|
هلا اميره
لا مارجعت اتصلت من امس اخر مكالمه كانت العصر تقريبا امس وبس وكلامك صحيح وانا كمان احيان اشوف منهم اشياء تضايقني واحيان اقله وعادي يبرر لي تصرفهم بس هنا الوضع يختلف تماما والله لو عرف راح يعمل مصايب انا اعرفه علشان كذا ما ابغى اتدخل هو واهله احرار مع بعض لا مالمحت |
سابنا
هلا احيان اروح واحيان لا وهو اصلا معاناته مو دايم يعني احيان بس الفتره الاخيره زادت لا تقلقي ان شاء الله حتى العمليه تتكنسل مو اكيده وموضوع البلع الطبيب طمنا انها بتخف مع الوقت بس تحتاج فتره مو قصيره تقارير عنده كثير بس اغلبها تبع عملياته |
اهلين اخت بنت غامد
والله يكون في عونك.. ويوفقك ويجزاك خير على تحمل زوجك انا متابعة موضوعك من اوله بس للاسف كنت مشغوله هاليومين و مامداني اكتبلك..اعذريني انا راي من راي الاخوات انك ما تتدخلي بينه وبين اهله بس ممكن توضحين لام زوجك انه الى يسير غلط ... ولازم تعرفين هما وش بيسون ..يعني كيف بيقولوله .. لانه حررررااام زوجك يعرف عن نيتهم .. لانه راح يكرهم وزي ما قالتي احتمال يقطعهم .. ولازم تقولي لام زوجك ردة فعله لو عرف ...لانها في الاخيير هي ام ولاراح ترضى ان عيالها يتقاطعون عشان موضوع تافه وفكرتك انك تقولين لدكتور ..فكرة حلوه بس ممكن تقولين هالفكرة لام زوجك هي الي تكلم الدكتور وتشرحله وتخليه يكلمه وبعدين هي امه تكلمه انها خايفة عليه يروح وممكن لو شافها خايفه عليه بيبطل يروح بس لاتخليه يروح اخاف يسمع كلام يجرحه والله يسيرلك امرك ويحفظلك زوجك من كل شر |
طبعا رأيي مع الاخوه لاتتدخلين..
وبالعكس ادعي له ولهم يهدي امرهم.. والله قري موضوعك.. اقرأ نزلت دموعي لانه اعرف زوجك من خلال كلامك.. وقفت على طول ودعيت الله لك وله.. ولله يرزقكم الذرية الصالحه.. ويبعد عنكم الهم.. ويحنن قلب اهله عليه... وما تردين يمكن هذا تصرف امه بس.. يمكن خوه وابوه مالهم دخل... بعض الامهات تفكيرها معووج...تحب واحد اكثر من واحد.. |
والله الى الآن عجزت ألقى لها مخرج الوضع جدا حساس الله يكون بعونك لكن أحاول عسى ربي ينور بصيرتي وأقدر أحلها لك من دون مايصير فيه ضحايا..دعواتي لكم وقلبي معك..
|
تالا
هلا فيك اوعدك بحاول دلوعه شكرآ حبيبتي ولا تبكين ادعيلنا سابنا خجلتيني بمتابعتك لا تقلقين الله كريم |
حياك الله اختي بنت غامد .. اختي في بعض الامور لا تستطيعين ان تجدي لها حل ... الزمن هو الكفيل بحلها ... انتظري اختي واصبري و ادعي ربك ان يفرجها من اوسع ابوابه .. وربي يعطيك على قد نيّتك ... |
الله المستعان الطيب ماله حظ ولا نصيب المفروض انك تبلغيه السالفة عقب حتى ما يقطع قلبه زيادة عن اللزوم الله يعين على الدنيا بخير
|
هلا اميرات
رأيي من رأيك ام بدر شكرا لكي وسعدت بمرورك امس اتصلت على امه وقالت ترا العيال وابوهم بيسافرون ثاني او ثالث رمضان للشرقيه قلت وفلان؟ قالت بنقله ليلة رمضان وطبعا مابيلقى حجز واكيد ماراح يروح انا انصدمت بتفكيرهم بس حسيتها انسب فكره طبعا انا امس كنت متضايقه كثير ودمعتي بطرف عيني جاني هو بالليل قال وشفيك؟ قلت تعبانه قال مبين عليك حتى النت تركتيه وطلبلي عشا من برا وجلس عندي ويحاول يخفف عني وفجأه بكيت لأني حسيت اني دخلت طرف في لعبتهم وهو مايدري ولو اكتشف والله ماراح يسامحني واساسا انا ضميري متعبني انا ابغى اقله علشان ضميري ماني قادره اتحمل وشرايكم؟ |
عزيزتي بنت غامد13 اختى هداكي الله وانتي على طول حكمتي انهم ما يبونه على شان مريض طيب يمكن ما يبونه يروح خوفا عليه يا اختى مافي ام بالدنيا ماتحب ولدها لو ما تحبه ما كلمتك وتترجاكي انتي انك تقنعيه مع انها امه ولو طلبت منه ما راح يمانع خاصه وهو بار فيها زي ماتقولي
عزيزتي راجعي نفسك وفكري بتمعن تجدي الموضوع ما يحتمل انك تكدري خاطركي وتشيلي همه عزيزتي لاا تكبري الموضوع وعجبني ردك على امه انك قلتي لها هذا ولدكم وانا مالي دخل بينكم انتي انسانه فاهمه وعاقله بكره لو يطيح عندك اول من بيفزع له اهله فلا تكوني لك عداوات او حزازيات عند اهله هو زوجك وتحبيه مافيها كلام بس برضوا هذول اهله وماله غناة عنهم |
| الساعة الآن 01:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©