|
شكله مريييييييض نفسي
بصرآآآآآآآآحه زوجك غآآآآمض كيف متحملتهــ هآآذآآ.. الله يكتبلك آذآ كآآن لك خير ويبعده ان كآآن لك شر |
حبيبتي انا بقوللك شئ
واتمنى انك تسوينه ووالله ياعمري مابي احطه في ذمتي بس علشان خاطري اول شئ لاتتصلين عليه ابدا ابدا ابدا كفايه والأفضل تغيرين شريحة جواللك ثاني شئ ان ماغيرتي شريحتك على راحتك طبعا ان اتصل ردي عليه وقولي له ذي الكلمتين أنا ماعندي أي تفاهم تبي تتفاهم تفاهم مع رجاجيل اللي هم اهللك وابوك واخوانك وقولي انا ماعندي كلام الكلام عند اهلي خليه يعرف انك منتي بسيطه وان وراك رجاجيل ولا أنتي برخيصه عند اهللك علشان ترجعين بسهوله كلموك خواته او امه قولي الكلام مو عندي الكلام عند الرجاجيل خليه يعرف إنك انسانه حازمه ومنتي بلعبه عنده صدقيني ترا هذا اللي مفروض تسوينه من زمااان هذا في حال ياقلبي اذا كان يبيك وشاريك وعسى ربي يوفقك ويكتب للك الخير وين ماتكوني وسعي صدرك ياعمري ولاتعلقين قلبك فيه وسامحيني ان قلت كلمه زعلتك بس والله العظيم وربي يشهد علي اني أبي للك الخير |
ندمانه حيل ..... هذا اخر رد اكتبه بموضوعك اقسم بالله واحلف وانا صائم ان زوجك اما انه مايحبك واذا كان مايحبك الله لايرده ليش تلاحقينه او انه مريض نفسيا واذا كان مريض وش تبين فيه ...... والله اني ادعو عليه من قلبي الله لايوفقه بزواج من عقب زواجك بزر لئيم ومليان لؤؤؤؤؤؤؤم من راسه الى اخمص قدمه ... الله يريحك من همك ولو بموته ... |
اقتباس:
أختي الفاضله إن لنفسكِ عليكِ حقا .. فأريحيها .. إلجئي إلى الله فهو الملاذ عند الكرب .. دعي هذا الأمر لله .. اتركِ كل المحاولات وكل شيئ لله .. أقول لله .. فهو المدبر سبحانه لكل أمر . ارحمي نفسكِ .. ولا تعذبيها .. ولا تعذبي والديكِ معكِ . يكفي إذلال . حب من طرف واحد لايمكن أن ينجح .. ماذا لو عدتي إليه؟؟؟؟ كيف سيعاملكِ؟ كيف سينظر إليك؟ كيف سيعيش معك؟؟ سيبدأ بتعالي وغرور .. لأنكِ أذليتي نفسكِ له أكثر من اللازم . أختي الكريمه لثالث مره أعود لهذا الموضوع ، ختاماً أقول : إحمدي الله أنكِ لم تنجبي منه أطفال . عيشي حياتكِ .. وانظري لنفسكِ .. كم من شاب قد يتمناكِ زوجةً له ..!! كم من شاب يتمنى لو كنتِ أماً لأولاده .. لربما سيأتي اليوم الذي تلتقي بمن يسعدكِ ويضعكِ جزءاً من حياته لا أن تكون هامشاً في حياته . أتمنى من قلبي السعادة لكِ . دمتِ بخير من الله وعافيه . |
اقتباس:
ويعلم الله اني لا اريد ان تكون نهاية حياتها مثلي ولا اريدها أن تذل نفسها اكثر كل طريقه هي سوتها تذكرت نفسي وعلى تكتمي بخصوصايتي إلا أني قلت لها قصتي كامله مابي يجيها مثل ماجاني ويعلم اللله ان اتمنى لها الخير لكن لا اريد ان تنجرف مثلي ولا اريد قلبها ينحرق مثلي واحمدي الله ياعزيزتي انك ماجبتي منه اطفال والله ثم والله ماكسر ظهري غير ولدي تدرين انه ينادي اخوي بابا ياندمانه احمدي الله مليون مررره احمديه واشكريه اللي بدايته كذا ينعاف تاليه مايجي يشوف ولده إلا من فتره لفتره اشكري الله والله وتالله اني مابي يصيبك مثل مااصابني أنا الان محرروقه إلى احس بلوعة القهر وغصة مثل السكين في قلبي اللي جاني اكبر من عمرررري بكثير |
أنثى الخيال - كلامـك صحيح وماألومك على صدمتك لأن فعلن أنا ماسويت ذنـب كبيييير يستاهــل الطلاق وزوجك كأن متفهم وعآقل وأحسن التصرف مع كلمتك لأنه يحبك عذاب الورد - كــلامك يالغاليـه حيييل حيييل ريحنــي ومدري وش أقول واللـه مدري بس بالفعل تأثرت فيه بقووووه أنا فعلن مـاراح أتصل عليه ولاشي ومثل ماقلتي بسويه اقهرتني الدنيا - جلست معه 25 يوم وماشفت منه الا كل خير وماحسيت أنه مريض أو فيه علامات تدل على هـ الشي ليش كذا - أذا لي أحترآم عندك .. أتمنى من قلبي عدم الدعاء على طليقي ؟ وحاسه بمشاعرك وكرهك لتصرفه لكن ماتوصل إنك تدعي عليه ( الله يسامحه ويهديه ) ثنيـــــان - والنعم بالله وأنا قريبه مـن الله ولكن أفعل الأسباب وكلامك أحترمه وعلى عيني الحمدلله الحمدلله بأني لم أنجب طفلآ .. مشكورين أخواني وأخواتي اسأل الله أن يرزقني واياكم الحياة السعيده المطمئنه وأن يسعدكم بحيآتكم ويكتب لكم الخير أينما كنتوآ أنـا بكون أفضل من هذآ اليـوم وسأتركه خـلـفـي وسـ ألجأ إلى ربي أن كان فيه خيرآ عسى ربي يرجعه لي زوجآ حنونآ وأن كان فيه شرآ عسى ربي يبعده عني ويعوضني بخيرآ منه وعسى ربي ينزل على قلبي الطمأنينه ... لاتنسوني من دعواتكم |
والله ياعمري قلبك أبيض مرره واضح انك انسانه طيبه
عشتي معه بس خمسه وعشرين يوم بس وتتمنين انه يرجع للك ياقلبي اااااااارميه وراك وعيشي حق نفسك ياقلبي في كلام عندي بس وربي ماودي اقوله اخاف تزعلين ياقلبي عليك اتركيه اتركيه تدرين وش بيقول لاشاف اتصالاتك بيقول ذي مسكينه ماصدقت أني اتزوجها عيشتها خمسه وعشرين وحبتني اتررررررركيه وربي انه مايستاهللك قولي امين عسى ربي يرزقك بمن يقدرك ويحافظ عليك ويصونك |
آميــن وعسى ربي يوفقني و يوفقك ياحبيلك بعــد لا بلعكس مراح أزعل قولي كل اللي بقلبك وأنا قلبي مفتوح لك ويمكن كلامك يريحني أكثر .. ربي يسعدك طيب فيه سؤال / أبي تفسرونه لي ... هو يقول : مابي أرجعها أخاف أظلمهآ ... وش يقصد بهالظلم ؟ وللمعلوميه قبل زواجي بسنوات خطب بنت وطلقها بعد الملكه وقبل الزواج .. وقال لها : مـاأبي أظلمك ؟ ونفس الكلمه تكررت معاي ... عجزت أفسرهآ ؟ ومحد قدر يفسرها لا من أهلي ولا من شيوخ ؟ |
يخاف لأنه عارف نفسه فاشل مايتحمل المسؤلية والأمانة
|
حبيبتي "ندمــــــــــــــــــــــآنة حييل" ليتك تغيرين هالنك لأنه أبددد مــــــــآينآسب لك.. ويمكن هو قاال مثل هالكلآم..لأنه ششآيف بنفسسه عيب.. البنت الأولى قدر يتخلص منها من البدااية .. وانتي الظااااهر مالقى عذر بأيــآم الملكه فاأخذ هالشئ عذر له.. ششكله لعآب..ويبي يتسسلى يتزوج ويطلق.. أمهااا دااعيه عليهاا اللي بتآخذه للمرة الثاالثه .. من بيصدق لو ييقول للي بياخذها ان كل اللي أخذهم العيب فيهم نتقبل وحده مو ثنتين ..هذا اذا حب يقنع ان العيب مو منه.. حمدي الله ان فكك من وااحد لعآب قبل ماتبتلين بعيــآل يعيششون بدوون أب.. والا كآن رمــــــآك انتي وولدك في بيت أهلك ومــاسأل عنك لااا بنفقه ولااشئ.. والله وثم والله وثم والله.. لو ششآيفه ان بدررر منك خطأ او انك غلطآنه كآن قلتهااا انك غلطتي بسسسسسسسسسس وربي موقفك أبد مـــآفيه شئ.. ولآيغرك بكلآمه ان يقوولك كسرتي قلبي ويحسر فيك..عششآن بس يخليك جد ندمــآنه ..وان انتي السبب اللي خلاه يطلقك.. اتركيه وبتلقين اللي يصووونك ويحفظك ويحبك من قلبه.. الله يرزقك باللي أفضضل منه يـــــآرب.. بسسسسألك كم عمرك الآن.........؟! |
رواء الإيمان - كلامك قد يكون صحيح بأنه رجل غير قادر على تحمل المسؤليه انثى الخيآل][ فديتك يابعدي .. أحترم كلامك والله وقد يكون صحيح وأشكر حرصك علي ربي يسسعدك ويوفقك عممري 24 |
يالله..
والله لسسسآتك والعمر قداااامك .. ضيع مستقبلك هالـــ....... مـــاادري شقووول بسسس جد مقهوووره عليك.. تحلي داااائمــاً بالصبر.. والله يوفقك حبيبتي.. |
اقتباس:
|
أكثري من هذا الدعاء ..
|
الله يفرج همك .. من زمان ماكتبت هنا رد ,.
لكن متابعه موضوعك .. وادعي لك من كل قلبي .. حبيبتي اقرأي القرآن اشغلي نفسك بذكر الله وطاعته والدعاء.. واعلمي ان مايصيبك قضاء وقدر ولاتدرين قد يكون فيها خيره ويعوضك ربي خيرآ منه .. انصحك ان تقرأي ان استطعتي : كتاب ( لا تحزن ) للشيخ د/ عائض القرني .. الله يصلح شأننا وشأنك .. ويفرج همنا و همك .. |
هذا الرد بكتبه لك من اول ما شفت موضوعك بس ما فضيت الا اليوم ..
ندمانه ياقلبي زوجـــك تصرفاته مو تصرفات انسان يحب .. والافعال والا قوال ياقلبي غير واللي بالقلب شئ ثاني .. شوفي حال المغازلجيه يغرقون البنات بانواع الدلع والرومانسيه ,, والهدايا وياعمري احبك ويا حياتي اخاف عليك ,, وماقدر اعيش من دونك وغيره من الخرط الفاضي ...والبنت يا عمري ذايبه رايحه فيها , لدرجة تحبه بصدق وهي عارفه انه احتمال يكذب عليها .. وهو اساسل ماجاب خبرها ,, البنت تكون عارفه انه يكذب بس مع كثر دلعه واشباعه عاطفيه تحبه لااراديا .. هم عارفين مفتاح قلب البنت ... لذلك اقولك يا قلبي تصرفات زوجك الرومانسيه ايام شهر العسل مو دليل على انه يحبك << واسفه على هالكلمه لو يحبــك من جد كــان انتظر طول العمر كله ولا يروح يخطب بنت قبلك ,, كان حاول مرة ثانيه وثالثه ورابعه لين توافقي .. لو يحبــك ما رضى يتخلى عنك بسهوله , وشوفي قصة العضو ( احمد ) كيف صبر على زوجته ورفض يتنازل عنها بسهولها رغم انها جرحته من غير ماتدري عندما قرا موضوعها بالصدفه في جهازها بانها لاتحبه .. انجرح جرح عظيييييييييم لا يعلمه الا ربي وهو كان يحبها منذ الصغر , جلست عند اهلها ورفضت ترجع له لين الحمد لله تعدلت امورهم وعادت الامور طبيعيه .. لو يحبــك ما طلقك بالشهور الاولى من زواجك , خصوصا ان الناس يحبون تناقل الاشاعات الكذابه اذا كانت توها عروس .. لو يحبك مستحيييل يرضى يكســر قلبك .. ومعروف ان طلاق المراه كسرها , خصوصا اذا كان بدون سبب ليــش ما سال سؤاله ايام الملكــه ؟؟؟؟ ليش ما ســال سؤاله قبل ما يتقدم لخطبتك ؟؟؟ اذا كان فعلا يهمــــه الحب قبل الزواج , وانك تحبينه قبل الزواج .. ليش يعلقك بقلبه ؟؟؟ مو لما وقع الفاس بالراس , دور حاجه تكسر القلب الرقيق يا ليتك قلتي له العفيفه النظيف قلبها , هي اللي فعلا تحب زوجها لانه اول رجل في حياتها ... اسالك ليش ربي اعطى للرجل قرار الطلاق ؟؟؟ مو لانه يحكم عقله قبل عاطفته , لانه بالطبيعي يكون متزنا يطلقك لانك انسانه عفيفه لا تؤمنين بمبدأ الحب قبل الزواج ؟؟!!! واعجباااااااااااااااااااااااه من اشباه الرجال ... اختي انتي ما ظلمتيه بتاتا ...هو اللي ظلمك بكسر قلبك .. |
انثى الخيآل][ - رواء الإيمان - علوالنفس - المتفائله.. من قلبي أشكركم جدآ على نصايحكم وأهتمامكم ومابنسى لكم وقفاتكم ودعوآتكم لي .. ربي يسعدكم |
اقتباس:
أصيله أشكرك من كل قلبي ردك وقفت عنده كثيييييييييييير ماكذبتي بأي كلمه فيــه أنا كسرت قلبــه .. كما يقول وهو كسرني بالطلاق .. كأن السالفه لعب مو زواج الله يسامحه ويحنن قلبه علي اذا فيه خير لي |
/ رفيقتِي المتفائلةَ / كيف حآلك اليوم ؟ آمراً ما ينبأني بأنك أفضلْ والحمدُلله .. اللهمَّ إن كانتْ بخير فزدهَا خيراً ؛ وإن كانتْ غيراً ذلك فأبدل اللهم حالها وأسعدها يا رب العالمينْ .. آمممـ فضفضي ما بقلبكْ ؛ سَنقرؤكِ يا أُخيــه .. |
أسأل الله أن يكتب لك مافيه خير
|
بعد قلبي أنتي بَوحٌ سَمآوي ! ولك تتخيلي اليوم أول مره أطلع من البيت بعد طـلاقي طلعت لمدة ثلاث ساعات وكنت أفضل بقليل ولما رجعت بكيت كثيييير لهذه اللحظه كل شي برا يذكرني فيـه أمشي وبالي مو معاي وكلي مو معاي ... للتو مسكت جوالي بكتب له مسج بكلمه بس بكيت وكل لحظه احاول ارسله واتراجع تعبت شروق السعودية - ويكتب لك الخير |
هو غايب و أنا ما أنلام .. . و طاح الدمع من عيني أبي صوته . عجزت أنام ! أبي صوته يغطيني ! أبيه يقول ? يالله نَامي?.. عشان أنام وهو فيني ! غديه يمر في الأحلام .. وأضمه بين يديني وقدرت تنام ؟! قدرت تغمض عيوُنك وربك صدق ؟ وقِدرت تنام وكيف.؟ وكمْ؟ وأنَاا بين السهَر ، والهم أقصقِص فى جناح الليل لين الصبح وأكتب لِك: عتب يشبَه بكاء أطفال سؤال في المَدى يختال ويبني خيَام .. قِدرت تنَااااااااام ؟! وكيف تنَام وعيُوني سهَر يَلعن طوايفهَاا ؟! |
آووهـ جمممميل ؛
شفتي كيف الحيآهـ قد آيه حلوهـ ؛ آمممـ لا ترسلين ولاشـئ جوآلك آبقيه بعيداً هذه الفتره حتى لا تضعفينْ . . ثمّ لاتجلسي بمفردك أيا كانْ ؛ آشركي اهل بيتك في جلوسك معهم .. / كرري هذا الخروج اليوم أيضاً وقفي تفكيرك بالألم والحسره والندمْ هذا ما يعتيرك في كل لحظه لكنْ لا تصبحي فريسة الاستسلامْ قوي نفسسك بالله انطرحي بين يديه وأسأليه الفرجْ آمممـ مارأيك الخروج هذا الصباح في فناء المنزل او الجزء العلوي خذي نفس عميق تنفسي الهواء دعيه يتخلل إلى اعماقك ثم أزفيره وكرريه كثيراً حتى تشعري بأن الداخل بات نقي ولكن بشرط عند التنفس افرغي عقلك من التفكير ؛ آمممـ / ثم أن شئت آصحبي معكَ قلما وورقه واكتبي فيها ماشئتي ولا تعرضيها للشطب او تغيير الافكار اكتبي كل شئ حسب مايسرده عقلك ما أهمك ما اصابك حتى الاشياء الخفيه التي لم تذكر هنا و بعد ان تنتهي مزقي الورقه صغيرا صغيراً وضعي في باطن كفيك ثمَّ آنفثيها بهواءك الصادر من فممممك / ثمْ أخراً صلي صلاة الضحى واخلدي للنوم وآنتظر آخبار الرحلة =) / سأدعوا الله لك عند ساعةَ الأفطار بإذن الله مازلت أرى فجرَ التفاؤلْ .. |
اقتباس:
لبى قلبك ولبى وقفاتك بجانبي ماأنحرم منك وتقبل الله صيامي وصيامك بأنتظآرك دومآ .. |
أختي
من البداية ودي اقول هذي الكلمتين لكن خفتك تتأثري ياحبيبتي الوحدة أول ماتتزوج تنجرف وراء زوجها بعيوبه بحسناته بكل مافيه وهذا دليل عفة البنت لأنه أول قلب تتعرف عليه وأول رجل في حياتها أما الشاب فقد تكون له تجارب قبل الزواج وقد يقع في معمعة المقارنه -وهذا ليس بالمقصود- وزوجك قد يكون جاد في طلاقه وربما أخفى السبب الحقيقي وراء هذه الكلمة التي صدرت منك ومايدل ع ذلك طلب ان لاتخبري اهله بذلك ولاأظلمه ولا اجزم في كلامي تكون علاقة الزوجين في بداية حياتهما شبه كريستاليه وهذا ليس واضح من طرف زوجك الذي القى كلمة النهايه بينكما اختي الصغيرة الحبيبة ع قلبي الحساسة بمشاعرها البريئه الوفية كل يوم اقرأ موضوعك وقررت اليوم فقط ان ارد ع هذا الموضوع انصحك بأن تقوي قلبك وكلمة مني أن كان يحبك والله يرجع يدور فقط لأثرك ويبحث لأماكن وجودك أختي هل تتوقعين سبب آخر للطلاق أنا أرى أن الرجل الذي يطلق من اجل هذه الكلمة لايملك من الرجولة الا اسمها مع المعذرة أقدر قلبك الرقيق الحساس وأتألم كثيرا لك والله اني اتذكرك في اكثر ألأحيان واول ما أدخل المنتدى ابدا بموضوعك |
/
آمممـ لي طلبْ صغيرْ لآتقرأي ما يبعثر دآخلك ألماً ؛ آبتعدِي عن مخطوطات البشَر من قصائد حزينه و و و وربَّ محمد لا تزيدك إلا ألماً .. / الله مآ آجمل الحياة مع الوآلدينْ : ربي يدم وآلديك لك ويحفظهم ويمد بعمرهم هم من يستحقونك ؛ ومن يستحقون تضحكيتك فلاتحرميهم الجلوس ومشاركتهم الحديث وادخال البهجة علييهم .. آلزمي وآلديك وربآهـ اني اتمنى اشتم رآئحةَ وآلدِيّ ولكن باعدت بيننَا المسافاتْ قربها الربْ .. : كونِي بخيَر يارفيقةَ |
صباحك معطر بذكر الله وطاعة الرحمن
والله أني دعيت للك من قلبي ونا متقينه بإستجابة الدعوه ياعمري تصدقين والله العظيم اني شلت همك ومن كثر ماأهوجس أخاف تكوني اتصلتي عليه ولاشئ انتبهي ياعمري فديتك اضحكي لدنيا ولاتكدري باللك وعيشي يومك وحاولي تشغلي نفسك بشئ مفيد |
لا أرى سببا وجيها من طرف زوجك يدل على حتمية الطلاق ..
فعذرك مقبول ولا تعلمي عنه شيئا والمعلوم ان الحب الحقيقي إنما يأتي بعد الزواج وليس قبله . نصيحتي لكي اختي الكريمه تعلقي بالله فهو أولى بأن يُحب وهو الرازق والقادر على أن يعوضك خيرا من زوجك إما في الدنيا أو في الآخرة ... أسأل الله لكي التوفيق في الدارين . |
اقتباس:
مع شباب !!!!!!!!!!!!!!!!!!!!! ثم أن ليس كل الرجال مثل ما تفكرين .. فهناك الطاهر العفيف الذي لم يدنس نفسه بعلاقات آثمة |
اقتباس:
الشاب _قد يكون _ولم أجزم وقد يكون معناها : البعض وليس الكل اما البنات لم اذكر الجانب المظلم منهم لأن طارحة الموضوع (فتاة) طاهرة عفيفه بكر في مشاعرها والغالب ع البنات العفاف والطهر الى متى أحبتي ونحن نتتبع سقطات البعض مع التحية لصاحبة الموضوع |
صباحكم ورد .. برد عليكم بس هـ اليوميـن شوي تعبانه الحمدلله على كـل حال .. دعواتكم |
ياحبيبتي من باب التجربة وأنا حاليا أعيش فترة العدة أقولك من باعك بيعيه انت ماسويتي شئ غلط الوقت هذا قلت الرجولة لاسف وقلت المسؤلية وأصيحنا النساء كاللعب في ايدي بعض الرجال متى ما مل منها يبدأ يخرج أسباب لا منطقية وغير مقنعه للطلاق لكن ربك فوق فادعي الله وانسي الماضي فلعل المستقبل أفضل بكثير
فالله قدر لك ذلك وهو اعلم بالخيرة لك فتفاءلي بمستقبل مبهر والحب سيخرج من قلبك عندما تتذكرين طلاقه لسبب اتفه من التافه فلا تفكري فيه مطلقا وتذكررررررري انه هو طلقك وتركك مو انت الي تركتيه والي عليك سويتيه ووكلي أمرك لله فلا تضعفي وعززي ثقتك بفسك فالله سيعوضك بخيرا منه بإذن الله .. |
قومي سبب الطلاق تافه جداااا وليس عذرااا
قومي وانفضي غبار الحزن عنك وابتسمي واضحكي انتي في البيت مع امك وابوكي اكيد مساكين قلبهم يتقطع عليكي فلا تزيدهم هم فوق هممهم رددي فقط اللهم اجرني في مصيبتي واخلف لي خيرا منه ردديها الف مره في اليوم لا تستسلمي للشيطان يزين لك الماضي ويجعلك تبكين عليه ووو وهو يضحك وينام ويشرب ويمكن يخطب ويتزوج الحياة ماشيه حبيبتي ممنوع الاستسلام قومي الله يحفظ لك اهلك قومي واضحكي وفرفشي واخرجي وابتسمي ما في شي يستاهل ينبكى عليه اللي يبيعك بيعو |
حبيبتي اقري كثيررررر في تطوير الذات
راح تستمتعين كثيرررر واقري كتب كثير واقري قصص واحمدي الله أنك بعافيتك وقوتك وتزيني واكشخي والبسي واهتمي بصحتك وان كنتي نحيفه اسمني وانبسطي تدرين يوم تطلقت سمننننننت واهتمت بنفسي وبكشختي واهتم بطفلي وسعيدددده ,واتكلم بثقه >>>> تدري ان الناس وش قالت قالت هاذي مايهزها جبل طنششششي ياعمري وسعي صدرك ويعلم الله اني اربي ولدي على حب الخير ومستحيل ومستحيل طال الزمن ولاقصر اخلي وولدي يكرهه ابوه رغم كل اللي سواه فيني ومستحيل اخلي أي احد يذم أبوه قدامه لكن له رب بيحاسبه على ظلمه لي تركته ووكلته لرب العالمين فالله حسبه انا تصدقين ماهمني الطلاق والله ماهمني بس اللي قهرني افعاله |
اقتباس:
ألف لا بأسَ عليكِ يا رفيقةَ ؛ مكفرةٌ بها الخطَاياْ ؛ ودافعة للآثامِ والكروبْ . . اللهمَّ ربَ البأس أذهب عن أخيتي البأسْ اشفها أنتَ الشافِي لا شفاءَ إلا شِفاؤكْ شفاؤٌ لا يغادر سقما.. مابكْ يا صديقة أشغلتي البال ؟ آتعب جسدي أم ... ؟ |
لحن السعاده - GREEN222 لبى قلوبكم أشكركم جدآ على مشآعركم ونصايحكم ماتنحرموا من احبابكم يآرب عذاب الورد - يابعد عمري أنتــي كل نصايحك بقوم بهآ .. وبطلع وأستانس وماراح أكون حزينه بأذن الله بوقفاتكم ونصايحكم .. فديتك أنتي وصغيرك ربي يحفظكم اقتباس:
بَوحٌ سَمآوي ! - الشر مـايجيك يابعدي تعب جسدي و نفسي .. بس الحمدلله بأذن الله بحاول أكون بأفضل حآلآتي بوقفاتكم معآي ودعوآتكم ... لأني لازلت أشتآق وأحن لطليقي يآرب صبرني يآرب أكتب الخير بحيآتي |
صدقيني بيجي يوم وتحوم كبدك منه
وتقولين وعوووه انا وش شلون قبلت به |
عذاب حبيبتي .. مستحيل تحوم كبدي عليه صدقيني كل خير شفت منــه .. وهذا اللي مخليني أحبه و أبيه صدقوني طليقي غلطته فقط الطـلاق ويمكن أنا سببهـا بس خيراته معي كثييييره والله العظيم ... الى أموت بتحسر على فرآقي لـه يمكن أنا ماتكلمت كثير عنه بس هو خطاءه الطلاق لأنـه شاف انه المناسب لنا هو الطلاق بس وربي .. اشياء كثيره لو أحكيها راح تعرفون ليه أنا متمسكه فيـه رَبِّي ,, أسَألُكَ مُفَاجَأة ” جميلة” لا يَسَع قَلبِي ~ تَصدِيقَهَا ! يَ رب |
ياقلبي ياعمري انتي ماعشتي معه إلا خمسه وعشرين يوم يعني عروسه شئ طبيعي قلبك يتعلق فيه ويحبه ويموت
لأنه أول شخص غريب عليك عرفتيه لأنه هو أول حب عذري للك ياعمري ياقلبي طيب انتي جاوبيني ليش طلقك هل أنتي تحسين ذا سبب قوي جاوبيني هل هو قوي انه يطلقك ليش ينهي حبه اللي عاشه على حسب كلامه انه حبك سنوت بكل بساطه يبيعك علشان ذي الكلمه والله انه غير مالقى شئ يمسكه عليك قال خلوني امسك عليها ذي الكلمه وبعدين ياحبيبتي ليش ماكان يبي أهله يعرفون انه طلقك علشااااان يأخذ مده طويله يقدر يمهد لهم انه طلقك ويمسكها مبرر ويقول أنا عشت معها واكتشفت انها ماتحبني ولكن لو عرفو بسرعه أنه طلقك بيعرفون أن الغلط من ولدهم وانه طايش ومتسرع بس هو مايبي اهله يلومونه ولا يعاتبونه علشان يكونون بصفه ويدورون له على عروسه ويالله هاتك ياضحايا وبيأخذ اللي بعدها وبيطلقها وبيقول أنا ماأبي اظلمك ياعمري مقدر أقول للك غير ربي يعوضك أو يرده للك اذا كان له خير فيك واذا كان شر فالله يبعده للآخر الدنيا |
ونسيت أساللك وش موقف اهله امه وخواته وهل له أبو وش ردة فعل الأب ؟؟؟؟
وشوفي واعرفي من هالحين ولايهمك كلام امه وخواته أحنا نحبك واحنا مانبي غيرك اضربي كلامهم هذا عرض الحائط وأن كان فيهم خير فعرفي أن موقفهم الوحيد اللي يدل على أنهم في صفك هم وقفتهم ضد ولدهم ليش طلقتها ويحاااولون قدر المستطاع يصلحون فهاذي النقطه اعرفي ان اهله فيهم الخير والبركه وأن ماشفتي منهم إلا الكلام من غير الفعل فأنا اعزيك فيهم |
| الساعة الآن 11:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
