رد: كيف اتعامل مع نوم زوجي خارج غرفتنا بذكاء
 

أخي الرسمي
مااقدر اقطع رسائلي مستحيل
راح ارسل رسايل عاديه
ونفس نصيحتك
انا ابي الاصلاح ماابي الجفاء يزيد وبعدها ماعاد يهتم ويتركني

رد: كيف اتعامل مع نوم زوجي خارج غرفتنا بذكاء
 

قصدك ماعاد ارسل رسايل محبه؟
أنا قصدي بالرسايل هذي انه المشاعر تتجدد
مو أضحك عليه عشان يرجع مثل اول
اذا تفكيره مثل ماقلتي عاد الله المستعان! !!!

رد: كيف اتعامل مع نوم زوجي خارج غرفتنا بذكاء
 

اذا زوجك متضايق شوي مو معناها انه ناوي يطلق .. هونيها تهون

وليه ما يكون فعلا قلق من شغله ومن أمور ثانية . في رجال تأثر عليهم الأحوال السياسية بشكل كبير .

شو رأيك تشاركيه اهتماماته بالرسائل ... يعني لما يرسل بأحوال السياسة جاوبي بشيء يناسبها .

مو معقول يكون مهموم ومتضايق ويقولك متضايق وانتي ترسلي له أشواق وقلوب وتشابك ايدي وكأنه كل واحد فيكم بوادي .

رد: كيف اتعامل مع نوم زوجي خارج غرفتنا بذكاء
 

اهلين خاله بيتا
انا اذا ارسل سياسة ارسل مثله اشاركه واكون معاه عالخط
لكن الصور اللي قلت عنها الصباح أرسلتها اليوم
بس رده كان قوي جددا علي
الله يهديه
وياخاله سالفة الطلاق هوا من أول زواجنا أي مشكله تصير يهددني
وكم مرات لدرجة يروح الحرم يستخير بالطلاق ولما تهدأ نفسيته
يرجع يعتذر ويندم انو بس فكر بالطلاق
انا عايشه معاه بدون إستقرار نفسي من البدايه
أحيان يرفعني فوق السما وأحياناً ينزلني تحت الارض

رد: كيف اتعامل مع نوم زوجي خارج غرفتنا بذكاء
 

والله حرام عليه اصعب شعور تحس فيه المرأه مع زجها عدم الأمان ...

من تجربه أقلك بداية زواجي كان زوجي احياناً يهددني بالطلاق وع قولك يرفعني فوق واذا نزلني كأني ولاشي

وجاء يوم عزمت أشوف صدقه من كذبه وحصلت مشكله وهددني قلت ابشر ماتجي الا ملابسي جاهزه وكتبت له كلام كثبر اني مااشعر بالامان معاك وكاني سلعه ووووو ورد علي انه اولادي امانه عندكم لو حصل لهم شي مااسامحكم والله صدقته لانه بكلامه هذا يبغاني اتراجع واذل نفسي وفعلاً جاء ومجهزه شناطي تخيلي فتح الدولاب فاضي الا من ملابسه وكان هادئ جداً وانا في الصاله وناداني قال خلينا ننام وماعارضت تمددت وحط يده ع يدي وحضني ونمنا بدون مناقشه حسيت بندمه وراح اليوم الثاني للدوام ورجعت الملابس والله من يومك الحمدلله ماذكرها

انتي ادرى بزوجك وبالي يفيد معاه المهم لازم تشعري بالامان معاه باي طريقه ..

الله يفرج همك...

رد: كيف اتعامل مع نوم زوجي خارج غرفتنا بذكاء
 

سالفةالطلاق رجع كررها الحين
وقال بشوف نفسي لاني على قوله جرحته
وأيام صبري على ضروفه الصعبه ماشفعت لي عنده نسى كل شي جميل مني وركز على اغلاطي
ونسي كل جرح منه وتقصير وبلاوي وركز على ميزاته! !!سبحان الله
وجالس يقسي نفسه بالتعامل معاي عشان يقدر يقرر وينفذ
هذا توقعي
يمكن تسرعت في حكمي ولكن تصرفاته مو عاديه
كان بالكثير يومين ويرضى اوول مرا يتعامل معاي وكأنه مو طايقني
ويكلمني بدون نفس وااضح انه فاهمني اني قلقت ومابي جونا كذا
لكن يلعب بأعصابي وعاجبه الدور

رد: كيف اتعامل مع نوم زوجي خارج غرفتنا بذكاء
 

متفائله ترى زوجي مززاااجي
ماله طبع معين
كل يوم شكل
للعلم لسى من شهر ونص قالي ماراح يفرقنا إلا الموت
ومستحيييل اسيبك كذا وبدون مناسبه الفتره الاخيره دايم يكررها
انا خفت صراحه لأنه دايما يقول شي ويسوي العكس
ماشاء الله تغيرت المشاعر وصار يقدر يبيع! !!
عشان كلمتين جارحه مني
اكذب عليكم لو قلت انو عادي عندي
والله مااتحمل الشي دا الطلاق صعب فيه اطفال بيتشتتون
ونفسيتي تعبانه مرررا مو شويا مررررا
ولما اتكلم معاه اضحك واتكلم باحترام معاه ولاكاني فاهمه انه متقصد يغير تعامله معلي

رد: كيف اتعامل مع نوم زوجي خارج غرفتنا بذكاء
 

خمنت وقولت يمكن وقت عصبيه قالها
وعشرين مرا قالها ليا قبل كذا لدرجة راح استفتى شيخ اذا وقع الطلاق وكان يبكي وهوا يصلي يدعي أنه يارب مايكون وقع
وكم مرا اطلب منه لايعيد تهديده وقلت له إذا ماتبغاني روح قول لأهلي ومع السلامه
اما تجلس تهين فيني مارضاها علي
بطل فترة سنه
والحين مختلفه الأمور
احسه ناوي يغير تعامله بشكل رسمي معاي ومع الأيام لو غلطت غلطه لو بسيطه
راح يسيب
خاصه انه مستفز ممكن يستفزني عشان يكون الغلط عليا

رد: كيف اتعامل مع نوم زوجي خارج غرفتنا بذكاء
 

اعذروني
جالسه احط توقعات سلبيه
لكن من خوفي ومن صوته اللي اسمعه مو عاجبني
يمكن لأنه هالمرا مو ندمان
العاده يندم ويتعوذ من الشيطان هالمرا غييير
الحمدلله على كل حال

رد: كيف اتعامل مع نوم زوجي خارج غرفتنا بذكاء
 

حبيبتي الله يفرج عليييك ليه كل ها القلق والتوتر انا متاكدة ما رح يطلق ولاشي هو فقط زعلان ومجروح ومصيره يرضاا

انت الحين تعاملي معه عادي وسوي كل واجباتك كزوجة وانا متاكدة لما يشوفك تعاملينه باحترام وهدوء رح يندم ويرجعلك

واذا سمحتي ايش الكلمتين اللي تفوهتي فيهم وزعلوه انا قريتهم بس اعذريني ما فهمت ؟