|
ارجوا من الاشراف اغلاق الموضوع ....
و اللي مو من مجتمعنا ماله حق يناقش قضاينا .....! سيدة الموقف جزاك الله خير ،، و ملامح القمر ... يكفي نقاش فلكل شخص وجهة نظر .. و لا يهمني إقناع شخص غير مؤثر بالمجتمع ..! شووووجي ...~ |
تظل مجتمعاتنا العربية الاسلامية افضل بمليون مرة من تلك المجتمعات الغربية النـتـئة النجسة رغم أنف الحاقدين
|
اقتباس:
كلام يُكتب بماء الذهب :22: |
أرجو من الخوات إلي يتكلمون عن الدين وعن مجتعنا علي وجه الخصوص علي غير علم ويجيبون كلام غير منصف وغير حق أنهم يوفرون كلامهم اقتباس:
أنا في مجتمع عندنا كل شي بأسم الدين وعادات أبعد ماتكون عند الدين وظلم للمرأة بحجه الدين ويقولون أحكام ماأنزل الله بها من سلطان من الناحية الوظيفيه والقضاء وحقوق المرأة عندنا الحرمه تتبهذل من أجل حضانه أبنائها إذا ماعندها رجال ياخذ حقها خلاص مافيه لها شي والقانون في صف الطرف الأقوى وهو الرجال وأقو لك قصه ومثال قريب حصل عندنا واحد من الاقارب يشتغل في محكمه طبعا من القضايا حرمه تبي حضانه أبنائها راحت للقاضي تبكي تبي عيالها قال لا وأنا متاثر فيني دموع الحريم !!! والحرمه مسكينه تبي عيالها والحضانه حكم القاضي الحضانه للأب والحرمه مسكينه ماعندها عزوه ولاشي والأب علي فكره راعي مخدرات وخرابيط بعد فتره تدخل قريبي إلي في المحكمه ورجع الأطفال لأمهم وعزم الام وعيالها وأهي تقول قصتها وتشكر قريبي إلي ساعدهم وتدعي له شوفي هذا مثال بسيط جدا حتي من الناحيه الوظيفيه ماتتوظفين إلا بتوقيع ولي الامر الأشياء الحكوميه المرأة ماتدخل بدون محرم ومن فتره سمحو للمرأة بالإستجار من الفنادق بدون محرم وإلا في سابق لو مامعك محرم نومي في الشارع بتقولين الدين طيب حرمه ماعندها أحد حرمه ولي أمرها فاسق وإلا ظالم وياكثرهم هذا غير من كل النواحي ماتقدرين تدبرين نفسك لااازم رجال حتي الشارع ماتطلعين له بدون رجال :d من الناحية الترفيهيه هذا شي منتهين منه 24 ساعه البنات في البيوت :25: تدرين البنات عندنا يتخرجون من الجامعه تجلس شهور أو أكثر ماشافت غير جدران بيتهم بالمختصر السعوديه مالها إلا الزواج وكل أمالها في الزواج وكل طموحاتها في الزواج إذا ربي ماوفقها خلاص الله يعينها يبداء مشوار الشقاء من جديد من ناحية النظره للبنت والظروف الإجتماعيه كل العرب مثلنا وأرداء ممكن أحنا زياده حبتين :d أحنا العرب علي فكره فاشلين وهمجين وكل قوتهم علي الحريم :25: >> لا أحد الله يعافيكم يجي يهايط علينا ويقول أحنا العرب ومدري إيش الله يرحم الحال بس |
اقتباس:
وبعدين علبه شامبو ومدري إيش نطبل ونردد كلام للأسف حتي مانفهم معناه فسري كلامك وشلون علبه شامبو ومدري إيش وبعدين أصلا انتي جالسه تقولين محضن الإسلام عشانها بلدنا محضن الإسلام نبيه يكون أرقى من كذا وبعدين بصراحه ماعليش علي الكلمه لكن نصيحه الإنسان لايقحم نفسه في شي مايدري عنه ويدافع ويقول كلام عن وضع مايدري عنه لأنه يسمي جاهل أو أحمق يردد من غير علم أو معرفه وأحنا مجتمعنا السعودي مجتمع منغلق من الدرجه الأولي يعني كل شي في البيوت وفي الغالب مايطلع برا غير كل المجتمعات تشوفين من مصايب حتي من ناس حولك لكن تدرين بالصدفه ممكن ماتدرين بسبب احنا كل شي عندنا يكون منغلق وصعبه أصلا تحكمين علي مجتعنا أو تقيمينه من كل النواحي مايقيم المجتمع السعودي إلا إلي عاش فيه وعلي فكره تقولين مسلمين وتتوقعين مجتمع ملائكي هذا غلط لأنه مو كل مسلم يكون مسلم فعلا وهذا زمن صرنا نشوف بس مسلم وهو أبعد مايكون عن الإسلام والله لو تجيبين كافر تشوفينه أفضل منه بألف مره وياليت يكون عندنا نظره اشمل ولاننكر تقدم المجتمع الغربي وأنه سبقنا بمراحل وعندهم رقي في التعامل وهم مجتمعات تقدر العلم والعلماء وفيهم إحترام غيرنا تماما وهذا مو كلامي ولا حكمي كلام ناس عاشو هناك لكن من ناحيه الإنحراف هذا شي في عقائدهم وعلي فكره الغربي لو منحرف ويسوي كل الفواحش للأسف ممكن تلاقين تعامله أرقى من إلي عندنا |
ملامح قمر..أشكرك ع التوضيح
اللي كتبتي جدا كبيييير..كان الرحمن الرحيم في عونكم خواتي محزن جدا ماتتعرض له المرأة في السعودية |
اقتباس:
واجحفتي كثيرا بسبب قناعاتك الجليه في اول موضوع كتبتيه هنا ..!؟ |
اقتباس:
طيب أنا مبالغه وماعندي سالفه وأشوهه النظره للمجتمع السعودي قولي لي بس وش عندنا أحنا السعوديات أهم شي من أول ماتجين علي الحياه وأنتي نفس الموال لين طحتي عسى ماتتشوهين أنتي بنت وطبعا التشوهه هذا راح يعيق زواجك وكل شي زواج مع مو لازم كل بنت تتزوج لكن احنا كل شي زواج وكل تفكيرنا متي نتزوج ولين تزوجت زوجي ومازوجي ودليل علي كلامي روحي شوفي القسم كل والمنتديات أغلبها سعوديات :d طيب ندرس في المدرسه والجامعه نتخرج كل بنات الشعب السعودي يتطاقون علي وظايف التدريس أتوقع لو يحسبون إلي تخرجو ويبون وظيفه من البنات بيكونون أكثر من عدد الطالبات أنا من محيطي البنات إلي أعرفهم فوق 15 بنت بس هذولا إلي أعرفهم تخرجو وكلهن في البيوت إلي لها سنه وإلا لها سنتين كذا جالسات بلا هدف تقوم وتنوم وبس وش تسوي وظايف مافيه زواج مافيه تكمل دراسه مافيه طلعه ترفهه عن نفسها مافيه عندنا الولد ياخذ الاول والتالي لو أجيب ولد أبو 18 سنه يسوي أشياء كثير أنتي ماتقدرين عليها مو تقليل في شانك أو قدرتك لكن لأنك أنثى وعلي فكره قناعات المجتمع أقول نقطه بس عشان تعرفين مكانه المراة مثلا الدكتوره مافيه أشرف من مهنه الطب لكن عندنا وش النظره لطبيبه السعوديه ؟؟!! وش موقف أهلك لو تقولين بدخل طب أنا جالسه أسولف مع البنات وحده من البنات تقول إيه زواج المسيار هذا للطبيبات بصراحه إستغربت هالنظره يعني خلاص طبيبه هاذي إنسانه مو شريفه ولا تتزوج إلا مسيار ووحده ثانيه أخواها تزوج دكتوره كنت اكلم صديقتي عن هالبنت إلي أخواها تزوج الدكتوره قالت إيه أني قلت لأخوي عن أخواها قال أكيد بينهم قصه حب وإلا متعرف عليها مافيه احد يتزوج دكتوره شوفي بس كيف النظره خلاص أنتي في مهنه شريفه جدا وتستر علي حريمهم خلوك مو شريفه طيب أقنعيني بغير هالكلام الله يعافيكم أحد يقول كلامي غلط ويجيب الصح وأنا راح أتقبل بصراحه أتمنى أن نظرتي الغلط مع للأسف إلي أشوف بعيني كذا بالنسبه لموضوعي الأول وقناعات بصراحه أنا ماحبيت أرد بسبب أن الموضوع الله يعفو عني فيه إعتراض علي قضاءالله وقدره ولا أخفي أني ندمت علي كتابته بسبب هالشي وعشان كذا ماحبيت أرد على كل من رد علي موضوعي وكانت كل الردود مافيها شي يقنع بصراحه ووجدت التناقض |
قموره صدقا انا انسانه قدرك وان كنت اختلف معك
والسبب وضوحك هيا اصبري واتناقشك معك بس عندي شغله واخلصها :d |
اقتباس:
طيب يالله بنتظارك :25: |
| الساعة الآن 06:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©