منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   الظاهر هذي النهاية ..[مستجدات في الرد -102-122] (http://www.66n.com/forums/showthread.php?t=245839)

حالم مجنون 01-08-2013 01:35 AM

رد : الظاهر هذي النهاية..
 
نصيحة مني امشي على نفس إتفاقكم.

لست كغيري* 01-08-2013 05:57 AM

رد : الظاهر هذي النهاية..
 
تحدثت مع زوجي قبل قليل بهدوء لاني حسيته متضايق مرة وقلت له اذا متضايق اني بعيد عن اهلي علمني .. اذا هالشي يضايقك خلاص بروح معك .. قال لا مو مسألة انك بتعيدين عن اهلك بس لان ما ابي اعيد بديرة وانتي بديرة .. وبعدين من ذيك الليلة متغيرة .. قلت لي انك خلاص بتعيدين عند اهلك بعد ما اتفقنا نعيد سوا .. وحتى البيت اللي بغيتي تشتريه هنا في مدينتي بطلتي وقلتي بتشترين عند اهلك .. بس قلت فلوسك مالي دخل فيها وقلت العبرة في الخواتيم قلت اشوف وش بيصير في الاخير .. وحاس ان احد قلب مخك من اهلك .. قلت ما احد قلب مخي بس انا فكرت وقررت كذا .. قال ليش طيب .. قلت لان لو صار شي ولا شي هنا وين اروح .. اقل شي هناك اهلي موجودين .. قال مثل ايش يعني قلت يعني لو تجيك وظيفة حكومية او شي .. قال انا ماراح اطلع من هالمدينة مالي رزق الا فيها .. قلت طيب انا ماقلت لك في الملكة انك تنقل وانت وافقت .. قال حاولت انقل ماقدرت والعيشة في ذيك المدينة ما ابيها .. قلت اجل تعيش بمدينة وانا بمدينة قال بكيفك تبين تنقلين هنا ولا نظل كذا ..


وبعد ربع ساعة قال انا بروح الدوام تبين ارجع اذا بتخافين ولا انام بالدوام لان احيان ينام بالدوام .. قلت عادي .. قال كل شي عندك عادي .. قلت من جد ماراح اخاف مو امس نمت بالدوام ونمت لحالي .. قال امس كنت تعبان وماقدرت ارجع .. قلت اللي تشوفه .. قال وش فيك .. قلت ولا شي .. قال انتي مو طبيعية .. واخوك من دخل البيت جاب شره معه .. طلع وخلى شره هنا .. وهو طالع من باب الغرفة قلت لاتدخل اخوي في الموضوع .. وطلع وقفل الباب ..قمت رسلت له رسالة قلت له انت ليش تسوي معي كذا .. الله ياخذني ويرحك مني .. وانا بروح معك وين ماتروح ولا بفتح فمي بحرف اهم شي ترضى ..

على فكرة توني قبل امس شريت له هدية ميني ايباد لان نفسه فيه من زمان ..

لست كغيري* 01-08-2013 06:06 AM

رد : الظاهر هذي النهاية..
 
رد علي برسالة الان تقول: المسأله ماهي مسألة روحه المسأله صارت عدم ثقه وصرت اعرف ان بيجي يوم وتتخلين عني.

لست كغيري* 01-08-2013 06:23 AM

رد : الظاهر هذي النهاية..
 
انتظر تعليقاتكم .. مدري وش اسوي؟

هل اسافر معه عند اهله .. ام ابقى على اتفاقنا واعيد عند اهلي؟

مارأيكم بهذا الرجل هل يستحق مني ان انقل وظيفتي على مدينته ؟ واشتري بيت او ارض بنفس مدينته ام احذر منه خوفا من المستقبل واشتري عند اهلي؟؟

مدري تفكيري صح ؟؟ واذا غلط وين الصح ؟؟ ارشدوني جزاكم الله خير ..

بسمـة امل 01-08-2013 06:40 AM

رد : الظاهر هذي النهاية..
 
يا اختي الموضوع ان شاء الله بسيط .. عيدي عند اهله وبعدين سافروا عادي مافي مشكلة .. بسطي الامور ولا تشدين عشان ماتصير تراكمات عندك وعنده ويجي يوم تنفجرون .. حلو الواحد يكون حذر من البداية بس سالفة انك تشترين بيت او ارض عادي حتى لوشريتيها في مدينته ايضا مافي خوف مادام كل شيء بأسمك الا اذا كانت للاستثمار وعند اهلك التجارة افضل مافي مشكلة ممكن تقنعينه انه استثمار تجاري .. وحاولي انك تبعدين عنك افكار( لو صار في المستقبل ) ان شاء الله ماراح يصير شيء واحرصي على بيتك وزوجك وان شاء الله عيالك .. ومن ناحيتي زوجك ان شاء الله مامنه خوف ويحاول يرضيك فلا تزيدينها شوي بعدين يطفش .. مادام مب مقصر في اي شيء ويخاف ربه لاتخافين من هالناحية بإذن الله .. وانت بعد لاتقصرين يعني بالمثل ...

والله يهدي سركم ويبعد عنكم الشر .. موفقه حبيبتي

بسمـة امل 01-08-2013 06:47 AM

رد : الظاهر هذي النهاية..
 
نسيت سالفة الوظيفة دايم المرأه تلحق زوجها ومشاكلك انت وزوجك ماهي بمشاكل تخوف او تخلي الواحد يفكر لاتخلين الشيطان يوسوس لك .. اعرف وحده من زميلاتي تزوجت وزوجها في ديره وهي في ديره وصبر عليها وكانت تطلب نقل وماجاها مع انها عايشه مع اهلها ومرتاحة بس سبحان الله مافي استقرار عاطفي وهو مب مقصر كل اسبوعين يجي عندها وتسافر له في الاجازات الين الله كتب نقلها ومبسوطة وهي بعيده عن اهلها وفي ديرة اهله ..

رغدة 000 01-08-2013 06:54 AM

رد : الظاهر هذي النهاية..
 
اقتباس:

المشاركة الأصلية كتبت بواسطة أحبه حبيبي (المشاركة 2948770)
انتظر تعليقاتكم .. مدري وش اسوي؟

ارسلي رسالة توضحي فيها انك مستحيل تتركيه وستثبتك لك الايام وانا الان معك ولم اترك

هل اسافر معه عند اهله .. ام ابقى على اتفاقنا واعيد عند اهلي؟


نعم سافري وقولي سافرت من اجلك


مارأيكم بهذا الرجل هل يستحق مني ان انقل وظيفتي على مدينته ؟ واشتري بيت او ارض بنفس مدينته ام احذر منه خوفا من المستقبل واشتري عند اهلي؟؟


الان خلينا في العيد واما العمل والبيت لا تتخذي القرار الان اهدي ثم قرري واذا فاتحه معك قولي كل شيء بيصير بحب وضا وكل شيء اعمليه باسمك



مدري تفكيري صح ؟؟ واذا غلط وين الصح ؟؟ ارشدوني جزاكم الله خير ..

يا حبيبتي احبه ترا بيطفش وشكله تعب هو وصلت له رسالة انك زعلانة بما صار لاخوك وارى انك اخذتي موقف وانتهى
حاولي الان تراضيه وتعدي الماء لمجاريها وانتي تعرفي كيف الطريقة اللي تدخلي له بيها

لا تنسي الاستخارة والدعاء

مرام سعود 01-08-2013 08:30 AM

رد : الظاهر هذي النهاية..
 
ايش مناسبة الهديه الميني ايباد ؟؟؟؟

للحياة امل 01-08-2013 09:02 AM

رد : الظاهر هذي النهاية..
 
اختي لو انا مكانك بشتري بيت عند اهلي
اولا ماتضمني الظروف فكري لبعيد لاقدر الله تفرقتوا او بعيد الشر توفى بتجلسي ببيتك ولا بتروحي لاهلك
الا اذا تقدري تشتري بعدين بيت عند اهلك هذا شي ثاني

لست كغيري* 01-08-2013 09:10 AM

رد : الظاهر هذي النهاية..
 
اقتباس:

المشاركة الأصلية كتبت بواسطة مرام سعود (المشاركة 2948814)
ايش مناسبة الهديه الميني ايباد ؟؟؟؟

بمناسبة العيد


الساعة الآن 06:25 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©