منتدى عالم الأسرة والمجتمع - زوجتي صدمت بسيارتي#87

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زوجتي صدمت بسيارتي#87 (http://www.66n.com/forums/showthread.php?t=271084)

رد: زوجتي صدمت بسيارتي

اولا الحمدلله ع سلامتها و في الحديد و لا في العبيد

ثانيا تصرفها طبيعي بالنسبة للي وصفوه باللقافة او بأي وصف ثاني ..
و لا تلومها عشان علمت اهلك و دروا الجماعة كلهم
هي لو ما هي خايفة منك ما زبنت عند أمك ؛ يعني الخلل فيك بعد

اسمح و اصفح هذا هي اعتذرت و تكفلت بالتصليح
لا العقاب ولا الحرمان بيفيدكم بشيء ؛ لأن التصرف عفوي وهي انسانه عاقلة راكدة مستحيل تكرره

رد: زوجتي صدمت بسيارتي

أنا في رأيي تحاول تعدل من اسلوبها حين تخطيء .. وليس خطأها ..
كلنا نخطىء لكن طريقتها في الهروب من فعلتها تحتاج منك حزم .. كذا بتكون مثل الطفلة ومارح
تتعلم من اخطاءها لأن الكل راح يتوسطلها عندك تسامحها ويلملموا الموضوع وتنعاد الكرة كل مرة .!
الله يهديها ويصلح مابينكم ..

رد: زوجتي صدمت بسيارتي

.....
هو حر يعاقب أو يسامح هذا شيء يرجع له

رد: زوجتي صدمت بسيارتي

اقتباس:

المشاركة الأصلية كتبت بواسطة ابو البنات 111 (المشاركة 3486767)

...
هو حر يعاقب أو يسامح هذا شيء يرجع له

بارك الله فيك

رد: زوجتي صدمت بسيارتي

اقتباس:

المشاركة الأصلية كتبت بواسطة محب السنة (المشاركة 3486638)

سأقول لك رأيي قد لا يعجب البعض

عيشها العقاب فترة و لكن لا تعاقبها

فالمال أنت أكرم من أن تأخذ المال من زوجتك

و السفرة أنت أكرم من أن تحرمها من فرحة السفر في الإجازة

بس لا مانع من أن ترسل لها الفاتورة و تعيشها لحظات العقاب للدفع و لكن عند الدفع أخرج سيارتك و لا تأخذ منها شيء

و السفرة ممكن تخبرها بقرارك في إلغاء السفر
و لكن قبل الموعد بيومين أخبرها بأنك عدلت عن قرارك
و عيشوا جوا الرومنسية

وفقكم الله

مع هذا الرد ماشاءالله عليه،،، مهما كان لاتخليها تدفع مو زينه بحقك ..

رد: زوجتي صدمت بسيارتي

انا اقول تبيعها وتتحمل هي الفرق
ثم طلع لك كامري واترك عنك الفشخرة
قدامك رؤية ٢٠٣٠

رد: زوجتي صدمت بسيارتي

السلام عليكم

أسف على الانقطاع ،ومشكوين على تواجدكم ومشاركاتكم

يوم الاحد الصباح اخذت ورقة الاصلاح وديت السيارة للوكالة وقدرو الاصلاح مع قطع الغيار
ب12 الف وباب الكراج 8 الاف وتصليح الجدار الف وخمس مئة
وطلع مجموع المبلغ 21500 مايعادل 5700 دولار ارسلتهم لها وتس اب
وحولة والمبلغ بالحساب
ومثل ماوعدت الاخوت ونزول عند رغبتهن ومدى احترامي وتقدير لهن
رجعتهم يوم الاحد بليل
طبعا اول ماركبو نزلو لهم دمعتين خبركم الاكشن المعتاد ونا ياجبل
مايهزك ريح وصلنا البيت نزلتهم والصمت يسود الموقف وبعدها طلعت للاستراحة
مامداني ادخل الا هي تدق مارديت رجعت للبيت بعد ساعة ونص تقريبا
دخلت ونمت تكلمني والا ارد وضلينا على هالوضع الي اليوم العصر
كلمتني قلت اسمعي القافة تتركينها سواقها ولاتحلمين تمسكين الدركسون
شغلت انك اذا سويتي شي زبنتي عند أمي هذا شي ما اقبلة ابدا
ولا ابغاه يتكرر مرة ثانية يوم قلت لها السفرة ملغية تضايقة حيل
قالت الا السفرة قلت لو تنطبق الارض على السماء ما سافرتي.الان
اقضي اغلب وقتي مع عيالي بغرفة للاعاب ويقولون يابابا خلك دئما كذا
قلت بقلبي الله يبارك بالكزس.😅

بنسبة الي تقول لاصار مشكلة لازم يدري عنها عيال عمك ...الخ
الوالدة الله يحفظها صايرة مثل المركاز كل الاقارب يتجمعون عندها شبة يومي
بحكم انهم بيوت متجاورة حريم عماني و بنات عماني وزوجات عيالي عماني وحريم اخواني ...الخ
وستغربو وجود زوجتي لها تقريبا 3 أيام وتعرفون حريم يسئلون ليش فلانة لها 3 ايام
وانتم يالحريم ماتقصرون خبر عاجل وكل وحدة تعلم زوجها
ولي ما يشتري يتفرج يافضيحتك يا شاطئ الراحة بين العربان
الله يحازي الي كان السبب

رد: زوجتي صدمت بسيارتي

اقتباس:

المشاركة الأصلية كتبت بواسطة شاطى الراحة (المشاركة 3486884)

كله خيرة ..ما تدري يمكن عين صابتكم والحمد لله قدر ولطف.

رد: زوجتي صدمت بسيارتي

اقتباس:

المشاركة الأصلية كتبت بواسطة om omar78 (المشاركة 3486889)

كله خيرة ..ما تدري يمكن عين صابتكم والحمد لله قدر ولطف.

الضربة اللي توجع تعلم وتقوي..ولعله درس تستفيدان منه لحياتكم...الله يألف بين قلوبكم ويصلح ذات بينكم

رد: زوجتي صدمت بسيارتي

اقتباس:

المشاركة الأصلية كتبت بواسطة om omar78 (المشاركة 3486889)

كله خيرة ..ما تدري يمكن عين صابتكم والحمد لله قدر ولطف.

والله لقافة ماهي عين يام عمر