|
رد : هل العنوسة مرهـ ام نحن نبالغ ؟
اقتباس:
بس ركزي في الدعوات تدعين بزواج هربتي منه انا نبي زواج مانهرب منه يعني زوج صالح :d الله يرزقنا من واسع فضله ويرزقنا الرضا بما قسم لنا |
رد : هل العنوسة مرهـ ام نحن نبالغ ؟
طيب ليه قلتي
افكر و انا اشيل عيال اختي كأني خدامتهم! لماذا كتبتيها و كانها تذمر و كذلم قلتي لا طلعات و لا وظيفة و لا فلوس تتونسي بها لذا جاء شيء من ردي لتوضيح ذلك |
رد : هل العنوسة مرهـ ام نحن نبالغ ؟
كلام مبتعثة عن فكرة عدم التفكير بشيء يجلبه
ألهمتني لكتابة هالرد،، والفكرة بشكل عام أراها صحيحة لو لاحظنا اي وحدة تتمنى تحمل مثلا ،، اول نصيحة وقفي تفكير واحملي،، لا يصير الحمل هاجس لك وح تحملي وهكذا،، وانا شخصيا كنت اهوجس بموضوع الحمل من بداية الزواج وعزز هالهواجس أسئلة الناس المتكررة بشكل غير منقطع ( هاه ، مافي شي بالطريق؟؟؛ حسسوني اني فعلا مو طبيعية لأنني ما حملت مع اني ما كملت عشر شهور زواج ، وبعد صولات وجولات في عالم الطب والأعشاب والممرخات بدون فايدة قررت انسى،، اي نعم ،، لأنني لازم اتناسى الفكرة ولا رح اتعب.. والحمد لله قدرت ، انشغلت بدراستي مع الزيارات والطلعات حتى وصلت لمرحلة انه لمن أكون فاضية ما يجي الموضوع في بالي ابدا حتى شوفه صور الاطفال ما عادت تهزني وتدمع عيني زي اول ،، آمنت ان الانسان يقدر يتغلب على أفكاره وفيه مقولة مو متذكرتها بالضبط مفادها ( أقوى جيش يمكن ان يواجهه الانسان هو جيش أفكاره) اتذكر زمااان اول ما اتخرجت كان نفسي اتوظف واصابني اليأس والجزع والتذمر من كثر ما قدمت ولا انقبلت وكتبت مقالة عن إحساسي هذا في مدونة لي كنت أضع بعض المقالات فيها ، ردت علي وحدة رد مستحيل أنساه وهذا نصه : (الحياة لا تتوقف على الوظيفة حبـيبتي , فلم تخلق الروح لتثبت وجودها بالوظيفة , الحياة ملئية بأشياء نجهلها ولنأخذ هذه الفرصة لنتعلمها .. أنا لي 4 سنوات ولله الحمد لم أبكي يوماً على هذه المدة لأنني حفظت القرآن فيها , شربت من معين الدين الشرعي .. قرأت حتى تلفت حواف الكتب :) ولم أحزن يوماً على عدم الوظيفة لو تفكرنا أنها نعمة لَ رضينا بما قسمه الله لنا .. وللعلم أن تخصصي علوم حاسب آلي :) بالعامية " عيشي يومك ولاتفكري بالوظيفة والرزق بيجيبه الله .. نقطتان وقوس مفتوح لروحك أختك ودق) لقد كتبت هذا الرد منذ اكثر من ثلاث سنوات لكنني لم أنساه الى الان ،، خاصة بعد ما أكرمني ربي بوظيفة أكاديمية ما كنت أحلم فيها ولله الحمد الخلاصة ( الأيام الجميلة قادمة فلتكن ايام انتظارنا لها حافلة (؛ تمنياتي لك بالتوفيق. وعلى فكرة البارحة كنت في زواج زميلة لي في مقاعد الدراسة وقد بلغت الثلاثين عاما كانت جميلة وفرحة ،، عقبالكم |
رد : هل العنوسة مرهـ ام نحن نبالغ ؟
المتزوجات /
لا ياناس بس احلفوا انتم لو سافر ولو تزوج ولو هجر قلبتوا الدنيا فوق تحت صح لا تنسوا نصايحكم هنا استعملوها في الازمات ولا تصيروا بالتشكي والتعاطف زي المتاخرات اللي شووه السمعة وهم بس المتاخرات اعطوا الشباب الفكرة ليش والمتزوجات ما اعطوا فكرة مدري بس يمكن الاخت عانس اول من ألف في علم العنوسة روحو بس شوفوا الكتب ولا تقولوا بس عانس مخترعة في هذا الشيء والشمس محد يغطيها بغربال ولا اعلم من هي اجدر بالطلب وكأنها مدري كيف العانس ام من هي عندها وتريد وتريد والله استغرب المطلقات / فئة مثلنا الفئة الثانية / هذه صكت نفسها عن الزواج عشان كذا كلامها المتأخرات / انتم حبيباتي والله أحبكم كثر الألم اللي فيكم يعني افهموا اسكتوا لعدة أسباب عندهم الفئة اللي غيركم صحيح ابغى ابشركم أنا وبفضل الله عندي نعم أكثر من المتزوجات عز ومال ومنصب وعلم وكل أم الحلو ما شاء الله تبارك الله ماشاء الله لاحول ولاقوة الا بالله صح نسيت حتى امومة عندي عندي ولد كافلته وخرجات ووناسة واخوان واخوات واخر دلع وشغل وكرف ووحدة طموح فوق الخيال وعندها شغل صح ابقولكم شغله على سالفة المشاريع عندي مشاريع بس انقضها كلها الغي كل شيء امسح كل شيء انهي كل شيء >> اللي يبغى يتأكد بالروابط اثبت له ذلك لا يحسب اني ابالغ في هذا الشيء كنت ساضعه لكن خفت يطير في سبيل فقط الزواج كيف الزواج فطرة وطبيعة وغريزة وكل هذا الكلام والكتب والعلم ثم لا توجه صحيح اجل اذا جات غريزة الجوع تكفون تكفون لا تاكلوا تمرجوا ولا اقول افضل انشغلوا بالكتب سؤال : شبعتي ؟؟ صح اذا زوجك وكنت تحبيه سافر ولا تزوج اهم شيء ولا يغيب الا يوم لا تقولي الاولاد ما يكفي انتم تقولون لا ما يكفي عندها كل شيء الزوج بس غاب او هجر قامت الدنيا واذا طلبت العانس زوج جاء الرد اللي ما ادري ايش يريد اهم شيء الا التناقض ونسيت شيء نعم نريد التعاطف اجل من يتشكي يريد القسوة ما كان كتب أحبك بعمق عانس الله يرزقك واحد ولا في الخيال ويشيلك على كفوف الراحة ويعزك عز لم يسبق وكل بنات المسلمين جاتني الحرارة من الردود والصدمة امرهم غريب |
رد : هل العنوسة مرهـ ام نحن نبالغ ؟
اقتباس:
مثل لين تزوجتي لو كل راح يسويه زوجك راح تنفعلين منه تقولينه راح ينهار بيتك مو عشان هو زوج مو مجبر يتحملك تصبرين واهلك الي مجبرين تتمردين مثل بعض البنات وبعدين انا وضحت الظروف الي تجبرنا نتمنى الزواج وبقوه عشان تكون الصوره واضحه |
رد : هل العنوسة مرهـ ام نحن نبالغ ؟
الذي أود معرفته صدقا : ما الهدف من هذا الموضوع ؟
أرى الردود بدأت تحتد وتجنح بعيدا سألت هل العنوسة مرة ؟ وكل جواب قال لا أو قريبا من هذا رددت عليه بأسلوب يعكس النقمة والمرارة ليس بيد أحد أن يزوجك إلا الله عز وجل . وإذا كنت تريدين من يتعاطف معك ويقول إنها مرة وعلقم والحياة دون زواج وجه آخر للموت .. فدونك هذه الإجابة ! لكن أخبريني ما الفائدة التي عادة إليك منها ؟! جدال وتعريض بالمتزوجات ورفض لأي حل إلا الزواج ... ثم ماذا ؟ تقولين قولا على سبيل الشكاية وإذا ذكرت لك إحداهن الحل .. قلت لا ، لا يصلح .. هؤلاء أهلي وإن جاروا أريد زوجا ينقذني من كل هذا ! والله لو كنا نملك جلبه لفعلنا ، ولكن الأمر بيد الله وحده عندنا مثل شعبي يقول : يا بنتي اتبعي مبكياتك لا تتبعين مضحكاتك اتبعي من يمحضك النصيحة لا من يتعاطف معه دون نظر لمصلحتك لن يبتليك الله إلا بشيء تقدرين على احتماله لينظر أتصبرين أم تكفرين والشكوى والتذمر وطلب التعاطف ليست من الإيمان بالقدر في شيء ! والله لو شئت تفنيد كل رد هنا لفعلت ، لكن وقتي أعز علي من هذا والأمر الآخر أن إخراجك مما أنت فيه أهم عندي من كل شيء حبا لك ورأفة بك لا تري الله من نفسك إلا ما يحب سليه وحده واشتكي إليه وحده واستغيثي به وحده فهو وحده القادر على كل شيء ولا تشتكي الخالق لخلقه .. فلن يغنوا عنك منه شيئا رغبتك في الزواج حق مشروع لا جدال فيه لكن أن تكون هاجسا معطلا أن تكون سببا لثورة مرة تكبتينها فهذا مما يضر بك ولا ينفعك ولا يغني عنك شيئا . |
رد : هل العنوسة مرهـ ام نحن نبالغ ؟
اقتباس:
طيب المتزوجة لما تشكي..ما ذا تاتيها.....حلول صح...بدائل صح اللي تأخرت لماذا لاتريد الاستماع لحلول او بدائل....حتى لاحظي كلمة حتى تتزوج.. لا اوافق من تقول لها لا تتزوجي..الزواج فيه كذا و كذا من العيوب و ايضا لا اوافق من تشد عليها ان ةالوضع مأساوي. و الحياة كئيبة و ماحد يحس فينا و نشحنها بالسلبيات |
رد : هل العنوسة مرهـ ام نحن نبالغ ؟
اقتباس:
قبل ما اكتب ابي اقول لك اني متعاطفةة جداً معك ولو بيدي حل ما قصرت وما رح ارد بعد هالرد الله يصلحك، ويصلحني عشان ما تزعلين طالما اهلك وهذا حقهم وما تبين تزعلينهم ليش تتشكين انك خدامه عندهم ما عرفنا لك الله يريح بالك ويرزقك السكينة والطمانينة |
رد : هل العنوسة مرهـ ام نحن نبالغ ؟
اقتباس:
يا الله على هالرد ينشرى بفلوس ولو انك قدامي حبيت على راسك احتاج انا هالرد قبل اي احد ثاني |
رد : هل العنوسة مرهـ ام نحن نبالغ ؟
اقتباس:
المشكله انهم يشوفون مالك حق في التعبير عن حالك وهم لو تكتب متزوجه زوجي تزوج علي شوفي كيف المواساة والحزن طيب اهي لها 15سنه متزوجه ومرتاحه وتزوج وحده يمكن مايشوفها شي ومكانها محفوظ ليه محد قال لها هالرد ولا يتجرى يقوله لها انا بالعكس مااتمنى لاي وحده الحزن لكن ليش مانشوف الا انفسنا والله يسعدهم ويوفقهم هذا الي اتمناه امييين يارب وانتي وكل البنات وان شاءالله مانشوف مثل هالمواضيع |
| الساعة الآن 02:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©