منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   العلاقات الأسرية والإجتماعية (http://www.66n.com/forums/forumdisplay.php?f=91)
-   -   رغبتي في سكن والدي وزوجته معنا .. ولكن ! (http://www.66n.com/forums/showthread.php?t=260403)

مهره 07-06-2015 12:39 PM

رد: رغبتي في سكن والدي وزوجته معنا .. ولكن !
 
اقتباس:

المشاركة الأصلية كتبت بواسطة فرح تايه ~ (المشاركة 3259448)
للأسف هاذي الحقيقة المُرة شئنا أم أبينا !!

لما نشوف مطلقين في المنتدى بيتزوجون بعد طلاقهم بفترة بسييطة نستغرب ونستهجن الموضوع ونقولهم خذوا بريك فترة !!

فما بالك واحد توفت عنه زوجته، بينهم عشرة طوووويلة ترى هالشيء مرفوض عرفا يعني الموضوع مو مسألة حلال ولا حرام حقه ولا مو حقه بس على الأقل بعد مدة معقولة !! عماتي بنفسهم قالوها ما كنا نتوقع يتزوج بعد أمك ! أبد وجهي علق ساعتها مدري أضحك ولا أبكي !!

وترى الهم اللي طاله .. طالنا .. والكاس اللي شرب منه .. شربنا منه .. الفرق الوحيد بينا إنه كمل حياته .. وإحنا وقفنا عند نفس النقطة .


نطلب من المطلق أو الأرمل الانتظار والتريث عشان خاطر نفسه في المقام الأول.

عشان يكون متأكد إنه تجاوز التجربة السابقة وما يتم في إطارها ولا يدور في فلكها .. ولا تأثر بشكل سلبي على حياته الجديدة .. وعلى شريكه الجديد.

لكن محد طلب من مطلق أو أرمل تأجيل زواجه عشان محد من اللي حوله يزعل ويشيل في خاطره!!


وحتى لما نطلب منه يتريث عشان خاطر عياله .. فهذا لما عياله يكونون صغار .. ونطلب منه يتأنى في اختيار زوجة يفترض إنها بتكون مقام الأم .. وبيكون متوقع منها شيء من الرعاية والمسؤولية منها تجاه عياله .. ولازم يختارها صح عشان هالمهة.

لكن لما العيال يكونون كبار فالوضع مختلف.


جبل حفيت 07-06-2015 12:48 PM

رد: رغبتي في سكن والدي وزوجته معنا .. ولكن !
 
الله يرحم الوالدة ويغفرلها ..
أشم ريحة غيرة من زوجة الأب وريحة أكتئاب ..

kooki3 07-06-2015 12:51 PM

رد: رغبتي في سكن والدي وزوجته معنا .. ولكن !
 
والله محد كاسر خاطري الا ابوش .. ضعفان ومهموم الله يكون بعونه

سألتيه شو مضيقك شو تاعبك ؟!

اشتري رضى ابوش ,, لا تحسرين وتندمين بعدين

هالبيت ما جمع فرق

أم الترف 07-06-2015 01:16 PM

رد: رغبتي في سكن والدي وزوجته معنا .. ولكن !
 
حاسه فيك فرح الله يرحم امك ويغفر لها ..
بيت امك اصحك تدخلينها فيه اول من يتعب انتي لانك رافضه داخلياً الزواج خلي هالبيت لك ولاخوانك وابوك تجتمعوا فيه ع ذكرى امك الله يرحمها لو دخلته مع مرور الزمن والاولاد تتوقع انها صاحبته ..
الحل ..
قولي لابوك باسلوبك اللين اللي يرقق قلب الاب انكم محتاجينه انتي واختك وتبونه وخليه اهو يجيب الحل للموضوع من عنده
او
قولي له اذا ينام عندكم يوم ورا يوم وعبروا عن احتياجكم له ..
او
اقترحي يشتري بيت لكم ولها ويجمعكم ولا تعتبرينه بيتها وتخجلين هذا بيت ابوك
واذا هي ارفضت يطلع الرفض منها مو منك افضل

همة نحو القمه 07-06-2015 02:08 PM

رد: رغبتي في سكن والدي وزوجته معنا .. ولكن !
 
اقتباس:

المشاركة الأصلية كتبت بواسطة kooki3 (المشاركة 3259478)
والله محد كاسر خاطري الا ابوش .. ضعفان ومهموم الله يكون بعونه

سألتيه شو مضيقك شو تاعبك ؟!

اشتري رضى ابوش ,, لا تحسرين وتندمين بعدين

هالبيت ما جمع فرق

نفسك
الله يكون في عونه محد من عياله فكر فيه
كلن يفكر في مصلحته

الأستاذ فهلوي 07-06-2015 07:32 PM

رد: رغبتي في سكن والدي وزوجته معنا .. ولكن !
 
تري حتي فرص زواجك انتي واختك تقل جدا في وضعكم

الاب موجود والاخوان موجودين وساكنات لحالهن

كثير من الخطاب سيهرب من وضع كهذا
والأرزاق بيد رب العالمين

فرح تايه ~ 08-06-2015 01:57 AM

رد: رغبتي في سكن والدي وزوجته معنا .. ولكن !
 
اقتباس:

نطلب من المطلق أو الأرمل الانتظار والتريث عشان خاطر نفسه في المقام الأول.

عشان يكون متأكد إنه تجاوز التجربة السابقة وما يتم في إطارها ولا يدور في فلكها .. ولا تأثر بشكل سلبي على حياته الجديدة .. وعلى شريكه الجديد.

لكن محد طلب من مطلق أو أرمل تأجيل زواجه عشان محد من اللي حوله يزعل ويشيل في خاطره!!


وحتى لما نطلب منه يتريث عشان خاطر عياله .. فهذا لما عياله يكونون صغار .. ونطلب منه يتأنى في اختيار زوجة يفترض إنها بتكون مقام الأم .. وبيكون متوقع منها شيء من الرعاية والمسؤولية منها تجاه عياله .. ولازم يختارها صح عشان هالمهة.

لكن لما العيال يكونون كبار فالوضع مختلف.
وعيالهم ومشاعرهم ليش معطيتهم صفر على الشمال !! ليش متجاهلتهم وكأنه مالهم علاقة في الموضوع مع إنهم طرف في المعادلة والخاسر الأكبر في الموضوع !!

واللي حوله على قولتك مو أخوانه ولا أصحابه ولا جيييرانه ولا ناس جايبهم من الشارع ذولا عيالهم إن ما ضحى عشانهم ميين بيضحي ؟؟!!

ولما تكون مهمة الأم والأب تنتهي عند عمر معين لأن كل اللي عليهم تأكيل وتشريب وصرف فلوس فقط ذيك الساعة نقول ( كبار وصغار ) .. ومن الأفضل وقتها نصيير نفس الأجانب بعد عمر معين يالله مع السلامة .

فرح تايه ~ 08-06-2015 02:02 AM

رد: رغبتي في سكن والدي وزوجته معنا .. ولكن !
 
اقتباس:

تري حتي فرص زواجك انتي واختك تقل جدا في وضعكم

الاب موجود والاخوان موجودين وساكنات لحالهن

كثير من الخطاب سيهرب من وضع كهذا
والأرزاق بيد رب العالمين
مو لهالدرجة عااااد !!

فرح تايه ~ 08-06-2015 02:11 AM

رد: رغبتي في سكن والدي وزوجته معنا .. ولكن !
 
اقتباس:

والله محد كاسر خاطري الا ابوش .. ضعفان ومهموم الله يكون بعونه

سألتيه شو مضيقك شو تاعبك ؟!

اشتري رضى ابوش ,, لا تحسرين وتندمين بعدين

هالبيت ما جمع فرق
هههه وش اللي مخليك متأكدة إنه الهم جايه من ورانا إحنا وش حليلنا ماسوينا له شيء يمكن مبتلش في اللي عنده !! أو حس إنه استعجل وعيش نفسه بين نارين !

اروى. 08-06-2015 02:17 AM

رد: رغبتي في سكن والدي وزوجته معنا .. ولكن !
 
ابوك >>رجل يحتااج لأنثى تعتني به وبإحتياجاته
وانتي تشوفي سعادته تعااسه لك


الساعة الآن 09:03 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©