منتدى عالم الأسرة والمجتمع - كم مصروفك الشهري

بصراحه من بدايه الزواج عطاني مصروف الف ريال شهريا وكان بيزيده لي يعطيني الفين او ااف وخمسميه وانا الخبله قلت لانبي نوفر خلها الف
مابي اتذكر غبااااءي😢😢
ليومك هذا الف ريال مازادت ولانقصت
اللهم بعد ولاداتي يعطيني مبالغ بحكم التجهيزات للولاده والبيبي
خلال3اشهر اخذت منه سبع الاف ريال وكلها للبيبي ولي ولعلاجاتي والمستشفى
مالعبت بريال واخد

وزاد مرتبه ودخله وطلبته مصروف البيت بالبدايه اعطاني3000ريال لي وللبيت ولعيالي
وماتكفي اكتشفت اني ادفع مصروفي للبيت
وطلبته زياده وزاد 500
يعني مبلغ 3500لي ولثلاث اطفال ومطبخ
اعتبرها قليله مع ذلك مدبرتها ويزيد 200وثللثميه كل شهر
الاطفال خفايض وحليب وملابس

حاولت فيه يديد المصروف رااافض😣

الحمدلله ياااربي بس بيتي ناقصته اشياء كثيررره وقااعده احااول فيه

وبصراحه تدبيري للبيت احسن منه ماانقص شي وابيض وجهه لاهله وهو العكس له شهرين معه المصروف وماعطاني مصروفي ويقول مامعي فلوس وكل ماراح البقاله طلع ب400 قال برجعلك المصروف
ثالث مره ياخذ مني مصروف البيت عباله ماادبر ومسرفه ويكتشف اني احسن منه بس مااايعتررف

الصراحه مسؤوليه مصروف الاطفال والمطبخ

ومن تزوجته قبل الراتب اكتب كل شي ناقصه البيت ومايجيب كل شي محتاجينه الا لين مسكت انا المصروف

ارى ان المراه تمسك المصروف افضل من الرجل

وطلبته يعطيني راتبه ادبره له واوفر والمبالغ محفوظه وتحت عينه
فرضا يحتاج مبلغ لمستشفى او علاج او نزهه او رحله ومايلقى بيلقااه عندي

يعني المفروض فيه مبلغ كل شهر ينخش للطوارئ مبلغ طواري

وماوافق طبعا طير عيونه تسذا😳

وقلتله ودي نوفر لاجل نشتري ارض ونامن مستقبل عيالنا من الحين قال هذي نفكر بها بس يبي هو يجمع
وهو صراحه مايجمع اي مبلغ ع طول لاهله واهله اغنياء
بالعكس انا اللي اقوله بالاعياد والمناسبات عيد امك وابوك بمبلغ من غير الهديه انا اذكره

يعني بيجي الوقت اللي يفهم اني احسن منه