|
السلام عليكم ورحمة الله وبركاته
اختي الحبيبة حائزة الأمل بصراحة ما اعرف شو أقول لك لكن راح أقول وتحملي طوووووووول كلامي الله يعينك حشري اكمامك هههههههههههههههههههه :d يعني ليه كل هذا التحطيم لنفسك لا تنظري أبد للأشياء السلبية في نفسك أو في أوضاعك :( أنظري لكل شيء إيجابي مستحيل تخلوا حياتك من الايجابيات :18: أول شيء إبتسمي :d وقولي الحياة حلوة :22: ثاني شيء تسويه تشتري ملابس للعيد لك ولست الحبايب ولا تقصري عليكم بشيء من أصغر شي لأكبر شيء ومن أهم شيء للكماليات ......... زييييييين :22: ثالثا في ليلة العيد زيني بيتكم بالدرج بالصالة بغرفة الإستقبال بالزينة حسسي نفسك وامك بالنعمة اللي اعطانا إياها الإسالام الله يكرم ديننا لكن شوفي الفرحة المصطنعة من الكفار في عيدهم وهو عيد وضعي وليس شرعي لكنهم يحتفلون فمن باب أولى إننا نحتفل بالفرحة المثبته في الحديث القدسي :17: ولو عند أخوانك واخواتك أطفال انفخي بالونات وخطي بداخلها قصاصات ملونه وكلام حلو وابدئي انتي وياهم بتفجيرها في نفس الغرفة اللي فيها الوالده لا تقولي رزتي وبرستيجي قدام أخواني وحريمهم اعتبيهم غير موجودين وارجعي عيشي طفولتك من جديد ولو لدقائق ما تشوفينا كيف نفقد عقولنا وقت اللعب مع الاطفال ماكأننا اللي في العشرينات واللي في الثلاثينات واللي بعدها في سن المراهقة وعاااااااادي الحياة حلوة وبعدها ناخذ الأطفال ونطلع السطوح ونبدأ نولع في الطراطيع وصياح ورجة ومناقز بس المهم ننبسط ........... فخذينا قدوتك ولو لمره وحدة صدقيني عادة ما راح تستغني عنها حتى بعد ما تتزوجي وترزقي بأطفال إن شاء الله سبحان الله قبل كم سنه كنا نعيد عيد كه نكد * نكد وفي سنه كنا فاتحين التلفزيون وكانوا في مشايخنا الكرام وكان من ضمنهم عادل العبد الجبار و الشيخ العريفي والشيخ خالد الشايع وتكلموا عن العيد كلام مره حلو وكان من ضمن كلامهم إن واجب على الإنسان يفرح بالعيد لأن الرسول صلى الله عليه وسلم والصحابة رضوان الله عليهم فرحوا فيه لازم تبسطي نفسك يعني إذا قدرتي مثلا تروحي تصلي العيد انتي والوالدة الله يحفظها لك في المصلى فافعلي وبعدها سوي القهوة والفطور لك انتي وامك وافطروا وانبسطوا على فكره ما أحب النوم صباح العيد :( خلاص النوم بعد الظهر ولو قدرتي تخرجي تعيدي عند الجيران ياسلام والله فلة ولو تقدري ترمي لأخوانك كلمة تحسسهم على دمهم يجون يحيون بيتكم يوم العيد ويتغدوا عندكم يكون أفضل وقولي لهم شوفو أخواتي كل وحدة أول شيء تعيد عند أهل زوجها يعني كل وحده زوجها اللي ممشيها مو هي اللي ممشيته .... يعني مزحه بلدحه يعني انا الآن أقول لك على اللي احنا نسويه صباح العيد من الصلاة للفطور للخروج للجيران والله العام صبح العيد وانا مسخنة بس عادي قمت على تعبي وتحممت وسشورت ولبست وسويت مكياجي وافطرنا مع الوالد الله يحفظه وطلعت انتظر الجيران يمرونا علشان نخرج سوا لكن ارتفعت درجة حرارتي زيادة :24: ونمت بملابس العيد :d وما صحيت إلا بعد ما خرجوا الجيران ومررررررررة زعلت والحمد لله حبيبتي طول ما إننا بصحة وعافية ليه ما نتحدث بنعمة الله علينا وبالنسبة للوالد إدعي له بالرحمة والمغفرة وادعي بطول عمر الوالده وإن ربي يسترك بالزوج الصالح في حياتها نحن الآن هذه السنة الخامسة عشرة نعيدها بدون الوالدة رحمها الله وجعلها ووالدك وموتانا وموتى المسلمين في جنات الفردوس يتنعمون لكن عزيزتي هذي هي الحياة لازم نعيشها يعني لا نكد دائم ولا نعيم دائم ونعم الله علينا حبيبتي اكثر من أن تعد وتحصى ............. صحيح ؟ فابتسمي حبيبتي واتركي الباقي على الله وحسسي نفسك وامك بالعيد أخيراً أسأل الله العظيم أن يقر عينك بالزوج الصالح في حياة أمك عاجلاً غير آجل اللهم آمين وأن يشفي الوالدة يااااااارب ويقر عينك بشفاها اللهم آمين وأن يفرج همك ويزيل كربك اللهم آمين أسعد الله قلبك وأنار بصرك وبصيرتك اللهم آمين تحيااااااااتي ... |
الله يهونها عليكي اختي
لا تيأسي من رحمة الله ان شالله بيجي عيد الاضحى وانتي ببيت زوجك وتفرحي مثل ما كل الناس تفرح |
فرج الله قرررررررررررررريب مستبشره خير بإذن الله
حبيبة قلبي هوني عليك واشتري للعيد والبسي ووسعي صدرك الله يحفظلك الوالده ويسخرلك الزوج الصالح اللي يفرح قلبك |
اخيتي السلام عليكي ورحمة الله وبركاته،، الدنيا لاتتوقف عند موت احد أو ولادة احد اخر ،، لو استمريتي اختي العزيزة بهذا التفكير فلن يكون مصيرك الا اسواء ممن انتي فيه الان ،، قومي الان وتوضئي وصلي ركعتين وادعي لوالدك رحمه الله بالرحمة والمغفرة وتصدقي عنه واعتمري له فهذه هي الامور التي سوف تسعده الان وتنفعه ،،أما ماتفعلينه بنفسك فهذا كله من الشيطان ووساوسه ،، رحم الله والدك وأموات المسلمين المسلمات ،، واعلمي أخيتي بأنك قوية بالله متوكلة عليه.
|
اقتباس:
الله يسعدك ياقلبي خلاص انا شريت ملابس العيد:18: وربي لايحرمني منك.. اختك حيوزه |
اقتباس:
وعليكم السلام ورحمة الله وبركاته الله يسعدك يااخي..وتفائلوا بالخير تجدوه لربما يكون ظنك بأني متزوجة فال خير علي.. ربي يوفقك ان شاء الله ويسعدك شكرا لكلامك الطيب أختك حائزة |
اقتباس:
الحمدلله على كل حال..ربي يسعدك ان شاء الله وكل عام وانتي بألف خير أختك حائزة |
اقتباس:
ذكرتيني بأيام طفولتي.. كان العيد عندي يعني ذهابي للألعاب:23: وكان شيء مفرح ليس مهم ملابس جديدة او اشيء اهم شيء الالعاب:15: ياليت الزمان يعود يوما لأخبره بشوقي للألعاب:d ربي يسعدك ولايكدر قلبك.. والله كريم وهاب رازق لاتحزني ياعمري أختك حائزة |
اقتباس:
كلامك صحيح 100% لااعلم ماذا سيكون وضع زوجي في العيد لكني اقلا اعتمد على وجود اهله الذين سيكونون اهل لي ايضا.. ربي يسعدك ولايحرمني منك ياعسل أختك حائزة |
اقتباس:
هذا الوصف:25: روحي اول مسجد قريب من بيتكم..وادفعي صدقة عن الفقراء توصلك قهوة ( تشبيه كرم الله في الاجابة ) على طول:22: اشرايك مو احلى قهوة واحلى وصف؟ وياليت تكون اسبوعية يكون وش زينك زيناه:17: أختك حيوزه |
| الساعة الآن 07:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©