|
اقتباس:
عمرها 28 لنا متزوجين 6 سنوات بنتي عمرها 5 وولدي عمره عام ونصف ايجابياتها : كانت تحبني- انيقة - نظيفة- راقية - جميلة - حنونة- قريبة من طباعي وافكاري-مستقيمة سلبياتها : عنيدة - عصبية - تسمع لامها اي شي- تكره اخواتي كره العمى-عندها حساسية من اهلي بشكل عام-ما يبين في عينها- ما تهتم بالمستقبل- اهلها اهم شي في الحياة لا طبعا عطاءها يعتمد على عطائي |
يا أخي الكريم
لقد حيّرتنا معك والله. اختر ما يناسبك فأنت أعلم بشؤونك... |
اقتباس:
|
أخي الكريم وأنا معك انتظر , ولكن خلال انتظارك هذا فكر في صلاحية هذه المرأة لك , زوجتك فيها مميزات نعم ولكن فيها عيب كبيـــــــــر جدا سيخلق لك المشكلات دوما , وهو أن انتماءها الحقيقي ليس لك بل لأهلها وتحديدا أمها .. أنت قلتها بنفسك تعطيك بناءا على عطائك لها ففكر في كلامك عنها وفي علاقتك فيها ... أعانك الله ولكن انتظر واستخر الله كثيـــــــــــــــــــرا في هذه الفترة فسيشرح الله صدرك للصواب فالتجئ لربك أخي الكريم وفقك الله |
الاخ الماضي الدفين الشكر الجزيل لرأيك ومشاركتك جعله الله في ميزان حسناتك
|
الأخ الكريم صاحب المشكله
السلام عليكم ورحمة الله وبركاته وبعد يا أخي أنا قرأت موضوعك كله وقرأت ردودك كامله والإخوان والأخوات ماقصروا معاك في طرق جميع الحلول وأنا أتضح لي بأن زوجتك مسيره وليست مخيره في تصرفاتها وواضح جدا إستحواذ أمها على عقلها وتعبي راسها بمفاهيم خاطئه جدا تحت شعار أنا أحب مصلحتك يابنتي سوي كذا وأعملي كذا جننيه شحططيه حتى يحس بقيمتك وقدرك ويحط لك إعتبار وفي الحقيقه إن أم زوجتك أهدافها أكبر من كذا وشئ واضح إن قصدها إستغلالك وإذلالك في نفس الوقت وزوجتك عيونها مغمضه الحين ولاهي حاسه بشئ حولها وفي بالها إن كل مايخطط من تدابير و من أفكار أمها إنها في صالحها وزوجتك للأسف لحد الآن مصممه ومصره على طلبها لطلاقهاولاهي حاسة بفداحة ماتفكر فيه لأن أهلها وبالذات أمها تلاقيهم يقولون لها ماعليك منه خليه ينطبخ حتى يستوي وفي النهاية بيخضع لك ويحقق كل إللي أنتي تبغينه الحين زوجتك عندها ثقه كبيره إنك ماراح تفرط فيها وحاسه بحبك لها وغلاوتها عندك وحاطه في بالها إنك ماراح تفرط فيها بسهوله وأنت برسالتك لأبوها ومكالمتك لها عززت هاذي الثقه في نفسها وخلتها مصدقه كلام أمها وأبوها ولو إني أحس إن أبوها ماله شغل بالسالفه وتصرفاته تدل على إنه يبغى يفتك من عوار الراس بسرعه وماعنده أنصاف الحلول ولايحب ياخذ ويعطي بالمشاكل ولايحب يلتمس الحلول وشكل زوجته قالبه عيشته بالبيت رو ح سوى كذا وإفعل كذا ليش ماتتحرك وجالسه تزن على راسه وهو مايحب الزن وزوجتك الله يصلحها ويهديها مع الخيل ياشقراء كل ما أمها قالت سالفه إتبعتها لأنها في نظرها الأم المحبه الحنونه والصادقه والتي تحب مصلحة بنتها ومستحيل إن تجد بنت قد تظن ولو لوهله إن أمها بتدخلاتها في حياتها تريد خراب بيتها الأم هي القدوه لبنتها قد تجد أم زوجتك تظهر لبنتها حزنها ومشاكلها مع أبوها وتحطها تحت المجهر وتفهمها إن إذا هي ماسوت إللي تنصحها فيه إنها راح تصير حياتها معاك نسخة ثانيه من حياة أمها مع أبوها يعني يابنتي شوفي أبوك وش كان بيسوي فيني عقب هالعمر وشوفي حياتي معاه كلها نكد بنكدوالسبب أنا ياما تساهلت معاه وياما تنازلت له وأعطيته فرصه علشان يتغير لاكن للأسف أنتي شايفه حياتنا أنا وأبوك كلها مشاكل وأنا ما أبغى يصير فيك مثل ماصار معاي الرجل لازم تشدين عليه من بداية المشوار حتى يحس بقيمتك ويقدرك ويحترمك كزوجه وزوجتك أكيد فاتحه إذنها لأمها ولارايحه تصحى إلا بقرصه قويه وصدمه هائله حتى تحس بغلطها وأنت ماعندك غير إنك تتصل على زوجتك وتشرح لها أول شئ مشاعرك تجاهها وتوضح لها بإنك شاريها وإن غيرتك عليها كانت بسبب حبك وخوفك عليها مو عدم ثقه ولاشئ وإن بالبداية تصرفاتها هي إللي دفعتك لمحاصرتها بالأسئله وتفتيش جوالها وخلاك تشك بتصرفاتها وقول لها أنتي الحين طالبه الطلاق ومصممه عليه يعني عشرتنا مع بعض وذكريتنا الحلوه وأجمل الأوقات إللي قضيناها مع بعض من بداية حياتنا ما شفعة لحبي لك ولاشفعة لي عندك ولاشفعة لعيالنا علشان يتربوا ويعيشوا بينناحياتهم في إستقرار وأنتي عارفه بنفسك إني أنا ماعمري بخلت عليك بشئ ولانقصت عليك شئ معيشك كملكة في عرشها موفر لك كل سبل الراحة والرفاهية وأتعب وأشقى لراحتك أنتي وعيالك والحين هاذا جزاي تسوين فيه كذا إذا كنتي مصره على طلبك لطلاق فخلاص إبشري راح أطلقك إذا كان هاذا يريحك را يح أنفذ إللي تبغينه بس تذكري إنك أنتي طلبتي فراقي وأنتي سعيتي لخراب بيتك وتذكري إني طلقتك غصب عني طلقتك برغبتك أنتي إذا عيالنا كبروا وسألوك عن سبب طلاقنا قولي لهم الصدق قولي لهم إنك أنتي طلبتيه بنفسك رغم إستمساكي فيك لرمق الأخير وبعدها قول لها خلاص إصبروا عليه كم يوم لإنهاء إجراءت الطلاق وأرسل لك ورقة طلاقك إلين عندك وأنهي إتصالك بها ولاعاد تتصل عليها ولاتراسلها خلها فتره عند أهلها حتى تصحصح أصلا الحرمه المتزوجه ماتاخذ راحتها إلا في بيتها خلهاصدقني بإذن الله إنهارايحه تفكر في نفسها زين وتشوف الغلط إللي هيه سوته بحقك وحق نفسها وحق عيالها لأنه حتى لوحصل وطلقتها طلقه وحده بإذن الله رايحه تصحى من غفلتها وحتى أمها بترجع تراجع نفسها والأخطاء إللي إرتكبوها بحقك وبنفس الوقت يعرفوا قيمتك ويعرفون إنك منت سهل ولاضعيف وإنك قوي ولاتسمح لأي كائن كان بإذلالك وزوجتك تتعلم درس بحياتها ماراح تنساه وتعرف إن لا أمها وأهلها كلهم ماراح يهتموا لأمرها ولا راح يفكروا فيهاولو تطلقت أول إساءه بتسمعها من أهلها من داخل بيتها ومن أقرب الناس لها ورايح يحسسونها إنها إنسانه فاشله في حياتها وإن سبب طلاقها هو فشلها صدقني بإذن الله تعالى إنها لترجع لك وهيه خاضعه ذليله أنت بس قوي قلبك شوي وطنشها وطنش أهلها بعد آخر إتصال عليها وإن شاء الله ربنايهديها و يصلحها ويردها لك ردا جميلا يارب . |
ما أنصح بالطلاق عادةً ، لكن مرات ( الطلاق ) يجعل الوحدة تصحى من غفلتها و غرورها
أذكر وحدة كانت دايما تشتكي من زوجها و من أهله ، مع إنهم طيبين و هو كمان و ماحد منهم مقصر معهم ، بس هي كذا .. تبغى دايما تكون مظلومة و تستغل طيبة زوجها و طيبة أهله و كانت تحسب إنه طيبتهم ( غباء ) و طريقة سهلة للإستغلال و لوي الذراع و أذكرها تشتكي من أمور تافهة ، مثل ما إنت كتبت .. زوجي ما عنده أصحاب ، زوجي كلامه قليل ، طفشت من شكل البيت و الأثاث ... إلخ مع إنه مرة كريم معهم و حنون جدا و شايلها فوق راسها و من جد انسان حليييييم كان معها و ملابسها ماشاء الله دايم ماركات و عمره ما شتمها و بإعترافها صارت تقول راح أهدده بالطلاق ، و راح يشوف و راح أعمل و أعمل ... إلخ و صاروا أهلها يتدخلوا كمان و يحرضوها أكثر نصحتها كم مرة إنها تفهمه و إنه الرجال كذا طبعهم وووو إلخ و في يوم ، زوجها ( طلقها ) و جاتها صدمة من جدددددددد .. و ما تخيلت إنه ممكن بيوم يستغنى عنها لكنها أهانته بشكل كبير و كانت بتكسر كرامته أمام أهلها و أهله فهو ما قدر يسكت أكثر من كذا ، مع إنه يحبها و متمسك بها بس بعد الطلقة هذه ، هي اللي رجعت له بنفسها و ما كلمها زوجها فترة لحد ما اعتذرت منه و لحد ما عرفت قيمته و صارت زوجته أفضل من قبل و عقلت من جد فالطلاق مرات يجعل المرأة تعرف قيمة زوجها أكثر و قيمة النعمة اللي كانت هي فيه |
يا اخي الفاضل
اللهم إجعل كيدهم في نحورهم انتظر حتى يتم إستدعائك في المحكمه ولعلمك قضاة المحاكم رجال عقلاء ورجال يهتمون بمصلحة الاطفال قبل مصلحتك أنت وزوجتك لا تفتكر من أول جلسه بتروحها بيخليك القاضي تطلق ترى المحكمه حبالها طويله جداً ممكن تاخذ ثلاثه اربعه الى 6 أشهر اذا شاف القاضي مافي أمل فيكم عاد يخليك تطلقها مو كل زوجه راحت للمحكمه يطلقها القاضي ( مو لعب عيال هو ) روح المحكمه وشوف وش يصير ولا تطلق وخليك بارد اعصاب وقول للقاضي بكل اللي عندك واللي صاير ترى القاضي بيسمع منك وبيسمع منها كلاً على حده وفي الجلسه اطلب ان والدها يغادر غرفة القاضي لأنه موضوع بينك وبين زوجتك والدها لايتدخل وقول للقاضي كل شي واللي حاصل وكل اللي انت شايفه من أهلها من حركات مالها داعي رآح يأجل الجلسه بعد شهر لعل وعسى تصطلح الأمور وترجعون لنفس السالفه ويحاول القاضي فيكم الصلح وفي لجنة إصلاح ذات البين لاتفكر ان الطلاق بالسهل خلهم ينطبخون وانت طنش ولا تفكر تتصل بس لاتقصر على عيالك مصاريفهم ومأكلهم ومشربهم وحاول تاخذهم كل جمعه تمشيهم بالذات البنت الكبيره باقي لها سنتين وراح تاخذها غصباً عن عين ابوها حضانة البنت الى سن 7 سنوات عند أمها بعد كذا تاخذها بـ أمر من المحكمه وابوها أولى فيها ريح نفسك ولا تفكر كثير وبرد على قلبك وخليك طبيعي وإن شاء الله ربنا بيسر لك أمورك بمشيئة تعالى ولا تنسى تطمنى وتكتب كل شي بوقته لا تتأخر موفق أخوي |
نتمنى لو نسمع رايها ونشوف الحقيقه
وليس من طرف واحد يعمل نفسه ملاك الله العالم شنو عملت بيها الي باعتك ودائما تحجي على امها وابوها وتشك في خالها انت صعب العيش معك بنت مثل الورد وبنت عائله تشك بها وترتجف منك عندما تكلم خالها ولاتدعها تذهب اي مكان كلة شك لم تنفعك لافلوس ولافله فهي غير مرتاحه من تصرفاتك لم تحتويها وتحسسها بالامان الحل تغير كل تصرفاتك معها ومع اهلها ولاتدخل موضوع لاتحب اهلك بالوسط هيه غير مجبرة على حب اهلك الله يصلح مابينكم |
اخي الكريم
اسمحلي بهذه الكلمه واعذرني انت لين وطيب لحد الاستغلال وانا هنا لا انكر ان الطيبه صفه حميده بس لمن توضع في مكانها الغير صحيح هنا تصبح الطيبه شئ ماله داعي انا لا اقول تنازل عن قيمك ومبادئك وماتربيت عليه من حسن اخلاق لا يااخي هذول ماتجيبهم الكلمه الحلوه والمداراه والاسترضاء هذول يجيبهم التطنيش والمماطله وبعدين انت ذكرت الايجابيات في زوجتك ومنها((كانت تحبني))هذي الجمله حط تحتها عشرة خطوط وخربش عليها كمان لانك تتكلم عن ماضي لازلت انت تعيشه وزوجتك للاسف مسحته من زمان ودلائل ذلك كثير ((((وكانت))) شئ من الماضي الذسي لازلت تعيشه انت فقط لوحدك وتمرد زوجتك سببه انت واهلها طبعا انت لانك كنت لين جدا معها ولم تتصرف في امور الحزم بحزم وفي كل مره زوجتك تزعل تروح تراضيها باموال طائله الى ان اعماها الطمع وصار الزعل بنظرها مثل التجاره وايضا تبديلك للخادمه كذا مره(((مايصير يااخي اللي كنت تسويه))) وطبعا اهلها لانها اصغت اذنيها لكل كلمه وجهت لها كنصيحه ولم تمحص هذه النصائح اللي سببت خراب بيتكم والله اعلم هناك طريقه راح تادبها وتوقف هالمهزله وتخليها تصحصح زين لكن كل ماعليك فعله اولا هو ان تنسى عشرتك معها والايام اللي %%كانت حلوه%% لانها هي نست هالشئ اصلا ولم يعد يعني لها شيئا واتركك من كلمة كان بينا حب وعشره وكلام حلو و و و و((من باعنا بعناه لو كان غالي)) ثانيا طلقها وخلها تحس بقيمتك وتصحى من سكرتها وانتظر لعل وعسى فان حسنت من نفسها وحالها ورايت في رجوعكما فائده فبالتوفيق والنجاح وان ظلت على ماهي عليه فسال الله اان يرزقك الزوجه الصالحه الطيبه الكريمه اللينه الصبوره الهادئه المطيعه المستقيمه وعيالك لاتخاف راح يكونون معك بحول الله وقوته وربيهم انت على الاخلاق الحسنه مو على الاستغلال والطمع والعناد واستمع لنصائح والدك الكريم واسفه على اي كلمه سببت لك حزن |
| الساعة الآن 10:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©