|
اقتباس:
من ثلاث غرف ومطبخ وصاله ودورتين مياه وأنت بكرامه إيجارها الشهري 1000ريال ومتوفره فيها كل الخدمات والشقه مجدده وإيجارتنا ندفع نضامها شهريا الدفع شهري وبدون مقدم أنتم عندكم تدفعون كل ستة شهور وفيه مقدم بعد صح المهم يانبض لوبغيتي تنقلون حياك الله نسكنك في عيوننا لو ماشالتك منطقة تبوك تكرمي كم عندنا نبض حنا وبيوتنا تحت أمرك آمري بس تدللي أنا في خدمتك وأبشري بعزك . غيرنا موضوع صابره سوق عقاري يانبض . |
مسآء الورد صبووورة حبيبتي اشلووونج اليوم ؟؟؟ شفت الردود الأخيرة اللي كتبتيها ما شاء الله باين النفسية أفضل اليوووم :22: ألف الحمد لله رب العالمين أم سلطان بعد عمري ما قصرت كفت ووفت ربي يعطيها ألف عافية:) شفتي اشلووون زوجج ياعمري يحبج , ويبيج ويموووت فيج آنا اذكر لما قريت الموضووع اللي هو كتبه من زماااااااااااان كان يقول آنا احبهاااااا وعلى فكرة بقووولج شي واتمنى ما تزعلين مني فيه:28: تراني ساعات اروح للمشاكل المحلولة وارجع اقرا المشكلة من جديد ومن البداية مدري ليه احس نفسي ودي ارد ارجع اقراهم من جديد ,, فاعذريني ياعمري:25: آنا مع ام سلطان حبووبة , لا تسااااااااافرين خلج معاه ومثل ما قالت تعالجي بنفسج وانتي وياه بمعنى هو موجود وياج مثلا اشغلي نفسج بشي اقولج شغلة ممكن تفيدج وبنفس الوقت تشغل وقتج ؟؟؟ تعلمي " فن الكروشيه " فن وايد حلوو وممتع ومفيد بنفس الوقت اللي عليج بس تجيبن الصوف وباقي الأغراض والله بتسوين أشيا فن بعدين ادخلي من النت وتعلمي اشلون يسوووونه ولا تدرين آنا بدوور لج الطريقة الأصلية وبحط لج اللينك هني وانتي حاولي منها تسوين شغلة مفيدة وحلوة ومنها تشغلين نفسج ماتلاقين إلا الوقت ضااااااااااايع إذا جا هو , اجلسي معاه شووي وبعدها انشغلي بأي شي ثاني هو يموت فيج ما بتلاقينه إلا جاي وراج وينج عني ليش مخليتني صدقيني هو لما يحس إنج قاعدة تتحررين من سيطرة حبه راح ينقلب ويصير العكس هو راح يتعلق فيج هني << وهو المطلووب إثبااااااته:d لكن لما تسافرين راح تظلين طوول الوقت تفكرين فيه وش قاعد يسووي ألحين , هو وين , يكلم منو حتى فوقت تفكيرج فيه بتكونين مشغولة ياغلاي لذلك خلج معااااه ومو معاه بنفس الوقت انتي ذكية يا حبي , وآنا عندي احساس قوووي إن كل شي بيصير العكس هو اللي راح يتعلق فيج وما بيقدر لا تظنينه ملمح لج يبيج تسافرين لا أبد هو محتاج قلبج ومحتاج حبج وحنانج عليه انتي يمكن ما تحسين باللي ف قلبه لما تسافرين لا يغرج بروده على قولتج ولا شي ترى في وايد رياييل مايقدرون يعبرون عن اللي جواهم رغم إن قلبهم مليان حب وشووق وهو واحد منهم انتي ياعمري نوور حياته وضياها وهو ما يقدر أبد يستغني عنج يحبج يالغالية بذمتج منهو ما يحبج قولي لي كلمن يحبج ياعمري:d عسى ربي يحبب خلقه فيج أكثر وأكثر لاحقة على السفر ياقلبي إن شاء الله قريب تحملين بسلطاااان وتروحين ترتاحين هناك وترجعين له عقب بسلطان صغير يهبل ينور حياتج ويحليها عاد شووفي من الحين اقولج آنا حاجزة سلطان لبنتي المستقبلية << من الحين تحجز وتخطط:25: و زوجج عاد وقتها لما يشوووووفه بووووووووووووه تخيلي بس ياهي وناااااااااااسة مامثلها وناااااسة قريب إن شاء الله هانت ياعمري هانت وبالنسبة لموضووع البيت آنا اوافق ام سلطان فاللي تقووله كلامها عين العقل والله وواااايد عجبتيني لما قلتي له روح لإعيالك و على المغربية تعال عندي شكثر كبرتي ف عيني وانتي كبيرة أساسا والله ما في مثلج ياقلبي طيبة قلبج مالهاااااا حدوووووود عسى ربي يحفظج من العين والله إنه محظوظ فيج وأمه داعية له وعل فكرة هاللفتة اللي سويتيها راح تظل ف باله وتزيد رصيدج عنده يعني هو بنفسه راح يقدر ويشوف طيبج ياغلاي وشفتي اشلون هو متمسك فيج عنده ما يباج تسافرين << افهمي المغزى:25: يابعد عمري آنا وايد احاتيج امس قبل لا ارقد وكنت ادعي إن أشووفج بحالة أفضل و الحمد لله آحسج اليوم وايد أحسن وإن شاء الله تصيرين أحسن وأحسن يا بعدهــم كلهــم والله:17: |
الله يسعدك يابنت الحكمي كلك ذوق شكلنا بنشد ع تبوك ههههه
صابرة لاتسأليني كيف عرفت هو واضح ماشاء الله أسلوبه معك الزوج لما يطيب خاطرة ولو كان أرقى شخص إلا يبان اللي بقلبه |
اقتباس:
ابوي كان يفرح كثير اذا جاونا ضيوف يكرمهم كرم لحد الان يضرب فيه المثل بالديرة ماكان يحسب حساب للفلوس ابد المهم انه ينبسط ويكرم الناس على فكرة يام سلطان تراني هاشيمة من ال البيت واصلي يرجع لسلالة الرسول اللهم صلي وسلم عليه عشان كذا اعشق تراب السعودية وعندي لقب الاشراف بكل اوراقي الرسمية احمد الله على هذا النسب الي افتخر فيه طول عمري ويرفع من قدري بالنسية لسفري بشوف حبيبتي على حسب الظروف لا تتوقعي اني ابغى اترك زوجي والله نفسي اعيش معه ولا افارقه دقيقة قبل شوي زوجي دق علي وقال انه ترقى بمكه واعتقد ان دوامه بيصر بمكه بس بالنسبة للسكن اضن بنتم بجده عشان اخوانه واهله تقريبا كلهم بجده بس انا فرحت لترقيته واتمنى اني اكون قدم السعد عليه بكل شى وبعدين تقولي لو شفتي موضوع لي وانا عند اهلي ماراح تشاركين انتي تحبيني يام سلطان واعرف انك ماتقدرين لانك تحبيني مثل ما انا اموت فيك اذا جبت بنوتة يام سلطان فانا احجز سلطان لبنتي من الان انتبهي تخطبين له غير بنتي نبي نصير نسايب وماراح اللقى احن عمة لبنتي زيك احبك ياحبيبتي والله يقدرني على رد جمايلك |
اقتباس:
انتي من وين طلعتي لي ترى اموت فيك يابنت زي البلسم كذا وانتي تكتبين احس بروحي تبي تطير لج وتبوسج ياعمري عليك شوفي اذا جبت بنت تراني خطبتها لولد ام سلطان واذا ولد بخطبه لبنتك وشرايك نفتح موقع خطابات :) انتي بس شدي حيلك وتزوجي يلا نبي نفرح فيج صدقيني يوم زواجك ياشيخة بيكون من اسعد ايام عمري حتى لو مااخضره بس من قلبي راح ادعيلي لك وافرح لك وقسم بالله اكتب لج الحين وشعر جسمي وقف كان اختي بنت امي وابوي الي بتتزوج اسال الله لج سعادة لا تفنى وقلب لا يحزن وفرحة لا تضيع على قد ماازعل على قد مااذكركم واذكر انه في ناس تحبني واحبهم واحس اني اسعد انسانة الله يخليكم لي يارب ويطولي باعماركم |
اقتباس:
|
حبيبة قلبي انا مثلك زوجة ثانية صحيح انني احس بمشاعر الغيرة لكن اصبر نفسي واشغل نفسي ..
وادعي الله من كل قلبي انه يملا قلب زوجي بحبي وان يجعلني اجمل النساء في عينيه واحبهم لقلبه .. لان قلب من احب بيد الله عز وجل فلماذا لا ألجا لله سبحانه .. اذا حرقتك نار الغيرة فاسجدي للحي القيوم وادعي الله من كل قلبك وبدموعك ان يرفق بحالك اشكي له سبحانه حالك واعلمي ان الله اقرب لك من كل شي هو القادر على ان يفرج عليك وعلي .. واستغفري كثيرا وصلي على النبي ..واقرئي سورة البقرة وادعي ان لا يجعل الله الدنيا اكبر همك .. وفقك الله وفرج همك .. |
| الساعة الآن 11:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©