|
رد : ناوية على الطلاق بسبب عيوب زوجي
ن وش ذا ابي افهم وين المشكله ؟؟
ترا عادي لو وش ذا ابي افهم وين المشكله ؟؟ ترا عادي لو زوجك عصب عليك اذا جاك من الدوام حر وصيام مافيها شيء كلنا نعصب ولا انتي ملاك ؟ المشكله انو زوجك مايصلي ويمارس العاده غيره مافيه مشاكل انتي ماعندك حس مسؤليه ولا صبر ومدلعه روحك لو جبتي بيبي اجل وش بتسويين ؟؟ تقربي منه جلس عند التلفزيون اجلسي معه جيبي شاهي حلا قهوه الخ ليش تاركته من بعيد لبعيد الصقي فيه شاركيه جوه وهو بعدين بيتعود عليك ويشاركك جوك ويصير خاتم باصبعك بس اصصصصبري وترا الرجال يكره المره اللي ترادده ولا تحط راسها براسه عادي اذا هاوش وعصب ردي عليه باحترام وضحك عشان يستحي وعشان تكسبينه وبعدين دام تبين الطلاق ليش انهبلتي يوم قالك منب جاي اخذك وقلتي له مابي اكل وحدي والخ ؟ خليك قد الفكره ولا رح تضيعين وكمان انتي ضامنه نصيبك ايش بعد الطلاق ؟؟ اصبري الله يهديك وترا بافعالك ذي وتركك لزوجك تخلينه يتلاجئ لغيرك احتويه واتركي هالحركات البايخه عنك قال كرامه مين اللي هان كرامتك الحين الله يصلحك بس اصبببببري وتحملي والله الله بالاسلوب الطيب الحسن والدلع والاغراء قولي له سم وابشر بدلع وبطريقه مغريه مهب خير وش تبي عمرك ماجيت !!!!! |
رد : ناوية على الطلاق بسبب عيوب زوجي
لا تصححي سلوك زوجك وكأنك معلمه وهو الطفل
يحق له الهروب من حصة العقاب والتوبيخ |
رد : ناوية على الطلاق بسبب عيوب زوجي
يا بنت الحلال خفي شوي عليه
لا تلاحقيه على ك حركة وعلى كل كلمه بكره راح يطفش ويدور على وحده يفضفضلها منك ليش ما تكوني انت هاي الوحده تقربي منه اجلسي معاه شاركيه احلامه افهميه لكن لا تخنقيه انصحك تقرئي مقالات الاستشاريه ناعمة الهاشمي كل افكارك راح تتغير وراح تنظري للامور نظره ايجابيه وراح تحسي انك شايله هموم الكون على راسك على شي فاضي طولي بالك ولا تضلي تعاتبيه وتدوري على الخلل عنده ابدئي بنفسك صلحي علاقتك بالله الصلوات بوقتها الاستغفار الف مره باليوم اخرجي صدقه بنيه تفريج الهم خلي لك ورد يومي من القران اقرئي سوره البقره سر لكل زوجه حابه بيتها يستمر استمري عليها ولا تستعجلي النتائج اعطيه فرصه واثنين وثلاثه وطولي بالك الله يفرج همك ويسر امرك ويشرح صدرك ويهدي بالك امين |
رد : ناوية على الطلاق بسبب عيوب زوجي (مستجدات: الرد 75-76)
هل عمرج مدحتيه من قلبج
الرجل يحب ان يكون فارس احلام زوجته وهو البطل الفريد من نوعه وانت نازلة فيه نصايح ومواعظ كانه طفلج الرجل يحب ان هو اللي يعلم زوجته مو زوجته تعلمه صدقيني لو حاولتي تغيرينه ماراح تغيرينه ولا راح نكسبين شي غيري من نفسج كل شي يتغير |
رد : ناوية على الطلاق بسبب عيوب زوجي (مستجدات: الرد 75-76)
اتعلمين لماذا لا ينصت لك ولماذا لا يتحاور او حتى يكمل النقاش
لانك تتكلمين عن ما لا يرضيك فيه جربي وناقشيه فيما احببتيه فيه جربي وتقربي وتمكني من قلبه لا تكوني ندا له وكل رد له تفسيرينه عدم قبول لك لاحظي هو لا يتكلم عن عيوبك كل ما قاله بانه لا يعجبك شي احتمال كبير انتي تتذمرين من كل افعاله وكلماته وقد تفسيرينها خطأ وايضا يهمك تقديره واهتمامه وهذا يأتي لاحقا |
رد : ناوية على الطلاق بسبب عيوب زوجي (مستجدات: الرد 75-76)
مشكلتك بسيطه باذن الله
تعرفين شاب حديث الزواج متعود على الكركبه والفوضى عوديه انتي وحثيه عالصلاه واستمري بالدعاء وكثرة الاستغفار والله يريح بالك دنيا واخره |
رد : ناوية على الطلاق بسبب عيوب زوجي (مستجدات: الرد 75-76)
السلام عليكم
يعلم الله اختي الفاضله اني ماسجلت دخولي المنتدى الا عشان ارد على موضوعك بعد ماقرته.. ردي بيختلف عن الموجودين لاني قد عايشت هالفتره من حياتي معشخص مابغاه رغم اني حملت منه لكن تركته لاني كرهت الحياة معه قلق لانوم ولاراحة .. كانت فتره زواجي السابقه 6شهور لكن كرهتني في الحياه وقررت اني اتركه!! اول شيء بالنسبه لزوجك مايصلي فهو كافر زمايجوز انك تكونين معه وهو كافر! ثاني شيء يا أختي استخيري ربك وصدقيني ربي بيريح قلبك وربك يعوض خير صدقيني اني في سعاده الحين انا بنفسي ماتخيلها ربي عوضني بزوج صالح فيه كل المواصفات اللي ارغب فيها فوق ذلك ماتزوج وانا مطلقه وعندي بنت من قبل.. اتبعي احساسك ولاتسمعين كلام الناس انتي ماتزوجتي حتى تعذب نفسك خصوصا انك في بداية زواجك لااسمعين كلام احد الناس ماعاشوا حياتك!! دوري راحة نفسك رجال بيتعدل والا ينقلع بنات الناس مو لعبه .. وانتي مو ناقصك شيء حتى تعيشين هالعيشه!! االعمر بنعيشه مره والحياه ماتوقف على شخص وربي كريم ويعوض صدقيني اسفه على الاطالة حبيبتي |
رد : ناوية على الطلاق بسبب عيوب زوجي (مستجدات: الرد 75-76)
انا مستغربة الردود اللي توجهلك انتقادات .. عشان هي صريحة و قيادية صار اللوم عليك !!
أختي صاحبة الموضوع صلاح الرجل بصلاته وأخلاقه وحسن عشرته لزوجته اذا ما حصلتي هالامور فيه توكلي على الله واستخيري وادخلي طرف حكيم بينكم مثل ماقلت لك اول مرة وبعدها قرري حياتك معه او بدونه اسأل الله لك الفرج والحياة الطيبة السعيدة امين |
رد : ناوية على الطلاق بسبب عيوب زوجي (مستجدات: الرد 75-76)
كافر مره وحده !
هي قالت ياخر الصلاة صح ان اللي يسويه غلط وحرام لكن مهب كفر ياكافي علي طول كافر ! |
رد : ناوية على الطلاق بسبب عيوب زوجي (مستجدات: الرد 75-76)
اختي , انا قرأت موضوعك وتمعنت فيه ورأيي أن كل شي ممكن يزين بينكم لكن ضروري تراجعين مستشاره أسريه وتمشين على كلامها , وتشوفي النتائج ان شاء الله الى تحسن وبعدها تقررين.
لكن حسب مافهمت أنه ماأنجبتي منه لس ولذالك أهم شئ الان بالنسبة لك لاتنجبين طفل قبل ماتحسمين أمرك معه. رأيي أنه ممكن تتعايشين معه, بتغيير أسلوبك ويبدولي أنه هو ممكن يتغير , لكن لو قلتي لا ماقدر اصبر انا ابي الطلاق اقولك خلاص كيفك تطلقي , الله يسهل أمرك وهذا قرارك...لانه لس مافي اطفال راح يكونون ضحايا لهذا القرار. والطلاق بدون اطفال (وهذه وجهة نظري الشخصية) اخف بمراااحل مع وجود اطفال, لانه بعد الطلاق مافي شي يربطكم ببعض. ولان الضرر راح يقع على الطرفين ولن يقع على طرف ثالث ماله ذنب. حتى لوقرار الطلاق خطأ مو مشكلة ...كلنا نخطئ ونتحمل نتائج أخطاءنا , لكن الكارثة أن نورط قصر معنا في هذه الاخطاء وهم من حقهم يعيشون في بيئة سليمة صحية ومالهم ذنب . |
| الساعة الآن 02:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©