|
رد : أرجوكم أنقذوني حرمني أطفالي بمووووت
نفسي أخنقه ليييين يمووووت
وأرتاح من هالجحيم..يارب ثبتني وصبرني ع مابتلاني.. |
رد : أرجوكم أنقذوني حرمني أطفالي بمووووت
اختي هدئي من روعك ولن يخذلك الله عز وجل
قال النبي صلى الله عليه وسلم: من فرق بين الوالدة وولدها فرق بينه وبين أحبته يوم القيامة. رواه الترمذي وقال حديث حسن. وانتِ مظلومة وسينصرك الله عز وجل نحن في ايام مباركه ويوم عرفه مقبل علينا الجئي لله واكثري الدعاء والاستغفار وتقربي اليه بالطاعات والصيام والصدقة واصبري واحتسبي. لاتتعجلي واشغلي نفسك بالطاعات لعل الله يهديه ويردهم اليك دون ان تطلبي منه الرجوع اليه لانه بالتاكيد سوف يضع شروط ويزيد في عنادة وظلمه لابد من الصبر كوني قوية وثقي تماماً بالله وانه سوف ينصرك وقبل ان تقدمي على اي خطوة استخيررري. الله يفرج همك ويصبرك ويرد لك ابنائك عاجل غير اجل. |
رد : أرجوكم أنقذوني حرمني أطفالي بمووووت
الله يصبرك يا اختي ويجمع شملك مع ابنائك عاجلا غير آجل
يا اخوان لاتنسو الاخت من دعواتكم في يوم عرفه وانتم صائمون |
رد : أرجوكم أنقذوني حرمني أطفالي بمووووت
الله يعينك ويصبرك ويكتب لك الخير ويجبر بخاطرك
|
رد : أرجوكم أنقذوني حرمني أطفالي بموت مستجد 7
الله يجزاكم خيير ع دعوواتكم .ربي يجعله في موازين حسناتكم..
|
رد : أرجوكم أنقذوني حرمني أطفالي بموت مستجد 7
مساء الخير للجميع..بقولكم جديدي..
حسبي الله ونعم الوكيل..فيه أحد يبي يسمعني.. |
رد : أرجوكم أنقذوني حرمني أطفالي بموت مستجد 7
الله يطمن قلبك اكيد نبي نسمعك
|
رد : أرجوكم أنقذوني حرمني أطفالي بموت مستجد 7
أبوي دعاه لصلح..وقال ﻷبوي حنا
بينا مشاكل كثير.والحل الوحيد أني أعرس..شفتو وقااااحه وخبث وظلم زي كذا...حسبي الله ونعم الوكيل.. وقاله ابوي ..وين تبي تسكن بنتي قال أستاجر لها بيت ..والجديده أحطه عند أهلي قاله أبوي..الرجال حقه أربع..قال إيه بس أنا لازم أرسله وأعلمه بالوضع الجديد بشوف هي موافقه ولا لا... حسبي الله بدال مايحل المشكله ويحاول يعتذري عن اللي صار.. يدور العرس خبص السالفه خبص..يقاله يبي يأدبن ليه يأدبن..أنا اللي خنته وكلمت من وراه وطلعت مع الرجال..ولا هو اللي خااان حسبي الله عليه..الله ياخذ حقي منه.. قهررني خذا عيالي وفوقه يبي يعرس.. بحياتي شفت رجال زي مكره.. ابويا قال..طيعي شوري.وإذا أرسلك قولي ..الرجال حقه أربع..وحطني بيت لحال. خليه يجن..يحسبك تبين تنقهرين.وتقولين لا طلقني...قلت يبه بس والله قهر. قال عاد بكيفك..بس أنا أبيك ماتفرقين أنتي وعيالك..وهو بكيفه ياخذ عشرر قلت يبه أنا توني صغيره..وهو كذا قهرني..قال أبوي بكيفك..بس فكري بعيالك...وأنا صراحه مثل أنا ماهميته هووو ماهمني..اللي يهمني بالموضوع عيالي وبس..شورو علي..وش أسوي تكفوون لو دعاء.. |
رد : أرجوكم أنقذوني حرمني أطفالي بموت مستجد 7
الله يطمن قلبك ويسعدك ياريوان
|
رد : أرجوكم أنقذوني حرمني أطفالي بموت مستجد 7
طالما همك عيالك ارضي بالوضع وخليك في بيت معاهم وتحت جناحك يملون عليك حياتك ومع الايام بتنسين سالفة زواجه من الثانية وبتشوفينها نعمة انه ينشغل عنك بها
خلي هدفك جمعة اولادك وبعدهاكل شي يهون في نظرك |
| الساعة الآن 02:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©