|
رد: تطلب الطلاق بعد ثلاث ايام تم الطلاق رد72
اقتباس:
نعم آختى الكريمة حفظك الله |
رد: تطلب الطلاق بعد ثلاث ايام تم الطلاق رد72
والله وضعها مريب ويقلق
ممكن زي ماذكر الاخوان دلع او حسد او او او بس انا جاء ببالي شيء واتمنى ما اكون تعديت حدود الذوق بهالكلام ممكن الحرمه تتقبل رجل ما بكل شيء وتحبه وتعشقه بس بموضوع الفراش يكون فيه شيء ماتتقبله لان انا بزواجي الاول كنت نفس حركات زوجتك بالضبط وربي ع ما اقول شهيد الرجال كان معاي بقمة الكرم والطيب ووده بسوي لي المستحيل وانا بالبدايه كنت اعزه واحترمه جداً بس حب ماحبيته ابداً ولمن يجي وقت الفراش اكره حياتي وودي اموت ولا يقرب لي او حتى بس يلمسني بس ماكنت امنعه لاني ادري مايجوز بس كنت متضايقه منه بشكل لايوصف واهو لاحظ وشك فيني وجاء بباله اني اخونه قبل او اثناء الزواج فانقلبت حياتنا وصار يراقب البيت اذا طلع ويراقب جوالي وكل تحركاتي تحت مراقبته وانا اصلاً متحملته بالعافيه وزاد الطين بله وانفجرت بطلب الطلاق لاني خلاص ماعاد اقدر اتحمله ولا قدرت اتجاوب معاه خاصه بالفراش اما بباقي امور البيت كنت اطبخ له واهتم بادق تفاصيله الشخصيه ملابسه واغراضه بس لمن يجي الفراش هنا اكرهه كره مو طبيعي ومع ذالك ما امنعه وكانه نايم مع جدار بس والله مو بيدي اهو شيء نفسي بعكس ابو ولدي واهو ايضاً طلقني كنت اعشقه واحبه وماودي يفارقني صار بينا انسجام جميل وما اتوقع بعده راح اتقبل اي رجال ربي يهدي سركم ويختار لكن الي فيه خير وع فكره طلاق الاول لي كان برغبتي ولمن قال طالق سجدت لله شكر بان ريحني من هم ماكان يعلم فيه احد غيره الحمد لله ع كل حال |
رد: تطلب الطلاق بعد ثلاث ايام تم الطلاق رد72
طبعاً بعد مارديت
وانا ماقريت الا اول صفحه رجعت اقراء وتبين لي انك طلقت ربي يعوضك بالي تتمنى ويعوضها الله يعوض عليك ويرزقك بكل خير الدنيا والاخره |
رد: تطلب الطلاق بعد ثلاث ايام تم الطلاق رد72
اقتباس:
اهلا اختي عبير مرورك اكثر من جميل و ردك مقنع و فعلا يمكن يكون هاذا هو الواقع بس ما تبين لي اذا تقدري تقوليلنا سبب النفور منه لعلنا نتعلم و ننتبه لتصرف قد نراه ايجابي ولكنه سلبي . الحمد الله على كل حال بنسبة للمحكمة في حكم الخلع يحق للزوج طلب اي مبلغ بغض اذا لم يكن كاره لها انا لم اطلب المستحيل انا طلبت حق الزواج و المهر و الذهب و الهدايا لكن الشيخ رفض بحجة ان اسهل عليها و ان الله يعوض علي طيب انا ايش ذنبي ادفع في ليلتها 100 الف و بعدها تطلب طلاق الله لا يسامحهم |
رد: تطلب الطلاق بعد ثلاث ايام تم الطلاق رد72
اف 100 الف عليك انتا ليلة الزواج ليش تتحمل هالتكاليف الغير الزاميه يبون زواج يسووننه هم
احنا نعتبر من العوائل الكبيره بمنطقة الرياض ويرجع بعضنا للقصيم الزواج وحفلته على اهل البنت الزوج عليه المهر والشبكه وشقة الزوجيه اذا البنت واهلها يبو زواج كبير عليهم ان شالله بمليون هي واهلها يقومون فيه لنا اقارب من اعمامي الزواج على الرجل وصارو يتعبو حتى المطربه اللي تحيي الحفله عليه هو وشدخله المفروض يكون الاتفاق على ان الحفله ي النص بالنص او على اهل العروسه مثل ماهو متعارف عندنا بعوائلنا وهالشيء مسهل الزواج كثير لدرجة قليل جدا عندنا العوانس والله شاهد على كلامي لان كل الشباب يسعون للارتباط ب اقل التكاليف وهذا اللي صاير واشوفه بعد عن صديقات امي وجيراننا الزواج على اهل العروسه وانا مع هالشيء قلبا وقالبا مثلا اذا ماعندهم امكانيه خلوه عائلي وانتهينا واكثرهن بركه ايسرهن مهرا |
رد: تطلب الطلاق بعد ثلاث ايام تم الطلاق رد72
اخوي قليل من يسترد كافه المصاريف
وان رجع لك المهر خير وبركه والله يعوضك خير بباقي المصاريف في زواجي دفعت اكثر من المهر الي عطوني حفله زواج وغيره وتجهيز وطلقني هو وطبعا مالي حق استرد الخساير الي دفعتها لكن العوض عند رب العالمين الله كريم رحيم سامحهم دام رجعوا مهرك وتراها خيره وربي بيغنيك من واسع فضله |
رد: تطلب الطلاق بعد ثلاث ايام تم الطلاق رد72
ابشر بقولك وش اكثر شيء كرهته فيه
اول شيء •بلليلة الدخله هذا اهم حدث يقدر الرجال من خلاله يايكسب زوجته او ينفرها منه طول العمر ومو من الرجوله انه يطلع كل طاقته بهالليله خاصه لو كلن ماخذ بكر كان جداً سيء وماعنده اسلوب ابداً وكانه بس يبي يشوف قطرات الدم •مايهتم بنظافته الشخصيه بعض الرجال يتوقع ان دش سريع يفي بالغرض لا النظافه عنصر مهم من الطرفين واهي بداية القبول بينهم ومن بعد الفراش •كان يتكلم بالناس من باب السوالف وتوصل للاعراض وفيه الغيره المجنونه والشك ثم مسوي •حاتم الطائى ويبي يعزم بخلق الله 24 ساعه طول الاسبوع هذا الي يكرم ظيفه ويسيء لاهل بيته جداً غلط اوك اعزم مره بالاسبوع مو يومياً وياليته ظيف جاي من بعيد اي مخلوق يصادفه بدنيا سحبه معاه طيب لبيتك عليك حق وزوجتك تبي تجلس معاك تبي تطلع عندها ظرف نسق معها ليش تتعبها وتحرج نفسك والصراحه انا اكثر شيء كرهني فيه اني ما ارتحت معاه بالفراش كل العيوب الثانيه كانت هينه بس ماعاد تحملته ابداً اتمنى اكون افدتكم |
رد: تطلب الطلاق بعد ثلاث ايام تم الطلاق رد72
اقتباس:
لكنه غير مهم بالنسبة لنا .. ولن يفيدنا في شيء .. |
رد: تطلب الطلاق بعد ثلاث ايام تم الطلاق رد72
الله يعطيكي العافية اختي عبير
مشكلة الثقافة عندنا مبنيه على اسس غريبة يعني .. يجي يبي يتزوج و هو مو عارف كيف يتصرف و ما تثقف عن الزواج عامتها و علاقته كيف بتكون يقولك ( يتعلم بالفطره ، هذا احنى ما كنا نعرف و جبناكم و مبسوطين ) اكبر غلط الي قاعدين نسمعه . الوضع اختلف و الواحد لازم يتثقف قبل الدخول ف الزواج بنسبة للنظافة .. اتوقع كل الناس بالزمن هاذا فتحت و صار شي عادي ان الواحد يعرف يستخدم اللوشن و مقشرات و صنفرة و كريمات و معطرات و اكيد في اشياء ما قبل و ما بعد ان تكون ريحت جسمه و فمه نظيفة و زي ما يحب يشوف الي قدامه لازم هو يكون زيه اكبر غلط انك تبحث عن الدم ليش ... انت بطريقتك هاذي كانك شاك و حاب تتاكد يعني انت مو واثق و بكذا خسرت الثقة و الثقة عامود الزواج ان خسرته هدمت كل شي الله يوفقكم و يكتبلكم الخير و شكرا على مروركم الاكثر من رائع |
رد: تطلب الطلاق بعد ثلاث ايام تم الطلاق رد72
بالنسبة للزواج في غرب و جنوب المملكة ماشي على مبدا البنت مالها دخل بشي انت عليك كل شي البيت و السيارة و الوضيفة و الفرح او العرس و ما يقبلو بالقليل .. لا لازم شي مشررف و يعتبروه يقلل من قيمتهم اذا نقصت شي
فعلا الشمال و وسط المملكة ماشيين على مبدا البساطة و عدم التكلف و الزوج محمي بقوانين و الزوجه ايضا و كل شي مقسم |
| الساعة الآن 10:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©