|
اقتباس:
معقوله ؟!! مطلقها مرتين ومع ذلك مستمرة بتصرفاتها هذه ومو خايفه من الطلقه الثالثه ؟ يالطييييييييييييف انا الحين حسيت بالفعل انك اسم على مسمى متورط بمرتي وانت بالفعل متورط بزوجه غير كل الحريم ماأعتقد في منها اثنين طيب ايش رأيك تجيبها هنا ؟ ترى مو عشان نعلمها السنع وكيف تهتم بزوجها وببيتها وإنما بالعكس نبغاها هي تعلمنا كيف يكون البرود واللامباله بالزوج :d لأننا تعبنا من كثر الاهتمام والتدليع لازواجنا ومع ذلك بعضهم مو مبين بعيونهم وأنت شايف بنفسك ايش كثر الشكاوي للحريم بالمنتديات |
اقتباس:
ولله مشكلتك ماعرفتيها زين لو رجعتي للمواضيع السابقة كان عرفتي انها عوبا من راسها الى ساسها وتبي حياة فله ورومانسية وكل مادخلت مع الباب اركض واضمها واقول لها الحياة ولا شي من دونك هاذي بنت راعية كشخة وزوجي سوا لي وامي سوت لي يا اختي خواتي يقولون انها اذا راحت لامها ماحد يشيل ولدك الا امها يعني البنت متعوده على الكسل من يومها عند امها امها هي الي تخدمها شلون تبين اقلب رومانسي وادلع وحدة لسانها وصخ وطويل ولا تسمع الكلام ولا همها الا ابيك مثل فلان وفلان انا شخص ماحب احد يقارني في احد وهي زرعت الكره هذا فيني لما بداية الزواج صارت تقارن فيني وللاسف كل الي قارنت فيهم يوم رجعت لتاريخهم وش مسوين ولا واحد منهم سوا مثل الي سويته بس عشان ترفع ضغطي يااختي وش تبين من وحدة لما اقول لها جيبي مويه وحست اني ابفرض عليها امر انها تقوم قالت سم في بطنك ان شالله !! وش تبين من وحدة نايم على السرير ومتهاوش معها وتكلمني وساكت تجنباً للمشاكل وتقول صقة ان شالله !! |
اقتباس:
اقولك هذا الي قاهرني ورافع ضغطي وهي ولا همها لا بكل وقاحة تقول اهم ماعلي دراستي والعمر قدامي وانا عارف انها بس جالسة عشان الدراسة تبي تاخذ الشهادة وبكره تقول طلقني هذا هو الهدف الاساسي من الجلسة لاقية واحد يصرف عليها ويدرسها وابسط حقوقه مقصره فيها وطولة لسان وقلة حيا وادب ولا تستحي من صغير ولا كبير حتى ابوي قال تراها جالسة عشان الدراسة وش تبين اكثر من انها تقول اهم ماعلي نفسي بعيش حياتي بكيفي يااختي تقول لي كلام ولله ورب الكعبة والي خلق السماء لو انه واحد ثاني سمعها تقول ان يتوطا في بطنها ويوديها لا اهلها بس انا اسمع واسكت كله حيا من اهلها وفي الاخير بنفجر وبعلمها ان الله حق |
أخي الفاضل: هل ستسير معنا في بعض النصائح والإرشادات أم ستتركنا وتذهب كما فعلت سابقاً؟ هل لديك رغبة أن نتعاون أم لا؟ |
قبل أن تجيبني:
هل أنت تخاف منها؟ هل أنت مستمتع معها في جانب من حياتكما؟ هل أنت تخشى على ولدك من التشتت مثلاً؟ هل أنت تريد أن تطبق النصائح أم تأتي هنا لمجرد الفضفضة لا أكثر؟ ::: كن صريحاً معي ولا تجعلنا نسير معاً ثم تذهب وتمضي ويذهب الجهد هباءً منثوراً |
اقتباس:
حياك اخوي حاتم النصائح طبقتها وسبب غيابي هو ان مافيه مشاكل بس لما ترجع ارجع لكم والفترة الحالية هي موجوده عند اهلها تقول البنات مجتمعين وشارطة تقعد شهر قلت لها صدق طبقتي مثل المبتعثة خلصت الدراسة وبتمشين لأهلك وقاطع الاتصال معها مسألة اخشى على ولدي اكيد اخشى عليه وهو السبب الرئيسي الي مخليني اتمسك فيها عشان هالولد لاني عارفها ممكن لو طلقتها تسوي اي شي علشان ماخذه ممكن تتزوج وتاخذه معها وهذا الشي الي افكر فيه ومستحيل اخلي احد ياخذ ولدي يصرف عليه انا اسمع النصائح للدرجة اني ناسخ ردودك ورد الاخ مشكلتي زوجتي والاخت فاتنة في جوالي |
لو أشرتُ عليك هل ستعدني بالتطبيق أم لا؟
ومتى ستعود لبيتك من بيت أهلها؟ ::: لو قدمت وعداً وكلمة صادقة سنسير معاً إن شاء الله..و نحاول القرب من الصواب أما إن كان جوابك (لا) فأخبرني الآن لأني أرى أن هذه هي المحاولة التي سنحاول فيها إبراء ذمتنا |
اسمحلي بعد ردك اكتشفت زوجتك غير محترمه ويبدو انها عاشت في بيئه سيئه ولا من يقول هالكلام ولزوجها بعد؟؟
اكثر من صلاة الاستخاره واطلب من الله ان يكتبلك الخير في حياتك معها وكل امورك المتعلقه فيها |
انا اقترحت عليك اقتراح في الرد رقم 70 احتمال ما اخذت بالك
|
اقتباس:
اخوي البليغ سبق وان طبقت كلامك الله يحفظك وانا مثل ماقلت متسمك الى اخر لحظه ياتنصلح يا اتزوج عليها الطلاق مافكر فيه الا اذا تنازلت عن الولد مسألة العودة بيدها لما تشبع من وناستهات ويجي يوم الجمعة في الليل والسبت دراسة بتدق تقول تعال خذني |
| الساعة الآن 04:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©