|
رد: عصبيته بتكرهني فيه!
اقتباس:
وانا اقرأ مواقفك معه ونقاشكم يضيق صدري واستنى متى يخلص ردك عشان أتنفس!! فما بالك بزوجك.؟ اترك الجواب لك |
رد: عصبيته بتكرهني فيه!
مررا اسلوبك يرفع الضغط
ذكرتيني بولدي يناقشني دايم بكل شي ومع انه ولدي وقطعه مني والله احيانن ودي اصفقه كف طبعا مااضربه لكن دايم ياخذ تهزيئ قوي بسبب نقاشاته يابنت الحلال هالاسلوب منفررر كل ماشفتيه متضايق نشبتي بحلقه ليش تتضايق وليش تعاملني برسميه وقل لي كذا وهو معصب لاتنتظرين منه شي اسكتي واتركيه براحته لين يرجع لك براحته ولاتناقشين ابد ابد ابد من ناحية تصرفاته اقصد |
رد: عصبيته بتكرهني فيه!
السلام عليكم ورحمة الله وبركاته.
بالفعل كلام فاكهة صحيح، زوجك يكره التحقيق والتدقيق في الأسئلة تخلصي من ذلك.. وانتبهي على تصرفاتك كي لا يصل لمرحلة إنفجار.. الله يسعدك حبيبتي. |
رد: عصبيته بتكرهني فيه!
زين كم لش متزوجه ؟
انتي مسيطره وهو مسيطر فتتصادمون ناقشيه بعدين مو في وقت المشكله ، وابحثي الفرق بين العتاب واللوم عاتبي ولا تلومي |
رد: عصبيته بتكرهني فيه!
انا طلبت منكي تحديد موقف بعينه ولم تحددي وتكلمتي بعمومية
لذا سأحاول مجاراتك اقتباس:
|
رد: عصبيته بتكرهني فيه!
أخي عضو قديم معذرة فهمت غلط
بعطيك بعض المواقف المكررة جدا 1- احنا عندنا شغالة بالبيت مقسم وقتها بين قسمي وبين قسم ام العيال انه معتمدة على نفسي في اغلب الاحيان ما احب الكسل او الاعتماد عليها.. كانت عندنا عزيمة كبيرة ووقت اللي الشغالة كانت في قسم ام العيال انه قمت انظف بنفسي والشغل كان وايد واضطريت ازيح الكنبات وارفع الزوالي من الارض المهم مالك بالطويلة جاني ألم بالظهر وبالليل اشتد وايد لأني ما ارتحت عليه... فابي علاجي وما اقدر احط بنفسي وهذي كانت ليلتها بس لازم يقعد معاي ربع ساعة قبل لا يروح ينام خبرته اول ما رجع قال لي ليش ما تحطينها بنفسج ؟ قلت له ما اطول .. قال ليش ما قلتي للشغالة قلت له معقولة بكشف ؟ قال زين... انتظرت انتظرت توقعته آخر خمس دقايق بينفذ اللي قلته له.. خلص الوقت وهو للحين! قام بيمشي .. قلت له وظهري؟؟؟ قال اففف امشي بسرعة وليش ما قلتي من البداية وووو ومتنرفز حده قلت له بس خلاص مشكور.. ما يحتاج عصب اكثر... و صارت مشكلة كبيرة هو دقيق في الوقت جداً ومواعيده في كل شيء مضبوطه ووقته عنده من ذهب .. وأي دقيقة تفوت يعصب ويتنرفز أكثر ويحس ان دقيقة ثمنية من عمره مرت حتى لو ما عنده شغل بس لكل شيء وقت.... بس وقتها قلت له من اول ما دخل البيت وهو اللي سوف الأمر ! هذا الموقف يتكرر وايد اطلب منه شيء ويصير آخر الوقت ما سواه وتصير مشكلة على الوقت.. سوى بيطلع بره حق شغل او بيروح المكتب او او او ويتهمني ان اتعمد تأخيره! 2- قبل كذا شهر كان عندي مشوار طلبت منه يوديني له وهالمشوار يتكرر لمدة اسبوع تقريبا خلال شهرين وداني كذا مرة وآخر يوم قلت له ابيك توديني قال لي .. ام العيال تبي تروح مثل المشوار وانتي عندج سيارة .. روحي بسيارتج وانا اليوم باوديها والمرة الجاية برجع اوديج شافني تضايقت وعصب مني وقام يصارخ قلت له ليش تعصب طبيعي بتضايق وما ابيك تحسب حساب وجود سيارتي وما اقصد هالموقف بعينه وانه ما تكلمت ولا قلت لك شيء! هي لها حق مثلي يتهمني ان انا دايما ابيه يعاملني بالمثل يعني سويت جذي هناك سوو جذي هني يقول لي تركزين على أمور تافهه بينما انا اسوي لج امور اكبر من جذي واميزج فيها وما اميز غيرج فيها لا ام العيال ولا اخواتي ولا أحد فاهم قصدي صح ؟ وآنه هني اعترف بغلطي مليون بالمية... واحاول اركز في مواقف جاية بس ساعات الطبع يغلبني حتى لما كنت في بيت ابوي اذا ابوي سوى لأختي شيء وما سواه لي اقول له وانه ؟؟؟ ليش ما تسوي لي؟؟ وهذا الطبع الوالد اله يحفظه عودني عليه من صغري لأن دايما يجيب لأختي غرض و يجيب لي مثله بس الغرض مالي يخشه ويخبيه وينتظرني اقول له ليش ما جبت لي؟؟ ومشت جذي.... كيف اتغير؟ وشلون اتصرف ؟ 3- مرة قلت له متضايقة ... قال شسوي لج ؟ قلت ما ادري قال انا بعد ما ادري قلت له مثلا تسألني ليش افضفض لك تقرب مني ووو ... قال زين .. وسكت وغير الموضوع وقام يمزح بعد مدة شوي طويلة قلت له ضايق خلقي لأن صار جذي وجذي وجذي مع صديقاتي سكت وغير الموضوع بعد مدة شافني متضايقة ابوي مريض وكانت حالته صعبة ... قال ليش شفيج قلت له عن مرض ابوي قال لي قلت له روح المستشفى بس ابوج عنيد قلت له اي وهذا متعب نفسياتنا سكتت آخر فترة صارت بيننا مشاكل اقول له اذا متضايقة احتاج منك تطبطب علي وتعرفني مو من النوع اللي اتكلم للآخرين وانه اثق بك ووو قال باحاول ... واتصور هذي حدود قدرتي! 4- مرة قلت له متملله باروح بيت اهلي قال لي الليلة لا تروحين ( هني يبي الموضوع ينتهي بدون نقاش ) سألته ليش ؟ سكتت وغير الموضوع ( يبيني اسكت ) قلت له شفيك سكتت ؟؟ هم استمر في تبديل الموضوع قلت له قاعدة اكلمك قال تبين تروحين روحي قلت له ليش عيل قلت لي من البداية ما اروح انفجر زوجي وحدث ما يحدث في كل مشكلة فيتهمني إن آنه لحوحه ولجوجه وانه متعود في المجتمع كلامه يتنفذ ووو وان اذا يبي يغلق النقاش يُغلق هذي اكثر مواقف تتكرر بيننا بس بأشكال مختلفة dg وآنه اسرد الموقف حسيت ان انه شكثر ممله ونكدية مليت وآنه استرجعهم وما ألومه إذا انفجر.... شلون اتغير ؟ ابي خطوات للتغيير.. ما ابي اخسره... وابيه اذا شافني متضايقة يحس بي |
رد: عصبيته بتكرهني فيه!
مع العلم يا أخي كذا مرة يسألني شلون يعني ؟
واقول له شلون ويرجع يتكرر الموقف ويسأل شلون ويقول ما اعرف ولما اهدأ شوي يسوي اللي قلت عليه .. تهدأي؟! يعني كنتي ثائرة طيب ممكن توصفي لي ثورتك بالضبط (نبرة الصوت - الكلمات التي تختارينها - تعابير وجهك - حركات يدك - وقفتك ) بخصوص صوتي .. ما ارفعه أبداً جتى لو كنت بقمة عصبيتي , أخاف ارفع صوتي عليه , وما احب اقلل من احترامه , له وزنه ومعروف بالمجتمع والناس كلها تحترمه فما احبه يحس انه في بيته غير محترم! بس نبرة صوتيه عادةً " باكية " ، وهذا ينرفزه ما يبي يشوف دموعي يتنرفز!!!! كلماتي بالعادرة في هالموقف اقول له ابيك تحس بي أو حس فيني تعبانة محتاجة لقربك ما عندي غيرك تعابير وجهي حتى لو ما شاف دموعي يشوف عيوني مغورقة ومليانه دموع وكلماتي مرتجفة حركاتي دائما ما اشير جهة قلبي تلقائيا أو جهة قلبه هو الاشارة تكون بيد وحدة والاخرى ساكنة بحضني أو بنفس الايد امسح دموعي عادةً اكون قاعدة |
رد: عصبيته بتكرهني فيه!
اقتباس:
اقتباس:
اقتباس:
هذا حسيت فيه وآنه استرجع المواقف وانه اقرأ كنت حابسه نفسي لما يخلص الموقف اتنفس الصعداء!! cgg ادعوا لي اسيطر على نفسي |
رد: عصبيته بتكرهني فيه!
اقتباس:
سأبحث الآن ... من صرنا في بيت واحد 8 أشهر |
رد: عصبيته بتكرهني فيه!
اقتباس:
زوجش يحب يكون مطاع دقيق طموح ويخاف احد يعرقل مستقبله وطموحه ، عاطفتش استجداء فتقل هيبتش وسحرش انتي تستنفذين طاقته الايجابيه وتحولينها لسلبيه وطلباتش العاطفيه اكثر بكثييير من طلباتش الماديه ، بالنسبه له يشوف افضل واريح تطلبين مادي معنوي لاااا وما الومه سحبتي بطاريته كلها ما خليتي له شي jh اقري عن الذكاء العاطفي زين انتي كنتي مطلقه سابقا ممكن تذكرين كم استمر زواجش السابق والمده الفاصله بين طلاقش وزواجش الثاني ؟ |
| الساعة الآن 09:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©