|
رد: زوجتي أتعبتني !
عشان رمضان بداية الشهر لانه احنا اثنين فقط والبيت العائلة اكثر شوي وانا الموظف
طبعا أمي تصلح الشوربة لكن أضع في البيت في ثلاجتها كم كيس اذا تبي سحور وفي نصف الشهر ذبحت اخر بنفس الفكرة المصروف الشهري كم يكفي ؟ اذا حددت لها بتخلصه وتطلب مثلا نترك رمضان مصروف في شهر عادي ليس فيه التزامات كل شهر كوفيرة على الأقل 100 مع شحن 100 مع صيدلية احتياجات حدود 300 لان اذكر لك حبها للطببات البسيطة كما تقول لو جمعت لزاد اكثر اللي ذكرته فوق غير الحالات الطارئة اللي تتكرر شهريا زيارات هدايا مجاملات لانها شخصية تحب تروح وتجي صديقاتها وتتعرف في اي محيط لو دورة حاسب 3 شهور طلعت فيه بقروب جمعة شهرية !! لو حددت مبلغ انا متأكد بتخلصه على طول وتطلب بعده وتزن وترجع للعصيان والتمرد والحياة الكندية والتاكسل أصبحت اعاملها بالمثل حرمان انا شخص بيتوتي علاقاتي محدودة مجلسي قليل اللي يجيني غير اجتماعي فقط بيت مدرسة أسرة وأحيانا أمارس الرياضة العصر لكن لااكلفها مجاملات وزيارات وطبخ وو واعرف زملاء لي مجالسهم قلق واستراحات يوميا انا شخص اعمل وفق امكانياتي واحرم نفسي من أشياء ابيها لذات السبب هي لا تبي تعيش حياتها دون مراعاة لظروفه او نفسيتي او تساير طبعي او على الأقل ما تبعد عنه كثير وتقدم لي في البيت واجباتها حتى اشعر بقيمتي كزوج البيتين فاصل بينهم قلت رمضان بس او مناسبة كبيرة |
رد: زوجتي أتعبتني !
اقتباس:
وقالت لي بتال على اخوي قلت لها يوم روح ورجعه ووافقت رحت المركز كان عندي تحليل سائل وكان بعد كورس علاج ثلاث شهور ابر وحبوب هرمونية يعني لازم النفسية حلوة عشان التحليل تخيلو قبل ادخل المختبر أرسلت رسالة انا سافرت لأهلي اخوي جاني انقهرت وتوترت أرسلت لها انا قلت لا تسافرين لكن انت إنسانة مافيك جميل ! وقالت الشبكة ثم خلصت تحليل ويختل على الدكتور ورجعت البيت بعد السفر وكنت على أعصابي منها حتى التحليل بالقوة قدرت عليه !! وكان سي جداً والحمدلله وصلت البيت بعد سفر في نفس الليلة ولما وصلت لقيتها في البيت تقول ما سافرت ابيها مفاجأة لك وربي اني انقهرت بس يوم ونسيت كان اثر النتيجة اكبر من اثر ما فعلت بس قالت ترى رحت لبيت خالتي بيت خالتها بعيد شوي دون أذني مع ولد بنت خالتها هو صغير شوي ما ادري طبعا ما ناقشت ليه في بالي لو زعلت وعصبت تسوي سالفة وممكن تكبر وتروح إهلها وتقول راح جدة يتعالج وتركني بعدين جات مشكلة العيد الحسن لما راحت رجعت كل التفاصيل وتأكدت اني شخص ضيع كرامته لوحده تستغل ظروفه بطريقة ذكية اختي طبيعي أزعل 3 أعياد تروح أهلها ليه ما تعيد معي تبين الصراحة أحسن انها راحت على الأقل ارتب نفسي واعيش بهدوء انا أعيش تحت ضغط ولا احد مقدر |
رد: زوجتي أتعبتني !
أخي مشكلتك سهلة ان شاء وتحل كلها بالتغذية السليمة التي تبني جسمك بشكل صحيح ليعمل بشكل صحيح ...
فالحسم مثل البناء يحتاج لمواد معينة ليكون بناء صالح للاستخدام وقوي وقادر على مواجهة الظروف الصعبة ...، ابحث عن هذه الأسماء وتبحر في علمها وصدقني ستقول ( يا خسارة عمري اللي راح بدونه !) ريم العنزي اخصائية تغذية سام قباني د. أمل الأنصاري وهناك شخص معروف في انستقرام ب الدكتور باسل والله يفرجها عليك |
رد: زوجتي أتعبتني !
اخوي زوجتك تبيك (وسالفة الانجاب ماقدم ولا اخرت عندها والله اعلم)هي ماخذتها نقطة ضعف عندك ؛والله انها مبسوطه معك ؛لكن للاسف استغلت الوضع اعتقد الله يهديها ؛كم عمرها؟
|
رد: زوجتي أتعبتني !
عطها مصروف ثابت مع كل شهر وفهمها انها ماراح تزيد عليه ريال ..اما انها ماتساعد أمك اسمح لي هذا حقها صحيح ان مساعدة الوالدة فيه اجر لها بس اذا ماتبي مو ملزومه وفيه فتوى لابن عثيمين انه مايجوز الزوج يجبر زوجته على خدمة امه
وبالتوفيق اخوي |
رد: زوجتي أتعبتني !
اخي
لما تتهرب من المصروف الشهري انت تخاف تضيف ميزانيه الى ميرانيتك وارتباط جديد وتظن انك اذا اعطيتها كل مارادت افضل لكن هذا متعب نفسيا لك ولها وقليل من تتعدى سقف ميزانيتها اذا عرفت لن تحصل غيره مصروف حل المشاكل الماديه بينك وبينها وبعدين اقعد تفاهم معاها والله يرزقك بالذريه الصالحه اكثر استغفار وصدقه |
رد: زوجتي أتعبتني !
انت جرب يا اخي الكريم
3شهور عطها مصروف محرز و قل لها مافي غيره و كن قد كلمتك وشوف إِيش بيصير بما ان علاقتها بأهلك رسمية جدا وأنت بيتوتي فأتوقع انها تحب تكون عند أهلها طلعات و فلة انت سو برنامج لكم صغير بالعيد طلعة حلوة. مطعم. الفعاليات اللي تصير تروحوا لها |
رد: زوجتي أتعبتني !
اجلس مع نفسك واكتب سلبياتك وايجابياتك من وجهة نظرك ونظرها كذلك ايجابياتها وسلبياتها من وجهة نظرك احصر المشكلات وحط الاسباب وراجع نفسك شوف ايش اللي مريحك في زوجتك وايش اللي مضايقك منها استرخي وحسن من اكلك وشوف اخصائي تغذية يساعدك راح يتحسن مزاجك ونظرتك للمواقف وسيطرتك على انفعالاتك وبالتالي راح تقدر تحدد اساس المشاكل وتعالجه بهدوء وثقة
|
رد: زوجتي أتعبتني !
اساس مشكلتك ي اخي ليست ف المال ،.
جفاف الحياة بينكم تجعلك تدقق ف تحركات زوجتك لدرجة انك لا تستطيع نسيان المواقف مع قدمها ! وهذا الموضوع متعب لكما الاثنين ،، خرجت من حياتكما المودة والرحمة .. فأصبحتم كما البائع والمشتري ! بالنسبة لموضوع الاطفال .. انصحك ام تتجه لأطفال الانابيب مباشرة خارج اسوار المستشفيات السعودية (لتقدم الطب هنالك ).. وموضوع خروج زوجتك لاهلها ف الاعياد طبيعي فحسب م اقرأ هي تشعر بالغربة مع اهلك وانت تحاول جمعها بهم ،. فهي لاترى الراحة ابدا ،، اذا كنت تريدها معك جهز جدول للترفيه لكما فقط وستراها مرحبة ،، |
رد: زوجتي أتعبتني !
الله يرزقك ويرزق كل محروم الذريه الصالحه
واهتمامك بالعلاج شي طيب |
| الساعة الآن 09:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©