|
|
رد: كوفي شوب الصبايا 2 ( المشاركة للنساء فقط
الحمدلله على السلامه خاله بيتا
|
رد: كوفي شوب الصبايا 2 ( المشاركة للنساء فقط
الحمد لله على السلامة خالتوو بيتا 😘
|
رد: كوفي شوب الصبايا 2 ( المشاركة للنساء فقط
يا اشغلتني
يمكن موزعة البطاقة نشر لمكان العيادة مثل ما يوزعو دائما موهنا المشكلة معه بطاقة المشكلةلما بعدها بس ان شاء الله تكون مجرد بطاقة وما يعمل شيء وانا اشوف إنّو تسويه موضوع حتى يردوا اللي هم اعرف ببعض مجردنصيحة |
رد: كوفي شوب الصبايا 2 ( المشاركة للنساء فقط
صباحوو مريوم ..
event اهلًا وسهلا بيننا صباح السعادة للجميع |
رد: كوفي شوب الصبايا 2 ( المشاركة للنساء فقط
سمعوا سالفتي ..
أنا كان لي 3 شهور مارحت لأهلي .. وهالمدة تعتبر طويلة لأن الفترة اللي قبلها وقت مرض امي الله يرحمها كنت أروح كثير.. وعشان كان عندي مناسبتين هذا الشهر .. قلت خلاص أصبر عشان زوجي يخليني ويوافق أروح زيارتين هالشهر .. ( الاولى : إجازة مدرسية لمدة اسبوع فرصة حلوة لي إني أجلس كم يوم عند أبوي وأفرحه بلمتنا حوله أنا وبناتي .. الثانية وهي آخر يوم من الشهر: حفلة خطوبة ولد خالتي .. بيعمل حفلة كبيرة وماراح يعمل عرس.. حضوري لها ليلتين فقط في إجازة نهاية الأسبوع) زوجي كلمته وقلت له أنا ودي بالسفرتين ومش حابة أضحي بوحدة منهم .. زوجي وافق وما عارض أبدا ولا علق ولا حسيت إنه متضايق .. وقال اني للحفلة أروح لحالي مادام بس يومين .. إللي صار إن أهل زوجي في موعد سفري القادم لحفلة الخطوبة بيكونون مسافرين هم كذلك .. يعني بناتي ما لهم أحد إلا أبوهم يجالسهم في هاليومين .. في البداية زوجي جدا عادي كان .. شوي شوي قامت تاخذه الافكار وقال إني بسافر وهو بيضيع الويكند ماله .. ومرة قال ربعي بيسافرون في الويكند اللي بيروح مصر واللي بيروح دبي واللي واللي .. بعدين قال لي ولد عمتي بيروح الكويت ويبيه يروح معاه .. ومرة قال الناس بتقول زوجته سافرت وخلته مع بناتها .. المهم إن الأفكار في مخه قامت تزيد وتعشعش شوي شوي لين ماتكدر وصار مهموم بسبب إنه بيضيع عليه الويكند ياحرام .. وأنا رايحة أنبسط .. حسيت إنه يلمح لي بشي .. قلت له ماعندي مانع باخذهم معاي بس إنت أدفع تذاكرهم .. قال ماعندي .. ( أنا دااايما دايما أدفع تذاكرهم وهو شال يده نهائيا من زمان .. ولو احاول ألزمه يعطيني جزء من المبلغ .. ولا كأنه أبوهم ومن حقهم عليه هالشي .. لذلك أناهالمرة رافضة تماما إني أدفع لهم التذاكر .. أحس إنه مصخها وايد ) وآخر شي قال لي خلاص ماتروحين .. هو لو فاته هالويكند بيعوضه بالويكند اللي بعده واللي بعده .. وأساسا يوميا يقدر يطلع حتى في غير الويكند .. أنا لو فاتتني المناسبة خلاص راحت وماراح تتكرر وتنعاد .. أناني أناني .. أناني لما فكر يتزوج وحدة مو من ديرته .. هو جنب اهله وهي لا .. أناني لما قرر مايفوته ويكند واحد .. وأنا تفوتني مناسبة معليه .. أناني لأن مشاعره ووناسته شي مهم .. ومشاعري وحزني شي تافه وماله قيمة.. زعلانة إني ابتعدت أن اهلي بقراري وبإرادتي وبرضاي .. أهلنا ما شاء الله مترابطين ومتآزرين وقلوبهم على بعض .. كل مواقفهم مع بعض .. كل سوالفهم مع بعض .. إلا أنا لما اجلس معاهم إحس إني غريبة .. مب فاهمتهم .. يعلقون تعليق ويضحكون كلهم في وقت واحد وأنا مادري شالسالفة زي الأطرش في الزفة .. بعدين أكتشف إنه موقف مر عليهم مسبقا وكلهم عارفينه وعارفين تفاصيله .. تخنقني العبرة .. طيب أنا موافقة وقانعة وراضية بوضعي ونصيبي واللي مكتوب لي .. لكن تفوتني مناسبة ؟؟ أجلس ببيتي وقلبي معاهم وأتخيلهم فرحانين وكاشخين ويرقصون ويسولفون و و و .. وأنا لحالي ؟؟ .. |
رد: كوفي شوب الصبايا 2 ( المشاركة للنساء فقط
بعثت له على الواتس أب إني ألغيت حجزي أهم شي إنت استانس وانبسط وأنا معليه تفوتني المناسبة بس اهم شي الويكند مايضيع عليك .. بس لا تجيني تهاوش لا شفتني زعلانة هالأسبوع و متكدرة لأنها مشاعري وكيفي وماراح أستأذنك في مشاعري ..
قرا الكلام وجاني الغرفة وقام يقول لي أنا عمري مامنعتج بس هالمرة قلت لا سويتيني أناني ومافيني خير و و .. قلت له والله أنا ماقلت لك إنك أناني ومافيك خير بس شكلك حاس إنك جذي وطلع الكلام اللي تحس فيه .. تجادلنا شوي وهو طالع من الغرفة قال لي مابي أشوف بوزج ممدود اسبوع عشان هالسالفة .. هني انا فقدت أعصابي .. يعني أنا مكلمتك في هالسالفة إن مشاعري وكيفي ماتتدخل فيها .. حتى في المشاعر بيتحكمون ؟؟ حتى الزعل مايبونا نزعل .. حتى الضيق مايبونا نتضايق ..؟؟ ياليت عشان خاطري ولجل عيوني مايحب يشوفني بضيق .. إلا عشان نفسه .. مايبي يجي البيت ويلاقيني مادة بوزي وأكدره وأغثه بمزاجي الشيء .. مع إني لو أتضايق اسكت مانكد عليه يومه .. حتى إني احاول اتجنبه وما أجلس في مكان واحد معاه.. لكنه ولأنه أناني يبيني انسانة آلية مبرمجة نفسي له .. يبي يسولف واضحك له وأسولف معاه ولا كأني متضايقة وحزينة .. ومشاعري أضرب فيها عرض الحائط .. يبيني أدوس على قلبي وعلى أحاسيسي عشان حضرته لا يتنكد عليه يومه .. |
رد: كوفي شوب الصبايا 2 ( المشاركة للنساء فقط
خاله بيتا الحمد لله على السلامة .. 💝
ام الدانه 😔 يمكن حاب يجلس معاك يحبك 😜 اذا رحتي رح يقلبها نكد عليك بس اذا جلستي ومانكدتي عليه رح يحس بالذنب عيشي حياتك والمناسبات الجايه كثيره قولي زوجي مايبغاني ابعد عنو يشتاق لي وهيك كلام 😆 وان شاء الله يغير رايو ويرضى 💓 |
رد: كوفي شوب الصبايا 2 ( المشاركة للنساء فقط
اقتباس:
اذا لقيتي مكالمات او حاجه تانيه يحق لك تواجهينو وتكلميه وتسوي مشكله 😔 ربي يهدي زوجك ويبعد عنو بنات الحرام ويهديك ويبعد عنك الشك 😘 دعواتي لكك ..♡ |
رد: كوفي شوب الصبايا 2 ( المشاركة للنساء فقط
وانا كمان ودي افضفض 😔
تعبت من اخويا بسبب كلامو على زوجي 😔 ودي اقوله لا تتعب نفسك وتهدر طاقتك عالفاضي لاني مابصدقك وطلاقي منو مستحيل وفر كلامك عنو لنفسك بس ماقدر 😔 ياارب يهديه ويبعد عنو صاحب السوء اخويا ماكان كذا حسبي الله على من كان السبب |
رد: كوفي شوب الصبايا 2 ( المشاركة للنساء فقط
صباح السعادة dgt.
|
| الساعة الآن 06:12 PM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©