منتدى عالم الأسرة والمجتمع - نوعية ردود الزوج

صفحة 9 من 14

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - نوعية ردود الزوج (http://www.66n.com/forums/showthread.php?t=262600)

تحتَ الظلال

05-09-2015 02:53 PM

رد: نوعية ردود الزوج

اقتباس:

اليوم حصلت رسالة واتس منه طويلة عريضة مفادها إنه اذا ماتعدلت في المعاملة معه بيتزوج علي واحدة تحبه وتدلعه ،، قلت له الله يوفقك ويسعدك الحريم كثير وأنا من اليوم ورايح ماراح اهتم الا بنفسي وصحتي وبس،،

يعني بعد هذا الحب والدلع يهددني كذا !!! حسبي الله ونعم الوكيل

انت و اياه تعانون من مشكلة في فهمكم لبعض ^^ و الدليل رسالته الطويلة …
ايش هو الدلع اللي يبغاه؟
طبعا لاحظي انه حتى هو عنده مفهوم الدلع و التدليل و المحبة غير عن مفهومك و انت شايفة انك مدلعته و تحبينه

بنفس الوقت انت تشتكين منه و من مواقفه تجاهك و يمكن هو شايف انه يحبك و مدلعك و انك ما قدرتيه

ما فيه حل يا أحبه إلا إنكم ترخون لبعض شوي و توصلون لنقطة التقاء … و تتفهمون حاجات بعض و كل واحد فيكم يحاول يكتشف و يتفهم متطلبات الاخر و نظرته للامور بناء على شخصية الاخر مو كل واحد يطالب بشيء من وجهة نظره و من شخصيته … كذا بتقضون حياتكم بالعتاب و السبب اختلاف شخصيات و زوايا النظر …

الله يوفقكم

لست كغيري*

05-09-2015 02:53 PM

رد: نوعية ردود الزوج

اقتباس:

المشاركة الأصلية كتبت بواسطة هاجر9 (المشاركة 3302053)

عارفة نفسك مقصرة في ايش ?

اني اقوم بحقوقه وانا زعلانة ،، وزعلي كثير بس هالشيء غصب عني ،، وهو بعد مايفكر ابد يراضيني او يحتويني ،،

لست كغيري*

05-09-2015 02:55 PM

رد: نوعية ردود الزوج

اقتباس:

المشاركة الأصلية كتبت بواسطة تحتَ الظلال (المشاركة 3302057)

طيب الحين وش الحل من بعد رسالته الاخيرة ؟؟

بالله كيف ارجع اهتم فيه واحبه وهو مهددني يتزوج علي!!!

ريماس 3

05-09-2015 03:07 PM

رد: نوعية ردود الزوج

ياحبه ليش يوم هددك قلتي له الحريم واجد وتزوج
للاسف بيفهمها انك راضيه عن زواجه ..ومو بعيد تدخل الفكره لراسه

ياليتك يوم ارسل الرساله اخذتي تناقشينه وتشوفين اسبابه ووش عنده

لست كغيري*

05-09-2015 03:13 PM

رد: نوعية ردود الزوج

اقتباس:

المشاركة الأصلية كتبت بواسطة ريماس 3 (المشاركة 3302076)

لا عادي يروح يتزوج انسان يبيعني برخيص ماأبيه ،، وبعدين اذا في نيته يتزوج بيتزوج سواء قالي او لا،،

تحتَ الظلال

05-09-2015 03:26 PM

رد: نوعية ردود الزوج

اقتباس:

ياليتك يوم ارسل الرساله اخذتي تناقشينه وتشوفين اسبابه ووش عنده

+1

فعلا احبه خلي العواطف على الجنب هدي نفسك شوي و فكري زييين قبل تناقشينه و ناقشيه بكل ( عقلانية) و ( تجرد)
صح تهديده بالزواج جارح بس تراه للحين ما تزوج … و يجوز يكون مجرد تهديد لأنه ما عنده أسلوب يوصل لك اللي بنفسه غير استخدام أساليب ( خشنة) و ( هجومية) و أنت بدل تدورين السبب تروحين تاخذين موقف دفاع

لا تقولين ليه ما تسوي لي و انا اسوي لك كذا بترجعون لنفس النقطة …
كلميه بكل منطقية عن مفهومه للدلع و الحب لان انت شايفة من وجهة نظرك انك مدلعته و تحبينه / ايش النقاط اللي مخليته يشد عليك انتبهي تتنرفزين لكلامه اللي يرميه خلي عندك هدف و كملي نقاشك ( بعقلانية) بعيد عن العواطف و بعيد عن الشخصنة … و ترى فهمك له يريحك انت يا احبه …

لست كغيري*

05-09-2015 03:36 PM

رد: نوعية ردود الزوج

احس اني مو طايقته ،، رغم كل تضحياتي معه وحبي له وعطائي وصبري عليه يهددني بالزواج،،،

غـادة..

05-09-2015 03:47 PM

رد: نوعية ردود الزوج

اقتباس:

المشاركة الأصلية كتبت بواسطة أحبه حبيبي (المشاركة 3302092)

احس اني مو طايقته ،، رغم كل تضحياتي معه وحبي له وعطائي وصبري عليه يهددني بالزواج،،،

إيش هي التضحيات اللي تتكلمين عنها ؟!
وزوجك تتوقعين يعني ماضحى عشانك ؟

بختصر لك الموضوع .. الرجل مااا يبي بالدنيا الا زوجة تسره اذا جاء وتحفظه إذا غاب .. أما قدامه تزعلين وتمدين البوز مترين واذا راح عنك هلكتيه برسايل العتاب .. تتوقعين بيحبك والا بيدور وضاك بصراحة ؟

آخر رد لي ع موضوعك مع إنك تجاهلتِ ردي الأول .
نصيحتي الحقي ع زوجك طالما أرسلك فهو فعلاً مل ..

نبض الدان

05-09-2015 03:51 PM

رد: نوعية ردود الزوج

مااستفدتي من مشكلتك اللي قبل اسبوع..
تخيلي لو مارديتي عليه بسالفة ان الحريم كثير !!
بس صعدتي الموضوع

تحتَ الظلال

05-09-2015 04:11 PM

رد: نوعية ردود الزوج

اقتباس:

احس اني مو طايقته ،، رغم كل تضحياتي معه وحبي له وعطائي وصبري عليه يهددني بالزواج،،

الله يهديك يا أحبه قلت لك تهديده يجرحك و يوجعك … المك طبيعي من كلمته ما نقول تجردي من كل عواطفك اللي تحسينه خليه بيني و بين نفسك / بس لا تخلينها محور المشكلة و على اساس هالكلمة تفتحين مشكلة ثانية ……

طبعا المفروض تركزين ع السبب علشان نوصلون على الاقل لنقطة التقاء اما اذا ماسكة على التهديد ابشرك نفس السيناريو ينعاد انت ليه تهددني شسويت لك خسارة الحب و التضحية و تجيك الكلمات اللي تدمر نفسيتك و كذا يقط كلمة ثانية تجرح و تمسكينها عليه و تعاتبينه و هو يعصب و يرمي و …………

لا تركزين على التهديد الحين قد تركيزك على السبب اللي خلاه يقول كذا!

الساعة الآن 02:49 AM.

صفحة 9 من 14

عرض 40 مشاركات من هذا الموضوع لكل صفحة