|
رد: معاناتي مع زوجتي واهلي ...(مستجد الرد 575
زياده على ذالك امس قالي نتقابل اليوم ونتكلم بسس ماشفت منه حاجه لا اتصال ولا خبر !
|
رد: معاناتي مع زوجتي واهلي ...(مستجد الرد 575
ياخي الرجل عذره معه .. وين المشكله لما تطبع التحاليل ذي وترسلها لبيتهم او توديها بنفسك .. لاحظ انهم قالوا ان الحمل فيه مشاكل ويبون التحاليل الاوليه عشان يتأكدون من شي .. هالمماطله غير مقبوله في هذا الوضع الراهن ..
الموضوع اتعبنا نفسياً وحنا مجرد اعضاء نقرا المستجدات اللي تكتبها فأكيد انت متعب مليون مره .. وزوجتك أكيد ماهي أحسن حال منك ارجوك ارجع اقرا الحلول اللي الكل قاعد يقولها لك .. واجه .. حط النقط ع الحروف قل لها بحضور رجال عقلاء . كلامي واللي ابيه 1 2 3 .. غير كذا ما عندي . بصراحه معليش الخلل فيك انت .. والحين تتهرب من المواجهه وتبي تنهي الموضوع وبس بحجة انك بتعافها حتى لو تصالحتو .. لا يا اخي هذا الشيطان اللي يقنعك بهالحل بس صدقني يوم تتصالحون بتنسى كل شي .. وبترجعون ان شاء الله احسن من اول بس زوجتك ماهي متعوده على حزم و شخص يكون مسئول عنها وتكون تحت جناحه وقيادته .. يوم هي تدرك هالجانب بحزمك وموقفك بتلين وبترجع وبتوصلها الفكره بس انت غير حااااااازم .. حتى لقاءاتك معها كنت ماخذها بمسايس وطيب .. لو صرت حازم وقتها وكلمتك صارمه وعبست في وجهها وقلت انا ابي كذا وكذا وكذا خذي وقتك وفكري اما كذا والا شوفي اللي تبينه . الله يفرج همك وهم كل مهموم .. |
رد: معاناتي مع زوجتي واهلي ...(مستجد الرد 575
انت قلت اخوها عقله صغير
تحاسبها على افعال اخوها !؟ مو كل الاخوان يهتموا بمصلحة أخواتهم |
رد: معاناتي مع زوجتي واهلي ...(مستجد الرد 575
ناس غريبه وربي
من متى والحامل ترجع للتحاليل الاوليه ع قولتهم ؟؟ الحامل كل فتره بحملها تعمل تحاليل شامله يعني الاولى يكنسلون عليها لانه مو طبيعي طفل وهو نطفه نفس تحاليل امه نفسها وهو مكتمل الخلقه ناس غريبين حتى صديقتها تدق واخواتها وبنات خوالها مو باقي الا الشغاله تذكر بموضوعك الاول وش قلت لك قلت لك لاتحل الموضوع حل سطحي ترضيه وتمشي لان الطبع السيء ماراح يتغير حل الموضوع من جذوره وقلت حرفيا انا حل للمدى البعيد عشان كل فتره بترجعون للمشاكل وماراح ترتاحون حل المووضوع نهائي حكاية تخرج متى مازعلت وتدق ع خوالها يجون ياخذونها وهي ع ذمة رجال غلط ولا تصير مره ثانيه ولا تدق عليك اي جنس مخلوق اذا حدث امر للمناقشه غير اخوتها وامها فقط اذا حليت الاساس راح ترتاح موضوعك يبي له حزم مو تمشي المواضيع ثم فجاءه تطلق |
رد: معاناتي مع زوجتي واهلي ...(مستجد الرد 575
طمنا عليك ايش اخر مستجداتك ؟
|
رد: معاناتي مع زوجتي واهلي ...(مستجد الرد 575
الأخ الكريم MAS.
للاسف زوجتك باختصار تعاني من اضطراب الشخصية النرجسية أرجو أن تقرأ عن هذه الشخصية و كيفية التعامل معها بتوسع . كان الله في عونكِ و يسر أمورك و أصلح زوجتك . |
رد: معاناتي مع زوجتي واهلي ...(مستجد الرد 575
طمنا عنكم اخوي وش اخر المستجدات ؟؟
|
رد: معاناتي مع زوجتي واهلي ...(مستجد الرد 575
المستجدات اللي حصلت اتصلت على اليوم رقم غريب رديت وبعدها قفلت الخط وبعدها بساعه اتصلت زوجتي من رقمها .. وكانت المكالمه لمده ساعتين كلها عتاب في عتاب واانا بعد طلعت كل مافي عندي وبينت لها اخطائها من والى .. ماكانت معترفه كثير بها وتحاول ان تثبت اني انا غلطان بحقها والمفروض اني اعذرها في موضوع العزاء .. وكانت تعاتبني عتاب شديد على موضوع سفرتي وان المفروض ان اخبرها بالسفره اخبرتها بآنك ماكنتي في بيتك ومالك حق انك تعاتبيني او تطلبي حق بذالك .. بعدها قذفتني بآني على علاقه مع وحده في الدوله اللي سافرت لها ..
بعدها بساعه تفآجت بآنها رجعت البيت ودخلت الغرفه ونامت على السرير بجانبي .. قمت من النوم وكنت مفزوع بالشخص الللي نايم جنبي .. فقت من النوم وصارت تحضني وتقول حبيت احضنك قبل ماتطلقني .. لم ارد على كلامها بالطلاق والخ .. ولكن بعدها رجعت وفتحت الموضوع من اول وجديد وركزت على موضوع السفر وعلاقاتي بنساء والشك فيني .. وكانت تطلب مني بآن افتح الجوال لها عشان تشوف اذا في ارقام او صور لنساء .. وانا رفضت وبينت لها ان هالكلام عيب تقوليه ومالك حق تجسسي وتفتحي جوالي .. الثقه لازم تكون بيننا .. نهايه الكلام قالت اذا ماعطيتني الجوال ماراح تشوف وجهي وطلقني .. قلت لها المحاكم شغاله وتقدري تخلعي وسوي اللي تبيه .. تعبتني والله يناس |
رد: معاناتي مع زوجتي واهلي ...(مستجد الرد 575
هي جات عندك ماقدرت تطيب خاطرها ؟؟؟؟؟؟؟؟ وتقول لها المحاكم شغالة
بعدين ليش مافتحت لها جوالك و طيبت خاطرها ؟ ترى بصراحة قريت المستجدات يعني نسيت الموضوع برمته |
رد: معاناتي مع زوجتي واهلي ...(مستجد الرد 575
كثيررررر متخطبه واااااايد تعبانه .،
ارفع عنها هالمره و عطها الفون ،. يعني رجعتها بهالطريقه تبين كيف انها متخطبه و تحبك والحمل مش مساعدنها تتصرف صح .، اكيد انها طالبه من فترة فونك و بينت رفضك .، اما الحين قولها والله نش خايف اطلبين طلاق والا خلع هذا راجع لج و للعشرة اللي ف قلبج و البنت اللي ف بطنج .، بس خلها تشوف .، ياخي رقع بيتك انته بعد... ع فكرة والله يوم حملت ببنتي كنت ف نفس حالتها و تخبطاتها و قراراتها الغير موزونه صبرا جميل و لطيف ياخي .، و حل مشكلتك جا لين سريرك في غرفتك |
| الساعة الآن 08:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©