منتدى عالم الأسرة والمجتمع - دردشات نسائية ...(يسمح بمشاركة النساء فقط )

يووووووه .. تعالي قولي لمهرة باقص شعرج .. وشوفي المناحة اللي بتصير :D

مرة كانت تلعب بلعبة .. عبارة عن عروسة لابسة تنورة .. والمفروض إنها تطير والتنورة على شكل مروحة.

وكانت منزلة خصلة من شعرها .. وعلقت الخصلة في المروحة لأنها قربتها منها وايد ..... حاول أفج الخصلة ما قدرت .. وما كان في مفر من إني أقصها.

صاحت مقهورة: لااااااااا.. شعري اخترب!!!!! .. بتقصين شعري!!!!!!! :D

وديتها الصالون ودرّجنا الجوانب عشان تتساوى بس .... ولما شافت طول شعرها مثل ما هو وما تغير ارتاحت نفسياً أخيراً. ;)

وتموت من الفرحة والوناسة لما أخلي شعرها مفتوح .. وتتم تحركه يمين ويسار. <------ عندي مشروع نعّاشة :D

فاكهة الشتاء

12-02-2015 11:04 AM

رد : دردشات نسائية ...

مهره فاتج الوصف وصفتج :d
يحليلكم تتعاملون مع الدردشة كأنه درس ولا محاضرة تمشون بالترتيب ومهتمين تردون على الكل
انا ادخل مدرعمة وين مالقيت العالم واصلة دخلت معاهم
حشرن مع الناس عيد
وعلى قولة المثل الاماراتي
ربيع من خطف :d

.Queen

12-02-2015 11:06 AM

رد : دردشات نسائية ...

اقتباس:

المشاركة الأصلية كتبت بواسطة روح الطير (المشاركة 3185300)

ما احب زواجات الاقارب عشان غصب اروح المشغل و احط ميك أب كامل
و تسريحة كاملة ggf

انتي زي اكرررره التسريحات الكامله والكبيرا ... احب شعري طبيعي كيرلي دايم ،.
في زواجي بالبكاء رفضت التسريحة .. شعري سويتو كيرلي وغره مع الطرحة كان شكلي كييوت ... الى الان احب الغره ... دحين برجع اسويها مع شعر اشقر 😍

والميك اب ... ااااه بس اغلب الصالونات مرررض ... وع فعشان كدا مستحيل اسوي عندهم اسوي لنفسي احسن ...

فاكهة الشتاء

12-02-2015 11:06 AM

رد : دردشات نسائية ...

اقتباس:

المشاركة الأصلية كتبت بواسطة أم الدانــــــة (المشاركة 3185301)

ننتظر تيتا نشوفها فهمت شي من هالخرابيط اللي خربطتيها على روسنا ؟ ggg

هههههههههههههه سر لا يعرفه الا الاماراتيات gnn

مهره	12-02-2015 11:10 AM

رد : دردشات نسائية ...

اقتباس:

المشاركة الأصلية كتبت بواسطة أم الدانــــــة (المشاركة 3185308)

خلاص أناديج أم أسامة ؟

تذكرت .. أحيان خالي يناديني ام البنات fg

الله .. كان أحد أحلام حياتي إني ذريتي كلها تكون بنات عشان ينادوني أم البنات.

الحمدلله على نعمته .. والله يخلي لي عيالي ويخلي عيالكم جميعاً .. ويرزق كل من تشتهي يا رب.

أول ما ربيت سلطان كنت أفرح لما ينادوني أم سلطان ... كنت أحس إن أنجزت شي عظيم.

حتى لما طلّعت البي بي كنت كاتبة اسمي أم سلطان.

بس أعتقد إن هذا كان حماس تجربة الأمومة الأولى ..... الحين ما يهمني كثير ينادوني أم سلطان .. ولما أعرّف نفسي عند الناس اللي أتعرف عليهم جديد .. أو أعمل فاتورة عند راعي العباة أو المخوّر .. أو أسجل اسمي وعنواني عند توصيل المطاعم أعطيهم اسمي ميرة .. وبطّلت أعطيهم اسم أم سلطان.

ندى_1406

12-02-2015 11:11 AM

رد : دردشات نسائية ...

اقتباس:

المشاركة الأصلية كتبت بواسطة .Queen (المشاركة 3185317)

مرت اخوي بعرسها كذه عملت شعرها والناس الحشريه استغربت وقالت شكلها العروس مو رايحه مشغل وين التسريحه؟؟؟

بس جد كان شكلها كيووووت ناسبهاjk