|
اقتباس:
بس اذا صار هي الي رفعت يدها عن وعدها ...يصير من حقك تصر على رأيك الأول، خيرها بين الشكن في الخرج او تنقل بالرياض لشقة أقل( وليت تطرح عليها شقة صغيييرة (عشن هي اصلا ماراح توافق) الا انها تبقى وتدفع الفرق انا صار معي كذا بداية زواجي، كنت رافضة بس يوم خيرني اخترت مظهر الشقة وانا ادفع (بس هذا صار يوم اصررررررررر ننقل عند اهله وأراني إخلاء المنزل وان لاخيار غيره فاقترحت انا النقل واصريت ان ادفع ايجار شقة أصغر بالكامل) هذا مايعني ان مازلنا نطالبك انك تحسسها بالأمان..توها متزوجة واكيد بتسمع قصص مالها اول ولا اخر، وصارت تحس انها لازم تدافع عن حقها...ولا والله كل شي تكبه عند رجلك كب... الأمر الثاني اطلاااااقا لا تستدين أبدا، شي ماتقدر عليه لاتحط نفسك فيه من الأول، بس طالما ورطتك...وصار الي صار ..من الان شف شقة اصغر وبكيفها تبي تنقل عقد الاجار باسمها هذا شي ثاني |
اخواني وخواتي حفظك الله -- عند مستجدات
وهي اني ذهبت اليوم بعد الظهر وقابلت عمي (( والد زوجتي )) وشرحتله الموضوع من إلى وقال وانا عمك مال الزوجه ما فيه خير لكن عندي شقه فوق بنفس البيت فاضيه اسكنها بالمجان واذا انت مصر على نقلك للخرج فعلى الزوجه الطاعه والذهاب معك الى بيتك وقال انت من خرب البنت وتجي على كيفها من البدايه الحين كيف تعدل الا بوقفه مني ومنك وانا بقولها ما لك الا رجلك لكن عطني اسبوع واحد فقط والخميس القادم تعال خذ مرتك وسكنها مع اهلك وسلم شقتك الي بالرياض وخذ اجازه شهر عشان توديها وتجيبها لعملها وبعدها جب سواق مع زوجته على حسابها وان رفضت قلي ((والله لحذف اشناطها بالشارع)) يقول بنتي واعرفها ما ينفع معها الا العصا قال: والله وانا عمك انها موجعت قلبي مثل امها (( معانده وعوباء)) ما ترد على أحد لكن أدب المرأه وان ما طاعتك انا بصفك ماني ضدك. ويقول: وظيفة المرأة والله ما تجني منها الا الحسرة واللوعه والتعب والمصاريف الزايده ، وقال وان ما مشت معك تزوج غيرها والاسلام حللك اربع -- ويقول ياولدي انا انسباي خمسه وانت اطيبهم دين واخلاق وكرم (( يقول انا اعرف الرجال)) لكن انا معين لك بكل شي (( ويقول العود على أول ركزه)) انت من خرب المرأه لو من البدايه اخذتها لبيت اهلك وجبتها سواق كان تحصلها الحين احلى من العسل. وقال (( لا خير في رجال يتبع المرأه)) وسلامتكم |
اقتباس:
هلا بك اخوي .. انت ببداية الموضوع قلت انك متكفل بكل شي من الى .. ايجار فواتير مصروف بيت .. وان المشكلة الاساسية بدت يوم هي طلبت منك مصروف صح؟ والان تطور الوضع وصرت تبي تروح للخرج وهي رافضة عشان عملها طيب اخوي بما انك من الاصل قادر تتحمل ايجار الشقة .. والي تطلبه منك المصروف راح تعطيها على قد قدرتك .. فليش ما تستمرون بالرياض ؟ هل عشان انت حاز بخاطرك انها ما وفت بوعدها ؟؟ اذا هذا السبب فانا متفهمة شعورك والله .. لكن اخوي تذكر انك انت الرجل .. وانت المسؤول عن هالاشياء ولا انا غلطانة ؟؟ يحق لك تطالبها انها تطبخ لك وتغسل ملابسك وتنظف بيتك واذا ما قدرت على هالشي فمصروف الاكل والتنظيف عليها .. لكن اشوف انه احسن لك انك ما تحاول باي شكل تجبرها تشارك بالايجار .. فهمتني اخوي ؟ |
ياسلام
والله هذا الأب خطير ونادر لو كل اب يقول نص هالكلام للزوج كان مافي حاجة لمنتدى مشاكل المتزوجين لأن كل زوجة بتقول سم طال عمرك :) بس ابعد عن بيتهم لانها شكلها منانة بكرة تقول سكنتك بيت اهلي ! حريم! الحمد لله ان والدها أصيل بشرنا بعد اسبوع |
اقتباس:
نعم كتبته في نفس الموضوع لكن اوضحه لك عندما حل الاجار للفتره الثانيه تسلف من اخوي وسددته وعندما اقبل تجديد العقد لمدة سنه قلتلها وش رايك ننقل الخرج.....الخ قالت لا دبر نفسك ....الخ طيب ما قلتي قبل الزواج انني نتساعد على الاجار ....الخ قالت نعم قلت ليش غيرتي كلامك قالت انت ما سفرتني ماليزيا وغيرها انت حدك مكه والشرقيه ودبي ومن هنا بدت المشكله |
اقتباس:
اتصور الموضوع كذا شبه انحل ياتسكنون عند ابوها فوق او تستاجر بالرياض شقة ثانية غرفتين ومبطخ بايجار اقل او تروحون للخرج .. الي يناسبكم بس اخوي الله يخليك .. قبل لا تركزون بهالامور اول شي ادرس شخصية زوجتك تاكد بالاول هل هي انسانة فعلا تنفع تستمر معها؟ تدري ليش اقول هالحكي ؟؟ مولانها طلبت مصروف لا .. لكن انها وعدت وتنكرت لك من غير سبب منطقي .. ولو مشينا لها هالنقطة .. ماهي قايمة بالبيت ولا باكلك .. وهذا الشي غلط عشان كذا يبي لكم جلسات مصارحة عشان ما تتكرر هالخلافات |
اقتباس:
لكن مشكله بدايه والنار تبدا من شراره لكن عندي رد على روح الطير اقريه كاملاً وان شاءالله ينحل الموضوع |
اقتباس:
ان شاءالله ينحل وعسى الله يهديها للنفسها |
اقتباس:
دعواتك |
اقتباس:
هلا بك اخوي السيف انا قد زعلت من قبل ؟ ما اتذكر والله :25: اختلافات الراي ما تزعلني انت من الاعضاء الي احترمهم مهما كان الاختلاف بيني وبينهم .. لو هو بس على اسلوبك السيف :) المهم السيف .. والله ما عندي دليل .. وانا ماني مفتية عشان اجيب الدليل واتعمق بذا الامور الدليل عموما موجود تلقاه عند العلماء الي افتو عامتهم ان شغل البيت ماهو واجب .. لكن الي اعرفه ومتاكدة منه مافي دليل يقول ان الزوجة لازم تطبخ لزوجها السيف الله لا يهينك تقرا ردي على عزوبي عشان تعرف ليش انا قلت كذا .. دمت بود |
| الساعة الآن 08:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©