|
اقتباس:
ماجبتي شي جديد.. ينطبق عليتس القول " تمخض الجبل فولد فأرا" وكذلك المثل الصيني القديم "بعد جهد جهيد كمن فسر الماء بالماء"... لافائده من ردك سوى انه مزيدا من التطبيل.. وتخبيب الزوجه على زوجها الله يهديتسسس |
اقتباس:
الله يهديك انت يا خوي كلامها منطقي وانا اتفق معاها واذا شايف انو احنا الي اتهمنا الرجال ممكن سؤال وتجاوب جواب مقنع مو كتفسير الماء بالماء السؤال هو ايش تفسررد وحده في شقه زوجها وقولها انها صاحبه زوجها واخذ زوجها السماعه وشرشح زوجته عشانها غلطت على ست الحسن وحده معاه في الشقه وش يسوون يصلون قيام الليل مثلا؟؟؟؟ |
يمه منتس
وشو له هنتي نفست له من البدايه والمصيبه انتس تخلفين من هالبزران وانتي عارفه رجلتس الى هالدرجه هلتس معاملتهم ماكانت زينه معتس لاتصدميني وتقولين ان معاملتهم لتس كانت زينه يعني انتي خايفه انتس اذا تطلقتي معاد بتعرسين ولا بينقص فيتس رجل او يد شوفي انتي من البدايه رضيتي بالاهانيه لاتجين تقولين لي مابين الازواج كرامه اقولتس صح في حاله انه يكون رجال مو بخرطي على الطالعه والنازله مد يده >>>>> جعلها الكسر او هدد بطلاق >>>> هذا مو رجال هذا من اشباه الرجال على العموم الي راح راح لاكن انتي قوي قلبتس ولا تكلمينه ولا تتنازلين بسهوله واشرطي عليه واذا طلقتس الله بيعوضتس بالي احسن منه وهو الخسران لاكن نصيحه كثري من قيام الليل والاستغفار وعلى فكره انتي تقولين انه يخونتس مو خايفه على نفستس انتي وعيالتس من الامرااااض ؟؟؟؟؟؟؟ |
اقتباس:
ولا اخيب املها الامل بالله سبحانه والزوج الي يهين كرامة زوجته ويهينها لدرجة انها تسامح وتغفر بكل شى لمجرد انها تخاف من الطلاق هذا صعب ينقال عنه نص رجل ولا بارك الله في اشباه رجال زي كذا هي تبقى زوجة مكرمة ولها قدرها ومن حقها تحمي بيتها بشتى الطرق واذا بتم عمرها ساكتة وتشوف وهي تعلم انه بيطلق بيطلق الارزاق بيد الله ترى ماحدن بيجيه الا الي مقدره ربي له وتراني لازلت اقول اني ماحرضها انا اتمنى له الهداية لاجل هالاطفال الي هي لاطالما خافت من الطلاق لاجلهم والله يسخره لها اذا فيه خير واذا مافيه خير يعوضها خير منه بعدين تراك تعكر مزاجي بامثلتك شى لاني ماشوف لها اي معنى لمجرد فقط الهجوم الله يهين من يهين بنات الناس لان الدنيا دوارة |
ماكان الرفق في شيء إلا زانه ولانزع من شيء إلا شانه
والأخوات إهانه ومدري إيش أهي ماقالت أنه يضربني رجال ملتزم في الصلاه وماقصر معها ولا مع عياله تهديده بالطلاق غلط وكان المفروض تجلس معه علي هدو وهو مزاجه متعدل وتقول كل إلي في خاطرها إضافه لكذا إنا بعض الظن إثم قوله تعالى (إنما النجوى من الشيطان ليحزن الذين آمنوا) لاتستلمين لوساوس الشيطان وتأكدي من قال لكي أطلبي الطلاق وتمردي علي زوجك لن يعاني مثل ماراح تعاني زوجك قلتي أنه ذكي ومااتوقع رجل ذكي وفاهم وقال طالقك الأول أعتبره غلطه ماراح يوقع نفسه في الحرام والزنا والكل يعرف عاقبه الزنا وهو من كبائر الذنوب خاصه للمحصن أختي أصلحي حالك ينصلح زوجك وعيال وأدعي الله وتوكلي عليه ولاتخلين الضنون والوساوس تخرب حياتك الله يهديك ويهدي زوجك ويوفقكم |
سؤال لصاحبة الموضوع
عندي سؤال
لما يرجع زوجك من السفر مباشره هل تلاحظين عليه انه مشتاق لك عاطفيا وجنسيا وبالنسبه للجنس هل لاحظتي عليه اي تغيير طبعا انتي ادرى بزوجك هل لديه رصيد وافر ام لا |
وينك اختي
|
هلا
ماعليش الاسبوع اللي راح والحمد لله على كل حال كانت نفسيتي جدا سيئة كنت شبه منهارة لانوم ولا اكل بس الحمد لله اتحسنت شوي اللحين واشكر دعمكم |
اقتباس:
لمن يرجع يحسسني انه مرة متلهف علي بس ادري انه كل تمثيل لانه سبق وقلت لكم هو مرة ذكي وممثل بارع ويسوي نفسه مشتاق لي بس انا ادري انه كله كذب مو من قلبه |
فيه نقطة ريحتني شوي
شيكت مع واحد اعرفه بالمطار وعلمني من اللي كانو رايحين مع زوجي والحمد لله انهم طلعو ناس محترمين وانا اعرفهم زين لانه هو ماقالي من بيروح معاه.... وعطاني موعد رجعته بعد ثلاث ايام ان شالله... اللي محتاجة اشاوركم فيه هو علمني بتاريخ رجعته قبل لايسافر بس دايما يطلع غلط هالمرة طلع صح وش رايكم عندي ثلاث خيارات محتارة اني اسويهم 1اني اشيل عيالي واطلع اتمشى انا وياهم واسوي نفسي مادريت انه بيجي 2اجلس في البيت زي اي يوم عادي ولا استعد ولا بشيء 3اجهزله عشاء واحسن استقباله وانا حاليا مالي خلق مشاكل باقي عشرين يوم على ولادتي وخلقة خايفة ومتضايقة وزوجي مايتعاند وانا اللحين مو قده وانا حامل |
| الساعة الآن 04:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©