منتدى عالم الأسرة والمجتمع - ساعدوني.. أتطلق عشانها يعني؟!

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - ساعدوني.. أتطلق عشانها يعني؟! (http://www.66n.com/forums/showthread.php?t=151835)

اقتباس:

المشاركة الأصلية كتبت بواسطة حاملة الهم (المشاركة 1686571)

السلام عليكم ورحمة الله وبركاته

والله يا اختي يا ام وداد قلبي معاج دوووم بس مشغولة هالايام وايد جي ماكنت اقدر اعرف اخبارج واليوم قعدت على موضوعك هذا لين ماعرفت اش صار معاج بالضبط ...

والله يا اختي الله يعينك صراحة اختي انا اشوفج انتي وزوجك وايد مكبرين الموضوع ومع احترامي لوالدتك وماصدق اني في يوم من الايام كنت بقول لشخص هالكلمه لكن معطتها اكثر من حقها ...

يعني هي حقها عليك انك تطيعينها وماتعصين لها امر لكم في نفس الوقت طاعة زوجك اولى ..... وهي والله اعلم قاعده تسوي كذا لانها تدري انك تخافين عليها وااايد .. بس هالشي اللي تسويه امك حراااام وتدرين انك كل ماتاخرتي على زوجك امك تاخذ ذتوب ... انت تبين الذنوب لامك ...

خلاص اختي احسمي الموضوع تراك طولتيه مرة انتي وزوجك بلاسفرة الكويت بلا بطيح دام انه زوجك مارضى والله وحقه يعني هو قاعد مسكين له سنه ينطركم وفي النهاية انتي تسافررين وهو بس قاعد يتطر ... واسمحي لي والله شروط امك تعجيزيه .. يعني اثاث مطبحك انتي حرة فيه ان شاء الله ماتحطين فيع شي ... دام الشفة موجودة غاليتي توكلي على الله واتصلي في زوجك وتوكلي على الله وقولي لي لامك انا ابغي رضاك لكن ماودي ربي يعافيك ويعاقبني لانه طاعة الزوج واجبه .. انا جايه اسلم عليك وزوجي عند الباب وشناطي في السياره امنتك الله ...

وطلعي .. ولو صارخت وعصبت وسوت لك فلم قولي لها اسمحي لي يا امي ماقدر اعصي زوجي اكثر.. .ولو امك تسوي كذا من صجها كان قلت لك لا تروحين لكن انتي بنفسك قلتي هي كلمت خالنك وكان شي لم يكن ...

ولو رحتي مو تقعدين تزعجين زوجك وامي وامي ... خلاص انسي الموضوع اشوي .. وتهنى مع زوجك .. وامك ان شاء الله ماعليها ولو لا قدر الله لاقدر الله صار فيها شي فهي اللي جابته لنفسها ... سكري جوالك وخليك مع زوجك وتهنوا شوي .. خلاص عاد كفايه !!!!!

الله يعييينك والله يارب

هذا هو الكلام الصح .. وعين العقـل ..

ام وداااد ... طمنينا عنك .. ولا ابي اسمع عنك خبر الا انك فـ بيت زوجك .. فهمتي:19:

ترا الموضوع كله بـ ايديك .. وينتهي ... ومسكين زوجك والله انه صابر ..

لا تضعينة من يدك .. ويدور غيرك ..أنتبهي

غاليتي.. كل كلمة قلتيها .. صح ..

واكثر كلمة .. "الي بعيد عن العين بعيد عن القلب"

عمري ماتمنيت ... ان يصير الوضع عادي انا انام بصوب وهو بصوب ثاني..

وهذا الي ماتمناه .. لدرجة اني حلفت .. بس ارجع لزوجي.. بعوضه عن الي فات .. وبخليه يتعود على وجودي معاه ..

مسكين حاله معورلي قلبي.. وحالي بعد .. احبه والله يعلم الله .. لكن كل الي حولي بسبب تصرفات زوجي الي فاتت ...

يقولون زوجك ناويلك نية ... ومن هالكلام .. بيرجعك وبعدين هو بيطلقك وبيهينك.. وغير الي يحلف.. بان شوره بيد امه ..

ومن هالكلام .. صحيح اني واثقه منه .. لكن ياخوفي اتحدى العالم .. وبالاخير ارجع لاهلي مهانة منذلة .. وتصدق كلمتهم ..

الحين الحمدلله هديت الاوضاع في بيت اهلي.. ومقتنعين اني ارجع .. وهالشي هذا حاطينه في بالهم .. وان شاء الله

ماطلع من بيت اهلي الا وانا واثقه مليون بالمئة ان محد بيتدخل في حياتي مع زوجي ابدا..

الله يقنع امك واهلك كلهم يارب .. الله يصلح امك ويخيب ظنها في رايك ويحببها فيه يارب ..

طمنينيا

مشكورة حياتي حاملة الهم .. الله يبعد عنك كل هم والله مانسى وقفتج وياي..

فديتج يالغالية والله دمعت عيني يوم قريت الدعاء الي في توقيعك .. الله لا يحرمني منك .. وان شاء الله عن قريب افتح موضوع ابشركم برجعتي لزوجي..

يالله مادري شقول.. بس والله اتاثرت .. الله لا يحرمني منك ..

يا اختي روحي بيت جوزك

إن شاء الله يالغالية .. ادعيلي