|
انسييييييييييييييييييييييه
لاعاااد تفكرين فيه هذا بااايعك على ايش تحبينه؟! والله مايستاهل الي تسووينه في نفسك عشاانه هذا واحد بايعك تعرفين ايش يعني بايعك يعني لنفسك عليك حق انك تعزينها وتكرمينها وتبسطينها بعد باسالك حزنك بينفعك بشي بيقدم او بياخر لا والف لا الا راااح يزيدك هم وتعب فانا اقولك انسيه وارميه زي مارماك وتوجيه الى الله وصلي لك ركعتين وادعي الله بقلب صاااادق انه يغفر لك مامضى من ذنوويك وينسيك هذا الانساااان ويعوووضك خيييير ياااارب الحل بيدك كوني بالقرب من الله بتلقين الفرج |
اقتباس:
هذا يبغى يذلك وبس ليييه تكلميييينه! الله يهديك وبس صدقيني مايبغى يرجع لك ولا يختبرك بس يبغاك تقولين انك باقي تبينه عشااان يذلك ويقول وانا ماابيك انتبهي بااقي تكلمينه مهمه حنيتي له عاد مدري على وشو تحنين له وربي مايستااهل المهم مهما حنيييتي لاتطاوعين نفسك ابد ابد وانتظري حتى تجي ورقه الطلاق وان شاء الله ماتكوني حااامل |
غاليتي زينب..
ارجوك لا تغضبي مني.. الا انني بعد قراءة مستجداتك، احسست انكما طفلان وتلهوان بلعبة اسمها الحياة الزوجية.. لا احس انكما تعيان ما تفعلان، وكل مشاكلكما كشمعة في مهب الريح. اشرنا عليك ان كنت جادة في رغبتك بالطلاق ان لا تكلميه على المسنجر وتعاطفنا معك ودعونا لك من كل قلوبنا، وتفاجئيننا الان بانكما تجلسان ساعات طوالا تتغزلان ببعضكما منذ طلوع الفجر حتى الصباح، وما تلبثين انهاء جملتك حتى تقولين لنا انه قال لك النقيض.. التبرير الوحيد لتصرفه هذا هو انه يرى تعلقك الغير مبرر به، ويرى تغاضيك عن تلاعبه بمشاعرك، فيزيد تلاعبا بعواطفك وحرقا لاعصابك باستخدام طريقة المد والجزر.. ان كنت جادة سواء بالطلاق او العودة له و رسم منهج لحياتكما، فعليك ان تكوني واضحة وجادة، لا ان تكوني دمية يحركها كيفما يشاء.. اختي اقول هذا الكلام لك من شدة خوفي عليك، لانني احس انك لا تعين مسؤولية الزواج سواء انت او زوجك.. اكرر: ما تزعلي من كلامي.. |
اقتباس:
الحرام وإقامة العلاقات الغير الشرعية ويعامل معاملة سيئة ثم يقول أختبرك هل يرضى منك مثل تصرفاته تحت مسمى اختبار !!!! وتراه يتلاعب بك !!!! ثم اقطعي التواصل معه وغيري عنوان إيميلك وخليه يتواصل مع أبوك فقط بالنسبة لمسألة العلاقة والحب قبل الزواج أخالفك الرأي لا يعني الأمثلة التي ذكرتها أن الحب قبل الزواج لازم يتوج بزواج ناجح قد يحصل هناك إعجاب يدفع صاحبه لأن يتقدم أو يجس النبض تجاه الطرف الأخر رغبة بالزواج والإرتباط مع أخذ بالحسبان أنه ليس له سوابق أو علاقات أخرى او لهو لعب مع الجنس الأخر .... أما حالتك أنت وزوجتك فكانت مختلفة تماماً ، فالمشاعر الفياضة أعمتك عن رؤية عيوبه ثم غالب هذه العلاقات أكثر من يتضرر منها البنات بحكم انجرافهن خلف العاطفة أما الشباب فيتجاوزونها ويعتبرونها مرحلة لهو ولعب ، وفيها غيرها من البنات يمارس معهن مثل هذا اللهو واللعب وحتى إن تزوج عن حب !!! فإدمانه للعلاقات مع الجنس الأخر لا يستطيع أن يتركها لذلك الحب بهذه الطريقة أعمى بل يذل صاحبه به نفسه ؛ سعياً وراء سراب عموماً هو درس لعلك فهمته جيداً والله يكتب لك الخير عزوبي بس رجل |
عزيزتي زينب
أتمنى تجلسين مع نفسك وتحددين انتي ايش تبغين تحديدا تبين تقهرينه تبين تذلينة او تبين ترجعين لزوجك و تتعايشين مع كل عيوبة والي اغلبها ’’معاصي ’’وتتحاملين على نفسك الضرب والطرد والذل وتصبرين معه او تبين تنسين الماضي وتبتدين حياتك من جديد بقلب صافي خالي من الكره أنتي حددي وفكري لاتسوين شي عشان الناس ولا عشان احد عيشي لنفسك وبس ارضي نفسك وبس عشان ماتندمين في يوم من الايام على اي قرار تتخذينه وبعدي عن التذبذب مرة تكرهينة ومرة تجارينه في الحكي ولو قررتي انك تنسينه اقطعي كل وسيلة اتصال بينكم عشان ماترجعين وتحنين له مرة ثانية أحترامي |
زينب لالالالا لاتكوني سادجه تكفين زينب طالبة الحقوق الفاهمه المتعلمه المثقفه يقص عليك هدا الحقير الي مانفع عمره شلون تبينه ينفعك ياقلبي اصحي هدا راعي غزل ومتعود على هالشغلاات يحط لك الشمس بيد والقمر بيد يرقص ويلعب ببنات خلق الله وانتي ضحية منهم وانتي الضحيه وانتي الضحية |
السلام عليكم ورحمة الله
عزيزتي .. لم تشفي بعد من داء الحب علشان كذا الى الان تذلين نفسك له !! وهو مستحيل يستغني عنك وحطي تحت مستحيل عشر خطوط لانك الوحيدة اللي قابلته على رغم عيوب العالم اللي فيه ... والا كيف وحدة تقبل بشخص خانها والى الان مستمر في خياتنه باهداء الهدايا لمعشوقته .. نعم هي معشوقته وانت فقط حبيبة لانك زوجة وهنالك فرق كبيييييييييييير ... قد يتخلص الشخص من الحب ولكن العشق صعب ... ان رجعتي له سيزداد انفة وكبرياء لانك الوحيدة اللتي سيجدها تعود له رغم الضرب والخيانة !!! فكري جيدا .. واحمدي ربك انك مو حااااااااااامل |
أي كلام اتقولونه والله ماراح ازعل منه ..
لأني استاهل ، بس والله لوووو انتوا مكاني - لا سمح الله !!! وقتها الواحد مايعرف اشلون يتصرف صعبة الوحده اترد بيت اهلها حتى وإن كانوا هَـ الاهل مثل اهلي متفهمين وعندهم الأمر عادي ولا جنه شي صاير ويعاملون مثل قبل لا اتزوووج بس مادري شلون اشررررح لكم ما ادررري .. بس صار مستجدات وراح اخبركم عنها ب رد مستقل وصدقوني أي كلام منكم ماراح يزعلني .. ب العكس يعطيني دفعة جدام وخلاص تيلفووون ماكوو والـ MSN ما ادشه .. يعني مافيه أي نوع من أنواع الاتصال بيني وبينه بس اللي استفدته من هَـ المكالمات تدرون شنووو ؟؟ انتهيت جدل داخل نفسي وانهيت حنين له لأن رفضه لي تأكد مره ومرتين وثلاث .. وب كلام منه |
مستجداتي :-
- مثل ما اتعرفون إن 5 أيام إن شاء الله وباسافر ، بس هدف الرحلة اتغير من رحلة سياحية بحته إلى رحلة علاجيه لي .. وإن شاء الله العلاج مابيتسغرق كل الرحلة .. بس أبوي عمل ب اصله واتصل حق اللي يقولون انه ^^ ريلي ^^ وأبوي قال له " لحد آآخر لحظة وآنه اعمل وياك ب أصلي ب الرغم من كل اللي سويته في بنتي بس اتصلت عشان استأذك حق سفر بنتي لأنها للحين على ذمتك ط قال له ريلي " والله يا عمي آنه من البداية مو امعارض سفرتها .. اتروحون وتردون ب السلامه " قال له أبوي " احسب الفلوس اللي صرفتها على بنتي من بداية ماخذتها للحين وبنعطيك اياها وقت التطليق " قال له ريلي " ليش مستعيلين ؟؟ ليش ماعطيتوني فرصة آآفكر ؟؟ ليش تبون تمشون ب الطلاق ابسرعه ؟؟ " قال له أبوي " اتفكر ابشنووو ؟؟؟ بعد كل اللي سويته في بنتي وبعد تبي اتفكر ؟؟؟ شتفكر فيه ؟؟ انا اتمنى الطلاق لها اليوم قبل باجر وباجر تلقى النصيب الاحسن ان شاء الله الله بيعوضها عن صبرها معاك " قال له ريلي " وايد استعيلتوا ب الطلاق وانا ماكان هذا امرادي ماكنت ابي اتخلى عنها واطلقها لأني احبها عموماً عطوني فرصة افكرررر " قال له أبوي " فكر في اللي ب تفكر فيه ... احنا بنسافر وبنرد وبعدين يصير خير " يعني ااااابي افهم اشيبي يفكر فيييييييييه ؟؟؟ ناس غريبة والله العظيم !! |
والله العظيم الذي لا إله إلا هو أنك ومذ طرحك للموضوع كان يراودني إحساس قوي بأن الطلاق لن يتم ..
لأنني أعرفك جيدا وأعرف مشاكلك مع زوجك كلها لهو أطفال وفقاعة صابون .. ولذلك تجنبت الرد ... وأصلا أنا لا أرد في المواضيع التي فيها طلاق و ( خراب بيوت ) .. لكن بدأ إحساسي يصدق مع المستجدات الأخيرة .. وهاهي الأحداث معكم تكبر وتكبر ثم تعود لتأخذ وضعها الطبيعي من جديد !! ( وإن ما كبرت ما بتصغر ) :22: كما قالت الأخت أم محمد كل مشاكلكم التي طرحتيها سابقا وتطرحينها الآن بسبب عدم الخبرة أجزم وأبصم بالعشرة أن خبرتكما في الحياة الزوجية = 0 صحيح أنكم شباب لكن بقلوب أطفال مع العذر والسموحة لكن لا يصدق عليكم إلا هذا الوصف .. رابطة الحب التي بينكما قوية جدا بدليل أنه بعد كل عبارات الذل والمهانة بل والضرب أيضا قمت بالاتصال به مجددا !!!! وهو بعد كل ما فعله معك يقول لكم : ( استعجلتم بالطلاق ) !!! الله يصلحكم بس ... لو أردتم إكمال مسيرة الحياة الزوجية بينكم تستطيعون ذلك فقط تحتاجون لأمر واحد ( كبروا عقولكم ) |
| الساعة الآن 08:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©