|
رد : الاخوان الافاضل abo marym و khaled boss و مارد الجنوب و المتفائل بالل
لاتعتذرين
أنا مستعد أتم معاج العمر كلة لو أقعد سنة اتناقش معاج. الحين بروح أصلي ، وبدعيلج بصلاتي عشان اتعرفين اني احبلج الخير مثل ما احبة لبنات المسلمين ، وبس ارجع برد عليج إن شاء الله. لاتخافين مني ترى دوري بيكون مثل دور الولي عليج ، تحمليني. |
رد : الاخوان الافاضل abo marym و khaled boss و مارد الجنوب و المتفائل بالل
بداية .. انت يمكن تستغرب ليش انا طلبت اناقشك
وانا اصلا قاعده اكلم اعضاء ثانيين وماشيه معهم بنصايحهم واتكلم لهم وقبلها انا فتحت موضوعين من شهور وتكلمت مع كثير اعضاء والحمدلله انا قدرت اغير اشياء كثيره في حياتي من خلال نصايحهم وتوجيهاتهم وحتى من داخلي تغيرت وصرت انظر للامور بشكل مختلف واحاول اغير قدر استطاعتي لكن انا عندي بعض الامور من داخلي بعضها ذكرتها وبعضها حتى ما اقدر افصح فيها من داخلي لنفسي هذي الامور كلما حاولت اتقدم خطوة ارجع خطوات للخلف .. بسبب خوفي وترددي ومثل ما قلت لك بعضها ذكرتها هنا للاخوان وكلموني فيها واقتنعت فيها وبعضها ماقدرت .. وما بقدر اتجاوزها الا لما افهمها صح وماتبقى تساؤلات ببالي انت من غير قصد قلت كل الافكار اللي تعصر بمخي بموضوع لاني من زمان اتابعك واتابع ردودك .. واقدر فيك جرأتك وصراحتك ما انكر .. من كثر صراحتك دخلت بصدمه وعجزت استوعب او احلل او افكر حتى مع ان هذي الافكار اللي انت ذكرتها هي نفسها اللي موقفه حياتي بس لما تشوفها قدامك غير لما تفكر فيها ويمكن انا من داخلي كنت اتمنى ان اللي قاعده افكر فيه مو صحيح او او او وحاولت انكرها واعيش حياتي كأنها مو موجوده بس انت جيت وأكدتها لي من غير قصد وبما انك فهمت انا شنو افكر فيه من غير ما اتكلم .. يعني راح تقدر تساعدني افهم هذي النقاط انا اعتذر افكاري مو مرتبه وماعندي اسلوب .. بس احاول اطلع اللي في قلبي وأرجوك تحملني واصبر علي مثل ما تحملوني الباقي بس عندي سؤال .. انت تعرف بموضوعي او عندك لمحه عنه ؟ او اذكر لك بعض النقاط عشان تفهم الوضع صح ؟ وشكرا على دعوتك لي ومثل ما قلت لك انا طلبتك وانا عارفه طريقتك ومستعده اتقبل أي شيء بالانتظار |
رد : الاخوان الافاضل abo marym و khaled boss و مارد الجنوب و المتفائل بالل
بسم الله الرحمن الرحيم
ببتدي معاك بأول نقطه واهم نقطه من وجهة نظري واسمح لي بحط اقتباسات كثيره من ردودك عشان اوضح انا على اي نقطه بتكلم اقتباس:
يعني الحين انا لما غلطت .. صرت مو من بنات المسلمين ؟ اقتباس:
يعني الحين انا صرت اقل او مساويه لبعض الكفار اللي يغلطون ويسوون ؟؟ هذي الجمله بالذات ظلت عالقه بمخي طيب انا خاينه وووو لكن انا الحين من أي صنف ؟! طيب وين قصة المرأة اللي زنت وحملت في عهد الرسول صلى الله عليه وسلم ثم تابت وقال عنها صلى الله عليه وسلم -بما معناه- انها تابت توبه لو وزعت على جميع اهل الارض لكفتهم انا واثقه برحمة رب العالمين ومغفرته وبالنهاية كلنا بشر نغلط وبعضنا يتوب وبعضنا لا تختلف درجة الاخطاء في بعضها كبير وبعضها بسيط وانا هنا ما اهون من غلطي انا عارفه وش سويت والله سبحانه يعلم اللي في قلوبنا ويغفر لنا اذا علم صدق نيتنا حابه اعرف رأيك في هذي النقطه ؟ |
رد : الاخوان الافاضل abo marym و khaled boss و مارد الجنوب و المتفائل بالل
اعتذر مضطره اطلع فترة ساعه او ساعتين وبرجع اكمل نقاطي
مره ثانيه .. اشكرك على تحملي |
رد : الاخوان الافاضل abo marym و khaled boss و مارد الجنوب و المتفائل بالل
اقتباس:
اقتباس:
بغض النظر عن مافعلتهِ لخيانتكِ الله ونبية ونفسك وأهلك ولكنكِ لازلتي بنت الإسلام ومن الصنف الذي أقسم الله بها وهي "النفس اللوامة" التي تريد التوبة والرجوع إلى كنف الدين والسنة وهذا والله من أجمل مافيك. اقتباس:
أعلمي يا اختي ان التائبين احباب الله وهم أقرب إلى الله من اي مسلم أخر حتى ولو لم يقترف ما اقترفه التائب ، ولطريق التوبة لي معك كلام كثير وسأجعلكِ بإذن الله تثبتين على توبتك وتتخلصين من جميع مايؤرقك ، وأنا أقسم بالله بأني سأجعلك بإذن الله تطوين هذه الصفحة إلى الأبد وتكبلينها في زنزانة النسيان وبكل قوة وجزم وقناعة ، ولكن دعي هذه الخطوة بعد ما نتناقش في جميع نقاطكِ التي تُريدين مناقشتي بها ، أي أجعلي هذه النقطة للنهاية. اقتباس:
ولكن لابد بأن تعرفي بأن مافعلتيه هو أمر جداً فادح وكبير!! لذلك بفداحة هذا الأمر لابد أن تقابليه بشيء أكبر وأشمل من التوبة. |
رد : الاخوان الافاضل abo marym و khaled boss و مارد الجنوب و المتفائل بالل
أشكرك اخي المتفائل على سرعة تجاوبك
واعتذر بشدة على تأخري في طرح نقاطي لارتباطي بضيوف ببيتنا هاليومين وما صار لي مجال ادخل واكتب بإذن الله بكره اكتب اللي باقي واعتذر مره اخرى |
رد : الاخوان الافاضل abo marym و khaled boss و مارد الجنوب و المتفائل بالل
السلام عليكم
برجع اكمل النقاط اللي لفتت نظري بالموضوع اللي قلت لك عنه وياليت بعد ما اكمل منهم تعلق عليهم وبعدها تقول كل اللي عندك وانا مستعده استحمل كلامك حتى لو كان قاسي - أنت قلت مافي بنت ترخص نفسها للتراب الا اللي اصلا رخيصه (بهذا المعنى) - وقلت بعد "لحد يجيني ويحاول يقنعني انه قلة وازع ديني وامور مراهقة ويقعد يبررلي لأن هالموضوع مالة مبررات ولاله اسباب ، هي المسألة مسألة مبدأ ، هي خانت لأنها خاينة وبس" - وبعد "ثم ان البنت اللي أتكلم أقسم بالله بيجيلها يوم تنكشف لأن من خلق الله الكون وهو مايوفق عمل الشيطان أبداً !! وأبشرك الرجال اليوم صاروا يعرفون أخلاق البنات اللي من هالنوعية بسرعة!!" - "لايوجد مايبرر الخيانة !! كوني على وعي هي خانت لأنها تريد أن تكون خائنة ومن إرادة بداخلها وبكل قواها العقلية أيضاً !! لأن الفطرة السليمة حتماً حاولت أن تردعها ولكنها خالفت حتى الفطرة السليمة برغبتها بالخيانة وخانت." وآخر شيء ختمتها بهذا الرد اللي فجعني صراحه اقتباس:
وكثير اعضاء ساعدوني ما قصروا ووقفوا معي وعلى راسهم هنا ابو مريم الله يجزيه عني كل خير وهنا بموضوعي الاخوان مارد وخالد طلعوني من جزء كبييييير من مشكلتي والحمدلله بديت ارتاح ومشيت على نصايحهم لكن للحين باقي شيء في قلبي مو قادره اتخلص منه ولا قادره اتجاوزه وهنا الله يجزاهم خير كلما حاولت اتكلم باللي انا فيه يطلعوني منه ويخبروني اني مجرد اتوب وربي يغفر لي خلاص كأني ما سويت شيء ولا راح اعاني من تبعات هالشيء ولا راح يصير لي شيء بالمستقبل وحياتي بتمشي عاديه مثل حياة أي شخص بدون مشاكل ولا فضايح لان الله أرحم بنا من نفوسنا واذا علم بصدقي ما راح يعذبني ورغم كل الكلام اللي بقلبي والتخوفات اللي حاستها واللي كانوا يساعدوني فيها مرات ومرات ومرات عشان اتجاوزها ومن غير ما يتمللون مع اني بكل مره ارجع اعيد عليهم نفس الكلام ويتحملون كلامي وبكل مره اقتنع بكلامهم وما يمر يومين الا وترجع لي الحاله وانت جيت وقلت عكس الكلام اللي قالوه بالضبط وكأنك تثبت لي الاشياء اللي خايفه منها ما انكر رجعت اخااااااف وصرت خايفه اواجه أي شيء او اقدم على اي خطوه فيما يختص بعلاقتي مع ربي .. انا احاول اصلحها وواثقه برحمة الله ومغفرته لكن انا .. نفسي .. اهلي .. مجمتعي .. هذا اللي مخوفني انا من الاساس ماعندي ثقة بنفسي وشخصيتي مهزوزه .. ومع كل اللي مريت فيه صرت اكثر من قبل |
رد : الاخوان الافاضل abo marym و khaled boss و مارد الجنوب و المتفائل بالل
وعليكم السلام ورحمة الله تعالى وبركاته
تسمحيلي أجاوبج بعدة أسألة ؟؟ أنتي قبل لا اتكلمين ماكنتي اتعرفين ان هالشي حرام شرعاً ولا يرضي الله ولارسولة ولا عبادة ولا حتى جميع مخلوقاتة وان عواقبة وخيمة في الدنيا والآخرة ؟؟ ماتدرين ان هالشي راح يلعب بسمعة أهلج ؟؟ مافكرتي بالفضيحة في حال إن كشفتي !! ماتدرين ان هالشي راح يعطل نصيبك ونصيب خواتك في حال لاسمح الله توسعت الفضيحة؟؟ مافكرتي بأمك المسكينة اللي تعبت في تربيتج ؟؟ مافكرتي بأبوج واخوانج وصورتهم بين الرجال؟؟ لو افترضنا أن وازعك الديني ضعيف وانك غبية "محشومة" ماحاولت فطرتك السليمة ان تردعك عن هالخطوة؟ طيب ضميرك الحي ماحاول يقولك حرام عليكي مايجوز؟؟ |
رد : الاخوان الافاضل abo marym و khaled boss و مارد الجنوب و المتفائل بالل
تحمليني لازم احط ايدي على الجرح لان العلاج دائماً يلجألة الإنسان لما يحس بالألم الحقيقي
كما اتمنى من افاضلي وأساتذتي (ابو مريم ، ومارد الجنوب ، والزعيم خالد ) بعدم التدخل في حواري مع الأخت للوصول للغاية المرجوة ولكم جزيل الشكر والإمتنان. |
رد : الاخوان الافاضل abo marym و khaled boss و مارد الجنوب و المتفائل بالل
نرجع للنقاط
انت قلت ما في بنت اصيله ترخص نفسها للتراب الا اللي اصلا رخيصه انا ما بنكر واقول ما غلطت انا اعترف اني غلطت وغلطتي كبيره حتى لو ما وصلت للصور او المقابلات او شيء اكبر ولا بجلس ابرر لنفسي واقول عشان كذا وعشان كذا انا غلطت انت اكيد شفت موضوعاتي السابقه وعرفت وضعي بالضبط وانا وش سويت ووش قلت عن نفسي لكن كلامك هذا كبيييير حيل اعتبر نفسي خاينه وغلطانه وما استحق لكني رخيصه .. ما اقبلها على نفسي كل انسان يغلط وكلنا معرضين للخطأ انا الحمدلله تربيت في بيت الكل يحسدني عليه .. واهلي علموني على الاخلاق وعمري ما غلطت قبل يوم غلطت جيت وغلطت هالغلطه الكبيره حتى كنت حافظه اجزاء من القرآن واشارك بمراكز التحفيظ ومتفوقه بدراستي (ادري هذي الاشياء ما تشفع لي بالعكس بتخليك تحقد علي اكثر لان المفروض هالاشياء تحفزني اصير احسن مو اسوأ) لكني مو رخيصه .. ومو كلنا لنا نفس الاسباب اللي تخلينا نغلط هذي الغلطه انا اعترف ما كان عندي سبب يخليني انجرف كذا غير صديقات السوء ولو كنت صاحبة رأي وثقة بنفسي وقدرة على الثبات على القرار كنت اعترضت وما سويت كذا .. وبعد هذا مو سبب ولو ما كان عندي مبدأ .. كنت رضيت اطلع معه او ارسل له صور او اعطيه معلومات عن نفسي او حتى اجاريه بكلامه الدنيء لكني ما رضيييت (ويمكن هذا الشي الوحيد الصح اللي سويته) صدقني اخوي .. مو كلنا نتشابه في السبب ولا في الوضع ولا كلنا ندور على شيء واحد فيه بنات وانا منهم ما كانوا يدركون حجم الشيء اللي يسوونه وكانوا يعتبرونه شيء عادي (وهذا ما يبرر لي لكن هذا اللي صار) وفيه بنات يهمهم شرفهم رغم كل شيء وهذا اللي حاولت احافظ عليه رغم اني كنت اعرف اني غلطانه وانا اكلمه واستمريت صح كلامك .. البنت كلها شرف من فوقها لتحتها مثل ما نقول .. لكني احمد ربي قدرت احافظ على نفسي ولو بنسبة 60% وهذا الشيء اللي مهون علي اكثر شيء آلمني بكلامك انك تقول خاينه ورخيصه وماعندها مبدأ وغير شريفه هذي الكلمات حتى لو كانت صح لكنها تعور بتقول لي ليش ما ابتعدت يوم حسيت بنفسي .. انا بنفسي ماني عارفه الجواب واتمنى لو يرجع فيني الزمن وما اضيع نفسي ولا شرفي ادري بتقولي مانفعتني التربيه .. ووين دور اهلي .. هذا بتلقاه بكلامي قبل والله يشهد اهلي ما قصروا معي ولا بتربيتي وهذا كله غلطتي انا وانا اتحملها وما اتحمل احد يقول لي ان رب العالمين بيحاسبهم على اللي سويته انا ادعي ربي بكل وقت انه ما يحاسبهم .. لاني كنت "شيطان" وقدرت ما احسسهم بشيء وعندي تعليق بسيط واعذرني عليه انا ادري كل كلامك نابع من غيرتك على اخواتك "بنات المسلمين" وخوفك عليهم لكن طريقتك بالكلام تخووف وفيها كثير من القسوه والشده في البدايه والله العظيم كلامك سبب لي أزمه مع نفسي وصلت لدرجة المرض يومين خلاني ايأس من التغيير واني اصير احسن .. لاني لو مهما تحسنت او تغيرت راح يبقى هالشيء ملازم لي في حياتي وما بقدر اتخلص منه واني لازم اذبح نفسي او ادعي على نفسي بالموت عشان اتخلص من العذاب اللي راح اعيشه بحياتي لكني لاني حابه اتغير وابي ولاني مقتنعه بكلامك اللي قلته وفاهمه عليك حبيت اناقشك .. عشان افهم اكثر واشوف انا وش وضعي لاني مشوشه وما بقدر اتجاوز الا لين تخلصت من كل شيء بانتظار تعليقك وكل ما تود قوله .. بس باقي نقطتين |
| الساعة الآن 12:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©