|
اقتباس:
شو........لم أفهم شيئ أممممم.......مذا تقصدين يافلة(دلع متفائلة حلو مو هيك) لأن متفائلة تجيني طويلة شو رأيك بآسمك الجديد هههههههه؟ |
اخواتى الحبيبات يارب تكونوا بخير
مشاميشو الف مبروك حبيبتى وربنا يتمم لكى بالف خير زهور حبيبتى ايه الغيبه ديه كلها وحشتينا قوى ارجعى علشان الصفحه تنور كوكار تحذير الا العلاقه بينى وبين كوكى انا خالته وربنا يسهل ويرزقنى ببنوته علشان اجوزهاله فمن فضلك طلعى كريم بره الموضوع علشان ده حبيبى بوسيهولى ام بالنسبه للفضفضه انتى عارفه انى برتاح لما افضفض معاكم بس احيانا مش بكون عايزه اتكلم بفضل الكتمان بداخلى لحد لما اهداء لوحدى عارفه ان ده طبع مش حلو بس بجد مش بكون قادره وبعدين انا عايزه اتعرف عليكى اكثر واتكلم معاك بس مش عارفه ازاى فى مواضيع مينفعش نتكلم فيها هنا علشان قوانين المنتدى تقبلى حبى لكى ولكريم كل الاخوات الغاليات يارب يرزقنا جميعا الذريه الصالحه فى القريب العاجل باءذن الله |
أولا مشاميشو الف الف مبروك ربي يثبت حملك و يرزقك الحمل السليم المعافى هو البنت او الولد كله خير من ربنا لكن اتمنى يكون صبي عشان يكون راجل البيت و يحمي سالي حبيبتي
روح يا غالية قوي قلبك يا بنت خليك جامد و اصبري دي تحميلة و بس طيب يا خوافة عملت ايه في ليلة الدخلة دانت جبانة ربنا يهديكي يا رب و يقوي قلبك حتى تتابعي علاجك و تروحي لحبيبك على سنكة عشرة اهو كلمتك بالمصري على الله ينفع جولي ربي يشفي لك ابنك يا رب و يحميه يورنا ربي يثبت حملك يا رب خلي اتكالك على الله ربي يقويك يا رب نعيمة ربي يفرحك و يفرج همك يا رب ان شاء الله زوجك يقبل و لي فيه الخبر ربي يرزقكه لك يا لحبيبة ديدو و الله لك وحشة ربي يفرح قلبك يااااااااااااااااارب ام يحي يا بنتي اعملي تحليل دم ما يحتاج انك تسألي ربي يفرحك يا رب باقي البنات تقبلن حبي و دعواتي |
ديدو حبيبتى
ربنا يفرجها عليكى يا رب و ميحوجيش يا سيتى للفضفضة و عن كريم انا خلاص حاجزة بنوتك من دلوقتى شيدى حيلك انتى بس "و اللى يدور يلاقى" ربنا يكرمك و يهديكى لضالتك يا رب رب لا تذرنا فردا و انت خير الوارثين |
السلام عليكم اخواتي الحبيبات كوكار؛حلمي قريب؛زهورة؛متفائلة؛ميوفيني؛أم يحيى؛مرميس؛دودي دبدوبي؛فلونا؛بسمة؛ملامح طفولة؛ مونة،غلا جلاجل،فلافل؛جناح الرحمة؛كريستالا؛مشاميشو؛عشوقه؛نعومة؛ملوكة؛ديدو؛واح ة مصر؛جولي؛يورنا كيف حالكم جميعا ووين اللي غايبين كوكار أخبار سي الاستاذ ايه؟؟ ياااارب يكون احسن ام يحي ان شاءالله يارب يكون حمل زي ابنة عمي ورفيقة دربي هي كانت اخر دورة ليها يوم 10 وهي الآن حامل وان شاءالله تكوني نفسها وتذكري ان الحالة النفسية ليها دور كبيير وداما تفائلي يورنا ان شاءالله حبيبتي وراح احاول نعومة ان شاءالله اللي فيه الخير ليك يقدمهلك ربنا يارب ديدو والله انا اتمنى ان ادارة منتدانا الغالي ان تعمل لنا فرع خاص بينا ومايشاهده الا احنا وبس عشان نفضفض فيه براحتنا يعني بالمختصر جلسة نساء وبصدق عندي امل في ادارة منتدانا عشوقة والله ياحبيبتي بصراحة زوجي لحد الآن مسكييييييييييييييييييين والله غالب عليه مني؟؟؟؟؟؟؟؟؟ :(:(:(:(وانا مش مصرية انا ليبية بس احبانا بتكلم بالمصري عشان نفهموني ومصر ام الدنيا يعني امنا كلنا ومافي احد مايعرف لغة امه وسلامي لكل عاااااااااشقة |
عاشقه الطفوله انتى كمان وحشانى ويارب يرزقك الذريه الصالحه عن قريب باءذن الله شكرا حبيبتى على دعائك لى
روح عندك حق وانا بضم صوتى لصوتك بس الاحسن ان شاء الله ان ربنا يرزقنا جميعا ويبقى فرع الحوامل عاشقات حلم الامومه هههه ايه رايك مش هيبقى اسم حلو وبعدين انا بشكرك بالنيابه عن مصر وربنا ديما يجمعنا على الخير كوكار حبيبتى غلب حمارى مش عارفه بدور ومش عارفه يا ريت تسعدينى لانى بجد محتاجاه لمساعدتك معلش حاولى علشان اختك مش بتفهمها وهى طيره انا شيفاكى موجوده |
تسلمي حبيبتي ديدو
ويارب كل من دخل هدا المكان نفس هالوقت السنة القادمة نبقى نعاتب بعضنا عن قلة الدخول وكل وحدة لاهية في ابنائها ونسأل بعض عن اطفالنا يااااااااااااااااااااااااااااارب اللهم امين |
السلام عليكم
كيف الحال يا ام كريم وكيفه كريم يارب بخير ويباركلك فيه روح ربنا يتقبل منك وان شاء الله هعمل التحليل واطمن واطمنكم بس كل اللي انا بطلبه منكم انكم تدعولي كتيييييييييييير ان ربنا يهديلي الحال ويهديلي نفسي ويبعد عني وساوس الشيطن كل اخواتي وحشتوني كلكم |
متافئله بس بخوف الله يبارك فيكي يارب وعقبالك ما تبشرينا انتي كمان وتكوني متفائله بلا حدود ان الله عند حسن ظن عبده به ان خيرا فخير وان شرا فشرفاحسني الظن بالله وتفائلي خير وان شاء الله نسمع منك اخبار حلوه قريب
يورنا الله يبارك فيكي يا قلبي والله انا كمان فرحت لك جدا وانا وانتي فعلا هنولد في فتره واحده تقريبا ربنا يتمم لك حملك على خير يارب بس انتي حاولي ترتاحي شويه ولو انه انا عارفه انه صعب مع وجود طفل آخر لكن ربنا يعينك ويقدرك وطمنينا لما تروحي للدكتور وتسلميلي يارب على ردك على كوكار هي دي الاصدقاء اللي بيحسو ببعض ربنا يخليكي ليا اخيرا لقيت حد يرفع من معنوياتي منى الله يبارك فيكي يا حبيبتي وان شاء الله المره القادمه تكون الحمل الثابت المعافى يارب وتفرحي بابنك او ينتك يارب حلومه الله يبارك فيكي ياقمر والله يا بنات ان كل واحده فيكم ليها وحشه وانتي يا حلومه من الغالين بجد على قلبي ربنا يبارك فيكي يارب ويرزقك باخ او اخت لحمودي يلعب معاه ويسليه ومكدبش عليكي انا مش بتأمر ولا حاجه بس انا نفسي في بنوته تانيه عشان تلعب مع سلمى بحس ان البنت محتاجه بنوته تانيه تشاركها وتكون صديقتها صح ولا انا غلطانه وطبعا كله من عند الله هبه نحمد ربنا على نعمته بسمة حياتي الله يبارك فيكي يارب وعقبال ما تبشرينا ببسمه حياتك اللي تنورها وتملا حياتك فرح عن قريب يا رب زجوله الله يبارك فيكي يا حبيبتي وعقبال ما تقومي لنا يالسلامه يارب اخبار بنوتك ايه وعامله معاكي ايه في الحمل اصلي شايله الهم قوي قادره انك تعطيها حقها كامل ولا مقصره معاها صحيح انا معرفتش انتي حامل في ولد ولا بنوته ربنا يتم لك على خير ويجعل ولادتك سهله ان شاء الله جناح الرحمه اسمك يبعث الراحه والطمئنينه الله يبارك فيكي يارب ويرزقك راحه البال والسكينه ويرزقك الذريه الصالحه التامه المعافاه ويررزقك ما تتمنيه واكثر كريستالا الله يبارك في وعقبال ما تجيبي اخ لعبودي والله يا يارا ان تعبت من ملام الناس علي لكن اعمل ايه بس تفتكري انا حابه ابعد عن الناس وعنكم واعيش لوحدي بالعكس انا اجتماعيه جدا وبحب كل الناس لكن اتخنقت كل ما اكلم حد يفضل يلوم في لدرجه اني مبقتش عاوزه اكلم حد بجد انا مش حابه اشتكي من سلمى ربنا يهديها لي يارب عشان محسش ان انا بتبتر على النعمه لكن هي فعلا آخده كل وقتي ومغلباني ومش بلحق اعمل اي حاجه لنفسي حتى الراحه والنومه والله ما برتاح ادعولي ربنا يهديها ويا ستي زعلك على عيني وراسي قوليلي ايه يرضيكي وانا اعمله فورا احنا نقدر على زعلك برضو ميبقاش قلبك اسود بقى ام يحي اولا الله يبارك فيكي يارب وعقبال ما تبشرينا ثانيا بصي يا ستي انا متزوجه بقالي 4 سنوات وشويه وعندي بنوته اسمها سلمى في حملي بها لم احس بأي اعراض اطلاقا غير مغص الدوره العادي لكن احيانا كان بيكون شديد شويه لدرجه اني كنت بقول للبنات انا خايفه ومش حاسه بحاجه المره دي بقى غير خالص شكيت ان انا حامل من قبل ما يجي ميعاد الدوره كان المغص شغال معايا من نص الشهر تقريبا وكان عندي حاله كسل وثقل في الدماغ وعلى طول عاوزه انام ولما جه ميعاد الدوره مجتش وبدا معايا حاله غمامه نفس مستمره وسده نفس دائمه من الاكل باكل مش عشان اناجعانه عشان لازم اكل وساعات بغصب نفسي على الاكل كمان بس يا ستى بس لو انتي مستعجله تعرفي ممكن تعملي تحليل حمل في الدم يبان على طول وان شاء الله خير وتبشرينا بحملك يارب اهلا اهلا يا رومي اولا الف سلامه على كوكي معلش هي التطعيمان دي بتبقى صعبه بس ربنا يهونها والله يبارك فيكي يا حبيبتي عقبال ما تخاوي كريم قريب يارب من غير ما تحتاجي حقن ولا حاجه وان شاء الله هتشفوني كتير على قد ما ربنا يقدرني يا حبيبتي دا انا قبل ما افتح الجهاز بتكون سلمى سابقاني وتقعد تخبطلي على الكرسي عشان تقعد عشان غلطه عمري ان انا حطتلها عليه اغاني اطفال اعتبرته بتاعها هي بس ومش عاوزه حد تاني يقعد عليه بكره تخبيه من كريم وتستني ينام عشان تعرفي تقعدي عشوقه الله يبارك فيكي يارب ويا ستي ولد ولا بنت كله خير ونعمه انا متفائله بالدكتور الجديد بتاعك خير ومستنياكي تبشريني فرحتي بيكي انتي كوم تاني هتكون اكبر فرحه اعمليها انتي بس ومش بعيد تلاقيني واخده طياره وجايه ازغرطلك في المغرب ديدو 77 الله يبارك فيكي يا حبيبتي وان شاء الله متفائله ليكي خير ادعي واستمتعي بحياتك مع جوزك وتوكلي على الله والله يا بنات طبعا الذريه نعمه بس احنا بنضيع ايام حلوه كتير في التفكير وبنسى ان احنا معانا نعم تانيه زي ازواجنا مثلا اسمتعي بجوزك قبل ما يجي عليكي اليوم وتنشغلي عنه ويبقى عندك الاهم هتقولو هي بتقول كده عشان ربنا كرمها ومش حاسه بينا أبدا والله انا حاسه بكل واحده فيكم ومش بقولكم متضايقوش نفسكم ومتفكروش لا بس كمان متنسيش ان ربنا مديلك نعم تانيه احمديه عليها وحسي بيها وبحلاوتها يمكن ده يخفف عنك شويه انتو عارفين حملي في سلمى حصل ازاي لما قررت واخدت عهد على نفسي اني مش هفكر في الموضوع واولها في الجماع مع جوزي اني هخليه لي وله وبس عشان نستمتع بما احله الله لنا مش عشان احسب ايام التبويض واستنى ميعاد الدوره وصادف ايامها اني كنت بنقل في بيت جديد واتلهيت عن الموضوع خالص واخر ما كنت اتوقعه اني ممكن اكون حامل لكن كرم ربنا كبير زهور ............. نورا ............. غموض .......... فينكم واخر كلمه هقولهاكم ادعو دايما ربنا يكون هو طبيبكم ودوائكم وميحوجوش لطبيب غيره وانه يرزقكم من حيث لا تحتسبو بما تحبو وترضو وان شاء الله هيعطي كل واحده فيكم اللي نفسها فيه |
اقتباس:
اديه بات اليوم اللي بعده كمان واليوم اخذ ملابس احتياط وهيبات يوم الخميس والجمعه والسبت يجي المغرب ولازم اتوقع الفترة الجاية كلها هتكون هيك هطق ... ياريت يطلعلي بعبع من جد عشان يحس بتانيب الضمير هههههههه الوحدة كرييييييييييييييييييييهة يا كوكا وهي اكبر بعبع بخاف منه |
| الساعة الآن 11:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©