابوس....لدرجه انى لما بنهار قوى بقول يارب يارب أكون بحلم يارب متكونش دى الحقيقه ... هاقولكوا على حاجه يا بنات عشان تعرفوا ان كل مصيبه بها رحمه من الله ...يمكن تكون حاجه مش هتقدم ولا هتأخر فى حالتى وانا متاكده من كده لكن والله هونت الصدمه شويه لما قرأت النتيجه ...لقيت ان فى قناه مسدوده تماما ...والاخرى بها التهابات يعنى قناه غير صحيه لكن مش مسدوده تماما ... ذهبت وجبت السى دى بتاع العمليه ...وقررت أشوفه مع انى كان مستحيل اعمل كده بصراحه منتكش قادره ...المهم استجمعت قوتى وشوفته لقيت السائل الازرق اللى اتحقن بداخل الرحم وبدوره المفروض يعدى من القنوات فعلا عدى من احد القنوات حمدت ربنا قوى قوى ....لكن انا التبويض عندى بيحدث من مبيض واحده المبيض الايمن هو اللى قوى التانى كويس وفيه بويضات لكن حكمه ربنا مش بيطلع الا بالتنشيط الزائد ...الحمد لله المبيض اللى شغال ...هو اللى قناته ملتهبه ...وعدى منها السائل الصبغى عارفه ان الالتهاب والسدد ممكن يكون ليهم نفس النتيجه ...يعنى تقريبا واحد لكن السائل بيعدى من الملتهبه لانها مش مسدوده تماما مش عارفه فرحت ليه يمكن ميكونش مهم بس فرحت وانا بتفرج على السى دى شوفت حاجات كأنها بتتكوى طبعا مش عارفه ايه هيه ...رحت وترجمت التقرير لقيت انه كان فيه أندومتريوسيز او البطانه المهاجره ...ودى اللى كانت بتسبب الم شديد جدا وقت الدوره ...لكن تم كيهم وازالتهم تماما الحمد لله انا عارفه انى كده حالتى زى ما هى واللى اكتشفته ممكن ميزودتش فرص الحمل لان القناه ملتهبه ...عارفه ان ممكن يكون ده الرد المنطقى لكلامى ...لكن حسيت ان ممكن يكون فى أمل ولو 1 فى الميه انه يحصل طبيعى اكيد مش هنتظر ...واكيد هكمل مشوار الحقن بـأذن الله ...لكن الامل لما بيكون موجود بيهدى النفس حتى لو كان امل شبه معدوم .... منى ومنوووووور و الزرافه وعاشقه الطفوله وحلمى وديدو والله ما قصرتوا كلامكوا دخل قلبى وعارفه اننا هنا كلنا قلبنا على بعض ..... ربى لاتذرنى فردا وانت خير الوارثين |
حبيبتي فلونا كل ما اقرا كلامك ابكي بس سبحان الله الامل في الله موجود والحمد لله انه فيه قناه مفتوحه مش مشكله انها ملتهبه بس عدت السائل الحمد لله انه في مبيض شغال لو دققنا شويه هنلاقي انه في حاجات كتير الواحد يحمد ربنا عليها لكن احنا في وقت غضبنا مابننظر الا للحاجه المفقوده فقط
ثقي بالله ورددي دائما آية يعجز اللسان عن زكر اعجازها (وافوض امري الي الله ان الله بصير بالعباد) صديقيني الايه دي كان ليها تاثير السحر عليه والله كنت كل ما اخرج من امتحان في الكليه اقولها ويمكن اكون مش مجاوبه كويس او اصلا حاسه اني مش مجاوبه خالص بس سبحان الله حاجات كتير صعبه وعدت وقلتها لما خرجت من عند دكتورة الاشعه وما وقفت بكاء الا لما تدبرت معناها فسبحان الله ربنا بيبتلي العبد وهو قادر انه يخفف عنه بلاؤه (لا يكلف الله نفسا الا وسعها) يعني ربنا اعلم بما يبتلينا به وهو القادر انه يزيحه ويفرجه عننا انا سبحان الله بنت عمي برده كان عندها تكيس وقرحه وتزوجه من قبلي بسنه بالظبط ولسه حامل من 3 شهور تقريبا كنت دايما بقول لنفسي لو سماء حملت يبقي انا هحمل سبحان الله الواحد بيدور علي اي حاجه تعطيله امل وخلاص وربنا يكملها علي خير زهور انتي مش متخيله انا فرحت بكلامك ده ازاي ولا ازاي اثر فيي وفرحت جدا لما قلتي انك حملتي ومعكي تكيس بس عايزه اعرف ايه العلاج باظبط وهل برده لجاتي للحقن ربنا يباركلك في اولادك ويثبت حملك وتفرحي بيه ام مرهوني ربنا يهون عليكي الوحام ويخففه عنك ويقر عينك برؤية طفللك بين يديك مني ربنا يرزقك من حيث لا تحتسبين ديدو ربنا يهديكي ويرزقك بالدريه الصالحه عاجلا غير اجل يارب العالمين منوور ربنا ييسر حالك وما تشوفيها الشهر ده خالص الا بعد 9 شهور بامر الله كوكار كلامك بلسم بيريح قلبي جدا وبيعطيني امل جديد كل يوم ربنا يباركلك في كريم وفي اللي جاي ان شاء الله متفائله ف فينك عساكي بخير؟ حلمي ربنا يرزقك من حيث لا تدري ولا تحتسبي جناح الرحمه ربنا ييسر ولادتك يورنا ربنا يثبت حملك ويباركلك في بنوتتك كلكم وحشتونيييييييييييييييييييييييييييييييييييييييييييي يييييييي واسالكم الدعء بظهر الغيب انا اليوم هبدا في المنظم ومش هروح للدكتوره الشهر ده |
حبيباتي
عايزه اسالكم عن حاجه اخت زوجي اعطتني عشبه اسمها في الرياض (القلي) وعندنا هنا العطار قالها اسمها (قرص القمر) وقالتلي استعمليها 3 ايام ورا بعض بعد ما اتطهر من البيريود بس مش عارفه خايفه ليه بتقوللي هي بتنظف الرحم لو فيه اي حاجه تنصحوني بايه |
صباح الخير يا قمرات
معلش برضو حبدى كلامى لفلونا حبيبتى بصى انا مش قوية ولا حاجة خالص و مرت عليا فترات ضعف كبيرة جدا جدا و كان اخرها و اكبرها لما عملت الحقن و كنت فى اسبوعين الانتظار مش عارفة اذا كنت قلت الكلام دا قبل كدة هنا ولا لأ انا قريت عن فترة الانتظار دى و على الاعراض اللى بتيجى فيهم و مجاليش اى حاجة اى حاجة خالص و انا قبل ما اعمل الحقن روحت عملت عمرة فى رمضان و كنت عاوزة اروح اعمل العمرة دى عشان "اصالح ربنا" اذا كان متضايق منى فى اى حاجة انا جيت لهو لحد بيتك عشان تسامحنى وكانت النية جوايا كاملة جدا جدا جدا بشكل رهيب جوايا ندم على كل حاجة حتى انى مثى ممكن فى يوم قطفت وردة تخيلى بقى كم الندم اللى جوايا كان عامل ازاى و قلت اكيييييييد ربنا حيسامحنى المهم عملت الحقن و اسبوعين الانتظار كان حيجيلى انهيار عصبى مش حاسة باى اعراض خالص و ماما تكلمنى تقعد تسالنى مش حاسة بحاجة طب صدرك بطنك و انا ردى مافيش حاجة و انا طبعا كنت مرجعة بويضة واحدة قلت ااااااااااااه خلاص مافيش امل المهم انا فاكرة اليوم دا كويس جدا جدا جدا و نفسى ان ربنا يسامحنى عيله و انا عارفة انه سامحنى بس انا اللى حفضل و لحد ما اموت مش عارفة اسمح نفسى خالص عليه كنت زعلانة من ربنا طب انا اعملك ايه عشان تحبنى؟ اعملك ايه قولى ليه انتى مش بتحبنى طب انا بحبك و بحاول ارضيك طب انتى ليه مش راضى ترضى عنى؟ اذا عملت حاجة غلط طب ما انا جيتلك و اعتزرت و استغفرت و توبت ليه طيب بتعمل معايا كدة و كل الكلام الجميل دا قال ايه و انا بصلى؟!!!!!!!!!!!! لدرجة انى بعدها كلمت واحدة صاحبتى بتقولى انا حاسة بصوتك انه فيه غضب رهيب من كتر حدة صوتى انا كنت رابطة حملى بان ربنا رضى عنى و بيحبنى طب اهو مرضيش و مش بيحبنى مان كل اللى جوايا مش الحمل لأ رضا ربنا اللى مش راضى يرضى المهم جه وقت التحليل و تخيلى طلعت حامل انا حامل انا زبالة اصلا شوفى انا كنت بظن بربنا ايه و هو اكرمنى ازاى؟ اخص عليا و على منظرى بجد ازاى نسيت كرمه و ازاى نسيت انه مش ذينا حتى لو غلطانين بيعطى هو مش على اد قدرنا لأ على اد قدره هو انا بجد مستاهلش لدرجة انى طول فترة حملى كنت متخيلة ان البيبى حيطلع فيه مصيبة لما يتولد عشان انا انسانة وحشة وحشة بجد بجد انا كل ما افتكر اليوم دا بقعد اعيط لانى مش قادرة اسامح نفسى بالرغم من انى واثقة ان ربنا سامحنى بس انا لا يمكن اسامح نفسى ابدا اللى عاوزة اقولهولك من حكايتى دى ان ربنا لما بيكرم العبد بيكرمه على اد ربنا مش على اد العبد ابدا و ان اسؤ حاجة بنمر بيها فى حياتنا و بنتخيل ان الدنيا خلاص اسودت فى عينا لأ دى احسن حاجة بس ربنا بيرتب الامور كيفما يشاء هو بس احنا اللى مش بنفهم اقعدى فكرى مع نفسك كدة ربنا ليه سد الانبوبة دى؟ مش يمكن ربنا عاوز يقصر عليكى الطريق و كنت حتلفى و تتبهدلى ادوية و علاج و رغى من دكاترة و عملك كدة عشان تعمل الحقن و تفرحى بسرعة؟ ربنا مش بيعمل اى حاجة هباء كله بميزان فاكيد ليه حكمه حاولى تفكرى عشان توصلى للحكمة بتاعته و انتى حتهدى و حتتبسطى كمان و ارجع و اقولك قومى و صلى شكر لربنا ان عندك الانبوبة المسدودة دى لانها نعمة ربنا ادهالك بس انتى لسة مش عارفة النعمة دى ايه و ربنا يفرح قلبك يا رب زوزة الموزة بصى يا ست البنات انا عاوزاكى تكبرى دماغك من الدكتورة اللى بتابعى معاها دى و حقولك على اسم دكتور و باذن الله حيكون الحل على ايده دا دكتور تخصص تكيس شاطر جدا فى علاج تاخر الحمل الناتج عن التكيس اسمه "عادل فاروق البيجاوى" مكانه فى شارع الدقى دكتور ثقة و امييييييييييييييييييييييييين جدا تاخدى الكلام منه و متحاوليش تفكرى فيه تانى دورى على رقم تليفونه فى الدليل و احجزى و روحى بجد دى نصيحة ليكى عشان توفرى الوقت و ربنا يكرمك باللى فيه الخير اما بالنسبة لموضوع العشبة اللى بتقولى عليها مش عارفة ليه انا مش برتاح للوصفات دى يعنى اى وصفة غير العسل بخاف منها بجد بس انتى اعملى سيرش عليها و شوفى البنات قايلين عليها ايه و اذا ارتاحتى خديها و ربنا معاكى ام مررهونى ربنا يتملك على خير و يفرح قلبك يا رب يا بنات ام بسمة بتسلم عليكم و بتقلكم انها حطت ايميلها فى التوقيع لما الادارة مردتش على طلبها انها تاحد ايميلات بنات هى عاوزة ايميلهم و هى مكانتش تعرف انه مش مسموح هنا لان محدش رد عليها انه مش مسموح باقى البنات بحبكم فى الله رب لا تذرنا فردا و انت خير الوارثين |
السلام عليكم
فلونا :ربي يفرج همك منى : الله ييسر لك عمليتك وتبشرينا قريب زجوله :بدنا قصة ولادتك جناح الرحمه : يارب يرزقك بساعه سهله أم كريم وزهور :ربي يخلي لكم حملكم و تقوموا بالسلامه أم يحيى :أنا ما أعرف العشبه بس ما أنصحك تستخدميها ما أحب أستخدم الأعشاب اللي مش معروفه باقي البنات ربي يرزقكم جميعا بالذريه الصالحه |
يا بنات عاوزه أسالكوا عن حاجه ...انا باذن الله بدور على مركز أو دكتور كويس واعمل عنده الحقن ....ياريت اللى تعرف
كتور شاطر فى مصر تقولى عليه وتقولى التكلفه كام كوكار ... ياريت تقوليلى عملتى فين الحقن و أتكلف كام ربنا يجعله فى ميزان حسانتكم يابنات محتاجه ردكم قوى وخصوصا المصريات لانى طبعا هعمله فى مصر واللى غير المصريات ياريت لو تعرف مركز كويس سمعت عنه فى مصر ياريت تقولى... معلش هتعبكوا معايا ...ربى لا تذرنى فردا وأنت خير الوارثين |
فلونا : والله ماعندي خبر عن مراكز مصر بس حبيت أدعي لك ربي ييسر لك و يرزقك بالذريه الصالحه وجميع البنات
لا تنسي الإستخاره أنتي وزوجك |
فلونا حبيبتي ... كنت متابعة معاكي من اول ما كتبتي وحالتك كانت وحشة جدا ولحد ردود البنات عليكي ... والله كنت بحس بأمل من عندي وانا أقرأ كلامهم ليكي ... وحسيت من ردك الأخير وسؤالك عن عملية الحقن ان النفسية ابتدت تتحسن والرؤية ابتدت توضح عندك ... الحمد لله حبيبتي ... والحمد لله ان لينا اخوات هيك بيسندو الظهر لما واحدة تمر بمطب انا عاوزة اقولك حاجة .... تعرفي انا بفكر ايه بقالي مدة ... رغم ان حالتي بتحسن مستمر ... الحمد لله التكيس راح من بعد ما كان على المبيضين وبحجم متوسط ... وبقى عندي بويضات ناضجة وزي الفل من بعد ما كنت اسمع مفييييييييييييش بويضة او في وصغيرة خالص ... ومبقتش بتخن زي الأول ... يعني كل حاجة ماشية في الطريق الصحيح ... بس انا بفكر بعملية الحقن دي ... عشان انا مستعجلة بجدددددددددددد ... مستعجلة اني احمل ... وتنتفخ بطني .. وتورم رجليا ... وادوخ واتعب ووووو ... مستعجلة اني اولد واسمع اول صرخة لطفلي ... مستعجلة احضن ثمرة قلبي اللي بعد المشوار الطويل من الأدوية اللي بمر بيه اكيد ان كنت حاسة مرة بقيمتها ححس مية مرة ومرة وهشكر ربنا على النعمة دي .. اتمنى اصلا لو زوجي يطاوعني كنت عملتها من بكرا والله ... حتى لو قالولي كل الدكاترة اني وارد جدا احمل طبيعي ... لسبب بسيط جدا ... مش عشان الناس وكلام الناس وغيرو ... لا وانما لإني بجد مشتاااااااااااااااااااااااااقة .. اعمليها غاليتي ... وفوضي امرك للواحد الأحد اللي ما بيرد عبده ابدا خائب ... كوكا حبيبتي وحشتيني ... وصلي سلام كبير جدا للغالية بسوم وقوليلها مكانك فارغ عن جد ... ولو في وحدة تعرف روح اتمنى بردو توصلولها سلامي واشتياقي ام يحيى ... غيري بقى دكتورتك اللي خنقتني عن جد ... ربي يفرح قلبك حبيبتي ربي لا تذرنا فردا وانت خير الوارثين |
زهووووووووووووووورررررررررر الحمد لله انك طمنتيني
ملاك الله يسعدك ويوفقك واحبك الله كما احببتيني فية والله يعلم اني اعتبرك وحده من خواتي وبغلاتهم الله يربط على قلبك ويعوضك خير عاجلا غير اجل فلونا الفرج قريب والله باذن الله وكلام كوكار وزهور ماقصرو وكلامهم عين العقل باقي البنات احبكم بالله واوصيكم بالاستغفار وقراءة سورة البقرة والصدقة |
السلام عليكم اخباركم ا يا عشوقات ياترى فاكرنىي يارب تكونو كلكم بخيرفلونا البنات فعلا ماشاء الله كلامهم اثر فيا ويارب يكون ساعدك وسبحان الله يمكن ربنا جعلك تكتبى مشكلتك عشان تنبهنا كلنا ان لا ياس من رحمة الله يمكن ربنا يقصر عليكى الطريق و كنت حتلفى و تتبهدلى ادوية و علاج و رغى من دكاترة و عملك كدة عشان تعمل الحقن و تفرحى بسرعة؟الجملة دى عجبتنى اوى وفوقتنى فى رد كوكا وحكاية زهورالدعاء كمان ربنا يوفق يا حبيبتى ويراضينا جميعا و وقبلاتى للجميع
|
انا عندى بس تعقيب صغنووون يارب تقبلوه منى اننا عندما نتكلم عن الله عز وجل لايجوز ان نقول ان ربنا عايز كده او ربنا محتاج لان العوز والحاجة تكون من الضعف ان انا اوز يعنى انا محتاجة حاجةمن حد تعالى الله عن ذلك علوا كثيرا بس احنا ساعات بنقولها بحكم ان لسانا متعود عليها بس نحاول اننا ناخد لسانا على عدم قولها على الله يارب تقبلوا تعقيبى يا حبيباتى ومحدش زعل منى بحبكم كلكم فى الله
|
سلامى للجميع
الله يوفقج فلونا ويكتب لج الحمل وانا سوف اجرى طفل الانبوب بعد فتره اما عن تكاليف العمليه فهى نزلت كثيرا عن السابق كنتى تسئلين عن كلفه كوكار لكن مر وقت طويل الان العمليه تعمل بثلث الكلفة |
اللهم ارزق كل من أرادت الذرية في منتدانا ...
أهلين منى الله يسهل أمرك ويتمم حملك على خير... حبيت أدخل وأدعي لكم .. |
اهلين شيهانه
يارب تكون مقوله على لسانك وأحمل ويتم حملى |
صباح الفل يا قمرات
فلونا حبيبتى بصى انا عملتها فى مركز النيل و كلفتنى حوالى 8000 بالادوية بس طبعا مجمدتش اجنة لانه كان كريم بس و حقولك على حاجة فى منتدى تانى فيه تجمع للبنات المصريات لتبادل الخبرات عن مراكز اطفال الانابيب فى مصر دورى عليه و حتستفيدى منه قوى مليان معلومات بشكل مش حتتخيليه خالص و هم البنات هناك بيشكرو فى جنين و آدم بس مش فاكرة بيشكرو فى الاتنين دول ليه كل واحد متميز عن التانى بحاجة غير التانى المهم دورى على المنتدى دا و يا رب تلاقيه بجد بجد حتستفادى جدا جدا منه اما عن تكلفة العملية فهى مش ذى ما منى قالت اذا رخصت فى الكويت فهى مرخصتش فى مصر ولا حاجة و بعدين يا منى من حقهم يرخصوها فى الكويت لانها اصلا اغلى من مصر بكتيييييييييييييييييييير فلتى حبيبتى اعتقد ان البنات بيدخلو كزائر يتطمنو عليكم بنفسهم بس برضو اوصلهم من عويناتى يا سكرة باقى البنات تقبلو حبى و دعائى رب لا تذرنا فردا و انت خير الوارثين |
فلونا انا بنقلك رد واحدة من اصحابى هناك على واحدة سعودية عاوزة تعمل الحقن فى مصر
شوفي يا اختي انا لا انصحك بمركز ابو الغار لانه بقى زحمه قوي زالدكاتره الكبار فيه بيسبوا اغلب الحلات للدكاتره الصغيرين افضل اثينين من وجهت نظري لاني جربت الحقن المجهري هما مركز ادم ومركز جنين تقريبا نسب نجاحهم متقاربه بس مركز ادم منظم اكثر ومريح مركز جنين متفوق قوي بس عيبه الازدحام شوفي مركز جنين ميزته ان الحلات الصعبه التي يتكرر معاها الفشل بتنجح في جنين لان دكتور حسام دايما بيفتش على الاسباب وبيتبع الطرق الحديثه في العلاج وعنده تقنيه العلاج المناعي للناس الي عملياتهم فشلت قبل كده مركز ادم التكلفه من 16 الى 20 الف جنيه يعني تعملي حسابك على 25 الف ريال سعوي العلاج والاقامه مركز جنين التكلفه من 18 الى 22 الف جنيه يعني برضوا تعملي حسابك على 25 ريال سعودي لمركز جنين تنزلي مصر غلى اليوم الثالث للدوره على طول راح تبدي حبوب الجنيرا لمده 18 يوم بس في اليوم ال14 راح يسولك منظار للتاكد من الرحم وتبدي حقن اللوكرين وبعد ال18 يوم حبوب تجيكي الدوره وتبدي حقن التنشيط من 10 الى 12 يوم وبعدها السحب والترجيع بعد 5 ايام وتقدري تسافري بعد اسبوع يعني تحتاجي حوالي 45 يوم للعمليه كامله ان شاء الله اما مركز ادم تنزلي على اليوم ال14 من الدوره راح تدخلي للجنه اطباء يحددو لك العلاج راح تبدي حقن الدكبيبتيل من اليوم ال21 ولما الدوره تجي راح تبدي تنشيط 10 او 12 يوم والسحب والترجيع واسبوع راحه تقريبا نفس ال45 يوم رب لا تذرنا فردا و انت خير الوارثين |
السلام عليكم يابنات إن شاء الله تكونوا جميعا في أحسن الأحوال فلونا/ الله ييسر لك حبيبتي ويرزقك الحمل السليم المعافى قريبا يارب. ملاك / الله يعوض صبرك خير ويجعله في ميزان حسناتك ويرزقك من حيث لاتحتسبين آميييييين يارب. زهور الدعاء/ الحمد لله أنك وجنينك بخير والله يتمم لك على خير يارب. كوكار / لافض فوك عزيزتي والله كلامك درر وعلى فكرة أنا معجبة بك وبتفكيرك وأنت قدوة بالنسبة لي في هذا المنتدى ويعجبني كثيرا قراءة ردوددك الله لايحرمنا منك والله يحفظ لك أولادك يارب. منمن / الله ييسر لك حبيتي ونسمع عنك أحلى الأخبار يارب. فلتي / كيفك حبيبتي والله كلامك كأنك تحكي عني وأنا أيضا مثلك الله يهون علينا يارب ويرزقنا ولا يكلنا لأحد سواه. ساجدة للرحيم / كيفك عزيزتي وشو أخبارك إن شاء الله تكوني بخير الله يرزقك يارب. أما عن آخر أخباري/ فالدورة مازالت متأخرة وطبعا لأني وقفت المنظم وإلى الآن لاأشعر بأي بوادر لها ولس ماآتصلت بالطبيبة لأخذ الموعد . الله ييسر لي ولكن ياعشوقات يارب. اللهم يامسبب الأسباب ويافاتح الأبواب وياسامع الأصوات ويامجيب الدعوات وياقاضي الحاجات اللهم أرزقني وكل أخواتي عاشقات حلم الأمومة الحمل السليم المعافى عاجلا غير آجل يارب وآقضي عنا حاجتنا ولاتكلنا لأحد سواك. (ربي لاتذرنا فرادا وأنت خير الوارثين) |
ام يحي خليكي دايما متفاءلة و ابحثي ان الاسباب الدكتور الشاطر و العلاج الجيد و الايمان القوي
متفاءلة ياااااااااااااااااااه كل كلمة قلتها كانها جاءت على لساني من الاشتياق و سماع الكلمة و كل شئ ربي يما يحرمنا ابدا ربي يرزقك و يرزقني و يرزق كل اخواتي العاشقات يا رب فلونا حبيبتي احييك على الخطوة القادمة ربي ييسر لك امورك يا رب و يرزقك من حيث لا تحتسبين فلونا وصتني روح ان اكتب لك عن وصفة الشاي الاخصر او الشاي العادي و هي امانة كلفت ان اخبرك اياها من يومين تقريبا لكن النت عندي فيه مشكلة لذلك تاخرت في ايصالها المهم تقول لك روح انه هذه الوصفة تنظف الرحم من الاوساخ او اي انسداد و هي ان تتبخري بحبوب الشاي بعد ان تنظفي من الدورة تستعمليها لثلاث ايام متتالية اتمنى ان تسألي جيدا عن احد جربها و نفعته لانه روح تقول انها ستجربها لان لها صديقة دربتها و حملت فولنا اتمنى لك التوفيق و الحظ الجميل منى ربي يفرج همك و يرزقك الذرية الصالحة يا رب ان شاء الله يوفقك ربي في خطوتك و تنجح من اول محاولة يا رب دعواتكم معي لاني و الله تجيني احيانا حالة تعب نفسي لاني فعلا تعبت من الادوية و العمليات ربي يفرج همي و ما يحرمني و لا يحرمكم ابدا |
سلامى للجميع
تسلمون نعيما عشوقه كوكار اها ممكن بس بلكويت نزلت كانت ب3000 من سنتين وشوى بقت ب700 غير العلاجات والادويه |
انا المفروض دورتي يوم السبت 8/5/2010
بس بصراحه مقدرتش أصبر وعملت تحليل دم يوم 5/5/2010 اي قبل موعد الدوره بثلاث ايام ونتيجه التحليل سلبيه هل معنى ذلك لايوجد حمل نهائي هذا الشهر ولاممكن مابين حد حصله كده ؟؟؟ |
| الساعة الآن 12:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©